NUTTEA (時代廣場) (已結業)

今日行街經過SOGO ，行到好頸渴同埋好熱，想飲下台式飲品，咁岩見到有間比較健康嘅台式飲品店，點解會話比較健康，因為佢地係用堅果奶黎沖既。另外問店員，原來乳糖不耐症都可以飲到，真係幾好。我就叫左杯焙香堅果奶蓋烏龍茶，一打開就見到滿滿嘅奶蓋，超級吸引，而且喺表面上都鋪咗滿滿嘅果仁，食落去都幾有口感。拎到手嘅時間，店員另外畀咗個小匙羹我，原來係拎嚟食表面上嘅奶蓋，不過就算食咗部分，個份量都好多。所以我建議可以食一半，之後將奶蓋同茶溝埋一齊飲，咁茶就可以中和到奶蓋，唔會覺得太過肥膩。烏龍茶嘅茶味都好出，同埋奶蓋一齊食啱啱好，不過要記得攪勻先，因為奶蓋比一般嘅茶飲店厚，就咁用飲筒飲比較難飲到，飲完一杯就會好飽，大滿足。