Outback Steakhouse (將軍澳中心)

營業中

休息中

升職加薪，太開心，於是請朋友到outback食飯。匯豐卡做優惠，決定食大佢，叫左個風味海鮮盛會套餐（3-5人套餐），超正！先食我最愛既黑糖麥包，每台必上，加上是日餐湯-蘑菇芝士忌廉湯，大家一致認為呢個湯一定要比5星，好濃既蘑菇+芝士味，芝士仲要拉絲！味蕾受到美食既沖擊，一定要推介，極速飲完湯，再食頭盤凱薩沙律，因為湯太出色，沙律變得平平無奇。小食併盤，有醬燒豬肋骨、炸雞膇、芝士薯條，中間白色既係芝士醬。基本呢個小食併盤已經包左outback既招牌小食。主菜係佢個海鮮🦞，燒盲槽魚柳、燒美國帶子、冰桶甜蝦、香煎加拿大龍蝦尾、蒸加拿大蟹腳、特色雞味飯，雖然係冰鮮，估計係外國空運到港，好好食啊，完全冇雪味，我食到佢條魚仲好滑，其他海鮮都彈牙，用料唔差得去邊。最後食埋燒雞肉芝士夾餅、芝士白汁燒蝦寬麵。實在太飽，建議大家唔好叫咁多芝士產品，佢放芝士好似唔洗錢一樣。下次我會再叫多碟沙律平衡一下。