Odelice! (The ONE)

喺5月14日母親節當日，我同我先生、奶奶去尖沙咀the one 分店食午飯，但係遭受到唔禮貌嘅對待！所以我極唔推薦去呢間餐廳食飯受氣！喺前一晚，我先生喺OpenRice book 咗3位 12:30pm喺母親節嗰日同奶奶食午飯慶祝。當我去到餐廳，起初，有位女士（企喺reception 嗰位穿白衫女經理）安排咗我坐近門口嘅狹窄四人位。後來我先生同奶奶喺12:35pm 到咗餐廳後因為唔想咁迫所以分別問咗兩位員工可唔可以轉去較寬敞嘅卡位，但呢位員工分別都拒絕咗我哋，仲表示係嗰位穿白衣女經理嘅決定！咁我哋都冇辦法，就諗住照坐睇餐牌。我奶奶坐喺梳化位嗰邊，而我同我先生就坐喺近走廊嗰兩張櫈。當我睇睇吓餐牌，嗰位穿白衣女經理忽然行過我後面，然後用好差同超級串嘅態度同我講叫我坐好啲，唔係會阻住條通道啊😡😡😡😡😡（利申我係細碼人士同自問係正常咁坐。）嗰吓我即刻扯火同我先生同奶奶即刻走咗！喺當日，我先生打左投訴message 去你哋公司社交平台messenger，但係竟然不獲回覆！而我先生亦喺當日10:47 pm 寫咗e mail 去你哋公司 e mail ， 但同樣冇收過回覆！講真，我都係第一次經歷寫完

中午與朋友心血來潮地想吃個法餐 便來到這裡 中午時段有餐 選擇頗多 叫了一個tartare 同軟殼蟹risotto 食物質素不錯 但整體來說 服務質素參差 個別職員態度敷衍 有待改進

放假一家人去食飯，今次揀左呢間法國菜～餐廳充滿法式的悠閑情調，感覺好chill，又有落地大玻璃窗，外望光猛又開揚的尖沙咀樓景。澳洲M4+ 肉眼牛排 $168塊扒叫左七成熟，切開無乜血水，但仲keep到有肉汁，唔會好乾好柴，亦無乜筋，都好易切開。肉味濃郁，配埋松露雜菌汁好好食，呢個汁配薯條都好夾燒豬腩牛油果三文治 $135麵包的邊皮位烤得好脆，豬腩切到好薄，油脂位同肉位分佈非常平均，油脂位仲要燒得好香，配埋三文治的蔬菜一齊食好清爽唔油膩彩虹元氣沙律 $125沙律的汁酸酸甜甜非常惹味，鷹嘴豆同黃色燈籠椒煮得好淋，配埋其他蔬菜非常freshOdelice! (The ONE) (尖沙咀)尖沙咀彌敦道100號The ONE4樓L407號舖*上述文章只供參考及以當時價格為準

有幾個朋友同我推薦呢間餐廳 叫我有機會就黎試下一直都想搵機會試下 咁岩經過The One有就終於可以黎試下✨肉眼牛扒配薯條牛扒熟度岩岩好 有肉汁 唔會好難咬 薯條份量好多 岩晒薯條愛好者🤭✨軟殼蟹辣肉腸意粉軟殼蟹都幾大隻 不過辣肉腸份量好少 如果可以再多啲就好 意粉有少少辣 酸酸辣辣咁幾開胃✨炸黑松露蘑菇球好香黑松露味 炸得外皮好酥脆 蘑菇勁多 但唔油膩 唔錯👍🏻平日有午市套餐揀 唔算貴 仲有餐湯或者野飲揀 性價比唔錯👍🏻

辛苦返左一個月工~終於出糧喇！就決定帶女朋友食下好西慰勞下自己~上網見到依間位於尖沙咀The One既法國餐廳，咁近我地返工地點就決定試下佢啦！餐廳位於The One商場4樓, 搭lift一出就見到佢，位置上非常方便！食完仲可以行下街Tim~由於我地早食既關係，可以就咁Walk In入去~但過左7點就已經開始好Full，所以建議大家都係Book定位好D~我地今次坐窗邊位，隔離係一個落地玻璃可以見到出面既景色～環境非常舒適餐牌選擇有好多～套餐更加非常實惠呢！如果想散叫都有好多選擇～岩晒唔同類型既客人飲品都有好多選擇架，酒精／非酒精既飲品都好多款式。舒緩花草茶法國特色既花草茶，女朋友就點選左Soothing依款~佢有材料有菩提樹，接骨木莓，罌粟花，薄荷，士多啤梨同蘋果乾。所以味道上係非常之豐富！仲有蜜糖可以加落上，令到整杯草再增添順滑口感及蜜糖味道，飲完個人真係十分舒緩呢！！Pomegranate Mojito我就叫左依杯石榴Mojito，佢係由法國蘋果氣泡酒,白Rum, 石榴糖漿,薄荷葉同青檸而製成飲落酸酸甜甜，非常合適法國菜法國香草蝸牛前菜我地點選左法國香草蝸牛，因為平時好少機會食到所

係”The One”行街行到攰，同阿妹食個yea嘆吓，歇一歇☕️我哋揀咗《Odelice》，叫咗weekend brunch set ! ⏺️班尼迪克碗燒茄子，煙燻茄子吞，牛油果;車厘茄温泉蛋，荷蘭醬汁，布里歐修麵包配意大利火腿▶️呢碟好豐富，温泉蛋當然夠晒流心啦！配埋荷蘭醬汁係我最愛😍估唔到佢用茄子🍆啱晒我口味，不過阿妹就敏感唔食得！⏺️Mixed Seafood Galette雜錦海鮮蕎麥薄餅▶️配咗虎蝦、珍珠帶子、鱈魚、魷魚，夠晒鮮美，不過如果你唔太鍾意多汁，咁呢個唔合適你，而我就比個海鮮吸引🤩所以覺得唔錯⏺️法式可麗餅·蕎麥薄餅花生朱古力
▶️用咗花生醬、朱古力醬、花生碎同朱古力雪糕，呢個甜品十分滿意！脆脆嘅crepe 夾住咁多醬同雪糕，口感豐富，簡直係我杯茶！《Drinks》🍧粉紅緋緋紅石榴，香梨汽泡酒(酒精度2.5）▶️唔算太甜，對我黎講呢個酒精度唔會太高，下午飲就最好不過🥛Super Immunity - 免疫能量香蕉，芒果，生薑，薑黄，燕麥奶▶️阿妹話好味，口感creamy, 佢好鍾意❤️

法式餐廳🍴朋友介紹去尖沙咀試試！地點好方便起the one商場，食完晚餐仲可以行去海旁睇夜景！餐廳設計以歐陸式為主！前菜法國生牛肉他他，好鮮味的生牛肉放起法包🥖一口咬落好有口感😋法國🇫🇷制的油封鴨腿，味道不如潮式滷水好味，但佢有特別的清啖口味，旁邊還有薯糰丸子，煙煙韌韌！主菜食個馬賽龍蝦🦞海鮮鍋，有半隻龍蝦、盲曹魚、黑青口、大峴、魷魚仔，重要係個醬汁，配搭海鮮嘅鮮味，令到更加好味😋飲品花茶好有心思，係健康為主的，有舒緩、排毒、抗壓等的功效！雞尾酒🍸mojito 係我最愛嘅👍🏿必飲！飯後甜品蛋白霜檸檬🍋撻，好香濃的味道👅

今日提前慶祝母親節，選咗食晏晝唔洗咁多人😊一入到去見到menu，有set lunch, 包餐湯或一杯普通飲品， 我望到menu見到有好多唔同種類野食，而且樣樣都係百幾蚊唔太貴，最後叫左一份半隻雞連炸蕃薯條、牛扒、煙三文魚all day breakfast ，由於我見佢drink menu 都好多選擇，但就要散叫，所以我就叫左餐湯再散叫左杯牛油果沙冰😊我覺得啲食物真係唔錯，每樣都整得好好味而且夠大份，不過牛油果沙冰比我想像中有陣草青味，一開頭飲唔係好慣，但飲多幾啖都可以既。另外餐沙係白湯，估唔到入面有好多料，飲落去好滿足🙂🙂整體嚟講我覺得好抵食，位置方面而且座位都好舒服，不過食就限時90分鐘，另外食物每樣都好夠食同好味，間餐廳有好多選擇下次可試其他🤭

去the one 睇戲順便食飯去邊間好？今次去左商場入面唔錯嘅法國餐廳，雖然係法國菜印象都唔平，但呢度幾抵食，岩哂同朋友坐係度飲酒傾偈。法國香草蝸牛 薯糰丸子🌟 #Escargots前菜試左法式蝸牛，蝸牛去左殼好方便食，而且更加入味，而個香草汁好開胃，仲有好多薯糰丸子，咬落少少煙韌，係飽肚抵食之選。馬賽龍蝦海鮮鍋🌟 #Bouillabaisse極多海鮮超豐富的海鮮鍋，有半隻龍蝦好大隻，食落好爽口，青口同蜆定好鮮甜，完全冇沙，而盲槽魚去哂骨，煎到塊皮脆卜卜夠哂香口，仲有啲魷魚仔、雜菜汁送包食。法國油封鴨腿🌟 #duckconfit鴨腿比想像中大，而且冇乜油脂，幾健康，鴨肉煮得好稔，唔駛用力輕力已經可以切開，黎到一定要試！火焰橙酒可麗餅🌟 #crepe食完正餐餐廳仲有好多不同種類嘅甜品選擇，我哋揀左呢個橙酒味可麗餅特別啲試下，店員會淋燒著左嘅橙酒落去比你打卡，可麗餅食落去有好香嘅果味，仲有雪糕滿足哂個甜品胃。石榴莫希托🌟 Pomegranate Mojito加左法國蘋果氣泡酒及青檸，飲落有好清新嘅水果味。TISAROM花草茶🌟 TISAROM餐廳係用法國有機茶，另外仲有蜂蜜同lotus餅配

雖然Odelice有幾間分店，不過食親都係The One分店，如果日頭係度食，窗外陽光滲入藍白主調既餐廳，不失有南法風味，不過夜晚燈光昏暗，但又唔係romantic 既效果，唔係好啱打卡，咁就專注番食物。叫生蠔可以包兩杯野飲，生蠔睇落幾大隻，食落唔算多肉，有海水味，配上白酒，係幾鮮味。主廚拼盤有煙三文魚、意大利火腿、炸黑松露磨菇球、鱈魚醬、雞蛋沙律、燒番茄、酸種麵包，整體都好好食，係開胃頭盤之選。是日精選餐湯味道不過不失。兩杯飲品可以叫酒精或非酒精飲品，咁既然食生蠔，就叫白酒襯托下，白酒清甜易入口唔黏喉。套餐以外叫左蜆意粉，蜆都新鮮有肉冇沙，係典型忌廉汁意粉。原本係牛脊肉配鴨肝，可惜冇曬鴨肝，用大蝦替代，有d失望。牛脊肉生熟程度拿捏恰當，易切易咬，入味唔會「鞋」，配埋蒜粒更帶出肉香，整體味道中規中矩，冇乜驚喜。大蝦煎完唔算大，但都叫有肉，都夠香既。香煎三文魚，份量都係好配合法國fine dining 既，茴香加上檸檬汁提升三文魚味，薯蓉都好夠綿滑，整體唔錯。火焰橙酒可麗餅，可以話係頭盤以外的驚喜，侍應即點火即淋酒上餅，睇得又食得。雪糕算多牛油，唔易溶，可以配上可麗餅切件入口，幾有咬口，

今日我和友人去尖沙嘴午飯，見到Odelice！係我吃幾次都覺得回味無窮的餐廳，今次點了包括了雜錦海鮮法式蕎麥薄餅、黑松露薯仔奄列配煙三文魚、法式蛋白霜檸檬撻、熱情果冰茶和芒果奶昔。雜錦海鮮法式蕎麥薄餅。這道菜讓我非常驚艷，因為它的口感非常豐富。蕎麥薄餅的質地非常薄，但仍然保持了堅韌的口感。上面鋪滿了各種海鮮，包括蝦、魷魚，每種海鮮都非常新鮮，且味道鮮美。此外，蕎麥薄餅的醬汁非常特別，有一種微酸的味道，與海鮮完美地搭配在一起。整道菜的搭配非常完美，讓人回味無窮。接下來是黑松露薯仔奄列配煙三文魚。這道菜也非常出色，因為它結合了多種口感。煙三文魚的味道非常鮮美，而薯仔奄列則非常鬆軟，口感豐富。上面灑滿了黑松露，讓整道菜的味道更加豐富。這道菜的搭配非常獨特，讓人驚豔不已。法式蛋白霜檸檬撻是一道非常精緻的甜點。它的口感非常細膩，蛋白霜非常輕盈，搭配柔軟的檸檬撻皮，讓人感受到極致的口感享受。檸檬撻的味道非常清新，而蛋白霜則非常香甜，整道甜點的味道非常平衡，非常適合作為結尾的甜點。熱情果冰茶和芒果奶昔是兩款非常清新的飲品。熱情果冰茶的味道非常清爽，而熱情果的味道非常獨特，讓人感到非常舒暢。芒果奶昔則

Odelice! (The ONE) (尖沙咀)尖沙咀彌敦道100號The ONE4樓L407號舖性價比高法國菜被優雅的裝潢和溫馨的氛圍所吸引。Mixed Seafood Galette雜錦海鮮蕎麥薄餅虎蝦，珍珠帶子，鱈魚，魷魚🦑蕎麥薄餅裡面包含了虎蝦、珍珠帶子、鱈魚和魷魚，每一種海鮮都煮得恰到好處，味道新鮮，與蕎麥薄餅的淳樸風味完美結合。Black Truffle Potato Omelette黑松露薯仔奄列配煙三文魚口感蓬鬆輕盈，充滿了黑松露和奶油香氣，搭配煙燻三文魚的咸味，完美平衡了整道菜的濃郁口感。Lemon Meringue Tart法式蛋白霜檸檬撻蓬鬆輕盈，卻充滿了黑松露和奶油香氣，搭配煙燻三文魚的咸味，完美平衡了整道菜的濃郁口感。Mad Mango - 神奇芒果芒果,熱情果，椰奶熱帶水果的風味，新鮮的芒果和熱情果與椰奶完美搭配，味道非常好，而且造型可愛。Ginger Fizz - 泡泡姜生藍,蒔蘿草,檸檬汁,姜味汽水飲料帶有姜的辣味，加上甜美的藍莓和酸爽的檸檬汁，喝起來十分開胃。

好好味值得推介進入店裡後，感覺置身於巴黎大街小巷上的小酒館，店內全部落地玻璃可以望出窗外，地下都係我喜歡嘅黑白地磚非常雅緻，令人一入到去有度假的感覺，賞心悅目。不難發現，ÔDELICE曾經贏得了不少美食評比的獎項，證明了餐廳的水準和口碑。菜單方面，主打法式料理和牛排，讓人感到非常豐盛和美味。他們的菜色都是使用頂級的食材，並以簡單而精緻的方式烹調，味道非常地純粹、好吃。ÔDELICE的法式田螺是值得推薦的一道菜色，這道菜色的處理也非常講究，田螺先經過清洗和煮熟，再搭配上蒜香醬汁。而醬汁的味道非常濃郁，但卻不會讓人感到油膩，田螺本身的鮮味和彈牙口感都非常好，搭配上特製的牛油蒜香醬汁，更是讓人一試難忘。飲品方面我最喜歡的是香茅、薰衣草、 玫瑰花瓣和蘋果乾泡出的花草茶，味道清新，添加蜂蜜增添甜甜的味道令人放鬆的香氣。

餐廳位於The One 4樓，光線充足，靠窗位置開陽，坐得舒適，食Brunch好地方。雜錦海鮮蕎麥薄餅味道真心不錯！蝦仁大隻，白汁濃郁，蕎麥薄餅夾著來吃，口感扎實。牛腹肉蝴蝶粉牛腹肉賣相一般，但味道相當不錯，肉質扎實，容易入口，蝴蝶粉也質感不錯，配蘑菇忌廉汁，很快吃完。班尼迪克碗為了這道菜而來！喜歡班尼迪，伴軟軟的麵包，清新又濃郁。花生朱古力可麗餅同行孩子最喜歡這道菜，只因有朱古力！香蕉船用脆餅做船，十分有特色，伴香蕉、雪糕等，美味！ 飲品兩杯飲品泡泡姜和免疫能量各有特色，前者有生薑、檸檬汁和薑味汽水等；後者有香蕉、芒果和燕麥奶等。

朋友推薦的店鋪好好食😋種草喇 下次再做回頭客點晚餐A餐日式照燒脆皮雞B餐鐵板金銀蒜肉眼➕參包+飲料🥤門口靚仔非常熱心服務很好接地氣哈哈哈照顧到說普通話的內地朋友☀️