Noc Noc

營業中

休息中

大埔出名多野食，所以同朋友特登去覓食行過見到呢間bar氣氛唔錯，入面黑黑地，每枱都有個蠟燭仔，朋友都覺得個feel好啱傾計，所以就揀左呢間餐廳。見到差唔多每枱都嗌左個小食摩天輪，我地都唔執輸嗌左個，用黎打卡都好嘛xd佢並唔係好睇唔好食，入面嘅芝士棒，魚手指，炸薯角，魷魚圈同沙律都好出色。尤其是係芝士棒，可以拉到絲㗎！唔好睇個意粉細細碟，食落好多。海鮮新鮮唔霉，配埋茄醬好開胃。pizza係薄脆底，食多幾塊都唔怕！難得嚟到bar，梗係要嗌返兩杯cocktail飲。sex on the beach同XYZ都容易入口，有果味，好啱女仔飲。

新年流流年又拜曬新年不斷比親戚追問好想搵個地方好好Gril talk訢下苦大埔有好多野食酒吧好似好少???上網見到呢間酒吧野食好似好正所以約左朋友黎食下呢度好適合拍拖談情，傾下心事微微燈光細細傾計有別於其他酒吧，不會太吵南美燒豬仔骨發覺自己幾鍾意豬仔骨同豬手前日先食完今日又食呢間豬仔骨味道比較偏濃，juicy入味配上包食味道剛剛好黑松露雜菌天使麵雜菌種類多配上濃濃奶油松露味Yummy Milkshake

放工想同朋友搵個地方飲杯野決定入出名多野食嘅大埔試新野見NocNoc網上都多好評就決定試試門口都幾有格調入面裝修都幾舒服 比平時啲bar好坐 亦無好嘈嘅音樂 好適合坐低靜靜地傾下計由於我地都食左lunch 坐低只係叫左杯野飲 叫左少少野食臨近收爐 個人都比較攰 今次無嗌酒飲 試左杯lemonade 幾唔錯 唔會太甜太酸 好滿意再叫左個土耳其烤雞卷出乎意料地足料又好食平時出面個啲 通常都係得一兩舊仲要凍冰冰唔好食 今次依間每舊入面都好足雞 同蕃茄 蔬菜 醬都好夾好fresh 唔濟 個皮又唔會太厚太硬 仲要熱辣辣 相當滿意啊另外又叫左個摩天輪拼盆有脆魚 魷魚圈 薯角 脆炸芝士 沙律菜份量都比我想像中多 而且熱辣辣又夠脆 配埋佢俾個三款醬都出色啊見其他枱叫啲野食都幾吸引幾香 一定會再黎 高度推薦啊！

今日同朋友相約到大埔食飯，提早慶祝新年！平時其實比較少入大埔食，但今次想揀個靜小小、又舒服relax既環境，於是決定選擇NocNoc！果然冇令我地失望！我哋揀咗較少人時段，六點半食飯。不過食到差唔多嘅時候，開始多人。我哋兩個女仔都唔飲酒，但不時見到調酒師係吧枱度調酒！幾吸引、幾有格調架！個黑松露野菌天使麵好足料，一上枱已經聞到陣陣黑松露香味。分量大大碟之餘，味道亦都非常好，好適合鍾意食黑松露既人，因為食到底仲有好多黑松露係碟底，價錢唔貴，真係唔錯唔錯！我哋食咗一個漢堡包，出邊大部份嘅漢堡包都係肉類，但我地點左個大蝦軟殼蟹Burger！隻蝦大大隻，而且好新鮮！最後我地仲叫咗個小食，炸魷魚圈！仲提供三款醬料俾你選擇，三種味道都好正！

機緣巧合下來到大埔覓食，晚上附近環境清幽恬靜，就連是晚進食的酒吧餐廳也屬於悠閑風格，並非一般酒吧所見的喧鬧吵雜。走進酒吧，吧台坐著看似住在附近的男士，飯後過來享受一片刻的喘息空間；後面一臺坐著兩位女士，開了瓶紅酒對飲，猜是述説女生心事；靠牆坐的是一大群朋友聚會。看似小小的酒吧小空間，卻每個角落都有個有趣故事。Noc Noc 摩天輪拼盤居然不是虛有其表，Fish Finger, Mozzarella Stick, Spicy Potato Wedges, Calamari全部都超出水準，外脆内潤，恰到好處的調味，佐酒一流。唯獨Mixed green 有點苦澀，但無礙以小食伴酒暢飲的興致。德國鹹豬手($188)也做得出色。外皮酥脆，豬手軟腍，味道不至於過鹹是最值得讚賞之處。伴碟的酸瓜有減膩的作用。厚切薯條炸的酥脆。豬手與伴碟分量之多，非常抵食。

平時成日聽朋友講話大埔好多好野食 今次第一次喺大埔覓食 見到呢間餐廳好似幾正咁 而且朋友之前有食過對呢間餐廳讚不絕口 二話不說就揀咗呢間🤤 一入到去 就覺得真係好有氣氛而且環境非常舒適情侶黎撐枱腳既話認真唔錯 同朋友撐枱腳又得姐😌 我地差唔多七點到 但當我地走既時候餐廳已經坐滿晒 好彩我地早到先唔洗等咋🤣朋友推薦咗意式農莊Pizza一上菜就聞到勁香既芝士味 真係超正🤤 雖然呢款Pizza既配料唔多 但味道認真唔錯 餅底又脆喎果然朋友冇介紹錯~我地仲嗌咗冬蔭海鮮Risotto真係落足料 有好多海鮮 大蝦🍤 青口 魷魚... 而且啲海鮮係新鮮既真係好難得 同埋Risotto整得好唔好食睇啲飯都知 啲飯唔會太林 而且真係有少少冬蔭功既味道 幾特別唔可以唔嗌既就係呢個摩天輪拼盤🎡 有幾款唔同既小食 滿足晒我呢個選擇困難症重患有炸薯角 炸魚手指 炸芝士條 炸魷魚圈同埋沙律菜另外仲有三款醬可以點 個人最中意千島醬🤤 而炸魷魚圈就係咁多款入面我最中意既小食 非常彈牙😋總括而言 呢餐真係有驚喜餐廳環境又好 食物又好味 而且份量好多 我同朋友都食得好開心 有機會一定會再食🤓

星期五放假約左個放平日既大埔朋友食lunch，齊齊Happy Friday🎊，佢成日經過呢間餐廳，望落幾好，所以提議食呢間店內環境好有格調，最岩同朋友黎傾野，夜晚黎Happy hour都唔錯我自己點左美國安格斯肉眼扒，叫左7成熟大大塊上碟😆，牛扒煎到外面燶燶地，裡面紅紅地，岩岩好。肉唔um，外面煎得好保留到裡面肉既鮮味，醬汁中和左油膩感，薯菜正正常常，都唔錯食完塊扒已經好飽，但自己又鍾意食魷魚圈，所以叫左個同朋友share😅 炸到金黃，外面脆卜卜，魷魚圈夠粗，唔洗驚食到唔夠喉，好正😋

上星期跟閨蜜一起去大埔附近吃飯慶祝生日，我們在舊墟找到了一間氣氛不錯的餐廳。這個環境最適合講心事了！這間餐廳最吸晴的食品都應該是摩天輪拼盤。我哋見到好幾張枱都有叫，吸引了我們摩天輪拼盤（$158）裏面有：炸魚手指、水牛芝士條、炸薯角、炸魷魚圈和沙律菜。另外佢仲有三隻醬（千島醬、芥茉醬、胡麻醬）。炸魚手指和水牛芝士條最出色，外脆內軟。炸薯角就普通啲。炸魷魚圈，我就覺得冇乜味道同厚粉左少少。沙律菜都幾新鮮，可以清一清嗰啲邪惡炸物嘢熱氣。不過我有少少哋低估左呢個邪惡摩天輪拼盤嘅威力，原來都幾飽㗎。尤其是嗰啲芝士條。另外我哋仲叫咗一個火熱風乾牛柳絲，有少少似中式牛柳加左啲辣味。三重芝士焗辣肉醬意粉，就真係幾好味。兼好飽肚添。佢嘅味道唔錯，芝士有芝士味，蕃茄味又唔會太重，兩者配合得幾好，而且啲意粉都幾爽口。

今晚同朋友黎到大埔Noc Noc ，是一間非常浪漫既餐廳，枱面上放左一盞小小既燈，播放住一啲非常抒情既音樂，是情侶去餐廳食晚餐既不二之選。我地叫左個西班牙海鮮天使麵，非常足料，有魷魚，蜆肉，冬菇，同蝦，啲蝦好大隻，新鮮，啲麵煮得好淋，有龍蝦汁，超好食！另外叫左個軟殼蟹元貝黑松露意大利飯，元貝有芝士鋪面，但意想不到既係元貝下面仲大意大利飯，黑松露味重，隻軟殼蟹係重中之中，一咬就入到口，有好多肉，又唔係太油利。

舖頭細細的吧場都可以有好多選擇，依家來吧場除了飲酒外，還可以品嚐很多美食，今日就來這裡，食了一個意大利四季薄餅和南美燒豬仔骨⋯⋯意大利四季薄餅屬薄批，餅底很脆，但餡料豐富，除一般pizza有的餡料如磨姑之類，還有最重要的意式辣肉腸，芝士料亦很充足，口感有些辣，但與脆餅底和芝士一齊食起來就只有「好味」2個字。南美燒豬仔骨份量都幾大，燒得10分香口，肉質軟淋，配有兩款醬汁，一款燒汁，一款茄汁，還有印度薄餅加送，2人食剛剛好。呢間吧埸好特別，除了會見到一些年青人之外，原來還有一些街坊或較年長的人來幫襯，客源都很廣泛。

今日難得山長水遠黎大埔踩單車，當然要係度食好西先番🐢 。我個車友介紹呢間餐廳，話大件夾抵食，味道又吾錯喎。德國腸外皮香脆，份量多，薯角即炸，配菜亦好fresh，送埋酒就一流了(不過我今日要踩車，🙅‍♀️🍻)。呢碟意粉配菜好特別，係生牛肉黎(仲有得揀3成7成定9成熟，我地揀左7成)。生牛肉份量幾多，7成熟都吾un，龍蝦汁夠濃，配埋意粉爽口既意粉，有新意得黎味道又幾夾喎。份量大得黎，價錢又吾算貴。呢度服務周到，待應好有禮貌，主動加水、跟單，好有熱城。以為踩車🚴‍♀️又有多個休息醫肚既地方了。

大埔舊墟出名多嘢食，今次約咗好耐冇見嘅朋友，特登嚟到大埔，搵咗呢間Noc Noc坐低聚一聚。 見到門面都幾有氣氛喎，我哋夜晚九點去到，都仲係好熱鬧。入座後，職員即刻安排入座，並奉上餐具。估唔到restaurant & bar 嘅餐牌都有咁多選擇，一般飲品、酒精類不用多說，很齊全，我哋目的食晚餐，睇下佢嘅主菜同小食，都算多款式。兩個人點咗三樣野，一個摩天輪拼盤，一個美國唐人街特色小食：火熱風乾牛柳絲，同埋一個主菜：三重芝士焗辣肉醬意粉。摩天輪拼盤$158, 喜歡他用摩天輪架裝住五款小食，有得睇，有得玩，又有得食，同朋友吹水傾計，玩下個摩天輪，都幾過癮！五款小食分別係：炸魷魚圈、沙律菜、炸芝士條、炸魚手指、炸薯角。調味醬有三款：胡麻醬、蜜糖芥辣醬、千島醬，迎合不同口味的人。每樣小食都要趁熱辣辣時快啲食。炸魚手指，外面炸粉脆卜卜， 魚柳仲好軟滑，有水分， 好味呀！炸魷魚圈，炸粉厚一點，但魷魚就好煙韌，越食越香口， 餸酒吹水啱曬。 炸芝士條，最初都唔知係咩嚟，以為都係魚手指，但咬落煙韌，先知道係小小溶嘅芝士喺裏面，外面個炸粉都唔同魚手指嘅，混合了香草在粉漿裡炸，硬啲厚身啲。炸薯角，非常香脆，裡

這段時期大學考試，所以我都在圖書館温到很夜。這一天打算放寬自己一下，就去找個好店，找到這一個~~幸福摩天輪！12月，所以都很有氣氛。 到步後，其實店內的坐位已經不多，我和朋友來不是為了飲酒，而是晚飯，所以也對這個滿有情調的地方感到賞心悅目。 點了NOCNOC摩天輪拼盤，德國咸豬手，海鮮墨汁天使麵(當日沒有闊條麵)，另外叫了一個餐湯。 店內氣氛真的一流！！ NOCNOC摩天輪拼盤到~~有三種醬汁，有千島醬、胡麻醬和芥末醬！拼盤有4格炸物(魚手指、芝士條、薯條、魷魚圈)和1格沙律菜。其實係覺得好好玩咁~~可以一邊轉，一邊吃，充滿歡樂！ 好吸引啊~~ 當中，我最喜歡魷魚圈和魚手指！又香口，又有咬口。感覺不油膩。 德國咸豬手等了半小時以上，不怕熱氣的推介！外皮很脆很香口，是正常的表現，但竟然有很美味的肉，真的停不了口！ 講講下又想去吃~~ 配一個醬，似是自家制，因為有甜味~~外面無咩幾何吃到。 個湯忘了是甚麼湯，好有菌香，入口有一粒粒，而且香濃，又夠滑。 推介這個海鮮墨汁天使麵，墨汁味很濃，暫時是我吃過數一數二的墨汁麵~~味道剛剛好

一收工就約咗朋友嚟你度飲杯嘢食下野，以消除今日返工嘅所有悶氣，確實係可以輕鬆一番。一嚟就叫咗杯黑啤Guinness，呢度嘅手工啤都幾滑，泡沫夠多而且入口就知道有質素，係開餐嘅最好飲品。一開始就叫左份薄餅，係香菇薄餅，薄餅上面鋪滿芝士同香菇，香噴噴芝士軟林林，香菇就夠爽，薄餅就夠趣，加埋好咁就夠晒豐富，食得出係有質素嘅薄餅。另外我哋就叫左份意大利飯risotto ，係茄汁海鮮飯，一入口就覺得有水準，因為意大利飯煮得剛好剛好，口感夠厚但又唔會好林，而且仲將番茄味滲晒入去，所以食落零舍開胃，另外仲有海鮮包括海蝦同埋青口，夠晒新鮮，口感爽滑，而且味道鮮甜，加埋海鮮汁滲晒落去意大利飯裏面，味道明顯更加豐富，係一個唔錯嘅配搭。

收工夜左仲諗緊去邊度食飯，行過呢間酒吧，見到仲有晚飯食，就二話不說走入去食返餐，估唔到咁夜都仲有晚餐食，唔使自己返屋企煮公仔麵啊。首先叫咗一份意大利飯，係仲有軟殼蟹同埋扇貝，玄學鞋係炸到金黃色，而且係成隻上，用料十足，而軟殼蟹係勁脆口，蟹汁出晒嚟，仲可以全部咬晒吞埋落肚，口感非常正，另外仲有扇貝，焗到剛剛好， 扇貝肉係剛剛熟，所以好滑溜，而且味道鮮甜，食得出係夠新鮮。一個人唔係食好多野，所以叫一碟小食菜式就剛剛好，係咖喱雞薄餅，咖喱味帶點甜，但咖喱味夠晒濃，令雞肉入晒味而且雞胸肉都好夠滑，煮嘅時間控制得剛剛好，加埋薄餅卷埋一齊食，薄餅夠薄，而且口感又夠趣，仲有特別調製嘅醬料，所以充滿印度風味，真係一餐大滿足。