Odelice! (The ONE)

今晚約了好友晚飯！好友提議來一個法國菜晚上，於是來到了尖沙咀The One的「Odelice!」。點餐後先送上麵包和餐湯。餐湯質感濃稠creamy，頗重薯香味，同時也有一些青醬、香料葉的味道。非常特別的巴黎鐵塔造型擺盤！打卡度高，同時也營造到氣氛。上層放有3款凍肉，有西班牙風乾火腿、辣味意式腸和法式火腿。火腿充滿濃郁的鹹香味，可配合下層的康提芝士同吃，2者非常搭。除了芝士，下層還有三文魚他他、辣肉腸忌廉球、蜜糖燒茄子，以及迷你蛋批。三文魚他他鮮美滑嫩，配上奶油香撻皮。迷你蛋批的蛋味好出好香，內餡就有蘑菇片。4款鹹點各有特色，味道整體都可以。非常大盤的法式煮青口！青口肉滑嫩，口感帶彈牙。以煙燻蕃茄辣肉腸醬汁作烹煮，貝肉吸了汁水精華，酸甜味道添加了層次感。伴有薯條，粗薯條香脆惹味，薯香味十足。牛胸腹扒選擇了7成熟，上枱時已切好片狀。牛肉充滿微微嚼勁，質感紮實有彈牙感。入口juicy，肉汁在齒頰間溢出。附有牛油果蓉佐送，牛油果的清爽更減輕了牛扒的膩感。另外還伴有燒薯粒和火箭菜。先有店員淋上火焰橙酒，來一個視覺享受。可麗餅柔軟，餅邊有少許脆身，牛油香味濃郁。入喉後再感受到橙酒的橙香味。再加上一球雲呢拿雪糕，口感冷熱交融，更滋味。點了2杯mocktail。前者以小紅莓汁、薑啤和青檸汁沖調，感覺香甜清新。另一杯則是沙冰，由士多啤梨果蓉、菠蘿汁、檸檬汁和薑啤組成，滿滿果香味。…查看更多

喺尖沙咀同朋友都想食Crêpe ，所以索性嚟Odelice!食埋晚飯，個晚市套餐仲包埋添！🔖Dinner Set 💲558 for two： 🍲《 蕃茄南瓜忌廉湯 》 x2 配 餐包餐包有焗熱，湯香濃唔會酸～ 我地揀咗 ：🥑🦀《 Crab & Avocado Tartare 》 啖啖鮮甜蟹肉，好juicy加埋牛油果他他好fresh! 🐔《 Roast Half Yellow Chicken 》法式烤黃雞半隻燒好香，肉會偏乾，髀位會滑啲；配薯蓉同松露野菌醬汁提味～🥩《 Argentinian Angus Ribeye ➕💲50 》阿根廷安格斯肉眼牛扒做到要求嘅7成熟，唔韌有肉汁，配埋薯條同巴黎牛油汁～另外飲品有優惠🈶🥞《 Crêpe Suzette 》
職場即場淋火焰橙酒落可麗餅再點火🔥 但可惜酒太多過苦。 我哋點咗2杯MOCKTAIL：🍹《 Peach Sunrise 💲65 》莓味有汽～🍹《 Matcha Apple 💲🆓 》 第一次飲無奶嘅抹茶，再加左酸酸哋檸檬同蘋果汁，幾特別～ …查看更多

ÖDELICE (為於尖沙咀THE ONE)地點非常之方便，以平民價食到有質素嘅法國餐，係唔係到咗夜晚八點仲係爆棚嘅原因呢?原來並唔係咁簡單。原因之一應該係因為一個親和力極高嘅店長LOUIS 。一個非華人同你好努力咁用廣東話同你覆述電話booking時，好感度就提升了。佢不但對每款菜式都能夠作出最好推介，見到佢滿場飛同團隊同事合作無間。雖然見到佢每個客都自來熟，保留私隱空間又拿捏得好好，咁高情感價值體驗嘅餐廳真係好難得！爆場另一原因是食品喺好多細微位都極顯心思，唔會話掛住法國餐牌頭，就擺好多看起黎奢華嘅菜式。我分享吓當晚嘅美食：《前菜餐湯》 🍞Ciabatte Bread- 呢款麵包外脆內軟，帶有微微的酸種包味道。牛油上邊薄薄灑咗幾粒鹽豐富咗牛油風味。🍊Soup 蕃茄湯- 是日餐湯係盲盒，未上枱都唔會知今日大廚個湯係紅黃綠白，好似霸道總裁咁唔會俾你揀。雖然係咁，是晚嘅濃郁法式蕃茄湯並冇令人失望。你係可以睇到為咗有各層次口感而有唔同程度，個湯入邊混合住蕃茄蓉配蕃茄粒。加上香草調味。配上個餐包，真係覺得一個太少。French Charolais Steak Tartare生牛肉他他搭配蛋黃、洋蔥和香料，原汁原味。配烤好嘅酸種麵包，無得挑剔。《主菜》🐟Salmon with Sorrel Sauce - 三文魚搭配酸香的酢漿草醬，只輕輕帶黎一絲青新調味，唔會蓋過魚嘅鮮美。係完全可以食到三文魚煎香脆咗嘅表皮，同皮下爆棚嘅魚脂。 🐽Berkshire Pork 'Pluma'- 黑豚肉大家都知道肉味濃郁，脂肪紋理令口感更有咬勁。吸引我注意嘅反而係神秘獵人醬汁（Sauce Chasseur）我繼續以開盲盒嘅心態去試，食落去開頭有香草味道、然後有燒味飯嘅蔥油味、最後有微微嘅果味/酒味/或是蕃茄味，都分唔清了。原來呢個醬既歷史，源自獵人喺野外狩獵後，就地喺森林入邊採摘食材烹調，所以有濃濃自然風味。主菜呢兩款醬汁嘅配搭，都唔會蓋過煎到香脆嘅肉。只有對烹製食材有絕對信心，先會用呢啲唔搶肉味嘅調味食譜。每一啖都會令人聽到個主角喺口中嘅存在感。🧊Coconut Dive- 椰子為主調嘅飲品，椰青水和水果口感清涼，配上有汽梳打，清空味蕾持續品嘗美食。🧊Pistachio Royale- 香脆開心果搭配絲滑奶油和巧克力，既有堅果香味，又有甜品細膩。《甜品》🥞最後法式甜品又點會唔食返個Crêpe - Crêpe Suzette又係何許人咩玩法、原來係最具打咭力嘅火焰可麗餅。經典的法式甜點，可麗餅上淋上加熱同點著咗嘅柳橙酒，香氣同視覺效果並存！…查看更多

尖沙咀「ÔDELICE」推出全新嘅Set Dinner Menu同Drinks Menu，即刻拉埋屋企人去食，因為有好多菜式都好想試下！今次仲外賣咗3盒食物Share俾其他屋企人試下。*此餐廳收取全單10%服務費。晚市套餐二人餐（單點$673），龍蝦馬賽魚鍋，半隻活龍蝦肉質爽彈，味道鮮甜，龍蝦膏份量多；內有黑青口；茴香酒燒大蝦肉質爽口；盲鰽魚食落鮮味十足，配以海鮮番茄醬汁食用，魚肉鮮味更加突出，配菜包括有薯粒。黑豚帶骨豬鞍（跟餐$65），豬鞍肉質厚肉、色澤粉嫩，口感鬆軟，肉味濃香，表面裹滿蜜糖芥末醬，外層燒得微微焦脆，味道甜帶微辣，法邊豆口感爽脆，南瓜蓉口感幼滑，味道香甜。法式點心拼盤（跟餐$35），炸辣蟹肉球，表面鋪有香辣醬汁，味道微辣，口感酥脆，內有蟹肉；煙三文魚，肉質嫩滑，食落帶有煙燻香味，配以檸檬汁食用，味道清爽；迷你蛋批，內有雜菜碎，食落蛋香味濃；香草芝士撻，Cream Cheese口感幼滑，味道濃郁；雅枝竹蘸醬，口感稠身，配以苦苣食用，味道清新。法式煮青口300克（跟餐$30），此菜式出色在於廚師將黑青口煮到剛剛好熟透，所以黑青口口感好嫩口，加上黑青口肉質飽滿，而且食落好新鮮，配以白酒牛油香草湯汁食用，味道更佳。2碗餐湯（跟餐$0），甘筍忌廉湯，表面鋪有原味南瓜子仁、番荽，口感Creamy，味道清甜。2客餐包（跟餐$0），Mini Ciabatta Breads口感外香脆內軟硬適中，配以海鹽牛油食用，食落好香口。Lychee Martini （單點$85），表面鋪有荔枝、有枝紅車厘子，蛋白氣泡口感綿密，採用伏特加、荔枝香甜酒、熱情果糖漿製作，飲落容易入口。Iced Honey Ginger Punch（單點$65），表面鋪有青檸，採用蜜糖、生薑、芒果果茸、蘇打水製作，味道酸甜、帶點生薑汁的辛辣。…查看更多

Odelice以藍白色為主色調，搭配黑白方格地板，精緻的藤編椅子，增添一絲法式的浪漫。柔和的燈光，配上設計優雅的吊燈，營造優雅的氛圍。Odelice BISTROT SET 晚市二人套餐餐湯濃郁的薯蓉湯，口感滑順，帶有綿密的薯蓉及煙肉香氣，用法式面包沾上，精緻開胃。法式小碟拼盤- 炸白汁三文魚球：外脆內嫩，炸至熱燙可口，鮮香的魚肉及白汁，啖啖濃厚奶香。- 迷你蛋批：柔滑的蛋餡，蛋香濃郁，散發著香草的清甜。- 吞拿魚撻：咬開香脆撻皮，填滿鮮味的吞拿魚蓉，細膩鮮味。- 煙三文魚：淡淡煙燻香氣，搭配清脆多士，口感香脆。- 青瓜刁草煎醬配多士：清新的青瓜香，給味蕾一絲清爽的感覺。法國田螺6件田螺肉鮮嫩彈牙，搭配香蒜調味，鹹鮮味吸引，十分誘人。煎鴨肝，油封鴨腿意粉豐腴厚身的鴨肝，鴨肝油潤滋味，十分邪惡。油封鴨腿肉質粉嫰，肉味香濃，意粉掛上濃厚的忌廉汁，美味吸引。龍蝦馬賽魚鍋鮮美的龍蝦融合多款海鮮，湯底濃郁，帶有番茄的酸甜，龍蝦爽口彈牙，馬賽魚煎至表皮香脆，肉質軟嫰，口感豐富，令人陶醉。還有大蝦、挺身的青口，再呷一口海鮮濃湯，香氣提鮮，鮮味停不了! Melon Silk 75哈密瓜的清新，甜而不膩，加上細滑的豆腐及椰子水，淡淡清爽果香。豆腐清幽柔和，品嚐到夏日的香氣。Saint Germain Spritz接骨木花帶獨特的花果香氣，入口清甜芳香，混合氣泡酒的清新，微微的酸甜，口感輕盈，冰爽解渴。…查看更多

🌟🍴   【尖沙咀•Odelice!】 💥💥✨📍Odelice!彌敦道100號The ONE 4樓L407號舖🍖🥟🍟🥚🍰🍲🍇 • 🥪🍓🍤🍪🍜🍡🍹 今日係濃到舀唔起嘅野菌忌廉湯，熱辣辣上桌，香氣直衝腦門！烤得「喀啦」響嘅Ciabatta一撕開，內裡鬆軟，一蘸湯即刻變蒜香牛油麵包，開場直接滿分！Escargots en Persillade 6隻正宗勃艮第田螺，肥美彈牙完全無土味！蒜香歐芹牛油多到溢出焗盤，一叉挖出「啾」一聲，牛油汁在舌尖爆炸，配底層雲呢嗱薯蓉滑到犯規，6隻根本不夠吃！香煎三文魚配酸模汁挪威三文魚厚切，皮煎到金黃「喀啦」響，中心保持粉橙半熟！酸模汁（sorrel）酸香得剛好中和油脂，法邊豆爽脆、焗薯軟綿帶煙燻味，一啖魚一啖汁，法國鄉村風味滿瀉！紅酒燴羊膝意粉（含煙肉）羊膝肉慢燉8小時以上，入口即化到要用筷子撈！紅酒醬濃郁帶微甜，煙肉粒＋羊汁完全滲入意粉，每叉都拉絲，意粉吸滿醬汁變成「肉味意粉」，一碗見底都不想停！開心果焦糖燉蛋表面焦糖「啪」一聲敲裂，底下開心果忌廉燉蛋滑到像嬰兒肌！開心果香氣超級突出，苦甜交織，甜品控會直接淚流滿面！Winter Frostberry $65一杯冰藍色夢幻炸彈！藍莓果蓉濃到像把整籃藍莓打爆，青檸汁一擠酸到齜牙，蘇打水「嘶」一聲氣泡衝腦門！啜第一口先是冰冰酸酸，之後藍莓甜香在舌尖炸開，尾段還有淡淡果皮回甘，零酒精卻微醺，冬日限定嘅藍色雪景，喝一口直接凍結幸福！配紅酒燴羊膝意粉解膩到飛起，甜品前嘅完美滅火器！Pistachio Swirl $70開心果控的終極暴擊！一杯濃到誇張的翠綠色夢幻，表面先鋪滿金黃酥脆卡塔菲絲（像天使頭髮咁幼細，一咬「喀啦喀啦」響），再狂撒烘香開心果碎，香氣直接衝出三米遠！飲落去先係冰涼開心果醬滑過喉嚨，之後雲呢拿＋開心果雙糖漿交織，甜中帶微鹹堅果味，尾段仲有卡塔菲絲殘留嘅脆口在嘴裡跳舞！零酒精但層次比雞尾酒仲複雜，喝完杯底仲有厚厚一層開心果沉底，用匙羹挖來吃根本係第二個甜品！配焦糖燉蛋前飲，開心果×2，直接把甜品幸福感推到爆表！$70絕對值回票價，係今晚嘅隱藏MVP！🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 750@o.delice✨🥢🍣🍕🍜🍴🍰✨ #尖沙咀美食 #web3尖沙咀#odelice #法國菜 #法國餐廳 #西餐…查看更多

ÔDELICE’s “Eiffel” surf and turf menu is a satisfying journey through French bistro classics. The Eiffel canapés Appetiser platter is a generous and delightful start, offering a tasty array of cured meats and salmon. For the main, the mussels steamed in a rich, smoky tomato and chorizo sauce were plump and delicious, with perfect, crisp fries for dipping. Upgrading to the tender Angus rib-eye was well worth the supplement. The grand finale, a flaming Grand suzette crêpe with vanilla ice cream, was both theatrical and delicious. With an 80% discount on fresh oysters and drinks , this menu offers solid value and a thoroughly enjoyable dining experience.…查看更多

秋日fusion法式蟹宴和另一半浪漫「蟹」逅✨$888🫚上海薑泡｜江南暖薑酒一冷一熱薑製cocktail 以花雕酒，薑酒等其它..冷的清爽重醺口感複雜；熱的甜潤驅寒暖胃🥣布列塔尼風味蟹肉濃湯酸微微濃郁開胃 配酸種麵包併法式蟹皇蒜香醬
📔主菜🦀大閘蟹馬賽魚鍋簡直海鮮控至愛有青口、大蝦、盲鰽魚、薯粒花雕與番茄醬汁烹調，各款海鮮極鮮味大閘蟹更爆膏呈橙色；盲鰽魚肉鮮嫩無比🦀蟹肉燴飯勁吸睛絲絲蟹肉蓋面，令外米粒吸收蟹皇湯汁精華後，郁濃啖啖最後食埋清爽薑味雪糕大滿足…查看更多

We really enjoyed our experience at Odelice. We tried their salad, beef steak, beef spaghetti, roasted chicken. Their coconut mock-tails is the best. They've nailed the recipe! Really loved the flavors and the freshness of the ingredients. I love the texture of juicy roasted chicken and yummy sauce. The portion was more than enough for 4 people, which was worth it. Their service is the best. We spent less than $200 per head for a set branch menu. I will definitely recommend this restaurant to everyone. …查看更多

最近我和朋友到尖沙咀的Odelice享用了一頓美妙的法國菜，這家店一直是我的愛店，果然沒有令我失望！還有，員工服務非常周到，很有禮貌Good service首先上桌的是餐湯和麵包麵包真的非常出色，香氣撲鼻，口感柔軟，無疑是高質素的手工製作« Roast Half Yellow Chicken »法式烤黃雞半隻燒好香，肉會偏乾，髀位會滑啲；配薯蓉同松露野菌醬汁提味~另外飲品有優惠有［Happy Hour Buy 1 Glass get 1Freel ]« Crêpe Suzette »職場即場淋火焰橙酒落可麗餅再點火心但可惜酒太多過苦。…查看更多

Odelice 呢間法國餐廳主打價格實惠，樸實無華唔 formal 帶點輕鬆食飯嘅輕鬆氛圍~今次嚟到尖沙咀呢間分店再戰一下！是日南瓜湯，佢哋嘅南瓜湯飲落唔係blend 到滑曬反而帶點瓜肉，口感相對豐富啲Crab & Avocado Tartare 蟹肉牛油果他他 蟹肉份量好足🦀🦀🦀呢個簡單但無得輸組合~ 唯一係略嫌伴碟嘅蕃茄少咗啲唔夠酸味平衡Argentinian Angus Ribeye 200g 阿根廷安格斯肉眼牛扒 - 脂肪少，牛味濃 ~ 個Sauce de Paris 牛油香草味豐富，因為個人鍾意食原味扒多啲所以拎咗嚟點薯條都好夾喎~Roast Half Yellow Chicken 法式烤黃雞 - 焦褐色嘅外皮睇到都知道個雞皮係好脆，最正係加埋個松露蘑菇醬，令到個風味更加濃厚~（不過係完整半隻咁上，要自己處理時需要少少功夫）Crêpe Suzette 火焰橙酒可麗餅呢款咁經典嘅法式甜點呢度都有得食！可麗餅淋上橙酒，再即場經過火焰洗禮🔥🔥🔥 食落甜美又帶有濃濃嘅柑橘風味，配雪糕冰火交融更加爽Happy Hour 時段有買1送1優惠~我哋分別揀咗：Coconut Dive (Mocktail) - 好靚好療癒嘅藍色，未飲已經爽咗先~以菠蘿汁, 椰子水同檸檬汁位主調，清新夏日嘅感覺Green Apple Mojito - 以 Rum 酒加上青蘋果茸, 薄荷葉配蘇打水，比想像中甜美嘅一杯 Mojito~ 容易飲唔上頭…查看更多

見Openrice 訂台有85折，曾經晚餐惠顧過一次，午市就訂枱試試。套餐有很多選擇，基本上就是前菜+主菜及飲品。另外可以用優惠價加購其他小食或甜品。前菜點了法式香草沙蛋沙律、餐湯及炸白汁三文魚球。三個前菜都不錯，沙律菜非常新鮮爽脆。點了4個主菜，分別是油封鴨腿、青醬松子意大利飯、三文魚蕎麥薄餅、風乾豬面頰卡邦尼意粉。三文魚蕎麥薄餅混合火箭菜的香脆口感中和了芝士的膩。豬面頰像炸豬腩般脆口，提升了意粉的口感。餐飲就加錢升級小青檸氣泡特飲(內有薄荷葉+話梅)。由於太飽就沒有點可麗餅試，但見鄰座有點，份量及賣相都十分有水準。…查看更多

約了很久沒見的朋友聚餐，想找一間餐廳環境舒適，味道不錯，而又可以傾偈嘅餐廳；看到這間餐廳的評分不錯，圖片顯示環境也很好，氣氛似乎不錯，於是預約這餐廳進餐，果然沒有揀錯👍🏼餐牌有套餐或單點菜式，最後選了套餐$588兩位OK，頭盤選了蟹肉牛油果他他，主菜點了帶子燴飯及煎三文魚，甜品是蘋果撻，全部味道不錯；七點前飲品買一送一，可選有酒精或無酒精飲品；侍應服務態度很好及有禮，整體很滿意及非常enjoy的一個晚餐😋👍🏼👍🏼…查看更多

朋友很喜歡這餐廳，特意約她假期前夕在這裡共享晚餐。餐廳環境不錯，店面的外國人經理也很熱情，很會搞氣氛。在愉快輕鬆的環境下，怎樣也沒想過接二連三的驚喜之夜即將展開⋯⋯我們點了二人餐，選了凍肉拼盤，三文魚蕎麥薄餅，煎鴨肝.油鴨腿意粉和火焰橙酒可麗餅。先上套餐的餐湯和餐包。餐湯是南瓜湯，有些煙肉，喝到一絲絲南瓜中有點煙肉咸香，很不錯。法式餐包外脆內軟，配搭像President 品牌的法式牛油就更添滋味。上前菜，咦？不是我們點的菜式呀。經侍應確認後，終於上我們加錢點的凍肉拼盤。拼盤的麵包還暖暖的，火腿有3款，每一款也充滿咸香和油脂，加上火箭菜獨特的氣味，如果配上芝士，喝酒的話再搭杯紅酒，足夠chill一個晚上～之後上兩款主菜⋯⋯為什麼依然全部也是錯的？我們開始有點無奈⋯⋯煎鴨肝.油鴨腿意粉，非常推介！鴨肝很大塊，充滿油香，滿口幸福！油鴨腳肉得嫩，我和朋友也大讚好吃！倒是三文魚蕎麥薄餅就有點奇怪，餡料的氣味和外型也像蕃茄炒蛋，味道帶微酸，蕎麥薄餅是滿有口感⋯⋯突然！呯！眼前有醬汁濺過我的臉、頭髮和衣服！我嚇得呆了，不敢動，我怕有玻璃會弄傷！原來有侍應在我們旁邊打翻醬汁！待我回過神來，發現朋友的衣服滿是白色的醬汁！侍應當刻並沒有道歉，只是拿了一堆紙巾和濕紙巾給我們！過了好一回兒才有侍應向我們道歉，並拿餐牌給我們選一款甜品作補償。我們的套餐本來也有甜品，再多一份我們也吃不下，而且那一刻我們只想快點吃完離開，生怕再留在這裡會發生什麼事，所以並沒有接受⋯⋯上甜品，搞什麼呀，依然是錯的！我們也苦笑了⋯⋯而且每次有侍應拿著東西在我們旁邊走過時，我們也很緊張⋯⋯火焰橙酒可麗餅，侍應會在客人面前，在可麗餅上燃點火焰，好打卡able，味道方面，酒精味過重，蓋過了橙汁酒該有的香甜，而可麗餅的口感其實也不錯的，有煙韌感。餐廳的食物整體不錯，有些菜式是推介的，但服務方面的確需要改善。為什麼從頭到尾給我們的餐點也是錯的？完全沒有道歉和解釋！而且打翻醬汁弄髒客人的衣服，讓客人受驚，也沒有即時道歉，送客人甜品這安排也不貼心，令客人尷尬。希望餐廳可以改善，也歡迎餐廳負責人作回應。…查看更多

2025.9.30約個朋友去食飯，起初入餐廳都無咩 都覺得周圍環境唔錯。惡夢由點完餐開始一直去到尾！我地點$558 兩人餐，呢個餐包2個小碟&2個主菜。我同朋友起初就揀左小碟（1）牛油果蟹肉他他 & （2）凍肉拼盤 & 主菜 （1） 三文魚蕎麥薄餅 （2）煎鴨肝，油封鴨腿意粉。我同朋友點完就問個侍應個餐包唔包甜品，侍應話要減走一個小碟既選擇就可以轉甜品或者嫁正價點個甜品， 我同朋友就減走左個「牛油果蟹肉他他」改要「火焰橙酒可麗餅」甜品。之後由一開始上小碟到甜品都係上錯哂啲餐點！侍應上左我地無揀既「牛油果蟹肉他他」 ，上餐侍應仲問我邊個同事負責點餐，我地都有指番邊個侍應負責，佢都有同我地confirm一次，但之後都係上錯，仲要錯到上甜品都繼續錯，建議要再培訓呢位侍應啦！中間有個侍應收碟個陣整跌左裝醬既兜仔落地下，上邊啲醬仲彈到我條半側邊身既裙都係醬同隻手都係，連我朋友塊面同頭髮都係！個一刻唔單止一句道歉都無，只係比左一大堆濕紙巾同紙巾我地，整到我地個侍應去到後期先出黎道歉🤷🏻‍♀️🤷🏻‍♀️🤷🏻‍♀️之後另一個侍應就無啦啦比左個甜品餐牌叫我地揀個甜品當補償！由頭到尾都無負責人同我地解釋發生咩事或者負責人同我地道歉，只係話你地揀番個甜品比當賠償比我地，咁我個餐本來都有點架甜品，可唔可以貼心少少睇下個客點左啲咩野食先再諗下比咩offer個客啦 ！餐點係好食既，但服務就麻麻啦 如果要食既 建議去番另一間分店，都希望間餐廳要再培訓下啲侍應及改善服務質素！…查看更多