Outback Steakhouse (將軍澳中心)

一直都好鍾意食，不過以前通常食完就算，頂多同朋友講下「呢間嘢幾好」、「嗰度真係唔掂」。但次次食完冇紀錄，好快就會唔記得咗味道同感受。於是我決定開始寫食評，當係一個飲食日記，留底自己食過嘅每一餐，順便同大家分享。希望有日回頭睇，會記得當時食嘅唔止係味道，仲有當下嘅心情。【第一站：Outback Steakhouse (將軍澳 Park Central)】第一篇就由一間連鎖餐廳開始 —— Outback Steakhouse。今次去咗將軍澳 Park Central 分店，坐得幾舒服，環境都幾適合同朋友食飯傾計。落單點咗：🥗 Pepper Crusted Seared Ahi Tuna Salad吞拿魚做得唔錯，外層有少少香料胡椒脆皮，裏面保持鮮嫩，配上沙律菜，清新開胃。🌮 Steakhouse Nachos大大份，芝士同肉碎都好足，仲有酸忌廉點綴，食落濃味之餘唔會太膩，適合大家一齊share。🐷 BBQ Grilled Pork Ribs肉質算腍，燒烤醬味道幾濃，帶少少甜。🥩 Ribeye Steak主角之一，五成熟。肉味濃，油花分布得唔錯，食落唔會太乾。配菜有燒蒜頭、蘆筍同甜椒仔，十分香口。🥖 黑糖包配牛油（招牌送上）(Suppose)一坐低就有，暖暖地上枱，帶少少黑糖香甜，配牛油一流，好難唔食多兩舊。但我哋坐咗好耐，落埋單，上咗沙律同湯都未有，同侍應講，佢回以疑惑嘅眼神，後見佢 check 咗陣機先上返比我哋，感覺麻麻地，好似我哋呃佢咁。不過，要大讚 Reception 男同事，非常有禮貌 & 細心👍 好耐冇體驗過咁好嘅服務啦💯⸻【評分】環境：⭐️⭐️⭐️⭐️ 舒適闊落，適合同朋友聚會食物：⭐️⭐️⭐️⭐️ 牛扒同吞拿魚好食，Nachos 有驚喜服務：⭐️⭐️⭐️⭐️ Reception 傑出，其他一般價錢：⭐️⭐️⭐️ $1,313/三人，因為慶祝生日，食得比較放肆🤭⸻【總結】Outback 算係穩陣之選，食物水準保持到，價錢中上，主打牛扒同幾款小食。如果想穩陣聚餐，呢間係唔錯嘅選擇。…查看更多

家庭聚餐，突然間想食西餐，就揀咗屋企附近嘅扒房。Outback算係澳洲扒房代表，所以唔係好精緻嘅類別，但好處係份量一定多，一定夠食。例如今次叫咗個$2000嘅斧頭牛扒餐，話就話係四人食，其實六個人都夠。首先呢個斧頭牛扒非常大份，意外地好食，成熟到燒得啱啱好。嚟Outback有個特色就係飲品。喺度叫茶水可樂等等嘅飲品，雖然單點要$32，但可以任意refill。除此以外，呢度嘅黑糖麵包亦都可以任意refill。其他嘢食方面，我最鍾意係佢個白汁意粉。另外佢嘅薄餅、小食拼盤同沙律亦都唔錯，幾大份。…查看更多

咋晚為家人慶視生日飯，其實已一年冇去，點知現在水準好差，首先黎的餐湯全是不熱，好hea比客人，我認為因套餐包括的，然後rib eye steak質量差，煎出嚟仲唔掂，唔知點收$375價錢，面包蟹魚更難食，所以整餐鈑都忙善跟伙記理論咁，不是一餐享受生日飯的感覺，差評，一定不會再幫襯，也不需再做什麼會員吧！…查看更多

第一次食Outback 牛扒有啲硬（叫咗7成熟），有啲失望畢竟係專食牛扒嘅餐廳🥲至於薯片，好薄好脆，唔錯👍🏻唔會太油膩，食落去有啲香脆感，啲菜方面冇乜味就係煮熟嘅菜，冇乜特別驚喜，可能係因為冇加調味料，食起黎有啲失色。義大利麵幾好食🫰🏻😋！另外，佢地嘅黑糖麵包係任食！呢個麵包食落去帶住淡淡嘅黑糖香氣，食完主菜之後，可以食埋呢個甜品。📍Outback Steakhouse (將軍澳)將軍澳唐德街9號將軍澳中心G樓G43號舖…查看更多

Chef Ecy’s Dining Experience:🥰 Food | Ambience | Service | Easy Access | Wheelchair | Easy Parking 🙂 Restroom Cleanliness | Price😠 Pet Friendly | Corkage Fee | Cake Cutting FeeThis restaurant has many branches in Hong Kong. The one I went to is in Tseung Kwan O Park Central. It is located inside the shopping mall, so it is easy for parking and there is free parking for a certain spending limit. Also it is easy to access there by MTR Tseung Kwan O Station Exit B2. They have lift going up and down to different level, so wheelchair is ok too. There is no restroom inside the restaurant and have to use the one in the mall but they are clean & nice. The ambience is good, clean & comfortable inside the restaurant. Food presentation is good and the food quality is good too except the ribs. The steak is generally great. We ordered the Angus rib eye and it is very tender. The taste is great too… Pork is also good, salmon is great and salad is fresh. The ribs are too dry and the meat is not tender enough. Flavor is ok. They do charge corkage and cake cutting fyi… The price in the menu is relatively high to me for this kind of restaurant.…查看更多