Noc Noc

營業中

休息中

Dining time（10:57pm TGIF）follow@wojengyea/@wo!正嘢 for more food info🐒 支持我哋發掘更多美食 😋其實Noc Noc附近勁多酒吧，點解睇中佢就係因為鍾意佢個promotion🍭🍬，星期一至日都有嘢玩，唔逐樣講自己睇相❣️今日玩Friesday，薯條任食🍟 好可惜11pm last order，都趕得切廚房收之前叫一碟，叫佢打孖上俾兩份，佢又okay喎。薯條新鮮炸起，香脆熱辣，有少少蒜蓉香味🧄，唔會炸得太油或者太燶，任食嚟講算難得。Orion beer 🍺 $72去完沖繩之後就迷上Orion，但係香港唔算容易飲到佢隻生啤。無意中撞到呢間有draft Orion，十分驚喜！Orion飲落好輕身爽快，最愛佢些微甜苦味。🇯🇵🍻見佢都多生啤選擇👏🏽Cucumber gunner $68本身鍾意飲Gunner，因為覺得佢隻味好清新refreshing。第一次見gunner加青瓜🥒，即管睇吓咩料。試第一啖覺得怪怪地，但都晤難入口嘅，但寧願佢正正經經整返杯gunner算。🍹酒吧氛圍同附近酒吧相比，嚟飲嘢嘅人相對年輕，氣氛幾好🎉🎉 男女人

各位食友，今次我嚟到一間正宗港式小巷酒家，馬上就要同大家分享下我嘅食飽飽之旅喇！🍜🥢首先，嗰份炸魚薯條真係出色，炸魚外皮炸到金黃又香脆，撈一啖啲魚肉厚到好似雲霄飛車咁刺激！彈牙滑溜，鮮味十足，少少海鹽嘅點綴就令味道更飛躍。再講吓薯條，我梗係要夾啲他他醬嚟扣口啦，微微鹹味夾雜埋醬汁嘅香滑，真係話你知嘩不得了！而家講吓個黑醋汁火箭菜巴馬火腿沙律，食落去真係清新得黎又陣陣醋香，我嘅胃口頓時大開，都唔驚會食得嘔呢。尤其係巴馬火腿，煙韌得嚟，帶啲鹹香，掂晒！🥗最後，當然少不了講吓個Angus rib eye steak，個牛扒外焦內嫩，肉汁滿滿，每一咬都係質感爆燈嘅享受。啲薯條又喺度伴奏得好味噏，一齊入口，簡直係牛肉交響樂！總括嚟講，呢間港式酒家真係滿載驚喜，無論環境抑或係美食都令人難忘。仲等咩，快啲拉埋你啲臭朋友黎試下啦！🤤👌🏻

酒吧餐廳嘅附近唔算好多人流，所以佢嗰邊嘅人大多數都係去飲酒或者去嗰邊附近住，所以果次都咁啱同朋友去嗰度chill下，身為大埔友呢間真係第一次試，真係估都估唔到會係Pizza🍕裏面加入火箭菜，雖然小編係未食過，但係都聽過係一樣好難頂嘅食物，但係估唔到加咗入Pizza裏面味道好特別，夾埋ham去食都可接受（起碼好食過芫荽先🙈）扁意粉味道好香濃，而且平時唔太鍾意食軟殼蟹嘅我都覺得炸得好香口，外脆內軟，最憎有骨嘅肉既小編可以啖啖肉非常開心😆 cocktail方便因為都唔知有咩飲品推介所以都問咗侍應推介一啲飲品俾我哋，因為自己都鍾意啲酸酸甜甜嘅所以都好推介俾大家可以叫（X.Y.Z）酒精唔會好濃，真係似一杯酸酸甜甜嘅果汁🍹

前一個星期準備入大埔旅遊一天,所以就係openrice搵定資料,睇吓有咩好介紹,見到這間有好多like,食物又幾吸引,於是網上訂定位,知道開3點,因為我哋唔識路,所以都預早少少去搵,因此比訂枱時間早到左,但見食評寫得咁好,而我哋又咁遠來到,都希望試吓這間餐廳,於是都週圍逛逛等開門. 見到已過3點,我哋行到餐廳,發現門未開,內面有少少燈光,於是推門入去問,個位男士話準備開門,但只得飲料,食物要大約5點先開始😭😭😭😭咁就唔好話開3點啦😤😤😤😤😤

今日約咗朋友去大埔行街，行完街諗住喺附近搵啲嘢食吓順便飲少少酒傾吓計，老友帶我去咗一間餐廳酒吧氣氛真係好好，而且啲嘢食都唔錯，所以喺度推介一下。NOC NOC 餐廳酒吧係大埔墟直街，餐廳環境非常之好，而且好適合一班朋友傾偈食嘢，加上有少少音樂喺度食嘢傾偈，感覺都幾放鬆。坐低點少少啤酒飲吓，點咗支藍妹 45元，朋友就點咗杯紅酒。燒豬肋骨配薯條 198元，豬肋骨份量都好多燒到啱啱好，一上枱已經聞到好香嘅味道，一啖咬落去仲係好多肉汁，而且豬肉好香好嫩，食得出材料真係好新鮮，加上肋骨嘅位置比較香口特別嫩滑。另外薯條都炸到脆卜卜，點少少茄汁配返杯啤酒真係一絕。炸魚手指 ，魚手指炸到外脆內熱，外邊嘅調味啱啱好，令到入邊嘅魚肉味道更加香，配埋沙律醬一齊食味道更加有層次。黑松露雜菌蘆筍燴飯，賣相相當吸引，黑松露嘅味道亦都好獨特，陣陣嘅黑松露香味味道好鮮好香，燴飯煙煙韌韌食落去特別有口感。西班牙海鮮焗飯，有大蝦，青口，蜆肉材料相當豐富，加上香草檸檬汁調味，令到海鮮味更加突出，啲海鮮亦都好新鮮好鮮甜，整體嘅味道非常夾，呢個簡直係必試嘅推介。

同朋友去開大埔今次揀咗間西餐廳之前都同朋友嚟過 感覺都唔錯所以今次再嚟同朋友兩個人唔算太大食諗住搵個地方食吓嘢傾吓計分別叫咗個軟殼蟹意粉同埋豬肋骨配薯條覺得個意粉都幾唔錯份量都幾大軟殼蟹仲要熱辣辣即刻炸識落都幾鮮味 軟殼蟹嘅分類仲要大大大隻依個意粉食落係炒意粉嘅感覺加埋啲三色椒感覺幾清新至於個豬肋骨 份量都幾大而且幾入味 薯條都熱辣辣個沙律菜以為冇乜特別大食我反而幾開胃有啲驚喜我哋都比較早嚟所以餐廳妙選好多人但係環境幾舒服特別一讚個廁所都真係幾乾淨衛生情況都幾好係一個幾大嘅加分位整體體驗都好好去開大埔揀開西餐廳都幾推薦呢間另外覺得呢間餐廳揀嘅歌都幾啱聽令到成個感覺都幾放鬆覺得下次可以嚟飲吓酒開心吓

每日收工都會同同事喺附近搵啲嘢食,近排經常都會幫襯呢間餐廳酒吧,因為收工可以飲少少酒食啲嘢放鬆下。Noc Noc 扒房酒吧,地址喺大埔舊墟直街28號榮麗苑地下b號舖,餐廳裝修得好有格調,好適合朋友傾計食嘢放鬆下。炸魚手指,魚手指炸到金黃色,熱辣辣食落去卜卜脆,外面有香口又惹味入面嘅魚肉仲係好嫩滑好多汁,配埋佢嘅醬料一齊食無論味道同口感都做得好出色。西班牙海鮮焗飯 138元,材料真係好豐富,有青口,大蝦,魷魚,蜆肉,其他配菜,配埋檸檬汁令到個鮮味更加突出,焗飯份量好多,入口食到陣陣嘅鮮味,青口亦都好新鮮好爽口,整個焗飯都吸收咗海鮮嘅鮮甜味道,鍾意食焗飯嘅朋友一定要試下。黑松露雜菌蘆筍燴飯,一上枱已經聞到好香嘅味道,餐廳好細心將雜菌同蘆筍切粒,完全同飯融入埋一齊,黑松露嘅香味將其他味道更突出,令到味道同口感都提升一個層次。燒豬肋骨配薯條 198元,豬肋骨燒到啱啱好,外面嘅醬汁仲係好juicy,食落去畀其他嘅豬肉更加嫩滑更加香口,最正就係燒度邊位有啲炭香味,呢個簡直係必食嘅推介,薯條亦都炸到金黃色用嚟配酒真係一流。喺度食嘢當然要點番杯酒精飲品放鬆下。

太和人口唔算多，但出乎預期有唔少bar/酒舖。今晚就去左太和嘅Noc Noc搵食。餐廳嘅座位編排唔會好逼，枱與枱之間留左唔少空位。食嘢飲酒傾計黎講係個好地方。如果鐘意飲酒，建議黃昏時間黎，因為餐廳有個啤酒任飲plan。嘢食方面係西式，但種類唔算少。今日叫左牛油果火箭菜沙律、檸檬蟹肉忌廉意大利麵、西班牙海鮮焗飯同埋一杯Gin Fizz。首先送上嘅係杯cocktail，而頭兩樣食物大概10分鐘內送上，時間上唔使等太耐。沙律蔬菜數量頗多，反意大利麵相對地令人印象深刻。麵嘅醬汁啱啱好，上面灑上少量蟹籽，另麵嘅味道層次再提高。麵中加入幾塊檸檬，不妨試下捲起麵起後刷一刷檸檬，加上酸味後整體味道會幾新鮮。海鮮飯需時準備，有意一試嘅話記得先行落單。海鮮飯飯質偏向意大利飯，而且略帶辣味，有別於一般以茄汁為基礎嘅海鮮飯嘅單調。

大埔酒吧好似都有好幾間，行開太和搵嘢食見到nocnoc 好似坐得幾舒服咁！嘢食都好多選擇，送酒嘅又有，想食飽肚都有！咁黎得酒吧無理由唔飲酒架😂叫左2杯cocktail，一杯margarita，一杯long island ice tea。（想講cocktail都有幾頁紙可以揀，一定搵到杯想飲嘅）2杯都大大杯，唔識飲酒嘅我好快就wingwing地了。之後都叫左幾款嘢食～～～首先非常之配酒嘅小食，乜都有d拼盤，入面有炸魚手指，芝士條，薯條，炸雞同魷魚。新鮮熱辣辣上枱，非常之好食🤭跟住係西班牙海鮮焗飯，原盤鐵板上枱，海鮮都好多有基本嘅海鮮，有蝦有青口有魷魚等等。再黎係鐵板烤牛配墨西哥薄餅，辣辣地好惹味！配埋旁邊嘅醬好好食。非常滿意嘅一餐，下次同朋友想吹耐啲會再黎！

今日同朋友黎到大埔呢間酒吧食西餐 餐廳環境有格調有氣氛墨西哥芝士辣肉醬薄餅用咗薄pizza做底 咬落好脆 而面頭嘅辣肉醬則豐富香口 肉醬煙韌 香濃嘅辣醬配上墨西哥芝士味道好夾 熱食芝士溶溶地咁食會更可口德國鹹豬手配酸菜 豬手好大份 整體亦炸得香脆唔會過熟 口感軟熟 點埋蜜糖芥末籽醬令豬手嘅鹹香更添一層甜味 味道層次更廣食油炸野中途更可以食啲酸菜 中和油膩感西班牙海鮮焗飯 焗飯嘅醬汁酸酸甜甜 唔會太漏 店員亦好貼心咁提醒咗我哋啲飯口感會偏硬 米飯雖然偏硬身但仍然夠咬口 仲有好豐富嘅海鮮做配菜軟殼蟹煎餅份量絕對同價錢成正比 完隻新鮮熱辣辣嘅軟殼蟹都只係$98 而且賣相亦相當吸引 味道方面軟殼蟹外脆內軟 醬汁帶微辣 配料仲有適量嘅生菜同蕃茄去中和炸物嘅油膩感

朋友話想約太和食飯, 本身都唔太想去, 因為印象太和唔太多野食, 不過最後好彩有去到, 環境同野食都唔錯.我同朋友叫左一個小食一個main, 分別係炸軟殼蟹墨西哥卷餅同西班牙海鮮炒飯, 份量都幾大嫁, 都抱住個肚走炸軟殼蟹墨西哥卷餅兩大個, 食落有D辣, 唔食得辣的朋友要注意下了. 因為係冇斬開的軟殼蟹, 所以食落有D麻煩, 食一啖D野跌晒落尼軟殼蟹唔算脆, 不過味道就夠濃西班牙海鮮焗飯同平時食開炒飯底的唔同, E個係焗飯, 食落會濕D, 飯粒比較硬, 比較濃稠, 不過入面的材料就同平時出面食的西班牙海鮮炒飯差唔多有青口, 魷魚, 蝦, 魚, 蜆......, 成個飯味道都算濃, 食完之後果晚好口渴因為飯比較濕同硬身, 所以食落會比較膩同快飽, 如果係兩個人食, 叫一個飯再加個小食應該都飽

今日係太和行入到舊墟嘅一間bar 食晚飯 入面唔止有bar有嘅小食同環境 更有高質素嘅西式食物提供Deep fried soft shell chell cabs tacos$98賣相精緻好豐富嘅tacos 啱啱炸起 香口、大隻又好厚肉嘅軟殻蟹配上帶點酸辣味嘅醬汁 非常惹味 配上配料 有蕃茄仔 蕃茜 沙律菜 味道同口感非常豐富 配卷餅食更有飽肚感Roasted Pork Kunckle "Schweinshaxe" $198豬手嘅賣相吸引 表面炸得香脆不漏 肉質啱啱好嫩滑有咬口 薯條亦落足料有豐富嘅薯仔 配上帶點甜味嘅honey mustard sauce 非常好食 每一啖有鹹有甜 加上配椰菜零舍開胃Chili con carne pizza $118香脆嘅薄餅面頭係豐富嘅芝士 芝士下面配有海量嘅辣肉粒配上辣肉醬 微微辣味嘅肉粒好香口 肉醬唔會淋到變一pat嘢 加上帶鹹味嘅芝士 食極唔停Seafood Paella $138成個pan去焗嘅焗飯 面頭係份量充足嘅海鮮 入面嘅魷魚食得出事前會先煎香咗食 食落唔會過韌 焗飯用咗意大利米 口感會偏硬少少 但配上酸酸地個好足料濃味嘅醬汁 咬耐啲

酒吧餐廳不少地區都有，今次就比我喺大埔舊墟找到間 NocNoc ，價錢抵食而且坐得舒服，岩晒我哋傾計加睇波。不過我哋2人不飲酒就問待應，佢說有不同MOJITO味道，而橙味比較少見，就叫一杯試吓，來到看到上面粗粒沙冰感，下面有不少薄荷葉和橙個樣幾吸引，飲落去微酸+薄荷味道沒想到幾好飲，價錢HH$78，而朋友見我果杯不錯佢再叫了多一杯來飲。這裡食物選擇不少，我哋叫了一個沙律和一個意粉食沒想到幾大份，首先來沙律，黑醋汁牛油果火箭菜沙律，本身可配肉我哋就最後沒有再加， $88都幾份量多，牛油果好滑而且菜十分新鮮，黑醋味偏濃配芝士碎都幾濃味帶酸。等咗大約20分鐘意粉就來到，九層塔蟹油扁意粉配軟殼蟹，個蟹好大勁吸睛，不油身又夠脆，原來隻碟都幾深，意粉2人食一定夠，炒用香草不會好濃郁，但保持到香味，配菜椒切絲不少，整體不會太油，我喜歡。

今日去到太和找朋友傾計，佢話這裡有間坐得不錯而且不會太嘈岩我哋就過去，剛巧有幾桌客，最後坐門口附近，梳化位都可以舒服，價錢都不貴，幾值得下次再來。不太岩晒精的我，看到MOJITO 有不同味道，待應都好好地介紹邊款味會比較適合，最後就選擇了橙味， 用橙汁所以味道唔假，帶點薄荷味，而且仲有不少碎冰勁涼爽。朋友岩酒就選擇啤酒，這裡生啤選擇不少，見到日本啤酒🍻ORION (5.5) ，來到用啤酒杯已經比較少有，飲落去易飲幾輕身舒服，麥味不會好重，價錢$58都正常。我們因為之前已吃了飯，飲嘢傾計時想找少少食物送飲品就叫了，燒豬肋骨配薯條，豬肋條味道幾濃同淋身，薯條粗身份量多，仲有少少黑醋沙律夠新鮮。

平時好少去酒吧, 因為自己唔飲酒, 又好似冇咩食咁, 不過今次朋友就帶左我去酒吧食野,  原來有D酒吧除左飲酒都仲有幾多野食我同朋友叫左一個拼盤同一個pizza, 因為見隔尼檯個pizza都幾大個, 所以就唔敢叫太多野拼盤有炸魚手指,  芝士條, 炸雞, 魷魚, 薯條芝士條外脆內軟, 入面全部都係cheese, 不過唔會好膩, 而且食落都幾香, 食完想另外再叫;比起炸魚手指我鍾意食芝士條多D, 炸魚手指入面係蓉, 口感同味道芝士條比較優秀 ;炸雞唔會好鞋, 不過皮就少脆, ;魷魚同薯條, 同平時出面食果D唔太大差別, 普普通通火箭菜巴馬火腿番茄水牛芝士pizzapizza一開6大塊, 兩個人食都差D食唔晒, 雖然有cheese, 但食落唔會好膩, cheese味唔算太重,  parma ham本身已經帶鹹, 所以pizza個味會濃D, 成個pizza每樣材料都好足好認真, 幾豐富嫁, 份量絕不吝嗇