Noc Noc

營業中

休息中

✨NOC NOC係間位於大埔CP值高既酒吧，店面唔算大，平日夜晚人唔算多，唔洗等好耐就可以入去。✨環境燈光比較暗，每張台上面都有小蠟蠋，天花仲掛左好多好靚既小燈泡，好適合情侶黎撐台腳同打卡！我地兩個人都唔算大食，淨係點左兩個dish（點知已經十分飽）。✨首先黎到既係小妹最愛既burger，大啡菇芝士牛肉漢堡 $118。個burger真係好大個，要分開兩層先食到！不論牛肉定大啡菇都係好Juicy，牛肉好香、好嫩滑，再配上芝士簡直係好香濃，好滿足！兩個人一人一半食個burger已經有7成飽。✨之後就係墨西哥鐵板牛柳$138。食法係用墨西哥餅皮包住辣牛柳，配上同忌廉、酸甜洋蔥粒、綠色醬，好辣，味道非常濃！好岩重口味既人！牛柳都好嫩滑，不過唔食得辣既人就要考慮下啦，因為真係好辣。✨Menu

今晚同朋友一齊試吓呢度啲西餐係叫嘢食時前發生左一段小插曲，就係我太論盡，隻手唔小心掂到個蠟燭🕯️，吧枱既bartender 見狀就即刻提醒(微胖的)經理話有客人整親，亦都將蠟燭由中間移去枱旁邊，費事我又辣親，非常貼心。叫左Sangria$58咁啱嗰時happy hour所以就$58比起出邊都叫做平 同我之前飲嘅唔同 佢下面係橙汁上面係紅酒 因為我之前飲果隻係全杯都係紫色嘅～ 我係見住個bartender拎咗一個完整嘅橙新鮮切落杯酒到 杯酒仲有啲青蘋果 提子 好多果肉唔錯唔錯！呢個西班牙海鮮燴飯海鮮嘅種類都好多 有魷魚蝦帶子青口蜆魚好足料，啲汁都好有海鮮味呢個大啡菇牛肉漢堡真係不得了，勁juicy多汁😄😄👍🏼仲有塊牛肉成吋厚 同埋漢堡包有烘過 加埋個蛋好豐富薯角keep到脆口 沙律有落黑醋 成個餐係超值埋單都係$378，以咁好質素既海鮮飯同漢堡餐我覺得值得一試

晚上放工同男友揸車想隱世啲，又唔想離市區太遠，搵搵下搵到呢間NocNoc。如果從店入面望出去，唔話俾我聽係大埔，真係以為去左西貢啲bar咁。餐牌嘅野都係豐儉由人，由$200尾嘅main course到$100以下嘅 pasta都有。因為小妹是松露愛好者，我毫不猶豫就點了，黑松露什菌天使麵，仲見到有一樣叫「松露樹皮」嘅小食，當然叫埋。最後我哋兩個叫左三樣野，加埋個和風海鮮pizza就三樣啦。先講個黑松露什菌天使麵，麵身好幼，但感覺好thick and creamy，食落口一啲都唔輕身。黑松露好香，唔係平時伴左好多芝士和cream之後嘅味，感覺似最raw的黑松露醬，就睇下你係咪嗰啲會一匙松露醬放入口嘅人啦。眼闊肚窄嘅我哋見到個麵一半已經飽左。和風海鮮pizza，有帶子有蜆有魷魚有群邊⋯⋯上面有好多木魚絲，幾惹味的！最後好想一提個「松露樹皮」，係脆炸菇片（超級薄身的！）沾松露醬。個醬係松露mix他他醬，好醒胃。用黎做佐酒前吃唔錯～ 值得一試！

早前路過大埔, 見到有間獨具形格的酒吧形式餐廳, 結合餐廳同酒吧於一身, 即時令我注目和深感興趣, 而喜歡試新餐廳的我, 當然不會放過機會, 就找了一個晚上到來試試。餐湯有磨菇忌廉湯, 濃稠度適中，口感幼滑, 味道濃郁而且鮮甜。蒜蓉包烘得皮脆而內鬆軟，塗上蒜蓉就是簡單的美味,吃起來滿有牛油及蒜蓉的香味。炸薯條一點都不馬虎, 炸得外層帶脆香但內軟，令我密密吃了多條; 進入主菜環節, 滿心期待的西班牙海鮮燴飯終於出現, 鋪在面層有蝦和青口的海鮮, 用料新鮮, 味道鮮甜, 個人而言比較喜愛蝦, 飯粒中還夾雜了蕃紅花碎, 飽滿圓潤的米粒沾滿茄汁同時也索盡了食材的鮮味, 飯粒帶有嚼勁, 口感不錯, 外軟內硬, 很快便吃完整個飯。在裝修格局、菜色和飲品方面，都看得出店方花了心思，務求令食客有新鮮感。

尋晚係Open Rice 搵下大埔有咩好介紹的西餐/酒吧 - Top 2 有間叫Noc Noc, 睇review唔錯咁。 咁就去try try la. 可能個人口味唔同，豬手還可以, 但從未食過一件又凍而雜菜仲多過辣肉腸的辣肉腸pizza (sorry no pic) ...🤬 可能我唔應該期望酒吧會有好食物?埋單都要$500兩位。Never come back... at least for me.

第一次來到大埔舊墟揾野食環境有啲隱秘，餐廳有情調、舒適，加分！Lobster CapellinI $168波士頓龍蝦天使麵有半隻龍蝦咁大在碟上，啖啖肉，龍蝦上有芝士creamy，相對來說天使麵清清地，小妹覺得未係好夠味，可能想帶出龍蝦的鮮味掛。。Roasted Pork Kunckle $198德國鹹豬手豬手竟然有驚喜！份量超大份的，表皮燒到脆脆的，肉質嫩滑唔油膩，而且上碟已經起晒骨，貼心！加埋個秘制醬汁，酸酸甜甜的。還有很喜歡旁邊的配菜沙律菜也是酸酸甜甜的，加埋即炸薯角，真係不得了！Mussel Pot 1KG $288煲仔青口（紐西蘭鮮青口）白酒忌廉汁友人最喜歡吃的白酒忌廉煮青口，1kg原來都勁多，是大大隻的那款青口（小妹較鐘意細細隻個多啲），青口唔係隻隻新鮮，但忌廉汁恰到好處，最欣賞隨碟上嘅蒜蓉包，點埋個白汁，食到停不了！Drinks🍸 飲品方面，有cocktails，冇酒精嘅mocktails，適合揸車朋友仔Pina colada $68Pineapple juice & coconut milk & rum 👍🏻Lychee Mojito $88荔枝味不夠突出，以為普通moj

NOC NOC係一間酒吧餐廳，提供調酒同紅白啤酒，不過因為小女子們不勝酒力，所以我地無叫到酒，叫左兩個主食同一個小食。蒜香欖油天使麵（$78）加$38配烤雞，一上枱就聞到好香嘅蒜香味，配料有蘑菇、洋蔥同雞肉，雞肉好滑嫩，肉量都多，而天使麵軟硬適中，簡單用蒜、橄欖油、香料調味已經出乎意料嘅好食！大啡菇芝士牛肉漢堡（$118），牛肉分量十足，目測最少有一寸厚，牛肉食落去仍然好juicy，另外配有大啡菇、煎蛋、芝士、蕃茄、生菜等配料，當中的煎蛋煎到八成熟，蛋黃冇熟到變老，無流心效果，咬落去啲蛋黃唔會流到周圍都係。大啖將成個漢堡食，所有配料融合，非常好食多汁，係我食咁多間漢堡之中，呢間餐廳嘅漢堡，係我心目中係數一數二的，非常推薦！漢堡仲會配上薯角同沙律。另外叫咗小食香辣薯角（$58），薯角外脆內軟，外面用咗孜然等香料同鹽作為調味，唔需要點番茄醬都好夠味。餐廳環境情調十足，昏暗嘅環境，配上小燈飾，有美酒佳餚，好適合同朋友聊天講心底話，最後同朋友坐左兩個幾鐘先走，推薦比想食好西又想有個好環境夜話嘅人！

落雨的下午黎左間bar， 個場有播足球節目，播著歐美歌曲。我叫左個和風海鮮薄餅 同大啡菇芝士牛肉漢堡。 個pizza 材料好豐厚 真係有好多海鮮，有蠔、魷魚、蝦等等，加上面頭的木魚碎，口感豐富。仲有細多芝士，有拉絲效果。個漢堡份量好大， 牛肉排好厚身，重牛味，驚喜位在於原來仲加左隻蛋，個包有少少蒜容味，唔係淋的包，有少少脆口。薯角香脆，咬落去仲好熱。 2個野食的份量都好大，2個人最後食唔曬。 因為同朋友都唔飲酒既關係， 叫左杯凍朱古力，幾濃味，上面仲有cream。另外叫左杯 咖啡，正正常常。價錢方面，食物同平時cafe d 價差不多，但不含酒精的野飲偏貴，平均38-48 杯。 可能飲酒會抵d, 不過食物質素都幾唔錯，可以一試。

朋友帶我來這家酒吧吃晚飯她說這裡的食物質素不錯啊～星期六晚9pm左右來到都有不少客人，有些是happy hour的點杯飲品再加小食我們獲安排坐高桌～～當然是不及梳化位舒適啊～但都還可以接受的！雖是酒吧的格局但餐牌就仿如一般西餐廳一樣的食物種類繁多，有點驚喜！有湯及沙律﹑前菜﹑肉類主食﹑飯和意粉等等並不是隨便的準備幾道西式主食便罷～～在花多眼亂的選擇中我們點了牛油果鮮蝦沙律﹑西班牙海鮮燴飯及雜錦德國腸拼盤為了配西班牙海鮮燴飯而點了一杯Sangria牛油果鮮蝦沙律，蝦夠大隻爽口，但蝦鮮味不突出淋上了黑醋的沙律菜，本已令人開胃再配上creamy的牛油果醬，令味道層次豐富一些！雜錦德國腸拼盤，餐牌介紹是廚師精選的六條腸，伴薯角及德國酸菜(sauerkraut)個人並不熟悉德國腸的種類，只知今次這道菜有3款腸只能從中辨認出法蘭克福腸～～不過幾款腸的肉味可口而不算太油膩，是佐酒的一道好小食！薯角一般，伴碟的德國酸菜，酸度十足，能減輕烤香腸的油膩感呢！！西班牙海鮮燴飯，海鮮配料有青口﹑帶子﹑蝦和魷魚，用料豐富～燴飯質感恰好，不會太過生硬或太稀醬汁味道濃郁，並帶海鮮的鮮味！Sangria，吃西班牙燴飯

Noc Noc除了是一家酒吧亦是西餐廳，提供的食物種類應有盡有。飲品除了bottled alcohol以外，當然也有draught beer, cocktails的選擇。酒精飲品$58起跳，價錢容易負擔。卡邦尼意粉令人十分驚喜，用料豐富也意外地豐富，除了青口肉外，也有蝦肉，大塊魚肉以及切粒的魷魚，海鮮的質素不差但相信是急凍的貨色；最值得一讚的是廚師的功力，將綿滑的白汁掛到每條意粉，讓食客品嚐的每口意粉時，口腔都猶如喝了一啖忌廉湯一樣，十分滿足。假如你是芝士愛好者，這裡的版本可能更適合你，芝士份量下得稍為重手，濃厚的程度難免讓人感到黏嘴，要喝點清水舒緩一下才能繼續下一道菜式。海鮮薄餅上枱時鋪滿木魚絲，薄餅的熱力由下而上，令木魚隨風擺動；這裡的薄餅的厚度適中的薄脆皮，雖然未至於薯片那種脆口的程度，但餅底厚度剛好能吸收鋪面的醬汁，令整體入口不會過於乾澀。薄餅鋪上少量的沙律醬，加上拉絲的芝士，感覺絕對比大型連鎖店更優勝，配料方面以小青口肉及蝦肉為主，相信帶有少量蜆肉，但由於現場燈光較暗，也實在難以分辨清楚。總括而言，配料雖不算突出，但整體味道平衡，加上餅底脆身而厚道適中，表現實屬中上。貴為酒吧

今日同朋友踩單車由沙田踩去大埔 平時踩開呢條路多數最尾都係去大尾篤燒嘢食 但係因為覺得燒嘢食又熱氣又唔抵所以就諗住搵其他嘢食啦上網搵吓搵吓見到太和附近有一間西餐廳好似唔錯於是就繼續踩下踩下踩左過去 入到去見到裝修好似係酒吧咁嘅裝修 以為鋪頭主要係飲嘢所以本身對食物冇大大期望 點知最後食物幾有驚喜！我哋今次到咗一個大啡菇芝士牛肉漢堡$118 一個黑松露雜菌天使麵$118 同一個炸水牛芝士條$78 大啡菇芝士牛肉漢堡$118 呢個漢堡包認真幾抵讚 首先118呢個價錢可以食到手掌咁大個漢堡包 其他出邊嘅西餐廳可能$90先得個麥當勞咁大個嘅size 性價比已經高咗好多 另外佢呢度嘅薯條亦都係新鮮炸起每條都熱辣辣脆卜卜！ 薯條都好食過人😭😭🤗炸水牛芝士條$78可能本身比較鍾意食芝士 呢個價錢大概有七條 每條嘅芝士都拉到絲架！ 身為一個之前買嘅我食完可以話係大滿足☺️☺️☺️☺️ 如果大家你都幾推薦大家試吓呢個不過建議最好多人share食因為都幾濟😎不過最緊要好食！雜菌黑松露天使麵$118呢個天使面食落去都幾龍嘅黑松露味！ 同埋其實都幾大碟 但係由於食完個burger已經好飽所以食唔晒全部 不過整體來講都

年三十晚☺️今日好熱呀😩☀️🔥黃大仙仲破紀錄28.1度。未試過咁熱！大家真係要好好保護環境啊🧖🏻‍♀️夜晚嚟到大埔先稍為感覺到有啲涼意❄️食返餐團年飯先！意粉就叫咗芝士焗肉醬意粉。呢個就咁聽落有啲普通因為好普遍，但佢又有啲驚喜。超多餸好多芝士又有啲菇咁樣都幾好。我鍾意佢個意粉係條條分明唔會話一pat！嗰個意粉本身已經有少少調味係嗰種，好似類似有少少茄汁包住每條意粉咁樣，所以夾埋佢啲醬汁幾豐富。唔係好普通係街邊食到嘅肉醬意粉囉。我呢個🍄怪就一定要食黑松露大啡菇飯啊！自從前幾年黑松露流行之後好多地方都已經變成係黑松露意大利飯，基本上佢間間餐廳都見到。要突出就真係有啲難度！個重點係黑松露一定要好好香先得，個味要出到同埋個個菇都好重要。因為要一定要食到好香濃先得，呢個大啡菇佢好吾吝嗇都俾咗好大嘅！咁佢個大啡菇應該係味道好香濃先係，佢呢度就做到個大啡菇上面有d芝士，非常之豐富的芝士味香濃夾埋佢個大啡菇真係超重菇味，兩種味道夾埋一齊簡直係享受，真係想一食再食佢個大啡菇！💛之後叫多個公司三文治🥪佢份量都幾多同埋入邊有隻荷包蛋添喎¼件三文治都！超足料！同埋配上中間一大堆薯條夠晒豐富，睇見都興奮🥰啲薯條都炸得幾

剛過去的年三十晚， 在大埔行完花市後又係醫肚時間 ，行到舊墟直街 ，入去Noc Noc想食點西式食品 ，點咗個摩天輪、 意大利飯及pizza 。好快，香噴噴熱辣辣的三款食物已端放在枱面 ，首先快快脆試下和風海鮮pizza，香脆薄底上面鋪滿木魚好惹味 ，海鮮加埋和風醬一吃停不了 。幸福摩天輪好吸引，轉呀轉，有炸薯角、水牛芝士條、炸魷魚圈、炸魚手指及沙律火箭菜，每款都炸得香脆可口，份量十足，一次過滿足五種口味，而且價錢合理，必定要試。再品嚐黑松露大啡菇意大利飯， 大啡菇好入味，十分juicy， 配合黑松露意大利飯，飯粒軟硬適中，沾滿香味， 飽肚又好食，令人回味無窮。一頓美味豐富嘅晚餐，確實值得一試！

尋晚去咗大埔行年宵市場，喺附近想搵餐廳食晚餐，見到呢間餐廳幾有情調同節日氣氛，一於去試吓先裏面嘅燈光佈置幾靚，好似黑夜裏面有滿天星星食物嘅選擇都幾多，有意粉、飯、薄餅、漢堡、其他小食等等，連飲品都有好多款我揀咗個芝士焗肉醬意粉，雖然好似好普通，但因為鍾意食芝士嘅關係，決定試吓，結果冇令我失望，芝士好香，加上熱辣辣嘅肉醬，令到意粉食起嚟好好味，而且有少少微辣，夠惹味再叫咗個和風海鮮薄餅，上面有好多木魚碎，上菜時仲郁下郁下好得意，和風嘅醬汁加上唔同種類嘅海鮮，令到成個薄餅嘅層次好豐富薄餅嘅芝士仲可以拉絲，裏面仲有菇菌，材料配搭好夾另外點左個牛油果雞肉漢堡，佢嘅份量都幾大，而且仲有沙律菜同薯角等等，食完好有滿足感雞肉都幾厚，加上牛油果醬嘅配搭，令到蔬菜同肉嘅味道夠平衡，而薯角亦炸得好脆餐廳嘅氣氛都幾浪漫，又會點蠟燭🕯️，相信夜晚或者情人節嚟都會幾適合，可以叫杯嘢飲，慢慢享受一整晚，鍾意嘅話仲可以玩下飛鏢

之前路經呢間酒吧餐廳望過個餐牌，覺得唔錯，今日決定來試，今日過嚟試既時間係6點，所以比較少人。餐廳氣氛好同坐位闊落叫咗個 noc noc 摩天輪，有炸魚手指， 薯角， 炸芝士條， green salad 同埋炸魷魚圈配芝士醬，honey mustard 同千島醬。芝士條可以做到拉絲效果。 魷魚圈好好味， 啲魷魚唔會好韌。炸魚手指同薯角唔會炸得好乾。西班牙海鮮飯d海鮮足料，個飯底有海鮮味，應該用海鮮湯嚟煨個飯，好味。大啡菇牛肉漢堡個漢堡好大份量，個包用左麥包加牛油烘脆，入面有煎蛋，生菜，番茄，牛肉同埋芝士釀大啡菇。塊牛肉同大啡菇都好 juicy , 味道都幾好，個包既牛油味好香。去酒吧餐廳，當然要飲杯酒啦，我叫咗杯 long island iced tea.總括呢間餐廳食物嘅份量都好大份， 幾抵食， 下次有機會會再來。