Noc Noc

營業中

休息中

今日重陽，貓貓難得放假，想搵間好既餐廳善待自己。平時真係返得太辛苦。貓貓被呢間好chill既酒吧吸引左。入邊既氣氛真係一流。燈光同音樂，酒吧吧檯設計完全係貓貓想去既酒吧。好開針。貓貓order左個德國鹹豬手。豬手好靚呀，貓貓見到都濕左個嘴。餐廳又好貼心，豬手係已經起曬骨，適合貓貓呢種懶貓食。豬手既皮先係精華。皮整得超脆，入邊脂肪令成層皮更滑有水份。又食到黏黏既感覺。雖然皮整得乾身爽口，但豬肉都無輸蝕。肉質厚，而且出邊脆，入邊肉汁多。整到咁都幾考功力，貓貓真心鍾意。貓貓講豬肉點醬食，豬肉更加濃味。其實唔洗點醬原汁原味已經好好味。但點醬又食到另一個層次。水份更多，更甜。薯角擺左好耐再食，依然脆。入邊又鬆軟。貓貓呢個時候一定要杯cocktail過下口癮。貓貓既afterglow。好似杯紅酒，但味道甜，易入口。杯邊痴左甜甜既糖。飲一啖酸甜既藍莓紅梅cocktail，再含少少糖，個比例味道啱啱好。呢杯cocktail調得啱貓貓心意。酒精夠多，但味道唔會蓋過果汁。果汁酸甜味令呢杯cocktail飲落唔覺有酒精。但飲完一杯貓貓已經有少少醉意。貓貓好鍾意呢杯cocktail。好chill既重陽節，貓貓

一星期前約定了朋友到這餐廳晚餐，但當晚下着極大嘅雨，本想取消的，因為這店較遠離車站，由太和火車站或大埔中心行去一定會濕身，而且朋友又遲了放工，幸好七點時，大埔停了雨，便如期到這裡食。店員很有禮貌，雖然是星期五，但就不會限你完餐時間，這最適合我和朋友們吹水了。 四人各要了飲品，各有特色。我飲的sangria 好好味。黑松露醬帶子沙律不是我杯茶，我不喜歡黑松露嘅味道，但蔬菜新鮮。特色蒜香欖油天使麵很野味，但較為辣，朋友和我都怕吃辣，我便頂硬上盡量吃這碟麵，如果餐牌中表明這個麵是辣的就好了。西班牙海鮮飯與一般大大隻鑊上嘅不同，份量較少，但味道好好。我最愛吃嘅美國安格斯肉眼扒沒有令人失望，五成熟，肉質嫩滑，有牛肉香味。南美燒豬仔骨好細件，配上烤餅，第一次吃這種配搭，味道一般。整體來說這裡食物不錯，價錢合理，有機會我會再來食的。

最近係四年一度世界盃足球賽，ViuTV唔係場場有，所以有NOW的酒吧一定好旺。大埔好多酒吧，尤其集中在太和舊墟，任君選擇，但得一部分先有波睇，好多都係清吧黎，所以要搵個地點都難架。呢間Noc Noc門店好靚，而且有三部電視，好多角度都睇到賽事，值得一讚！我們晚餐直落，一開始坐吧枱先。食肉醬意粉已經要叫杯cocktail興奮下😍呢兩杯都屬於好飲。之後轉到靠牆的位置，望住遠處的電視睇波，都幾正架！叫咗ribs再加兩杯酒，個包好厚好飽呀！環鏡夠舒服又好氣氛，值得推薦♥️（不過黑咗少少，要開電話個電筒先望到menu）

環境幾好，同朋友錯低飲杯野係不錯選擇。不過今次係同屋企人食晚飯，冇飲酒，食物賣相ok 不過就冇乜點影相，屋企人對食物評價係一般，所有野味道都偏鹹，濃味，可能係因為預左客人會飲酒既原故卦!我個人就覺得不過不失。侍應們都nice嫁，讚。

媽咪放假放星期一, 所以好耐冇一齊出去食晚飯。今日專登BOOK左大埔喱間酒吧餐廳同媽咪兩個食飯。簡喱到係因為近大埔火車站, 睇相環境都好似唔錯J 同媽咪兩個傾下計都幾好。一入到去侍應安排我地坐係門口一個二人既BAR台位置, 可以望住外面既環境食飯, 雖然餐廳對外冇咩特別景色, 但係坐係近門位置食飯既感覺份外寫意, 好似係外國咁。餐廳既環境比較暗, 每張台上都被放置一個小蠟燭, 有少少浪漫, HAHA, 不過因為和媽咪來, 比較緊張食物多D。我地叫左一個軟殼蟹帶子燴飯, 一個意大利薄餅, 再加左蒜香牛柳粒。先黎既係蒜香牛柳粒, 我同媽咪見到後都嚇左一跳,因為份量超級多, 開始擔心會唔會叫三個菜會唔會太多食唔哂了。牛柳粒上面舖左好多蒜粒, 喱間餐廳用料一D都唔孤寒。最好食係軟殼蟹帶子燴飯, 雖然其他餐廳一樣有喱個飯, 但係好少見有原隻上既軟殼蟹同埋好大粒帶子。睇到賣相已經非常有食慾, 軟殼蟹脆得黎唔油膩,燴飯既忌廉味都非常濃郁,其實只單叫這個飯加牛柳粒都已經飽了, 同媽咪兩個人食都食唔哂呢,好抵食~~~今次冇飲酒,下次再黎應該會約朋友黎飲酒啦。 

由佢開張到現在，成日都淨係經過行過就算，依個位置即使開左都唔多覺眼，或者知道但成日都忘記。一直都想搵間正正常常飲下生啤食下薯條既餐廳坐下，又唔想去隔離手工啤，個人唔太喜好，又唔想去貴又逼又無冷氣既"5時後", 睇到openrice 食評就覺得依間既定位好合適我同老婆兩個。去到見到好多不同生啤，唔係咁多餐廳肯入咁多不同種類，值得一讚！ 生啤都叫新鮮，d 哥仔郁唔係hea 做，都識野！ 服務幾好，幾親切，同一叫即到！ 👍🏻👍🏻👍🏻 野食唔錯，焗意粉同炸野都幾好味，可以再去！！ 值得推薦！

同朋友慶祝生日～試下呢間餐廳，可惜忘了預先book枱，無法享用9折同埋無得坐梳化位全程對住吧枱坐，而個店員會聽到哂我地既對話，有點私隱度不足，所以一定一定要預先book呀！而環境同燈光都係浪漫為主，係情侶首選啊～枱面擺放了小蠟燭，很有情調～不過都岩兄弟們聚首一堂～因爲有好多電視播放球賽～食物方面，我地就食左芝士餐～卡邦尼意粉有水準，水牛芝士條即叫即炸夠哂外脆內溶～一咬可以拉芝，充滿幸福感！叫埋個四季Pizza兩份食真係夠哂飽飽豬

今天朋友推介去到大埔太和的「Noc Noc」西餐廳，心想新界平民區餐廳質素一般偏local authentic，味道稍偏大眾化，比較港味，脱離原有味道。用膳過後卻發覺更勝普遍市區quality。Noc Noc 的排位寬闊，環境也舒適。原來太和都藏有隱世美食, 真不枉我一訪大埔。餐牌每天都寫上精選的菜式 ,一目了然。餐廳好有心思，用餐廳自已個名設計碟。帶子配沙律菜, 煎香帶子配上醬汁，肉質鮮甜嫩滑，Romannie Lettuce葉脆汁甜，健怡小配搭。Roast pork loin，選用上乘豬鞍扒，豬鞍肉質嫩滑，pink lady的顔色十分醉人。整塊豬鞍油脂分佈平均且廣，有豬肉香味，不過吃多了有點膩，不妨點一些特色冰凍飲品解一解膩。Ice Chocolate$42 & Banana Smoothie$58

尋晚收工見有d肚餓，經過大埔墟，見到Noc noc門外剛好有個空位可以泊車，也見環境唔錯，就入去揾野食下！入到嚟先知係間酒吧，佈局舒適，無煙味！檯與檯空間都多，唔會太迫，有大檯都有細檯，兼顧不同既配搭需要！相信在足球日子都會有足球直播另一邊係bar檯， 一人前也無問題！標題提過點只酒吧咁簡單，原因係除左酒精飲品選擇多外，食物既選擇亦多得緊要，唔只係佐酒小食，主食都有唔少選擇！唔知以為係餐廳！酒精飲品以cocktail, 紅/白酒為主，最尾先有一系列啤酒選擇，不過就貴精不貴多！價錢都非常合理！今晚我就點左我好耐無飲既黑啤，相信好多人都會飲過，我亦都唔多介紹！主要係因為我叫左樣重口味主食，叫返樣重口味既啤酒配返！今晚重點係德國咸豬手，份量大，外脆內嫩，肉汁都多，配埋佢個蜜糖芥末醬，咸中帶甜，份外惹味！估唔到酒吧可以做到咁高水準既食品！再者係佢既薯條都係十分香脆帶一點辣，唔點茄汁都極重口味！由於份量比較大，我一個人食都有點吃不消，哈哈！埋單連加一2百幾蚊，以餐廳既佈置到食物質素到服務，其實又幾合理！ 下次如果同朋友想摸下杯底傾下計，都係一個唔錯既選擇！

今日放假專程入大埔逛街及尋找美食,路經「NocNoc」，大埔有好多舊式嘅飯店及餐廳，揀選了這西餐廳，當中係想試下廚師會否烹煮迎合港人的偏港味，食後發覺原來大埔都别樹一格的authentic。大埔墟的餐廳一般都比較舊式，這餐廳設計頗有特色，令我對大埔改變了觀感。龍蝦汁燴海鮮天使麵 $108, 蝦肉肉質爽彈，配lobster sauce 的組合也讓鮮味更為飽滿。Egg Benedict $58,性價比之作，中間夾以煙三文魚，佈滿正宗hollandaise sauce，口感也蠻不錯。拉花咖啡，夠熱夠滑夠香濃，夠曬用心。 多款美食及價錢盡在以上餐牌，因應自己喜歡的食物及價錢選擇。

NOC NOC 燈光比較柔和同微暗，兩個人坐係高枱櫈上面，邊聽著抒情動聽的英文歌，邊聊聊天，非常有情調。晚餐時間都蠻多人啊，想食的朋友提早訂座比較好啊~ Seafood capellini龍蝦汁燴海鮮天使麵，上桌時已經聞到濃濃的龍蝦香!食指大動啊! 海鮮份量很足料，蝦啊青口墨魚仔也很大粒! 天使麵煮得夠入味又唔會煮糊或者太碎，非常好食!Noc noc ferris wheel combo! 摩天輪，炸魚手指條，芝士棒，炸薯角，炸魷魚圈和沙律菜，仲有千島醬、胡麻醬、芥末醬比你任點，影相呃LIKE一流，轉摩天輪的時候要小心不要轉得太快，別像我們太得意忘形會弄掉一件炸魷魚圈> < 最喜歡芝士棒~! 超濃的芝士味，可以拉出長長的絲啊~Three cheese baked spaghetti , 上桌的時候店員很細心地提醒小心燙手，用叉子捲起意粉一看，果然冒著煙啊。意粉是個人喜歡的幼度和硬度!(個人很不喜歡很粗和煮得超糊的意粉條)還帶點微辣，肉醬也超多的!  芝士很多但食完一點也不覺膩!別忘了這裡是bar & restaurant啊~來杯Blue Lagoon，今晚就是想喝點Vo

今日第一次來到大埔這條街道，通常我是頂多在火車站、地鐵站附近約朋友。因為陪老公幫朋友做點事情，完成事情之後朋友邀請我們到這間餐廳酒吧飲杯野聚下舊，於是我們欣然答應。這酒吧餐廳餐廳門面跟我們在中環或者尖沙咀的餐廳酒吧一樣設計，不像從前的重門深鎖看不透內裏的境況。我們的車可泊於餐廳門外較為方便看管我們叫了日式和風pizza仲有龍蝦汁海鮮天使麵仲有個西班牙海鮮risotto 龍蝦汁海鮮天使麵首先上枱，一隻大大的青口同埋數隻鳳尾蝦，配以炒過的意粉內裏有蘑菇蜆肉八爪魚賣相為吸引。餐廳所用嘅無論是大或者細嘅碟，都有自己品牌的logo另外西班牙海鮮risotto 半生熟的意大利飯合到好處,都是配以大嘅青口數隻鳳尾蝦配料跟天使面一樣食材，食後口感較淡卻被海鮮搶了味道最後上台的是日式海鮮pizza一個期待已久的Pizza熱辣辣的放上枱配以木魚絲在頂部一絲絲的 cheese 令人回味當我們吃到7788的時候見到顧客已明顯增多，我們也自動自覺埋單讓返張枱出嚟日式和風海鮮pizza是極之好味值得推介的食物必定返嚟再試

今日女朋友入咗嚟大埔搵我，打完機之後就梗係要食好嘢啦，我哋平時通常都食壽司打邊爐啊，平時都唔會話落酒吧飲酒，但係朋友介紹都話喺大埔稻香附近有間酒吧啲嘢食幾好食，同埋唔係剩係得飲酒，同埋好多後生仔會喺嗰度打躉食晚飯吹下水，所以就同女朋友去試吓啦。外表想同其他酒吧唔太大分別，今晚我哋大概七點左右去到，得兩三張枱啲人喺度食緊野外表想同其他酒吧唔太大分別，今晚我哋大概七點左右去到，得兩三張枱喺度食緊野。坐定左我哋隻叫嘢食，女朋友好鍾意食牛肉所以就叫咗個肉眼扒五成熟，鮮嫩多汁，肉味好耐，咬落好嫩，呢個值得推介。其實我係雞翼控，見到餐牌上有雞翼三重奏就即刻叫黎試吓，啲雞翼好大隻，入邊有三種唔同嘅味道，新鮮炸起熱辣辣。最後叫咗個雜菌天使麵，望落去好似冇乜汁，但係其實好多汁已經溶左係個面入面，每一啖都好juicy，再加上佢啲菇味好香濃，好好食。

大埔翠樂街及舊墟直街近期開左好多食肆，今日突然想HAPPY HOUR就去左NOC NOC。呢度環境唔錯， 燈光紛暗柔和，有SOFA卡位有高枱櫈，而我就選坐對住開放式bar枱的高枱櫈，可以睇bartender調酒嘛。HAPPY HOUR就點少的飲返杯，點左杯Margarita，酒味略重，不過夠冰凍夠清新。淨飲就有D單調，所以叫左份我至愛的德國鹹豬手，不過份量頗大，開頭有點擔心食唔哂，好彩最後都不浪費地消滅了它。豬手外皮烤得非常酥脆可口，肉身口感煙韌，鹹鮮味十足，重點一提，平常的餐廳多以芥末醬配，但是NOC NOC卻有自家的醬，甜甜的，幾特別好惹味。再伴以薯角及酸菜，非常滿足。

今日揸車去大埔同朋友車一啲東西， 回程時在他家樓下， 諗住搵個地方食啲嘢吹下水…… 停車的地方剛巧有間餐廳酒吧，於是便進入來看過究竟順便可以睇埋車 一舉兩得！ 呢間餐廳嘅門面， 如果說是在中環尖沙咀是一貫西式格局…… 但如果在這個地方而言簡直是超起眼與別不同，唯一欠缺的是没有洋漢/洋妞的顧客睇埋佢哋放於抬頭的餐牌，跟其他酒吧更加不同他們好像是普通餐廳，只是有酒牌畀你飲酒一樣，因為食物款式眾多樣樣都想吃啊！同朋友商議過後， 決定叫個日式和風海鮮pizza、 龍蝦汁海鮮天使麵、同埋雞翼最遲嚟的日式和風海鮮pizza， 美味非常，非常用心製作 非常出色好味 雞翼有三本味道個人喜愛當然是水牛城雞翼啦，酸酸甜甜辣辣多重口感好味！總括來說呢間酒吧餐廳在大埔市內應該鶴立雞群， 感覺到廚師用心製作 食品味道出色值得推介