Noc Noc

營業中

休息中

喺大埔呢頭行開街，夜晚想同朋友靜靜地傾吓計，又想飲少少酒，可以一路談心，一路食好嘢！於是，我哋就上OpenRice睇吓有咩餐廳啱我哋食，見到呢一間食評唔錯，於是就去試吓！我哋喺大埔中心行左冇耐就搵到間酒吧，一入到去服務員好熱情咁招待我哋，呢度嘅服務態度真係值得一讚啦！入到去環境都唔錯，燈光昏暗少少好有feel ！如果鍾意睇波嘅人就最啱啦，佢有兩部電視播着足球比賽！講完環境就梗係要評論下啲嘢食啦！我哋嗌左三個嘢食，當中包括，小食雞翼三重奏同埋印尼群島沙嗲拼盤，個沙嗲拼盤有八串串燒，每樣肉有兩串，有牛、羊、雞肉同埋豬肉！個全消真係好值得一讚，我呢就唔食牛同樣嘅，但我朋友話牛同羊個味道都非常之好；而雞同豬肉呢比較起來豬肉就特別啲同埋好嫩滑！另外我哋仲要咗個西班牙炒飯，啲海鮮好鮮味同個飯嘅味道都好配合！你到酒吧梗係要飲少少酒啦，我哋要左一杯pina colada!個菠蘿嘅味道非常之清，酒味都唔太濃，女仔就最啱飲啦！總括而言呢間酒吧環境好好之餘，食物亦都唔錯！