Outback Steakhouse (將軍澳中心)

營業中

休息中

由於太鍾意食outback 嘅黑糖麵包，成日都去outback食lunch/ tea set (tea set 要額外加$10 ）。呢間Outback嘅員工服務態度好好，好有禮貌，會主動refill黑糖麵包，如果你食唔晒亦可打包走。依家抗疫期間，午市或下午茶自取外賣有九折優惠，好抵食

喺復活節假期嚟到outback食晚餐，不過可能因為有疫症，唔駛等位就入得。首先係送嘅黑糖麵包，個人覺得黑糖甜味好出，反而唔駛咁甜，第一舊上嘅比較乾身，之後encore嘅果舊反而仲暖暖哋軟熟啲。之後係招牌墨西哥牛肉粟米脆片($78)，份量好夠，啱啱上嘅時候熱辣辣好脆身，配埋啲芝士同cream好香，如果啲牛肉多返啲就好啦。不過一定要趁熱食，唔係就會容易變硬難啲咬。主角係美國頂級肉眼牛扒 （BLS Rib Eye $438），叫咗7成熟，不過因為用鐵板慶住所以熟咗啲。牛扒幾大塊同埋juicy，不過好似落鹽重手咗少少，價錢方面我自己就覺得偏貴。另外有跟餐嘅細沙律，有啲生菜同幾片芝士，味道正常。另一個主菜係愛麗絲燒雞胸 ($152)，上面有好多芝士同兩塊脆身嘅煙肉，下面係兩舊雞胸。芝士好惹味，但舊雞調味偏咸而且比較乾，唔太推薦大家食佢。加$10有個忌廉餐湯，好creamy，比較杰身，飲多咗可能會覺得漏。整體嚟講，服務唔錯，嘢食份量好夠3個人食，墨西哥牛肉粟米脆片真心好食，但呢個價位我期望主菜味道亦會好啲。

又到左每晩最傷腦筋嘅時候，收工同老公又喺屋企附近商場搵嘢食，之前join左個會員又見將軍澳開左分店，所以去試試。再一次証明冇失水準。座位寬敞坐得舒服又唔會好逼，服務都好好。點完菜送上一條熱辣辣嘅黑糖飽，仲可以無限添食，不過忘記左影相！再嚟點左個肉眼扒配薯條同甜薯，首先講講塊扒先，真係做到五成熟，濃濃牛味同有肉汁 👍🏻👍🏻因為之前試過去其他食店，煎得太熟同好硬。個甜薯係十個讚，好甜超讚。薯條又熱辣辣。另外一道菜係芝士白汁燒蝦寛麵，呢個又係每次去必點，個白汁好cream 又辣辣地，白汁配辣原來可以咁夾，個寬麵又軟硬適中，呢個寬麵冇得輸。再配埋杯stella 簡直一絕 😋😋

LUNCH SET 餐牌。前菜，湯，黑糖麵包 (可fill)燒盲槽魚柳 少少腥，肉質嫩滑香。燒肉醬味烤鷄 份量都幾大，但趁熱食應該比較好，冷了會鞋了點。香芒鷄肉沙律 鷄肉都系有少少鞋，香芒沙律菜還可以。黑毛豬扒 肉厚肉質軟熟彈牙，表面燒了井紋，好味。雞肉芝士夾餅 薄薄地裡面有足夠既咸咸地既芝士+少少鷄肉，不多不少，熱辣外脆內有肉既薯條，配上最緊要既醬汁！精華~！juicy既肉眼扒，易切，唔韌，軟熟厚肉有汁，幾咬就食完。咖啡比奶茶好。奶茶太淡只有茶包，自己加奶糖。咖啡比較有水準，奶都系自己落。總括：豬>牛>雞>魚OutBack系比一般餐廳貴，但系水準系度，水準同價錢比，系算抵食同值。

outback大家都吾陌生架啦 循例講下佢的lunch set先！其實都算抵食 因為有餐包、湯、沙律、主菜同野飲🤤 我覺得可能3個女仔share2份都應該夠🧐 我地分別叫左香辣燒蝦飯同燒加拿大帶骨黑毛豬排🥩 個飯有6-7隻蝦 新鮮的所以都彈牙！而飯面頭有啲烘過的紅蘿蔔絲 脆脆地 同飯一齊食會多種口感😋 我覺得佢陣辣味主要來自辣椒粉所以都吾會話太辣🤔 反而覺得個飯過分乾🤯 佢亦做吾到啲飯粒粒分明 有時有啲一舊舊🥴 所以我就覺得麻麻🤧 但另一個煮菜就好啲！因為舊黑毛豬排煎得好香 佢的肉味好重 但吾會系陣豬臊味👍🏻 切同咬落去都好腍！再加上小小油香真系好食❤️ 佢吾會有過多的調味 只系小小鹽咁 想就自己點下bbq汁咁 吾會遮左原本的肉味😚 底下都鋪左啲同頭先一樣的飯 隔離就有幾條用牛油炒過的豆😋 但其實最推系佢條餐包😆 勁好食！熱辣辣外脆內軟🤣 系黑糖提子包咁😌 質地鬆軟得來又有小小扎實👏🏻 吾搽牛油有佢原本的甜味 搽左就加上牛油的香👀 完全吾系出面是但一個餐包hea你！為左佢真系會想再來食🤗

Outback嘅午餐不嬲都份量好多，而且重點係佢個黑糖麵包係無限添加嘅！所以基本上係我同朋友傾計嘅好去處！佢個湯同埋沙律樣樣野我都好鍾意，其實我未食主菜之前已經會飽咗。。。佢個菜係好脆好新鮮，而蘑菇湯非常足料有一粒粒蘑菇係入邊！當我已經飽飽地嘅時候仲有呢一個燒春雞半隻，燒完之後完全唔會食落好老~仍然係滑身嘅~仲要底下有番茄洋蔥炒飯我又覺得好好食😫所以我嘅結局就係好飽好飽🤣🤣另外我嘅有人就叫咗雞胸肉芒果沙律，份量都非常之多仲有半嚿芒果~雞胸肉有調味過所以亦都煎得好香🥳最後就飲杯咖啡作結😋

呢排由於有疫症，所以留屋企做嘢。食飯嘅時候都唔會行太遠，就揀咗去屋企樓下呢間Outback 試吓。當我經過門口嘅時候見到佢個午餐牌連價錢，講真如果lunch來講就偏貴嘅，不過都想試試今次就坐門口影到佢個吧枱好整齊呢度每一個lunch都跟黑糖餐包（可以添加）沙律同埋餐湯。黑糖餐包係我平時都會外賣返屋企食😋餐湯沙律都不錯我叫咗呢個香辣燒蝦飯，不過就只有四隻蝦比較少，味道都不錯我個仔就叫左呢個燒雞肉芝士夾餅，佢不嬲都鍾意食，佢話比R字頭嗰間更加好食👍🏼👍🏼佢非常滿足餐飲我哋都帶咗凍檸茶。價錢雖然偏貴，但係包咁多嘢，而且味道也不錯，其實都叫可以㗎😊。下一次一定會再試晚餐

🍙等待時間：平日夜晚接近九點，同家姐兩個入去鋸扒，直入不用等。🍔室內環境：環境一流，設計具風格，欣賞🍰服務質素：會keep住幫你加水，留意你既需要，加一絕對俾得抵！🔺用餐簡評：一開始當然試下佢既黑糖麵包，真係招牌貨，暖暖地，質地鬆軟,配上自家牛油，出色😋！跟住就係佢既即叫即炸onion，今次呢個雖然熱辣辣，但入面較冧，一般。之後就係肉眼扒，肉質幾好，亦有脂肪位，香口，但一塊keep住食，會厭。🔹總括來講：ok la

年初一訓到自然醒，無需趕拜年，起身就自然要搵餐好野食! 附近有呢間西餐廳，晚市就食過，午餐見佢價錢唔貴，仲要年初一都有供應，一於食好西 套餐已包餐湯，沙律同名物黑糖麵包，未食主菜已有睇頭! 是日餐湯係西蘭花忌廉湯，個湯夠晒熱度，香滑西蘭花忌廉味，都幾飽肚! 仲有個黑糖包又係好味嘅，可惜唔係好似晚市咁任食.........HEE...HEEE... 主菜選擇呢個澳洲芝士漢堡，有埋一籃薯條同酸菜，份量相當對眼 個漢堡都唔細個，入面有齊漢堡應有嘅材料，個漢堡扒咬落幾JUICY，有肉味，唔錯 個飽身雖然幾鬆軟，但唔係幾夠熱，個芝士無法溶掉，呢度扣少少分啦! 但總括黎講係幾好味嘅 仲有餐飲架，當然要叫我至愛熱咖啡啦，夠熱，連D奶都係加熱埋，好細心呀! 侍應服務熱心有禮，呢餐年初一BRUNCH，取得滿意! YEAH.........

年初2拜年，先去食 lunch，見到 outback 有兒童餐，所以選擇佢。小朋友有顏色筆同餐纸，食嘢前先油下。我叫咗一個燒雞飯，個飯炒得好香好乾身，而且有唔同顏色嘅椒，賣相好吸引。隻雞部分位置太乾，不過燒得好嘅雞脾位就非常2好食，可以補常乾嘅位置🤣叫檸茶，因為可以無限 refill 😌

本身今日既我因某d事情不太愉快, 但好快就無事了, 因為我發現左d野令我即落單：【黑糖包】一坐低, 急不及待食哂熱辣辣既黑糖麵包, 食完侍應已自動波refill 麵包, 真係要加分！出面好少有, 香噴噴同好鬆軟/牛油又夠香滑, 我最鍾意嘅黑糖包, 超級好食呀！~~~~~~~~~~~~~~~【凱薩沙律】份量其實唔多, 不過新鮮既, 如果再多少少就好喇...因為份量太少。~~~~~~~~~~~~~~~【餐湯】好濃味既忌廉湯~~~~~~~~~~~~~~~【主菜：美國頂級紐約牛扒配加拿大龍蝦尾】牛扒叫左七成熟, 超值, 份量十足, 肉質感美味, 好厚肉, 大力推！

一直聽朋友講呢度嘅黑糖麵包好好食，一直都未的起心肝去試。今日既然經過就去試一試啦，我哋食下午茶，假日都有下午茶餐非常之好！食物水準不過不失我哋嗌左一個帶子risotto 同埋一個牛扒👍🏼👍🏼黑糖麵包果然好好食，聽講仲有得refill 呢哈哈

同朋友食一定要搵d傾到計又唔限時先得如果唔係真係會好掃興！Outback 都係一個好好選擇 d野又大份好岩同朋友happy share 開心開心！-巨大炸洋葱花 $78 (希望我無記錯)獵狗推介正!!~最中意重口味ge洋蔥食完臭一臭起碼4個fd 係度先會叫黎食~真心好大份 超好味 *(每次食都係即炸)個醬係好出色唔會膩不過要快快清左佢!因為凍左就唔好食-Outback Steakhouse好多分店：旺角、尖沙咀、九龍灣、將軍澳、荃灣、元朗、屯門等-獵狗推介指數：( 5分為最高)好味：✔✔✔✔✔舒服：✔✔✔✔✔服務：✔✔✔✔✔ 等候時間:✔

這間outback steakhouse 終於在將軍澳中心開新店 今次約埋朋友到餐廳試一試， 我們一行六人，七點鐘到餐廳但都要等候半小時才能入座， 都有一段時間沒有去outback，最掛住就是他的黑糖麵包，免費無限供應最重要是好味道和熱辣辣。 我們選擇了斧頭扒套餐因匯豐卡有 discount 好似好抵食。這個斧頭扒上枱時都好吸睛分量大， 我哋要求medium rare效果唔錯牛肉味濃， 套餐還有沙律菜，餐湯，雞翼豬肋骨拼盤，海鮮意粉， 整體食物都保持一貫水準， 值得一讚就是這裏調校的cocktail飲品都唔錯這杯mojito調配得剛剛好, 好好飲。這晚餐非常豐富又滿足。

Outback都開左一段日子啦，成個Summer都話黎食，食黎食去都黎唔到。今日終於有時間約埋婆婆一齊食。怕等位，我地重一早6點就去食，都真係好彩我地決定早少少食。因為坐落就開始多人，我地7點鬆D食飽飽，走時出面都企左10幾20人等位呢。黑糖麵包真係好鬼好味，我地食左2個呢。仔仔點的蟹腳伴西冷，加沙律同焗薯。今次仔仔點的，都比我同婆婆點的好味呢。尤其係個西冷，5成熟岩岩好。蟹腳仔仔自動起晒肉比我同婆婆，未食已經甜死我同婆婆啦焗薯一般，如果多D芝士就好啦，而且覺得佢焗得唔夠淋。同婆婆2份的龍蝦伴牛柳，薯條加餅。唉～依個有D失望，龍蝦都OK既不過不失。但件牛柳，細件都OK，但係7成熟變十成熟，乾既，同仔仔個西冷真係差遠，真係浪費晒。明明牛柳應該好好味架嘛。其實我重想食果炸洋蔥花架，不過實在太漏，我知點都食唔晒，帶回家番叮又唔好味，所以只有放棄呢。發現原來佢除左Lunch，重有Tea的，個Tea係十分之抵食。有機會等仔仔學校放假，要黎食番個Tea先得。