Outback Steakhouse (將軍澳中心)

營業中

休息中

疫情期間唔方便出去食咁就唯有叫外賣啦outback 嘅外賣有做特價對比係堂食平左唔少而且都會有黑糖麵包都係同喺舖頭一樣咁好食係開心既今次試咗肉眼扒餐牛扒唔算好厚幾好食但係唔知關唔關煮完好耐先拎事牛扒已經變左welldone啦而其他食物嘅質素都同舖頭一樣都唔錯㗎

門口罰企等，等左成個鐘頭，又比漏個湯。唉，雖然食物凍哂不過味道都可以！個個街坊都小哂鬼但員工都好似比人話到慣晒，無哂表情。不過算數吧，依家個個香港人都好辛手，大家加油吧

疫情做外賣，我叫左2個 sets, 一份 cheese burger，一份 pasta.. 等左40分鍾，有人出黎講 cheese burger 賣晒，要轉另一樣，我落單個陣你唔講? 你有幾多份 available, 接左幾多張單成班伙記冇人知? 企左我50分鍾你先出黎講? 垃圾 service....

Outback 食過好多次，不過將軍澳呢間就第一次食😰黑糖包未睇餐牌waiter就拎左幾個黑糖包比我地叫左個燒肉醬味豬肋骨拼燒半雞餐 $490-House Salad🥗 沙律菜唔新鮮，一啲都唔爽口-Daily Soup (2 cups)湯味道幾好-香草番茄海鮮意粉🍝海鮮味重，冇乜番茄味，青口冇味-豬肋骨拼燒半雞豬肋骨肉質好嫩，一刀切就可以骨肉分離👍🏻雞肉就麻麻地，有啲‘鞋’-帶子煙肉汁燴飯帶子好好味，吾知有冇得淨係叫帶子串食🤭-炸洋蔥花🧅洋蔥炸得脆身，味道吾算太出-牛扒配龍蝦尾🦞牛扒好厚身，牛味重，我哋叫左7成熟但係吾似有7成，waiter 聽到我地講，問我哋需唔需要整熟啲，但整完返黎過熟🤦🏻‍♀️啲肉超‘鞋’龍蝦尾就冇咩特別，味道正正常常-西冷牛扒拼蟹腳西冷牛扒我地都係叫左7成熟，肉好韌蟹腳冇味😥作為一間食牛既專家，咁既質素，吾會再黎！

想一試黑糖麵包已久，果然沒有令我失望🤩🤩黑糖面包熱呼呼，非常鬆軟，有黑糖味，不用加cream已經好好味，加了的話，個人覺得太甜。面包是免費任叫的，實在太好吃，我們共吃了三個呢。基本上扒類食物都不錯，無論是羊架、牛扒和ribs，生熟程度剛好，肉質juicy，ribs都好多肉和不會乾，肉和骨容易分離。焗甜薯沒有想過那麼好吃，上面加上少少cream，令味道更豐富。夾餅和薯條都好好吃，放久了夾餅都不會變軟身，可試試加黃色的醬，像是honey mustard。特別注意配菜！！蕃茄！🍅係超好食，用醬料醃過的！碟子上的所有食物都經過精心烹調。十分欣賞❤️平時夜晚都多人食，最好先訂座，來一嚐黑糖面包的魔性吧！🥖🥖🥖

由於疫情嚴重，都唔想去太遠慶祝，近近地屋企附近食outback 算了，有匯豐信用卡食套餐真係抵，佢嘅黑糖麵包應該唔使多講都知正🤭每次食牛扒都有驚喜，唔會因為個餐平啲，食物就差左，最想讚的係服務員的細心，安排的位置會分開，知道大家都對疫情有所顧慮👍🏻（限聚令前已經做緊）

Outback真係食左好多次😋連lunch set都有餐湯、沙律同黑糖麵包，算係抵食既西餐👍🏻每次去好鍾意食佢個黑糖麵包Bushman Bread，真係好好食🤩Chicken Quesadilla燒雞肉芝士夾餅我係cheese既愛好者，所以每次黎Outback食Lunch既話都會叫呢個夾餅😋鍾意cheese既人真係可以一試Grilled US Scallops Creamy Risotto烤美國帶子白汁燴飯第一次叫呢個risotto試下，估唔到都有驚喜，好食啊👍🏻

戴返個頭盔先， 初次寫食評一到呢個環境亦唔錯， 我就點咗個二人餐， 個斧頭豬扒幾好食， 味道一流.前菜都唔錯，有個帶子意大利粉，重點個斧頭豬扒係好味，7成熟。個黑糖面包都好食！ 值得下次試其他餐！

第一次寫食評，原因不單係outback 食物唔錯，最重要係欣賞將軍澳中心這位女經理的服務態度，重視客人的意見👍令我非常欣賞！今天中午，五個人點了黑毛豬扒，牛柳扒，槽魚柳，芝士夾餅，雞肉寬面，食物質素整體唔錯！今次淨係塊豬扒比平時薄咗啲，而女經理知道後，即時主動話幫我哋換個塊，實在非常感動，雖然我們沒有更換，但埋單既時候亦有驚喜，不得不讚賞員工的貼心服務態度👍👍👍

呢一間其實我哋食咗好多次㗎啦，平時多數同阿仔食。因為我鍾意食佢個黑糖麥包同埋餐湯。今日就同老公試吓啦。門口好多人我哋都等左大約半個鐘今日呢個湯好好飲😍呢度嘅餐湯同黑糖麵包，不嬲都係我至愛，呢度嘅麵包仲可以再加㗎。今日叫咗兩個餐一個係燒雞一個係芝士薄餅。芝士薄餅每次都會食真係好鬼好食半隻燒雞好滑啲肉，味道都唔錯下邊再有啲飯，完全係太飽啦。食咗半隻已經食唔落，最尾打包返屋企😅檸檬茶呢度嘅茶都幾好飲

又係食 outback 既日子。佢既 lunch set 一向都好抵食，最平 $98 加一就已經有沙律、餐湯、面包、主菜同埋餐飲。🤩餐湯係西蘭花忌廉湯，好 Creamy 但唔會太油。👍🏻佢個黑糖餐飽一向都係好好食，仲要免費任添，結果我一個人食左一條半。🤣主菜叫左 Spicy Shrimp Risotto, 佢有四隻都算大既蝦🤪，個飯本身唔辣，而且好惹味。飯上面既炸紅蘿蔔絲超級好食。😍我亦叫左 Ribs, 佢肥美得黎又 Juicy, 但係唔會得骨冇肉食😀。佢仲有配酸菜，酸酸地都幾開胃。薯條係粗薯，唔會好油而且又多薯肉🥳。最後一個主菜我叫左 Wally Pasta。同個湯一樣，都係咁 creamy😃。佢既面條係闊條面，有咬口得黎唔會太硬，証明佢煮既時間控制得唔錯😄。整體而言，Outback 既 lunch set 係抵食，而且一至日都係同一個價錢，唔使怕假日會加價。🧐

由於太鍾意食outback 嘅黑糖麵包，成日都去outback食lunch/ tea set (tea set 要額外加$10 ）。呢間Outback嘅員工服務態度好好，好有禮貌，會主動refill黑糖麵包，如果你食唔晒亦可打包走。依家抗疫期間，午市或下午茶自取外賣有九折優惠，好抵食

喺復活節假期嚟到outback食晚餐，不過可能因為有疫症，唔駛等位就入得。首先係送嘅黑糖麵包，個人覺得黑糖甜味好出，反而唔駛咁甜，第一舊上嘅比較乾身，之後encore嘅果舊反而仲暖暖哋軟熟啲。之後係招牌墨西哥牛肉粟米脆片($78)，份量好夠，啱啱上嘅時候熱辣辣好脆身，配埋啲芝士同cream好香，如果啲牛肉多返啲就好啦。不過一定要趁熱食，唔係就會容易變硬難啲咬。主角係美國頂級肉眼牛扒 （BLS Rib Eye $438），叫咗7成熟，不過因為用鐵板慶住所以熟咗啲。牛扒幾大塊同埋juicy，不過好似落鹽重手咗少少，價錢方面我自己就覺得偏貴。另外有跟餐嘅細沙律，有啲生菜同幾片芝士，味道正常。另一個主菜係愛麗絲燒雞胸 ($152)，上面有好多芝士同兩塊脆身嘅煙肉，下面係兩舊雞胸。芝士好惹味，但舊雞調味偏咸而且比較乾，唔太推薦大家食佢。加$10有個忌廉餐湯，好creamy，比較杰身，飲多咗可能會覺得漏。整體嚟講，服務唔錯，嘢食份量好夠3個人食，墨西哥牛肉粟米脆片真心好食，但呢個價位我期望主菜味道亦會好啲。

又到左每晩最傷腦筋嘅時候，收工同老公又喺屋企附近商場搵嘢食，之前join左個會員又見將軍澳開左分店，所以去試試。再一次証明冇失水準。座位寬敞坐得舒服又唔會好逼，服務都好好。點完菜送上一條熱辣辣嘅黑糖飽，仲可以無限添食，不過忘記左影相！再嚟點左個肉眼扒配薯條同甜薯，首先講講塊扒先，真係做到五成熟，濃濃牛味同有肉汁 👍🏻👍🏻因為之前試過去其他食店，煎得太熟同好硬。個甜薯係十個讚，好甜超讚。薯條又熱辣辣。另外一道菜係芝士白汁燒蝦寛麵，呢個又係每次去必點，個白汁好cream 又辣辣地，白汁配辣原來可以咁夾，個寬麵又軟硬適中，呢個寬麵冇得輸。再配埋杯stella 簡直一絕 😋😋

LUNCH SET 餐牌。前菜，湯，黑糖麵包 (可fill)燒盲槽魚柳 少少腥，肉質嫩滑香。燒肉醬味烤鷄 份量都幾大，但趁熱食應該比較好，冷了會鞋了點。香芒鷄肉沙律 鷄肉都系有少少鞋，香芒沙律菜還可以。黑毛豬扒 肉厚肉質軟熟彈牙，表面燒了井紋，好味。雞肉芝士夾餅 薄薄地裡面有足夠既咸咸地既芝士+少少鷄肉，不多不少，熱辣外脆內有肉既薯條，配上最緊要既醬汁！精華~！juicy既肉眼扒，易切，唔韌，軟熟厚肉有汁，幾咬就食完。咖啡比奶茶好。奶茶太淡只有茶包，自己加奶糖。咖啡比較有水準，奶都系自己落。總括：豬>牛>雞>魚OutBack系比一般餐廳貴，但系水準系度，水準同價錢比，系算抵食同值。