Noc Noc

營業中

休息中

好耐冇見班frd 星期六諗住喺大埔揀間可以chill下 飲下酒happy hour 嘅餐廳 係open rice 一search就見到呢間野 毫不猶豫就訂左仲有9折添不過我地都算早到 7點左右黎都冇咩人可以即刻入座 但我地地食到8點都開始full冇咩位 所以唔想等既就要早少少黎啦我地3個人都唔係食量好大 所以叫咗一個main 係德國咸豬手 呢個上得比較慢 差唔多我地食曬其他菜先上 份量適中 啲皮整得好脆 略嫌老咗少少 但肉都keep到幾嫩口 唔會太難咬 加上仲有薯角同菜做配菜 2百幾蚊係西餐都合理 個醬酸酸地好開胃 可惜佢太遲上我地最後先食 所以都有啲飽食唔曬啦另一樣叫既就係蒜香天使麵$78 首先個賣相都唔錯 個碟好高身係幾特別 而個麵係有啲辣嘅 不過以我呢個唔係幾食得辣嘅人都食到 相信大家都唔會話完全食唔到 呢個麵可以揀雞或者牛肉 我地就揀咗牛肉 肉質都幾嫩唔會好un 不過我嫌太多菇同洋蔥 對於唔食既人就比較麻煩啦仲有一個小食就係炸薯條 佢上既時間係新鮮炸出黎好熱 抵讚配咗3個醬 分別係芥茉醬 松露醬 同埋芝士醬 我地都一致覺得松露醬係最夾最好食其他會有啲膩同咸 食得太多要飲好多水之

中秋佳節後同朋友揾個地方hea下吹水，今次第二次黎，都幾好彩有位！佢本身話收2點，最後係2:35先請我地走，十分好！對呢間餐吧都幾好印象。係大埔小店，幾好坐啲嘢飲價錢又唔貴～Noc Noc Special: 咖啡味為主，味道還不錯，開頭飲落有啲偏澀，不過撈番啲cream就平衡番（$78）Lychee Mojito: 朋友比較少飲，呢杯調得幾好，好容易入口，唔會太苦Rosa Champagne（右邊）：味度okJagar Killer: $108 朋友說比較藥水味及酒精濃

夜晚想搵個地方同朋友傾吓計，上網見到呢一間食評都唔錯，就決定嚟呢度試下。牛油果鮮蝦沙律沙律菜與兩隻大蝦的配搭，沙律菜新鮮清爽，充滿健康元素。大蝦開邊，可供四人分享，略嫌醬汁不夠，不過喜歡清淡的飲食習慣的話可能就覺得啱曬德國鹹豬手呢個豬手味道恰到好處，香味撲鼻！最貼心嘅係呢度幫你切好哂，起咗骨，食得好方便！值得一提嘅係個醬汁，點完個汁真係昇華咗！海鮮燴飯入邊有青口八爪魚等等嘅海鮮，每樣海鮮都好大粒，睇得出係真係好足。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

5月首爾站旅遊完，返香港再約了朋友們聚首一堂都要半個月時間相約。 幸好地，大埔都有不少酒吧連食店，邊吃邊飲酒邊詳談，都有很多選擇。 我們就選擇了在大埔的NOC NOC ，方便大家喔…😌我們剛好在大埔，天色未入黑，我們已經抵達目的地了。香港不斷有新食店開張，不過NOC NOC已經開了幾年了，還是第一次到來，感覺很有親切感……可能位於大埔吧!！對大埔友來說，真的一點都不會覺得陌生喔…點點光的燈光，仿似夜空中的星光，很是浪漫。Bar Table 很吸晴，讓人覺得它內裡一應俱全，很有心思及廚具充足。有個懷舊收音機，不知道是否可以播出音樂嗎❓在等朋友的時候，突然之間，出現一位友誼之星，覺得牠很可愛，對店鋪很熟悉，乖巧地跟主人和店主聊天，見到牠很想跟牠合照留念。 🍹Shrimp and Avocado 🥑 Salad ：當然食左開胃前菜的沙律，蔬菜新鮮，牛油果又健康，蝦肉很大隻，健康之選。🍸Seafood Capellini ： 食意大利麵，配菜是次選； 最重要是意大利麵的麵質，麵質要煮得軟硬適中真的很難，但是今次食的意大利麵有不錯的口感，好味道。🍺Chicken Wong Trio ：配上酸甜茄

已經係第三次入嚟呢間餐廳啦，次次入嚟都要叫炸物摩天輪，飲住酒吹水一流。其次就係要帶呢杯Red Sangria ，生果多，飲完又可以食，清一清油膩先！仲有就係必食嘅Pizza，香脆可口！另外我最鍾意食嘅就係沙律，凱撒沙律加埋煙三文魚，係最穩陣嘅選擇。幾個朋友仔最好就係Book張枱啦，因為好多時候呢一間逢親週末就會full晒，所以就有可能要坐高枱㗎啦。如果撞正睇波嘅時期，呢一間相當好氣氛㗎！仲有得玩飛鏢！絕對無介紹錯！

適逢放假同朋友嚟咗大埔嘅一間西餐食好嘢 呢到酒吧同西餐一齊做 每張枱仲有個真蠟燭做裝飾 可以睇住足球食餐好嘅前菜叫咗燒牛肉海撒沙律 燒牛肉粒味道香口 不過略嫌整體沙律醬過多 之後叫咗個黑松露野菌pizzapizza係用薄底 食落香脆 菇類份量好足夠 同黑松露味道點都係好夾 仲佈滿芝士 很好食 大啡菇芝士牛肉漢堡配厚切薯角整體漢堡非常厚身 切開一半睇 漢堡排同大啡菇都非常厚 好足料 漢堡肉厚得嚟都食得出牛肉味 仲有勁多配菜 配埋芝士好好食波士頓龍蝦天使麵龍蝦賣相好靚 有半隻龍蝦可以食 包埋鉗 肉質彈牙 食得到龍蝦嘅鮮味 天使麵嘅龍蝦汁調味亦啱啱好 唔會太濃同太漏 食得滿足飲品試咗white russian 味道幾好 無乜飲cocktail經驗 不過呢個屬滿意嘅味道

近排好有壓力，收工同朋友去屋企附近想搵個有feel啲嘅氣氛地方食飯同埋吹水，OpenRice上面睇到呢間好有氣氛同情調就嚟咗啦！鋪頭大概有20個位左右，坐落去好舒服，平日晚上唔會太多人。因為叫咗幾杯啤酒，價錢都OK唔會太貴。我哋主要就係去飲酒傾吓計，所以叫咗兩個小食就夠，德國肉腸同埋摩天輪。摩天輪真係好有驚喜，入面有幾個小食，同埋都幾好食，另外叫咗德國肉腸，每一隻都唔同味道，配酒飲就最佳選擇啦😋店員好好禮貌，食完嘢吹咗幾個鐘都無黑我地面。

今夜壓力很大，和朋友相聚時來到了這家bar & restaurant 時間尚早，所以餐廳內暫時仍有數張空桌，不過很快就坐滿..最後點了牛油果意粉：不禁大讚牛油果極creamy 極好味！但有點美中不足是有丁點糯味，有點overcook燒焦的那種..但整體而言也不大影響!之後來了摩天輪，很讚很有特式的一道菜式！當中五款小食逐一介紹：脆炸芝士條：外皮夠脆熱，內裡芝士味香濃，不要期望是流心，非也！炸脆魚手指：外皮同樣夠脆熱，內裡魚肉質夠嫩滑小食其中一款是沙律菜，配上四款脆炸小食，這款就顯得失色一點，但卻如同荒漠甘泉脆炸薯角：忘記了提及有三款醬汁薯角最適合配醬進食。醬汁包括芝士醬、芝麻醬和黃色芥末醬👍🏼👍🏼👍🏼最後一款是炸墨/魷魚圈😂很讚！

話說朋友住大埔，聽說有好介紹，確是可以放鬆身心的好去處。於是千里迢迢來到。乍看是酒吧型式，全落地玻璃，感覺神秘又高雅。室內燈光昏暗，配合背景音樂，令人放鬆和舒適。餐廳四四方方，空間寬敞，座位多元化，有Bar枱，高腳枱和一般西餐卡枱。可以配合吾同食客的需求。牛油果鮮蝦沙律$118沙律菜與兩隻大蝦的配搭，沙律菜新鮮清爽，充滿健康元素。大蝦開邊，可供四人分享，略嫌醬汁不夠，不過喜歡清淡的飲食習慣的話可能就覺得啱曬。番茄香草海鮮天使麵$168這種口味很適合大部分人，味道適中，而且鮮味十足，沒有一般意粉的膩度感，反而多了清新的口感。天使麵的質感柔軟彈牙，配合海鮮和醬汁，甚得大家歡心。雞翼三重湊$88一個價錢，三種口味，有水牛城雞翼，牛油雞翼和蜜糖雞翼，口味多變，各有千秋。美國豬鞍扒配芥末子$198厚切豬鞍經過慢煮，已經好入味，配上青菜，外型即時討好。份量十足，足夠幾個朋友一起分享，青菜鮮甜可口，一洗油膩感又促進食欲。

星期五放工最佳活動之一就係同fd搵一間有晚餐食, 又有酒飲放鬆下的餐廳呢間餐廳就係一個十分好的選擇因為一早已經訂好枱, 唔洗等就入座 一來到就叫左2杯飲品先本身預左來摸住酒杯傾心事, 我就揀左1664, 朋友果杯係Noc Noc Special, 睇個樣都好得意, 朋友話味道都OK因為大家都未食晚餐, 又叫左幾樣E下肚先, 又可以送下酒首先個意式辣肉腸簿餅, 三樣中最好食的, 芝士又多又濃, 同茄醬又夾, 辣肉腸厚厚地, 所以充滿咸香, 送酒十分一流! 松露樹皮食落好得意, 少少松露香味, 好脆, 好薄, 基本不需要點醬都OK, 大啡茹芝士牛肉漢堡: 呢個相對以上2樣有少少失色, 個漢堡有D蘇, 好在都唔算鞋口, 配菜薯角都香脆, 少少沙律菜都清新因為吹水吹到又口渴, 我就叫多杯1664, 朋友就叫afterglow場內燈光好有情調, 配合餐廳播放左時下最流行的音樂, 有好多放左工的人三五成群來餐廳食飯飲酒吹水, 熱鬧得來又唔會過份嘈吵, 放眼大家都好享受當下, 下次一定再幫襯!

今次同fd放工鬆一鬆，見餐廳氣氛都唔錯就試一試。朋友唔飲酒所以今次唔係以飲酒為主，但見佢啲食物嘅種類都好多。餐廳係酒吧形式有球賽睇，氛氣都好適合一班朋友飲杯嘢傾下計。黑松露帶子沙律($118)首先黎個沙律做前菜，個賣相好有特色，碟邊分別有黑色嘅醋同黃色嘅芒果汁，味道酸酸甜甜，好啱響夏天食主菜之前醒一醒胃，帶子鮮甜，同黑松露醬好夾，有少少菜好似感覺健康啲。牛油果雞肉意粉($118)然後係主食意粉，意粉係用白汁煮，帶岀牛油果嘅香味，意粉偏軟身，加入青紅椒中和白汁滯嘅感覺。摩天輪($158)最後叫咗呢個造型滿分嘅摩天輪，見人食就見得多，自己食都係等一次。摩天輪有5個車箱，分別裝住4種炸物:薯角、魷魚圈、炸魚條同炸芝士條，最後一卡係清除熱氣嘅沙律。每樣都炸得好香脆，好適合配啤酒時食用，佢仲配搭咗3種醬汁點黎食:蜜糖芥末醬，和風芝麻醬同芝士醬，隨自己鐘意嘅口味而有唔同嘅配搭。呢個最啱心大心細揀唔到食邊種小食嘅人士，一次過試哂，分量又啱啱好。記得食之前拍返個ig story👍🏻

喱日一同六人黎喱到食飯，環境氣氛比較暗，似人地酒吧飲下野、食下野傾計咁，但我見有不少人同我一樣 都係一家大細一齊黎食飯喱到外型似酒吧，但其實內裡有好多美食 小食、Pizza、肉、意粉都有，而飲品亦都唔止得酒精類有沙冰、奶昔、果汁西冷牛扒配薯菜店鋪燒過蕃茄，再配上薯角同西蘭花，再加上五成熟既牛扒，牛扒不過不失，太淋又唔係但亦都會有少少韌漢堡包食得出漢堡扒係店舖手打自己整 佢既厚度係一口食唔到 因為真係好厚好多層，再配上薯角冬蔭公天使麵喱個配搭出奇地夾，內有好多海鮮，但偏辣少少，可以一試卡邦尼意粉超級creamy 好多白汁，再配上一隻生雞蛋，撈均之後簡直食到啜一聲

op見好多好評，便過去試下！星期六下午沒有人。點了一個海鮮薈飯$168，味道ok啦！雞肉夾餅$118，個夾餅真係激發我上來寫評論，我吃左一半我唔知我食左乜既感覺，有一陣好奇怪既味道，不是壞，好像泡沫的醬，吃完個口好似有一層野痴住！我究竟吃左乜？究竟係廚師休息？定乜？一杯可樂$48總括，我真的抱著期望去吃，因為好多好評，希望你們有改善啦。環境是ok的！服務可以改善一下，放水時可以輕一點，咁就不會倒到成張枱都係。。。。

今晚試左間新餐廳，價錢中位，但質素又幾高啵！首先黎左個印尼群島沙嗲拼盤，豬、牛、雞同羊各兩串。雖然個樣好似無乜特別咁，但係食落口就有驚喜。因為佢好香肉味，烤完唔會過硬得黎食落又有口感，反而就咁食好過點佢嘅醬汁。然後牛油果雞肉意粉就到左。呢個係無估到咁好食！因為本身睇菜名係抱住一試嘅心態，有可能味道會未必岩胃口。但無諗到食落又幾好，佢個意粉汁好入味，食一啖意粉會食到雞肉味，證明佢係有心思去整個汁。呢個俾滿分。最後係德國鹹豬手。呢個貼心位就係佢有將啲肉切好哂，仲要切得好乾淨，基本上你拎起支叉吉起佢就放得入口，都唔洗話補刀起哂骨上面嘅肉。豬手烤得香脆，唔會過老，加上醬汁香甜，點住食就無咁滯喇。誠意之作！最後嘅Mocha估唔到佢拉花又幾靚，加埋環境有音樂好relax，食完野再嘆埋杯mocha係唔錯。整體黎講呢間餐廳幾好，環境同食物質素都真心推介，可以再試。

今晚去咗大埔呢間Noc Noc食西餐 餐廳燈光昏暗 環境舒適 幾有情調 可以同另一半喺度食燭光晚餐頭盤我哋叫咗烤牛肉凱薩沙律 配料有麵包粒煙肉干 連埋牛肉同生菜一齊食 口感非常豐富 而牛肉本身都比較嫩口 所以整體都唔錯之後叫咗黑松露野菌薄餅 薄餅餅底較薄身 非常香脆 黑松露亦都好香 唯獨個人略嫌洋蔥比較生同辣口我哋仲叫咗呢個大啡茹芝士牛肉漢堡 賣相非常吸引 配菜有薯角同少量沙律菜 漢堡餡料非常充足 一啖根本冇可能咬晒成個包 大啡菇配牛肉好夾好多汁 番茄同生菜可以中和返味道比較濃嘅大啡菇同牛肉 食落好清新 味道啱啱好唔會太咸 整體上性價比都算高 推薦大家嚟到可以一試之後主菜係波士頓龍蝦天使麵 龍蝦係開邊上碟 size都接受 龍蝦肉質鮮嫩帶鮮甜味 但龍蝦肉就唔算特別多 底下意粉吸收左龍蝦嘅精華 天然嘅龍蝦汁令意粉更上一層樓