NUTTEA (時代廣場)

營業中

休息中

行街行咗好耐，經過City Super，見到nuttea，之前有朋友同我講過話呢杯嘢飲好健康，因為好多堅果。咁都幾好呀。本身仲諗住睇吓會唔會有🧋🧋珍珠奶茶嗰啲飲。跟住我就買咗伯爵朱古力堅果奶蓋茶，我見到佢話限定100杯㗎咋，好好彩我都買到。成件事完全唔同講法，即刻覺得自己好健康😁😁等咗一陣就有得飲啦，首先要打開個蓋，用匙羹食咗面頭啲奶蓋先😋😋😋食到碎碎的堅果，好厚實同好香嘅奶蓋，厚到可以產起嚟食😍超級無敵滿足！食完之後就開始飲，佢寫到明要45度斜斜地咁飲，一入口就係好香嘅伯爵茶味道，香濃嘅茶味配合堅果嘅奶蓋，我覺得簡直係Perfect match！飲完仲覺得好飽肚，好抵呀！喝到健康繽紛口感，提提大家記得兩個鐘頭內飲。

最近迷上左手調飲品，除左坊區一般既台式飲品店之外，仲好欣賞呢間以堅果做招牌既手沖飲品店Nuttea。佢有幾間唔同分店，不過數目唔算多，希望會再擴充分店，多啲機會飲得到。飲品選擇都幾多，除咗有招牌堅果系列之外仲有普通嘅手沖飲品。我當然係叫佢嘅蘋果脆脆楓糖堅果奶蓋茶，面頭奶蓋好香，入口即溶，茶味濃郁。而佢扁桃嘅蘋果脆脆甜甜地甘，又幾夾奶蓋同茶香味，係幾唔錯！另外佢仲有個好細既剷仔比你兜起奶蓋黎食，都幾得意！

今日行過city' super見到一間以堅果沖調飲品的店子，牆上鑲了五支存放着不同堅果的膠柱，很具代表性。 開放式的店舖，沒有坐或企位，只供外賣，舖位雖小，但整齊企理，仲貼了不少飲品相片，睇落款款都好吸引。在多款堅果奶中，我揀了一杯蘋果脆脆楓糖堅果奶蓋茶 ($40)，去冰微糖，甜度正合我心意。原來係以蘋果茶做底，茶味和蘋果味兼備，好香。茶頂就是除了有堅果奶蓋之外，仲有甜美的蘋果乾，好好食! 堅果奶蓋豐厚綿密， 口感香滑，濃濃的果仁香中有啲鹹，仲有楓糖的香甜，一羹一羹大啖食，好滋味! 飲了一半就將果仁奶蓋跟茶拌勻，入口變滑，而蘋果茶配上果仁奶原來都好夾，喜歡！其實仲有好多好多口味，下次再來一杯吧! 

今日行街經過SOGO ，行到好頸渴同埋好熱，想飲下台式飲品，咁岩見到有間比較健康嘅台式飲品店，點解會話比較健康，因為佢地係用堅果奶黎沖既。另外問店員，原來乳糖不耐症都可以飲到，真係幾好。我就叫左杯焙香堅果奶蓋烏龍茶，一打開就見到滿滿嘅奶蓋，超級吸引，而且喺表面上都鋪咗滿滿嘅果仁，食落去都幾有口感。拎到手嘅時間，店員另外畀咗個小匙羹我，原來係拎嚟食表面上嘅奶蓋，不過就算食咗部分，個份量都好多。所以我建議可以食一半，之後將奶蓋同茶溝埋一齊飲，咁茶就可以中和到奶蓋，唔會覺得太過肥膩。烏龍茶嘅茶味都好出，同埋奶蓋一齊食啱啱好，不過要記得攪勻先，因為奶蓋比一般嘅茶飲店厚，就咁用飲筒飲比較難飲到，飲完一杯就會好飽，大滿足。

好耐都未試過出嚟銅鑼灣，如果唔係咁啱去到港島，都好少可會過嚟呢面，不過難得黎到就行咗入商場睇一睇，咁啱喺商場發現到呢間舖頭，我之前都喺旺角飲過，味道比一般嘅茶飲店健康，但係都只係提供外賣，冇得坐喺度飲，不過餐廳嘅裝修幾特別，開放式嘅廚房，另外門口都有五條堅果柱，飲品方面種類都好多，有堅果奶、堅果奶蓋茶、堅果奶·茶、法蘭絨手沖精品咖啡、特選好茶、堅果汁和水果茶。另外都有啲限定嘅供應 呢度嘅奶係堅果奶，所以真係好少有，黎到我都專登叫堅果嚟試一試。我就叫咗伯爵堅果奶蓋茶，茶味好香醇，再將奶蓋跟茶拌勻之後，個味道又折然不同，本來清涼嘅茶，入口就變得好滑，而且甜度冇一般嘅茶飲店咁甜，值得推介。下次有機會試埋佢其他嘅種類

NUTTEA 開到周街都係，呢一間就喺時代廣場City Super隔離，行完超市去買一杯真係好方便！其實我之前已經好鍾意飲NUTTEA嘅堅果奶，佢主推烘焙加冷壓喺健康嘅純素飲品。我飲過幾款味道，始終係覺得朱古力伯爵堅果奶茶係心中第一名！好欣賞佢每次都係即叫即整保證每一杯堅果奶飲都係新鮮！朱古力伯爵堅果奶茶整體個口感真係好creamy 好濃郁，而且佢個伯爵茶真係沖得好濃好香，仲飲得出有少少烘焙味。因為佢個奶蓋係堅果整嘅所以好濃好有飽腹感，佢稠到可以用鏟子當甜品甘食。買一杯可以當甜品又可當飲品又飽肚又健康，一次滿足晒四個願望！

呢間茶飲店位於Time Square Supermarket 隔離,行行下街買杯飲品好方便,即叫即沖,新鮮泡製😎Nuttea主打香滑濃郁既堅果奶,多款堅果(杏仁,合桃,腰果等等)混合,經過專人由採摘加精製,再用心烘焙再冷壓研磨,製成健康純素既飲品🤤係好好既non-dairy milk alternatives!除左堅果奶與不同茶飲或者水果既配搭,佢地仲有堅果奶蓋茶同精品咖啡選擇,款式多多😍伯爵堅果奶茶Earl Grey Nut Mylk Tea $35整體口感Creamy,而Earl Grey同堅果奶都好match,有豐富既茶香!加入Q彈既黑糖凍,濃濃黑糖香入口即化😎而且堅果奶飽肚感好高,可以當係健康代餐🤣

近排天氣愈來愈熱，所以平時出街會買杯飲品降下溫。上星期去左銅鑼灣行街，朋友帶左我去時代廣場入面話有好推介比我，就系NUTTEA。朋友大力推介 "伯爵朱古力堅果奶蓋茶" 話一定要飲～我本身對於奶蓋吾太厭好，因為怕太漏又吾好味；不過見佢甘堅持叫我必Order，就試下喇！伯爵朱古力堅果奶蓋茶：我order左微糖走冰。原來依款奶蓋茶有幾種飲法，會令有幾種吾同味道同口感tim～首先上層奶蓋幾Creamy, 而且奶蓋好厚身，上面仲有滿滿既朱古力粉，味道甜甜地，同時帶少少咸奶蓋味。之後將上層奶蓋連同下層既伯爵茶一選齊飲，感覺幾特別，上甜下清。最後將兩者攪拌一齊飲，甜味終於均衡返，個人最喜歡甘飲。雖然我揀左微糖，但我覺得幾好飲，而且又吾漏口，真系無介紹錯啊！

之前睇過報道介紹NUTTEA ，好吸引，令我成日心思思想試。NUTTEA同其他茶品店唔一樣嘅地方係佢哋用堅果奶調製飲品。堅果奶包括五種堅果：杏仁、腰果、核桃、榛果同夏威夷果仁，感覺上好健康。我經過Nuttea好幾次，都見到好多人等緊攞飲品。有次我見冇乜人，諗住可以去買，點知原來佢哋有好多網上訂單，要等30分鐘先有，於是我就放棄咗。今次見到冇人，又同店員確認咗唔使等之後，終於買到啦！我買咗兩杯都係夏季限定嘅飲品：芒芒堅果奶蓋茶($45)奶蓋非常厚，果仁味濃郁，有種一試就愛上嘅感覺。芒果肉新鮮，粒粒香甜。茶底清香回甘，一啖彷如置身幽靜嘅山谷，暑氣全消。椰子水堅果奶蓋($45)椰子水純天然，冇加任何糖分，飲落清爽冇負擔。混合堅果奶蓋一齊飲，口感順滑，有別於傳統由牛奶製成嘅奶蓋。下次我都可以先喺OpenRice 網上落單，然後再去提取飲品，咁就方便快捷好多！

食完dinner去Time Square City-super兜咗個圈, 經過見到呢間沖調茶飲店, 其中見到一杯獲獎飲品--伯爵朱古力堅果奶蓋茶, 吸引我買返杯黎試下。可以自選甜度同冰度, 當然想試返原本味道, 所以揀咗normal。接過手後, 見到面層奶蓋好厚, 佔整杯三份一, 杯蓋上有溫馨提示建議飲用方法, 確實跟住程序飲, 驚喜飲到口味層次。首先打開半蓋, 用鏟仔鏟起面層堅果奶蓋食, 面層有毛絨感嘅朱古力粉,朱古力味濃郁, 堅果奶蓋綿滑, 微微鹹甜奶蓋配上朱古力粉, 入口即化,第二種食法就係將杯斜45度, 再面呷著大啖飲,清新伯爵茶經堅果奶蓋入口, 一小口嘅綿滑奶蓋慢慢溶化於伯爵茶中, 平衡了朱古力堅果奶蓋濃度。最後將餘下奶蓋同埋伯爵茶用飲管攪拌至平均, 令整杯口感成半固體狀, 綿密細膩。仔細飲用, 仲有nuts嘅幼碎, 正!

為了避免生暗瘡，以前所有奶類製品都轉咗做植物奶🌰🥛 Nuttea 算係少數街鋪茶飲店會有植物奶嘅選擇。我今日叫咗四季春堅果奶蓋🥤 我覺得熱飲都已經本身幾突出到佢本身嘅甜味，叫微糖都好甜，下次覺得叫無糖都試得過🤔 咁樣又可以再減少糖分吸收，避免暗瘡🙈 雖然奶蓋本身非常之挺身，所以茶同埋奶嘅混合唔算好大，咁就茶味會清徹一啲，有奶茶資源，又唔會太過掩蓋茶味👍🏼😀 奶蓋就可以慢慢食😉 佢有個木製嘅小剷子比我可以食奶蓋，都幾方便。

唔知大家會唔會好似我咁，夏天行街真係特別想飲嘢，但係望住自己嘅大肚腩真係飲唔落… 今日同朋友行街，發現原來Time Square入面有NUTTEA！之前已經試過覺得勁好飲，而且感覺冇咁大罪惡感，即刻買返杯飲下！😎我揀咗茉莉綠鑽堅果奶蓋茶，飲之前首先用鏟子食奶蓋，奶蓋非常厚同滑，而且上面仲有nuts，濃濃嘅堅果味，而且唔會好似普遍嘅奶蓋咁死鹹，同埋唔會覺得好漏！之後就奶蓋連埋茶一齊飲，茉莉綠茶夠晒清新，奶蓋亦唔會蓋過茶嘅味道。最後將將奶蓋同茶撈埋一齊飲，兩者非常夾！朋友就揀咗烏龍堅果奶蓋茶，烏龍嘅茶味更醇厚，鍾意重茶味嘅朋友應該會更鍾意呢杯NUTTEA果然係我最鍾意嘅手搖！😋

天時暑熱行街最緊要就係拎住杯手搖喺手。但飲太多又怕肥🥹朋友介紹左我飲堅果奶蓋茶，感覺好似無咁大罪惡感。今次經過time square，見到有nuttea 又點會放過！本身諗住飲伯爵朱古力堅果奶蓋茶，但點知限量發售100杯，2點半就已經賣哂，同佢無緣😭下次一定要做啲去😭最後我就嗌左烏龍堅果奶蓋茶。跟足佢指示飲的確唔錯！剷住食奶蓋果然爽皮😂首先奶蓋層有厚度，口感滑溜之餘亦好綿密，有淡淡嘅堅果香，加埋nuts碎粒一齊嗌口感更豐富！烏龍甘香，微糖口味嘅茶啱啱好而朋友就嗌左茉莉綠鑽堅果奶蓋茶，茉莉比烏龍較為清新，係炎炎夏日嘅首選🤘🏻

收工去咗銅鑼灣，整完啲嘢唔係咁肚餓，決定買杯好味又飽肚既NUTTEA❤️佢主打既堅果奶蓋真係我既至愛，堅果奶蓋超creamy，感覺好邪惡但又好健康，仲有粒粒既堅果碎🙌🏻岩哂最愛nut既我今次試左比較清爽既 🍵茉莉綠鑽堅果奶蓋茶（$36）叫左微糖少冰，茶底帶有茉莉花味，唔會飲到苦澀味，跟creamy既堅果奶蓋十分夾👍🏻🚩 想睇多啲好玩好食推介，即刻follow我既ig page 🔗 soyum_sogood

NUTTEA 主打堅果奶蓋，無平時啲奶蓋咁肥同膩，簡直係健康之選。每次都飲唔同味，但必定會加奶蓋，因為實在太正了!!!今次唔想飲太heavy既野，夏天行到流晒大汗，想飲返D fresh D既，所以就叫左蘋果脆脆楓糖堅果奶蓋茶! 不得了!超好飲! 首先蘋果茶底味道唔係一般好似紙包飲品咁假既假蘋果味，佢係清新得黎帶點果香，仲有微微既甜味，飲完係唔會繼續鏡渴架! 再加上上層濃厚堅果奶蓋，好creamy好軟滑，食落唔會太甜或者好重奶味，仲要用堅果奶整出來，仲保留到小小既堅果粒，係真材實料既感覺!! 然後最面層仲鋪左唔同既蘋果脆脆，超有咬口，成個感覺係飲得好refreshing同埋一點兒都唔膩!呢款味道應該係我飲過NUTTEA之中，最好味既一款。然後再睇下個牌，原來呢款味係TOP2 haha唔怪之得咁好味!抵佢多人叫!