Outback Steakhouse (將軍澳中心)

營業中

休息中

一家5人去慶生，點了一個4-5人斧頭扒的套餐。黑糖麥包一如既往地好吃，其他食物都OK，唯有那塊斧頭扒，切開有1/4係肥膏.... 😖😖吃完只係向侍應反映一下斧頭扒的質素，只見佢同上一級交頭接耳一陣後就石沉大海.... 服務質素真係太令人失望.....

近近地喺商場附近，平時返工午餐都會揀嗰啲都食，因為佢個午餐套餐幾抵食星期六日就非常之多人排隊，但閒日就唔算太多人，午市套餐選擇都多，重點仲有個黑糖麵包任加今天叫了一個肉醬意粉及排骨套餐，另加了一個洋蔥圈，洋蔥圈炸得很鬆脆，加埋個醬料唔錯，意粉略帶小小嘅辣美可口，醃排骨連比平時晚市的細小佢，整得比較乾了一點，味道一般，另外午餐還附送飲品咖啡☕️餐廳位置比較闊落，坐得比較舒適，服務質素唔錯，所以如果唔使排隊過嚟食午餐都幾好但係因為有個黑糖麵包任加，所以每次都食得好滿足，比較適合胃口大的朋友

第一次幫襯，星期六lunch time 13:30-14:00 左右，都得左差唔多半個鐘。不過，一坐低2-3分鐘，已經上左黑糖包同水，可以即刻頂一頂肚。雞肉芝士夾餅，算係menu入面比較平既一款 $88，但係都幾飽，芝士味好濃，不過食得多會膩，好彩有薯條既鹹味中和下，薯條炸得唔錯，好脆。整體服務、食物質素、環境都唔錯，如果唔使等位等咁耐就好，下次再幫襯。

今天在網上定了餐，指示7点04分到店取餐，我足足等了一小時，還說未得，客人在店外站著等，向侍應說可否取消定單，她又說不成，態度又惡劣，真係下次都怕怕，永遠不會再來。差差差。等了一小時多啦，我還是站在門外等，点解餐廳可以這樣對待客人，出不到餐，客人等了一個多小時也好應該在客人要求下退款給客人，這樣做生意，令人好討厭，香港真係食餐飯都好煩，遇到D咁樣嘅餐廳，真係唔通企左個幾鐘，仲要比佢地話人多係咁架啦。

將軍澳中心裝修完之後開咗好多新嘅舖頭，而outback就係其中一間，每次經過，都見到餐廳門口排晒隊，想食嘅話，唯有早少少去拎飛，先唔使等咁耐。將軍澳嘅分店面積好大，每張枱之間嘅距離唔會好近，環境都幾舒適😙🍞🍞🍞一坐低，侍應就上咗黑糖麵包，唔知點解outback可以整到個黑糖麵包咁好食，每次你食親都要加包同埋加牛油😝餐湯味道濃郁，而且份量合適。我哋叫咗一份半熟嘅牛扒同埋燒雞肉芝士夾餅，兩個人食啱啱好。佢嘅牛扒好夠份量，而且牛味濃，食落去肉汁四溢，唔會話好多筋，好難咬，唔錯😋另外嘅燒雞肉芝士夾餅真係不得了！因為我超鍾意食芝士，而佢嘅餅裏面嘅芝士超多，係可以做到拉絲嗰隻，食落去真係好滿足😍而且佢個醬汁係蜜糖味，甜甜地，配埋芝士簡直係絕配。佢嘅薯條都ok，粗身過快餐店個啲，但唔係話好突出，食完牛扒同埋夾餅之後，其實啲薯條係食唔晒既，但係已經好飽好滿足🥰

晚市禁堂食，當然要珍惜午市呢個quota，想吃扒数呢d唔岩叫外賣嘅食物！午市套餐有呢個美國肉眼牛扒，堂食加多$10兼加一服務費！包餐湯（今日係忌廉蘑菇湯，味道頗咸），黑糖包（可添加）及餐飲，ok啦！牛扒有十安士，落了五成熟，配以炸薯條，選擇蘑菇汁。切開仍見到血紅色，邊位帶有點脂肪位，肉質頗腍，仍帶肉汁，肉味亦偏出！餐飲喜歡呢度嘅咖啡，奶會預熱，倒落咖啡唔會令到變暖，飲到最後一啖都夠熱，讃！

第一次去將軍澳outback, 空間都好闊落環境坐得幾舒服，平日晚上去都唔算太多人。 我地嗌咗個二人套餐有黑糖，忌廉湯同沙律主菜揀咗烤豬肋骨配燒雞同埋烤帶子會白汁飯 。烤豬肋骨配半隻烤雞薯條烤豬肋骨正常不過略為乾些唔够Juicy, 正體 ok, 份量大。烤帶子會白汁飯有三隻帶子大大隻都好抵食喎， 啲飯裏面呢仲有啲青豆一齊食好 fresh. 這間餐廳嘅員工呢都好有禮貌，因為朋友生日預先book嘅時候仲訂咗蛋糕 有一個好愉快嘅生日飯。

星期五想食好啲, 好自然就想食牛扒, 好耐冇嚟outback食牛扒, 今次令我改觀！佢個set lunch好多嘢食, 餐湯跟黑糖麥包, main course我點咗美國牛扒, 個餐仲包埋餐飲, 我點嘅係medium, 五成熟通常我對連鎖餐廳食牛扒冇乜大期望, 因為好多時都係over done, 但今次令我有驚喜, 佢真係做到五成熟, 切出嚟入面嘅肉係嫩, 仲見到紅色, 唔係乾曬, 值得再去幫襯。

好耐冇食扒突然想食下晚飯時間等左15-20分鐘叫左烤美國帶子煙肉白汁懀飯燒肉醬味豬肋骨美國頂級紐約牛扒首先係有無限refill 嘅黑糖麵包👍🏼餐湯係粟米忌廉湯好足料 食起上黎啖啖粟米同埋好濃郁沙律就正常呢個烤帶子白汁燴飯好推薦以108蚊有三粒大大粒既帶子係會有愈食愈想食既感覺牛扒部分，肉質唔老，好食豬肋骨就正常值得一提係呢間分店服務員態度非常好唔係話其他分店唔好只係呢間職員特別有禮貌

「浪卡」的突襲下，天文台在10:45am 預告在下午4:00前不會改掛三號風球，所以很安心地可以放一天颱風假😄，於是決定去附的Outback ，難得可以在平日可以休閑地食lunch!一早去到也要等四張枱，只好耐心地等待⌛️，幸運地跳了一個號碼，所以可以早一點就座，而且安排在角落的位置（覺得特別安心及安全）！餐湯：忌廉蘑菇湯，真的好好味😋黑糖麥包：超級好好味，又柔軟熟，配上餐湯，是一絕烤美國帶子煙肉白汁燴飯：三粒大大粒帶子，啖啖肉，配上白汁燴飯，很matching燒肉醬味豬肋骨：切了其中一條肋骨，一口咬下去，感覺到好滿足，因為D肉好軟，又易離骨煙盲槽魚柳：先視覺享受，再一口一口地食香口的魚柳，十分滿意！因為太大份，差啲吃不完😅

泥食outback，都係為左食黑糖麵包，隔左一段時間無泥過堂食，menu又轉左，選擇好似比之前少左啲。黑糖麵包 + 粟米忌廉湯黑糖麵包焗到暖暖地少少脆，咬落有淡淡既黑糖甜味，再配上忌廉芝士真係一流🤤 個包仲可以refill 架～烤美國帶子白汁燴飯帶子燒到外層金黃色好靚，咬落肉質鬆軟，鮮味十足。燴飯就好creamy，不過混埋左啲唔鐘意食既青豆🙊。雖然睇落細份，食落就發現滯到食唔哂。餐飲就叫左杯凍檸茶，份量非常多，成餐飯飽到一個點😂

今日晚上去左pop corn行街諗住睇下附近有咩食，上openrice見到有outback就諗住去鋸塊扒食下黑糖包🤤9點入座時reception姐姐有提到9點半last order 10點離座，我覺得都ok la揀好食乜之後叫左個侍應幫手落單，初頭覺得佢唔寫紙仔全部用腦記好厲害，話晒沙律湯牛扒成熟醬汁配菜連飲品都幾多野記，但可惜最後都係落錯order黎錯頭盤......見在場得番幾枱客，我同朋友都盡快食完枱面上既野。食到七七八八我見離收舖時間仲有10分鐘，諗住慢慢食埋少少薯條同配菜，點知場內燈光突然被調至最光，我望一望手錶當時係21:53......作為飲食業一份子我都明白比人阻收工係咩感受，但未夠鐘就爆燈趕客既招數唔應該會出現係呢個品牌既餐廳😓如果唔係食物質素ok我諗唔會再有下次機會幫襯😓

Outback Steakhouse (將軍澳中心)將軍澳唐德街9號將軍澳中心地下G43號舖公司有同事resign就黎lsst day, 所以今日就約埋幾個岩傾既同事出黎晚餐順便farewell啦，放工一齊去當然係揀office附近食啦，最後決定係將軍澳中心入面既Outback食，貪呢到夠方便而且又坐得舒服，岩晒我地係到吹水慢慢食見到而家set dinner既meun選擇都幾多，有沙律，漢堡，意粉，炒飯同埋扒類，而且價錢都好大眾化由$88~$238 蚊，跟餐送埋是日餐湯Outback既黑糖麵包就唔使多介紹啦，知道好多人都係為左呢個而黎，真係每次食都仲係覺得咁好正，餐廳好大方可以無限添加，我地總共食左3條呀而今晚既粟米忌廉湯都好吸引，非常濃郁又足料，正呀主菜我地就揀左1份意粉，1個炒飯同埋1份燒豬肋骨share食，全部都保持到一貫嘅高水準，自己最鐘意就係個豬肋骨，個醬汁好好味，食落仲有d肉汁又唔會燒得太乾值得一讚小食就叫左兩款炸物，本身自己麻麻地鐘意食洋葱既，但呢度嘅炸洋蔥花球真係好正，望落已經好吸睛，而且好大份呀，我地3個人都食唔晒呀

星期日去探朋友，提議不如一起吃午飯，於是去了outback排隊，大部的人也是在等外賣，所以也不是等了很久。炸蘑菇超級好味，應該是即炸的，炸粉也不是那種很厚的一層，極之香脆!烤雞肉芝士夾餅，夾餅很足料，芝士和雞肉也很多，配菜的炸薯條竟然也是即炸的，真的是良心食店，認真經營呀! Rib-Eye剛好是5成熟，牛肉味香濃，牛脂肪味豐富，在口腔中回味無窮，這性價比是嬴過很多fine dining價位的餐廳，不得了芝士白汁烤蝦寛麵，一個人一定吃不消，有點"漏"，一班朋友share就最好了，這份量實在太驚人，我們數了一下，竟然有大約10隻蝦，真的蝦蝦蝦蝦蝦 x10!

20200906慶祝家人生日和牛7成熟，有一些部分比較生，要再烤。薯條夠脆。意粉味道和質感正常。蝦辣肉飯少辣，味道幾好。羊架7成熟，質感適中。我最喜歡的仍是黑糖包。食物：7⭐ (10⭐滿分)環境：7⭐ (10⭐滿分)服務：7.5⭐ (10⭐滿分)