Noc Noc

營業中

休息中

落雨的下午黎左間bar， 個場有播足球節目，播著歐美歌曲。我叫左個和風海鮮薄餅 同大啡菇芝士牛肉漢堡。 個pizza 材料好豐厚 真係有好多海鮮，有蠔、魷魚、蝦等等，加上面頭的木魚碎，口感豐富。仲有細多芝士，有拉絲效果。個漢堡份量好大， 牛肉排好厚身，重牛味，驚喜位在於原來仲加左隻蛋，個包有少少蒜容味，唔係淋的包，有少少脆口。薯角香脆，咬落去仲好熱。 2個野食的份量都好大，2個人最後食唔曬。 因為同朋友都唔飲酒既關係， 叫左杯凍朱古力，幾濃味，上面仲有cream。另外叫左杯 咖啡，正正常常。價錢方面，食物同平時cafe d 價差不多，但不含酒精的野飲偏貴，平均38-48 杯。 可能飲酒會抵d, 不過食物質素都幾唔錯，可以一試。