Outback Steakhouse (將軍澳中心)

營業中

休息中

說起Outback Steakhouse大家一定會想起黑糖麵包對不對? Outback的黑糖麵包超好吃,黑糖味超香,上桌之前會先焗熱,鬆軟的麵包再加上香滑的牛油,真的太棒了~呀Ju每次想去Outback多數都是想念黑糖麵包了,但不要看我說到這樣,在Outback堂食黑糖麵包是可以refill的,如果大家真的很喜歡,可以向店員說要買走($10/1條) 平常去Outback吃飯多數是Lunch Time (可憐的上班族) , Outback的Lunch Set有很多種類,價格$98-228+,包括了餐湯,餐包,沙拉,主食和餐飲,在午飯時間想Chill Chill地吃個不錯的午餐是一個好選擇~呀Ju最常點的Lunch Set有燒雞肉芝士夾餅和烤帶子煙肉白汁燴飯,推薦給大家<3 燒雞肉芝士夾餅 $98雞肉芝士夾餅下料完全沒手軟的,因為夾餅超多芝士份量很足,可能吃到第2塊就會有點膩,這時侯可以配上隨餐的醬料,酸酸甜甜超開胃.另外薯條也是滿滿一藍,香脆可口,不管配蕃茄醬還是夾餅醬都超棒,很涮嘴!烤帶子煙肉白汁燴飯 $118白汁燴飯口感軟糯,用上芝士燴的味道很香濃,煙肉捲上大粒帶子烤得微微焦

Outback可以話係我近期西餐嘅favourite😋。Outback近年積極擴充，開咗唔少分店，但去過每一間無論食物同服務質素都keep到高水準！Outback出名嘅黑糖麵包就唔使講，未落單侍應已經自動送上焗熱左嘅黑糖麵包，外脆內軟，搽埋附上嘅奶油真係好好食，連我平時唔好麵包嘅朋友都忍唔住要encore😆今次叫咗香煎蟹肉餅沙律🥗 蟹肉餅有三塊，真材實料，配埋牛油果同埋沙律菜都幾清新。Outback食扒都好抵，叫一份扒有湯同埋兩份配菜。個人推介美國肉眼扒，腍身又不失牛味，磨菇汁亦出色。至於配菜，不得不推介焗甜薯，之前喺灣仔間Outback試過，蕃薯🍠嘅甜度逼晒出嚟，入口即溶，一試難忘！不過今次將軍澳分店嘅甜薯略為失色，甜度唔夠之餘仲有渣，希望之後有機會再次食到優質嘅焗甜薯😋

I have been pleased on each and every visit at this branch. A great deal of recognition should be given regularly to Sandy and Harry for the following:1. Refilling drinks without me asking 2. Repeating the order before taking it to the kitchen3. Being pleasant, friendly, and patient even during the busiest of times 4. Showing kindness and professionalism even during stressful hoursIt’s servers like this that make us return with friends, colleagues, and family without ever worrying about wrong or

有啲掛住呢度嘅黑糖麵包，所以今日同朋友一齊嚟OUTBACK食晚餐！😊一坐低就會有人攞黑糖麵包過嚟，呢度嘅黑糖麵包可以免費REFILL，如果想攞走/購買嘅話就$10一條。黑糖麵包今次啱啱焗好仲暖暖地，聞到好香黑糖味，麵包好鬆軟，連埋啲牛油一齊食，超邪惡！！每次都會refill呢個黑糖麵包！！！特製洋蔥花球洋蔥花球賣相好靚，好有設計感，炸洋蔥好香，而且炸得好脆，好好食！唯一唔好處就係分量好多，要多啲朋友一齊食先叫到呢個。香煎蟹肉餅蟹肉餅好香，點埋個醬好夾！雖然係小食，但係蟹肉餅分量好大，4個人share都夠。😆芝士白汁燒蝦寬麵寬麵分量都好多，而且幾好食！另外仲有點牛扒，味道都唔錯，唔會太韌。牛扒會配兩款小食，我地選咗個焗甜薯味道好香，上面仲有牛油，食落好甜好滑。

嚟Outback都係為咗牛扒. 記得有一次喺銅鑼灣Outback食咗一次好美味嘅牛扒之後. 間唔中都會嚟.午餐食美國精選肉眼牛扒. 當然會抵食過夜晚. 餐湯係蘑菇忌廉湯. 好飲. 唔似係好多粉開水嗰種.佢嘅黑糖麵包都係好多人嚟嘅原因. 仲要無限添食. 牛扒賣相唔錯. 肉質都OK. 但係有時脂肪位多咗少少.另一個午餐叫咗芝士白汁鮮蝦寬面. 好食喎. 蝦又夠大. 仲有餐飲. 冷熱同價. 如果叫凍檸茶都係無限添飲.最後一提. 呢到嘅經理同埋其他員工嘅服務都非常之好.

如果你問我 點解諗起食outback我一定會答：掛住佢啲黑糖麥包🤩👌🍽🥴每次去食嘅源頭都係來自於心思思佢個麥包 軟熟香口 包面又有少少烘焙後既脆🤤 (🥖:4/5)另外主食都好重要🤣👾賣點 👨‍🍳 risotto 有三粒帶子🤤爽口(🌟:3.5/5)👾扒同意粉就不過不失👾餐湯雖然無影相 但蘑菇湯好creamy同蒜香味撲鼻 🥰(🌟:3.8/5)👾小食方面叫左炸洋蔥🧅 賣相好靚 但太邪惡 一路食一路後悔 食哂啲酒落肚 洋蔥好索油🥲🥲不了😵（🌟：2/5）

疫情下唔想出街食飯，但又唔想食得咁頹，都係會選擇食outback外賣。首先呢度嘅外賣嘅包裝十分之堅固，pack得好好，唔會出現有漏汁嘅情況。然後呢度嘅外賣都係好足料，唔會出現因為外賣所以份量就少咗嘅情況。喺呢度食外賣佢都會照樣比牛油你去查麵包，都好貼心㗎而且外賣係以一個好低廉嘅價錢就可以食晒成個套餐，有餐湯有包仲有好大個意粉，我成日都係食一餐食唔晒之後留返個包第二日食真係好鍾意呢度嘅嘢食呢度嘅黑糖麵包真係好好食，堂食仲可以任加，希望快啲有機會可以再食堂食啦

帶住小朋友想食得輕鬆啲，記得呢間有得嗌兒童餐、填色只顏色筆供應比小朋友，就嚟咗呢間食喇。職員好細心一坐低就換咗套兒童餐具，小朋友開心到不得了， 然後又見到顏色筆，佢就專心畫畫又顏色，我哋就慢慢諗我哋就慢慢諗今餐食乜嘢😂先黎一個熱辣辣嘅黑糖麵包，再嗌左碟牛扒、經典炸洋蔥、芝士長通粉、加一個焗甜薯😋梗係唔少得一杯Cocktail☺️，小朋友飲蘋果汁😂

今日去Aeon掃bb洗衣液, 梗係揾埋住Park Central個fd落黎lunch啦, 而我地嘅1st priority梗係Outback吧(((包包好味+Baby Friendly+好好味))).🍽真心張BB High chair好得, 無論係高度同埋個款, 木比較容易俾阿b坐之前sanitize好. 店員見到我地2大2bb都好welcome我地(感動).🍽最衰只得我同fd兩個, 食唔到個爆炸洋蔥🧅>.<我食Risotto, 個3粒帶子食落爽口新鮮, 但唔知係咪我味蕾問題… 食到有小小沙feel, 都好minor, 整體勁多cheese又creamy, 正正正!! <下次自己記得記得走青豆🤣>🍽餐湯-巨Lin蘑菇湯, 又濃又creamy, bonus位係勁香Garlic味, 好味到唔夠喉呢.🍽最最最緊要❤️個Outback包依舊咁暖笠笠好味, 食物水準依舊Good.

Outback黑糖麵包 vs 忌廉粟米湯只要你一入座，店員就會送上熱騰騰嘅招牌黑糖麵包同滑滑嘅牛油，黑糖味超香超濃，牛油一塗上去會因麵包嘅熱力即刻溶化🤤🤤。如果你食吾夠，餐廳仲可以無限添食tim，基本上小編在坊間食吾到好味過佢嘅黑糖麵包，大家記得要試丫👍🏻👍🏻！喜歡呢度嘅湯，無論南瓜湯或忌廉粟米湯，很有內容很有質感，湯中起沙，吾似其他店舖會將西湯全打融。燒肉醬味豬肋骨 HKD$128Lunch Set 價錢，一條長長的厚厚的豬肋骨橫臥在大長碟上，起碼有8-10節，加上一大杯薯條，任憑小編和朋友再努力，結果都係食吾曬要打包帶走的，好抵食👍🏻。烤美國帶子白汁燴飯 HKD$128很少食到d咁乾身嘅意大利飯👍🏻👍🏻，個意飯煮得香口又夠味道，不會又爛又淋，上邊的一串三隻大帶子燒得剛剛好，完全不會有過熟或乾硬的感覺，呢個份量一個人是食吾曬的，最好叫多一樣size較少的同朋友一齊開心share😝😝👍🏻。

成日都去食呢條魚飯超好味 魚 新鮮出爐又有好味嘅黑糖麵包 每次都食過返尋味 今日見到OpenRice有得外賣自取有五七折下次可以試吓做咗會員之後儲分同有九折 幾吸引！！！

每次唔知食乜嘅時候，又或者懶出街食的時候，通常就會叫愛人落街買外賣，outback外賣很抵食，我們每次都會叫墨西哥夾餅，又有薯條又有湯又有黑糖麵包。如果想食多啲肉我們會叫豬肋骨。

今日去咗屋企附近間Outback食個午餐，呢間野都算多人，不過好彩等咗一陣就有位！之前食過幾次都係食豬肋牌，所以今次諗住試吓啲新嘢！🍄黑糖麵包🍄好食指數：🌟🌟🌟🌟🌟食物介紹：唔使講係人都知，Outback最出名嘅就係呢個任食任添嘅黑糖麵包！每次攞嚟嘅時候都係熱辣辣、又香又鬆軟！以前就試過同朋友兩個，結果食咗三個黑糖麵包！最後正餐就食唔落啦！正正正！🍄加拿大全天然無激素黑毛豬肉眼扒🍄好食指數：🌟🌟🌟🌟食物介紹：開頭俾個侍應問我，要幾多成熟！俾佢嚇一下，冇諗過豬都可以要幾多成熟😂！結果選擇要咗8成😎。嚟到嘅時候，因為有兩塊， 一塊就啱啱好，另一塊就比較生，我估只有六七成！啱啱好嗰塊非常好食，一啲都唔鞋！另外生果塊反而比較難咬開！當然仲有啲驚啦！😭🍄燒雞肉芝士夾餅🍄好食指數：🌟🌟🌟🌟🌟食物介紹：開頭睇個餐牌，諗住麻麻哋，細細碟。點知嚟到有驚喜！件夾餅好大份！仲有好多芝士同埋雞肉！好好食！下次可以再encore ！#食野最重要#享受美食的過程#食物正能量#好食#美食#美食攝影#Hongkongfood#hkfoodie

好耐冇去過Outback Steakhouse. 是晚心血來潮想起Bushman bread, 於是到此一遊。一向唔鍾意食麵包嘅我都覺得黑糖麵包加上whipped butter 是絕配。 不過再好食都只會食一個起兩個止。頭盤叫咗炸蘑菇。蘑菇外脆內juicy, 感覺上冇炸薯條或炸洋蔥咁邪惡Baby back ribs 則比較失望。一上枱已覺得佢乾爭爭。另外旁邊有一小塊肉，食起有啲瘦肉嘅感覺。燒烤醬亦都唔夠多，冇辦法彌補肉質嘅差劣。

豬仔骨份量適中，大概有七至八件，肉同埋骨嘅比例唔錯，配合煮嘅醬汁，都好juice ，肉質唔銀，好容易就切開，亦都唔會好鬆散。個薯條應該都係即炸，份量唔少，唔會好鹹，茄汁分開上，唔會揩到啲薯條。但係個配菜就一般般，我唔係咁鍾意食。杯可樂上枱嘅時候好多冰，自行減去冰塊之後得返半杯，下次要嗌少冰或者走冰。一定會上嘅黑糖麵包，配合埋佢嘅白色cream，感覺一流，又飽肚，仲可以無限添，我食咗兩個。薯仔餐湯本身比較淡口，但係配合佢嘅咸火腿粒，就好突出到個鹹味，薯仔好林身，但仍然有口感。