Noc Noc

營業中

休息中

收工夜左仲諗緊去邊度食飯，行過呢間酒吧，見到仲有晚飯食，就二話不說走入去食返餐，估唔到咁夜都仲有晚餐食，唔使自己返屋企煮公仔麵啊。首先叫咗一份意大利飯，係仲有軟殼蟹同埋扇貝，玄學鞋係炸到金黃色，而且係成隻上，用料十足，而軟殼蟹係勁脆口，蟹汁出晒嚟，仲可以全部咬晒吞埋落肚，口感非常正，另外仲有扇貝，焗到剛剛好， 扇貝肉係剛剛熟，所以好滑溜，而且味道鮮甜，食得出係夠新鮮。一個人唔係食好多野，所以叫一碟小食菜式就剛剛好，係咖喱雞薄餅，咖喱味帶點甜，但咖喱味夠晒濃，令雞肉入晒味而且雞胸肉都好夠滑，煮嘅時間控制得剛剛好，加埋薄餅卷埋一齊食，薄餅夠薄，而且口感又夠趣，仲有特別調製嘅醬料，所以充滿印度風味，真係一餐大滿足。