Noc Noc

營業中

休息中

最近心情總是悶悶的😣😣唯有美食可以令心情變好起來! 今晚搵左間隱世小店，位置都好易搵到🤘🏻餐廳裝修得好有heart, 好有feel 既bar檯，側邊有部好大既彈珠機做裝飾。燈光有D暗不過營造到好慵懶既格調🤣🤣主菜冬蔭公飯好入味，少少spicy, 有好多海鮮😱😱幾惹味同幾特別。另外仲叫左2碟小食，個魷魚圈份量好充足，我地2個人食都食唔曬~ 👍🏼佢個sauce都整得好有heart, 酸酸地既沙律醬! 仲有最最最推介佢個雞翼拼盤，個牛油蒜蓉雞翼炸得好脆,夠曬蒜香味!!非常好味👍🏼👍🏼👍🏼👍🏼另外buffalo wings 個汁醬夠酸，好入味好開胃! 總結以言，好滿意今晚餐飯，環境氣氛一流，坐得好舒服又唔迫，chill chill地又一晚！聽日番工加油💪🏻

去開大埔，有大埔朋友介紹下來左呢間餐廳食晚餐 位置都算方便，喺太和站行10分鐘內就到呢間係一間Bar & restaurant咁樣，裝修好有西式氣氛～ 有大電視可以俾人睇新聞，賽季嘅時候應該可以睇波添食物選擇都幾多，大埔來講價錢唔算平，我同朋友兩個人就叫咗幾樣野試吓有雞肉同牛肉配凱撒沙律，我哋就揀咗雞肉雞肉好滑，啲沙律菜都好新鮮，同埋醬汁比較多，令到沙律清新得來又夠惹味～另外再叫左牛肉芝士漢堡，陪左沙律同薯角漢堡份量比想像中大，要用把刀切開先食到，一咬落去爆曬啲肉汁，大滿足 朋友叫左杯lychee martini飲～ 好重酒味，不過我唔太飲得，呷一兩下就夠了之後再叫多一個主菜share食，今次就揀左燒豬肉，都係配薯角同沙律。豬手個皮燒到好脆，入邊啲肉就好嫩滑，整體上唔錯。個汁就略嫌太甜，所以我地叫左Mustard點來食

放工後既即興餐聚就選址係公司附近既酒吧餐廳NOC NOC 🍴擦番餐先😋每人都揀左一個主食一齊share ，咁樣就人少少都可以試到多樣美食啦！😆 大啡菇芝士🧀牛肉漢堡🍔 - 漢堡包相信係黑糖麵包嚟既，甜甜地又好鬆軟，份量都唔細👍🏻漢堡排同大啡菇超級juicy 唔會乾爭爭咁，最特別係個漢堡仲有隻太陽蛋🥚美式豬肋骨- 開心share 滋味推介⭐哩到既豬肋骨係配上新鮮蕃茄醬俾你自行調味，反而主角-豬肋骨自身既調味就唔太多。而且份量完全足夠三個人分享，抵食波士頓龍蝦🦞天使麵- NOC NOC 既廚師對食材處理都花左心思，龍蝦已經預先起肉炒熟再釀返入龍蝦🦞殻個到，龍蝦肉爽口彈牙，香濃芝士燴龍蝦天使麵，諗起都想再食多次呀

Blue Monday night 好友們即興約出黎飲杯野🍻，話近近地就揀左位於大埔直街既Noc Noc 我地一人嗌左一個main course 另加多左個小食 - 香辣薯角🥔1）美式豬肋骨 💰198- 份量都唔細喎，建議大家happy share ⭐️ 之前食既豬肋骨既味道都係清一色BBQ 醬味，但NOC NOC 既豬肋骨反而係配上鮮茄醬俾你自行調味，首先要讚下鮮茄醬既心思，再者就係照顧埋淡口味朋友既需要💯2）波士頓龍蝦🦞天使麵 💰168- 打卡一流📷 半隻波士頓龍蝦大過你隻手掌呀😮另一個驚喜係龍蝦已經拆肉調味，芝士味香濃👍🏻而個天使麵反而較清淡，但兩者配合一齊食就啱啱好啦😋3） 大啡菇芝士牛肉漢堡🍔 💰118- 必試推介，漢堡包十分鬆軟仲塗上蒜蓉牛油，大讚👍🏻漢堡排同大啡菇超級juicy 唔會乾淨淨咁，切落去個陣d肉汁已經流哂出黎啦😆

難得係大埔附近收工，即刻約左個大埔地膽帶我去食好西☺️呢間餐廳幾有格調，環境優美昏暗，一入到去就留意到每張枱上面都有蠟燭，仔細睇成個環境都好多打卡位，啲drinks價錢都幾合理，好適合約埋三五知己係度聚。頭盤就揀左黑松露醬帶子沙律($118) — 黑松露醬比我想像中多😋好香，配搭埋芝麻醬嘅沙津完全中晒我口味，fresh得黎又開胃👍👍仲有大大粒帶子😋鮮甜爽口～正！跟著就叫左我至愛😋😋😋德國鹹豬手($198) 今次比較特別嘅係，佢個醬做得幾出色😳酸酸甜甜好重蜜糖味🤤加埋脆卜卜嘅鹹豬手皮真係好正♥️個豬手仲配埋少少沙律同多多薯角😋薯角又係好脆香口，調味亦都啱啱好😈整體黎講 食物大份抵食，服務員態度又好，值得再黎🌟

今日同朋友去大埔攞啲嘢，咁攞完嘢就諗住去食飯。朋友就推薦話不如去依間餐廳食嘢，好好食嘅，所以就嚟咗依到試下！一入到門口就覺得依到環境好正，同埋因為依家臨近聖誕節，餐廳都有啲聖誕裝飾，好有氣氛！一坐低，侍應即刻俾menu我地睇哇，佢個drink menu都幾多選擇，就算酒吧都未必有咁多選擇，正！我就叫咗佢個Noc Noc special ($78)嚟試下，一飲落去覺得好特別，雖然配搭簡單，主要係expresso溝vodka，但係嗰感覺真係好特別！跟住就叫咗個德國腸拼盤（$158），有好多腸之餘，佢重跟埋個薯角，重要個薯角好脆，調味做得好好咁腸就固然好食啦重叫埋依個Carbonara（$98），依個carbonara非常足料，而且唔會話太乾，調味亦都做得好好，非常推薦大家食依個carbonara環境，食物，同埋員工嘅服務質素都好好，所以非常推薦大家嚟依間餐廳試下

今次去左屋企附近既bar, 環境同一般既bar差唔多，但佢比較特別既係，有比較多高枱。可方便一路睇電視一路同朋友碰下杯底。今次去叫左2款飽肚d既野食，睇下當平日食晚飯食路食得過。德國鹹豬手佢晚鹹豬手烤得好脆，d皮咬落係卡卡聲，d肉唔會燒得太耐，所以質地好滑。再加埋佢自制既蜜糖芥未醬，甜得黎鹹鹹地，我覺得幾搭。油封鴨腿野菌燒汁意大利飯今次食左個意大行飯，因為有松露，所以一黎到已經嗅到超香，再加埋野菌，可以增添咬口同食落冇咁油膩。Jungle最後叫左杯jungle,佢係一杯沙冰狀既酒，飲落甜甜地，有好香既奇異果香，最後有少少Rum既味道，幾岩唔鍾意苦澀味既女仔。

天氣轉涼，天色變黑的時間也早了。Happy Hour的時間來到這間酒吧，陪襯著秋冬涼快的氣溫和大埔郊外較少光污染的漆黑天空，特別能享受主題的氣氛。（店名是夜行性Nocturnal的簡寫）有波睇，不過今天店內的客人都很斯文。這個足球小將風格的手繪招牌很有心思。走進店內，柔和的燈光和電視為客人在漆黑的環境提供僅有的照明，為了保持黑夜的氣氛在裝修和佈置上都很花心思。難得早到，happy hour有特價，當然點返杯嘢飲下。叫了主題特飲，沒開閃光燈有點模糊。店員見我咁港女地打卡，給了我一個蠟燭，有點光比較好拍照了。為了清楚一點還是開了閃光燈拍一張。這個特飲是冰凍的咖啡酒，有很香的咖啡味，少少苦，酒香濃烈，可以每次都小小口地品嘗。怕苦可以了面頭又甜又滑的cream來緩解一下。點了個魷魚圈送酒，炸得很金黃。配上千島醬很鮮味和香脆。魷魚也有咬口，雖然咬得開，但一整個放入口比較正。底下還有沙律菜，也很鮮甜爽口，注重營養均衡的話不要浪費。坐了一會食慾來了，看到餐牌又有筆者最愛的石油氣，不是，是黑松露天使麵，馬上Order了一份。黑松露菌的香氣真是不會讓人失望。筆者平時飯和意粉都吃得多，這個天使麵的口感更煙

去開太和搵朋友，佢帶我嚟呢間幾有格調嘅酒吧吹水食飯，閒日晚上嚟講都算幾好生意。因為第二日仲要返工，所以我同朋友都冇飲酒，我就點咗杯white grape smoothie～White grape smoothie $68青提子沙冰，甜甜地幾清爽，唔錯。冬蔭海鮮意大利飯 $168「冬蔭」兩隻字真係令人又愛又怕，一上檯就已經熱辣辣香噴噴，色澤非常吸引。食落唔會太辣，仲酸酸地，好惹味；有魷魚、青口、魚塊等材料，分量絕不欺場；飯粒軟硬度適中，每一粒都被醬汁包住，真係令人忍唔住一啖又一啖咁清曬法式燒春雞 $188好、大、份！呢份燒春雞好抵食，百零蚊啲雞多到我哋「哇」咗出聲雞肉好滑，食落有啲香草同黑椒味，正伴碟嘅薯角同雜菜分量都多，多到已經唔似係伴碟😂薯角都烤得好好食！整體嚟講，環境、食物同服務都幾好，值得回頭再食。

Many great restaurants arelocated in Taipo Taiwo. Tonight I visited “Noc Noc” to have a gathering with myfriend. It’s a normal weekday and the restaurant is located in small streets,but the restaurant was quite full!We were not that hungry so we ordered a main course and twoappetizers.The first appetizer is “Mozzarella Stick”. Myfriend is a cheese lover and likes it so much. See the picture. You can tellhow much cheese was inside. No.1 best choice for cheese-holic!Then it came the “Mushroom Chip

今日同女朋友去大埔食dinner, 又唔想去充滿tg 既大埔中心，就去左近太和既呢間NOC NOC 酒吧。間餐廳入面好有情調，枱面有蠟蠋，餐廳周圍d 燈都幾靚。咁我地今日就叫左一個主食同一個小食拼盤。先黎個小食拼盤，叫摩天輪！佢係真係一個摩天輪咁既樣，可以轉既，幾過癮可以轉住黎食。不過轉既時候請保持克制，因為d 炸物都放得幾滿，我轉得太激烈差d 跌左d 薯條出黎😂摩天輪有炸魷魚、炸芝士條、薯條、雞肉條同埋沙律。特別留意個芝士條，要及早食，因為佢仲熱既時候d 芝士可以拉到好長！ 小食拼盤仲配左三個醬，有蜜糖芥末、芝麻醬、芝士醬。我地仲叫左個德國鹹豬手，好香，d 皮係脆卜卜既，仲要上枱既時候已經切好左，推薦！話到明酒吧，就當然有酒飲，不過我地唔飲酒既😂 但我數過，餐牌有成9頁既酒，你想飲咩酒都有🤡同埋呢到仲有得睇波，掟飛鏢，不錯。

因為公司係大埔，所以成日周圍搵好野食，黎過呢間餐廳好多次，每次對呢度既食物同服務都相當滿意。呢度環境有啲浪漫，都幾適合飲返幾杯，聽侍應有介紹白酒同紅酒，但我地無叫到酒，侍應都仲好親切同我地落單。而餐廳嘅嘢食真係好用心，唔會求求其其，我最鍾意食呢度嘅意粉同埋雞翼，我地叫左個黑松露野菌天使麵，個麵係勁juicy，同朋友都爭住食，話咁快係其他野未黎，我哋就差唔多食晒。之後，burger又係好大份，肉好厚，好難一口咬，個麵包係甜甜地，好香！份量好多，最好share一齊食。而雞翼真係要高度讚揚，有三種口味，佢嘅炸粉係好香好脆，雞翼肉好嫩滑。我地一行兩個人，每人食三隻，完全唔會食到厭，因為每款既味道都唔同！

同朋友黎開附近見到呢間舖頭好似幾好坐，氣氛又唔錯，見到"摩天輪"望落好有趣就行左入去試下。Menu既選擇好多，揀左好耐我哋最後叫左摩天輪、美國豬鞍扒配芥末子、炸午餐肉條配芝士醬。可以望一望個menu，酒我冇影到(太肚餓一揀完就落左單😂)，食物類既全部都有影。摩天輪︰打卡之選！五格摩天輪分別係︰沙律、炸魚手指、炸芝士條、炸薯角、炸魷魚圈。好熱氣，超級邪惡！由於係即刻整既，大概預返要等15-20分鐘左右。佢有三個醬，分別係芝士、芥末、芝麻。醬唔算太特別，不過不失。炸物既粉唔厚，好脆，芝士條有拉絲效果。魚手指既肉質結實。幾好食。美國豬鞍扒配芥末子︰份量唔少，豬都幾腍幾好食，薯角同摩天輪既一樣即叫即整超新鮮超邪惡。有少少可惜係豬既肉汁唔算多。配菜都新鮮，都唔會煮到黃哂咁。炸午餐肉條配芝士醬︰佢都係有三個醬，但係今次朋友就狂食松露醬😂第一次食炸午餐肉，個感覺好新鮮，可以想像係超級脆身、超香口既午餐肉。餐廳選用既午餐肉幾好，唔會太咸，肉質都幾結實。好正既小食。店內環境，有得睇波，今日係31/10所以會有萬聖節裝飾。餐廳環境唔錯，幾好坐，店員都好有禮貌，野食都幾好食。

呢幾個月人人都好有壓力,喺大埔昌運中心賣時裝嘅朋友話生意慘淡，約我食下飯吐吐苦水。佢知我鍾意食西餐,帶我到位於大埔舊墟直街28號嘅Noc Noc聚聚。餐廳門口擺放著一副逼真嘅人體骨骼外,裡面還有其他“恐怖”嘅蜘蛛網、南瓜等裝飾迎接萬聖節嘅來臨。Noc Noc係一間西餐同時亦係一間酒吧,見到有客人坐係高高嘅吧台前同朋友閑談感覺非常寫意。两個人點了是日餐湯、黑松露雜菌天使麵同卡邦尼意粉。✍️蒜蓉多士餐廳免費送嘅,焗到金黃色,又香又脆非常惹味,多謝老闆。✍️是日餐湯濃稠適中,每一口都充滿黑松露嘅甘香,配上蒜蓉多士✍️黑松露雜菌天使麵朋友比較喜歡無肉嘅pasta，黑松露雜菌又係佢嘅至愛。天使麵食落比較幼滑，雜菌爽口，配上黑松露醬，好creamy又惹味。✍️卡邦尼意粉意粉軟硬度剛好,口感富有彈性，配上香煎煙肉,簡單美味。卡邦尼醬汁做到啱啱好掛到每條意粉,味道濃而不膩,亦吾會太濕。簡簡單單,美味十足嘅西餐,加上真蠟燭嘅浪漫氣氛下,令人可以忘卻一時憂慮。值得happy hour時段再來閑談暢飲！

今日又來太和搵嘢吃，朋友住附近介紹大埔舊墟直街有間西餐唔錯。6點來到已經坐了5-6檯客人。餐廳採用半開放式，好打個酒櫃，有大大部掛墻電視，啱曬一邊飲酒一邊睇波。有卡位同吧檯位兩種選擇，聽住音樂🎵，望住大電視真係好relax。☺今日因為好肚餓，所以一來就叫兩樣包肚嘢先，我見飲品種類都好多選擇，可惜今日唔飲得酒，所以無叫到。黑鬆露雜菌天使麵($118)雖然係黑鬆露醬，但香味好濃郁，開始間個碟唔大，以為份量好少，點知原來個碟好深，份量好足，芝士同黑鬆露嘅味道沾滿每條天使麵，水準及得上高級西餐廳，有驚喜！意式辣肉腸pizza($148)pizza係薄底，上面d料多到要兩隻手先可以拿起，辣肉腸真係幾辣，不過好野味，加上拉絲芝士同蘑菇，真係每一啖都好滿足。下次一定要約朋友再來飲返幾杯，好好relax一下，仲好有Halloween嘅氣氛。😁🍻