Noc Noc

營業中

休息中

第一次同朋友嚟到呢間鋪頭一齊食晚飯，鋪頭大細中中挺挺，裹面坐滿哂人，等左一陣。鋪頭出面都有高枱。每張枱都會放個小蠟燭，幾有氣氛，店內有音樂同播放足球賽事，上菜就要等一等，餐具都好乾淨。工作人員服務都好好，好友善。 我地叫左幾樣食物一齊食，叫左雜錦德國腸拼盤，風海鮮薄餅， 先講下和風海鮮薄餅，薄餅用左燒汁配上海鮮作為饀料，最後喺面頭灑上大量木魚。薄餅有好濃嘅燒汁味，味道偏濃，食落薄餅同饀料嘅份量都唔少，而且薄餅皮仲好夠薄脆，中間都唔會因為有汁而淋左，食得出一整好就上枱比客人。叫左雜錦德國腸拼盤，呢次係第一次食德國腸，雜錦德國腸拼盤有幾款唔同嘅腸，有D比較濃味，腸衣較結實，有D比較淡味，肉質較軟熟。德國腸拼盤配埋德國酸菜，薯角，同埋一隻淡味嘅醬，德國酸菜十分開胃，好適合解食德國腸會膩嘅感覺。

收工約埋friend去食好野😋😋聽人講過呢間嘅德國豬手好食，但兩個女仔驚太飽食唔晒，今次冇試到。另外佢都有好多小食，多人可以叫多啲野試下，好似好吸引！我地兩個人叫左一個西班牙海鮮飯同一個黑松露野菌天使麵，仲叫左杯啤酒🍻黑松露天使麵一黎到就好香噴噴，即刻流晒口水🤤🤤 個天使麵煮得啱啱好好彈牙，有好多野菌，個汁都剛好唔會太乾或者太漏值得一提，伴碟有啲酸酸甜甜嘅sauce好好味👍🏻😋😋 個海鮮飯都有驚喜！好多海鮮，有蝦，青口，魷魚同帶子，而且好新鮮，蝦大大隻好彈牙😋 個飯唔會好濕，個汁酸酸地好開胃呢~剛好中和左黑松露個汁最初我地就咁睇以為份量唔係好多，但個碟原來都好深，食完好飽呢😋 另外，環境都好靜，坐得好舒服，好適合約朋友黎邊食邊傾計，配埋杯啤酒就perfect!

本黎晚上約左朋友到依間酒吧睇波，但系今日早左放工就響依個甘緊要啲關鍵時刻，女朋友出現左話去食D野！！！！結果就約埋黎依間吧度食下野，點知又真系幾掂喎！！！門口餐牌選擇多多，除左啤酒之外，又有pizza又有意粉又有烤雞肉唔理咁多，入去坐下先搵定個靚位，又可以睇波又可以睇(欣賞)囡，其實間吧已經兩邊都安排左電視沙發是皮製的，坐下很舒服我打算坐得耐時晚上睇波可以同朋友站中間，因為站著喝beer氣勢好像也會好點 ^^"酒吧櫃攞放著不同的酒類！現在要忍忍口，因為這場是跟女友聚會，要乖乖的很快就跳到美食環節。。。原因不用說，因為另一半來了=p她點的是Carsar Sald with Smoked Salmon沙律可以配熛三文魚或烤牛或烤雞三款選擇，兩大件煙三文魚冰冷冷的放進口，正！伴碟的還有一大堆蔬果的說，綠綠的健康的，女孩子最愛吃說著說著她就想要杯好看又影相靚又要好飲啲酒，著我下單。。。。。。簡直是天大的難題！！！！冷靜又醒目啲我知道， 依間酒吧有一系列咱家調制啲cocktail，緊有一款岩佢跟住我就好型甘要左杯 Ripple  (其實系聽個個女性朋友話依隻好飲)調酒師仔細甘將杜松子酒加白酒加藍

其實都唔係第一次食呢間酒吧，上次喺朋友帶我嚟，今次就到我帶我男朋友黎撐下枱腳💕因為真係好岩情侶嚟，可以慢慢談下情，無人趕你走🤣環境方面，呢間酒吧裝修都唔錯，燈光偏暗，每張枱都放置左台小蠟燭，仲幾香！🥰講番重點食物啦🤣🍔大啡菇芝士牛肉漢堡 $118個漢堡真喺極厚，淨係個包底（上下）都有5cm了，包底索咗漢堡肉扒汁，所以食落去都好香。大啡菇大件又好Juicy！牛肉漢堡扒好厚，約有2-3cm，好surprise!而且非常多汁，幾滑，唔會鞋，牛味都幾出，再配埋大大啡菇、芝士、太陽蛋，味道都好夾。🍽美國豬鞍扒配芥末子 $198呢道菜嘅味道同賣相方面是不錯的，唔同醬汁調和度高。豬鞍扒又夠大份，有種好滿足感覺💕成個裝修都好靚💕兩個人食到咁飽先$348，真係抵到爛，最衰食完我仲要番屋企溫書，無得飲酒😭好可惜啊😭

勞碌了整整一星期，終於來到 HAPPY FRIDAY ，梗係要同朋友仔 CHILL 返晚啦。朋友仔介紹大埔有間好 CHILL 下既酒吧 - 【NOC NOC】，重點係清吧，可以好好咁食下野傾下計，真心正。好好彩，我哋唔洗等位，一到就有大梳化位座了。酒吧既環境好清幽，而且坐得好舒服，只係冷氣比較大了一點，所以比較凍。我哋叫左「意式辣肉腸PIZZA」、「香菇黑松露天使麵」、「煙燻三文魚凱撒沙律 」，野飲方面，我哋叫左「FRUIT PUNCH」、「ORANGE HONEY」。「意式辣肉腸PIZZA」-  材料很足夠，厚厚香濃的芝士盛載著各樣的材料，辣肉腸微辣很香口。批底夠脆，即使 PIZZA 攤涼了亦不會變硬，仍然鬆脆，幾有驚喜。「香菇黑松露天使麵」 -  黑松露份量不惹少，味道很濃，非常滿足。配埋香菇一齊食，特別入味。天使麵軟硬適中，唔會太林。「煙燻三文魚凱撒沙律 」-  煙燻三文魚啖啖肉，沙律菜極為新鮮，每一口都很爽甜，加埋麵包脆脆食，清新得黎帶點香口。「FRUIT PUNCH」都調教得好好，唔會太甜，而且賣相相當精美，呃 LIKE 一流。「ORANGE HONEY」比較特別，次前的都無

雖然係平日夜晚,但係鋪頭都幾乎坐滿晒，座無虛席，好彩啱啱好仲有兩個位姐人多好熱鬧下！同埋每張枱都有點燭光，好有feel又有氣氛。我同朋友都唔識飲酒唔識飲酒去酒吧其實一啲都唔怪嫁！因為聽聞依間鋪頭西餐都好出色，今次食完我地都一致認同！我哋主菜今次叫咗黑松露雜菌意粉同埋辣肉腸Pizza。意粉醬汁好濃郁帶啲粒粒嘅黑松露好有口感麵條煮到啱啱好軟硬適中。Pizza即叫即做，上枱熱辣辣燙手！配料豐富到一度食一度跌落黎，個醬汁辣辣地好開胃又惹味pizza係薄底夠脆身，一口接一口食過唔停呀！今日嘅餐湯係黑松露湯，成個湯好creamy,比較粘稠嘅質地。無諗到仲有兩片蒜蓉包即焗嘅咬落脆卜卜好味道！作為一間酒吧西餐做得咁有水準真係好難得

係大埔見到間有情調既BAR,有好多遊戲玩,岩同班FD黎。食左個BURGER,個MUSHROOM好JUICY,D CHEESE仲MELT緊添呀,個包好像係提子包定麥包,好健康咁。滿足到我又想食邪惡野又唔想太唔HEALTHY既願望。有別於平日食既BURGER。個OCTOPUS RINGS就幾CHEWY,即炸即上。杯凍朱就可以再RICH D。個BANANA MILKSHAKE用CREAM打,好THICK,比較PREFER用MILK OR ICE CREAM打。但擺得幾靚,有BANANA AS DECORATION。中意間餐廳用REAL GE CANDLES,好有FEEL呢!其他LIGHT BULBS 都好正,燈光好暗,影相唔太靚,但果度真係有FEEL的。同埋服務生好有心機,留意你差唔多想ORDER就自動過來,見你仲諗緊就由你自己諗,又會間唔中睇下你有冇其他需要,好呀!

呢間餐廳第一次去，個feel都幾正，暗暗地，每台都有蠟燭🙈好中意burger既我，一黎到見到有burger叫，諗都唔洗諗就叫左呢個大啡菇芝士牛肉漢堡，價錢唔太貴，$118，連埋薯角配菜🥰大啡菇非常Juicy🤤舊肉亦十分Juicy同嫩滑，仲好香牛味，個包仲大過我塊面，真係好滿足，一個人食一半都已經飽曬😂😂仲叫左個墨西哥鐵板牛柳，$138，不過可能太辣，所以唔太中意食😂不過都幾多醬，同餅皮，都幾得意既😶

今日同朋友約左係大埔食飯，放是上網揾到呢間noc noc，見到食評不錯就簡左呢到呢度係一間bar有酒賣 亦係西餐廳，環境比我感覺好舒服 ，枱同枱之間好闊落，同朋友傾計時吾會有壓迫感，店裹面燈光較暗，加上播住抒情音樂，係到坐低感覺真係好chill,番完工黎呢到放鬆一下真係好正，我地大約10點半左右到餐廳，一個好好笑容同好熱情既店員比水我地同埋提我地食物就黎last order，我地要快啲落單，我地簡左美國豬鞍扒配芥末子($198)先黎個扒份量大，肉汁鮮甜又多汁 配左芥末子味道好夾，煎既時間岩岩好，吾會un,同埋扒面都係香脆既，真係吾錯擺盤亦都好靚，豬鞍配上薯角同埋雜菜，整體都好滿足，好正同難忘第二樣我地叫左雞翼三重奏，我極力推介（$88）6隻有三種口味，各有特式，水牛城雞翼辣得好惹味，個醬係好夾呢隻雞翼，牛油雞翼係勁多汁同勁香，咬落個蒜味都幾重，蜜糖芥末雞翼，感覺芥末既味係超過蜜糖，風味十足，3種吾同味既雞翼都係好好味，極力推啊然後到大啡菇芝士牛肉漢堡（$118）首先要賺既係好大舊同埋係好足料，我食到一半已經飽緊，牛既味道好香同埋會有好多肉汁必出黎芝士有拉絲！！勁正 真係勁多料 係咁係我

今晚黎到位於大埔既noc noc,係酒吧形式既西餐廳，入到黎感覺係好chill因為呢度既燈光加上店內音樂可以令我成個人好放鬆，所以環境係一流我地叫左一個大啡菇芝士牛肉漢堡 burger既份量好多！一隻手都拎吾哂 ，裹面材料有芝士，牛肉，蕃茄，大啡菇，生菜，蛋，牛肉肉汁好多，大啡菇好香牛油味，芝士做到拉絲效果好中意食再叫左個英國豬鞍扒塊扒好大塊，有薯角同配菜，豬吾會un,咬落肉之汁勁多，配埋個醬真係無得輸，有啲肥既位係仲好食！炸魚手指，不過不失，都係幾飽肚食物雞翼三重奏（$88）啲雞習好巨大，相最中間既係辣既buffalo水牛城雞翼，呢隻醬同雞翼好match,雖然好辣要不段飲水，但好惹味！左邊既係蒜香牛油雞翼，咬落勁多汁，好香同埋炸得好脆，右邊既係蜜糖芥末honey mustard，又係好正野飲我地叫左，hazelnut milkshake,成杯野都好棉，好似溶左既棉花糖另一杯係white grape smoothie沙冰好解渴，味道亦好清新呢度食物同飲品質素都好高，但我最深刻既係呢度既員工 非常有禮貌同熱情，亦好主動服務係勁好

喺大埔呢頭行開街，夜晚想同朋友靜靜地傾吓計，又想飲少少酒，可以一路談心，一路食好嘢！於是，我哋就上OpenRice睇吓有咩餐廳啱我哋食，見到呢一間食評唔錯，於是就去試吓！我哋喺大埔中心行左冇耐就搵到間酒吧，一入到去服務員好熱情咁招待我哋，呢度嘅服務態度真係值得一讚啦！入到去環境都唔錯，燈光昏暗少少好有feel ！如果鍾意睇波嘅人就最啱啦，佢有兩部電視播着足球比賽！講完環境就梗係要評論下啲嘢食啦！我哋嗌左三個嘢食，當中包括，小食雞翼三重奏同埋印尼群島沙嗲拼盤，個沙嗲拼盤有八串串燒，每樣肉有兩串，有牛、羊、雞肉同埋豬肉！個全消真係好值得一讚，我呢就唔食牛同樣嘅，但我朋友話牛同羊個味道都非常之好；而雞同豬肉呢比較起來豬肉就特別啲同埋好嫩滑！另外我哋仲要咗個西班牙炒飯，啲海鮮好鮮味同個飯嘅味道都好配合！你到酒吧梗係要飲少少酒啦，我哋要左一杯pina colada!個菠蘿嘅味道非常之清，酒味都唔太濃，女仔就最啱飲啦！總括而言呢間酒吧環境好好之餘，食物亦都唔錯！

想喝杯酒吃點東西，大埔的選擇可不少。Noc Noc 是其中氣氛和食物品質也不錯的試意小店。 8時前happy hour, 價位吸引，選了Rebel IPA美國啤酒花香味十分討人喜歡。黑松露帶子沙律調味正好，香濃中也帶清新感。然後出場是墨西哥鐵板牛柳，有半個牛油果在炒過的牛柳塊和青紅椒上，醬汁入口野味，after taste微辣，也很聰明地配上薄餅和三種dressing，讓口味有更多層次感。波士頓龍蝦意粉是喜出望外，半隻龍蝦無花無假，起肉用芝士炒過，是心機菜色，幼細意粉的汁也用上龍蝦汁，很夾很配。兩個人三個菜剛好。 開揚的格局，現場也有足球台，相信假日夜晚會十分熱鬧，但平日晚餐時間卻很適合幾個朋友慢慢飲酒吹水，不會太過喧鬧，店員招呼也十分細心，值得一試！

想喝杯酒吃點東西，大埔的選擇可不少。Noc Noc 是其中氣氛和食物品質也不錯的試意小店。8時前happy hour, 價位吸引，選了Rebel IPA美國啤酒花香味十分討人喜歡。黑松露帶子沙律調味正好，香濃中也帶清新感。然後出場是墨西哥鐵板牛柳，有半個牛油果在炒過的牛柳塊和青紅椒上，醬汁入口野味，after taste微辣，也很聰明地配上薄餅和三種dressing，讓口味有更多層次感。波士頓龍蝦意粉是喜出望外，半隻龍蝦無花無假，起肉用芝士炒過，是心機菜色，幼細意粉的汁也用上龍蝦汁，很夾很配。兩個人三個菜剛好。開揚的格局，現場也有足球台，相信假日夜晚會十分熱鬧，但平日晚餐時間卻很適合幾個朋友慢慢飲酒吹水，不會太過喧鬧，店員招呼也十分細心，值得一試！

黎大埔一間酒吧慶祝生日。吸引之處：1. 酒吧既氣氛好高雅。給人舒服，放鬆既感覺。音樂唔會大聲，傾計好方便，而且好有氣氛。復古又現代既裝飾，好靓。2. 黑松露雜菌意粉。黑松露既味道未食已經聞到好像。靓既擺設同呈現，整得同高級餐廳唔差別。好黑松露味，意粉又整得特別彈牙。意粉好味在個汁。黏黏既汁，食落好有口感，令意粉更滑，好似俾蛋包圍住既感覺。口感真係令人難忘。3. Atlantic ocean。雞尾酒黎講調得出色。酒精濃。好似個藍色既海洋，整得好夏威夷feel。菠蘿汁既味道好fresh。4. Corgi。哥基呢個名聽落就知自啡色既雞尾酒。鍾意Bailey既一定鍾意呢個飲品。Bailey既味道再加埋朱古力同香蕉。飲左會上癮既感覺。係一杯高雅既哥基。5. 德國豬手。份量超級多。特別既係豬手皮同出邊唔通。皮係薄，薄薄既上層皮整得好香脆。加埋肥美既脂肪，好值得食。加左自己既醬料。甜甜地，豬手同醬食特別好味。仲有薯角食。一份豬手可以兩個人share，因為好多好多肉。食得好飽。整體黎講係好有情調，雞尾酒調得好味順口，食物都高汁既餐廳。算係大埔入邊好高汁的酒吧。

夜晚想搵個地方同朋友傾吓計，上網見到呢一間食評都唔錯，就決定嚟呢度試下。鋪頭氣氛同裝潢都唔錯，仲有電視可以喺度睇波。我哋兩個人叫咗一個印尼群島沙嗲拼盤，雞翼三重奏同西班牙海鮮燴飯。沙嗲拼盤有八條串燒，分別有牛豬羊雞各兩條。我覺得呢一個串燒拼盤幾好食，尤其是牛同羊肉，我覺得串燒上面啲醬汁好惹味，本身佢另外擺咗另一款醬汁，但係我覺得唔需要點，原汁原味都就已經好食。雞翼三重奏分別有蜜糖芥末味，辣醬同牛油味，雞翼炸得好脆，可能我唔係咁食得辣就覺得辣醬太辣啦，其他都唔錯。海鮮燴飯入邊有青口八爪魚等等嘅海鮮，每樣海鮮都好大粒，睇得出係真係好足料。我哋仲係happy hour嘅時候叫咗兩杯嘢飲，一杯係banana smoothie, 一杯係pina colada，好靚同味道都好飲，我覺得叫嘢飲係最抵，因為一杯都只係50幾蚊，平過出面好多酒吧。最後想讚下呢度啲店員，雖然店員比較少，但係服務態度好好，同埋好有禮貌。