Mue Mue

營業中

休息中

今次就嚟到位於美麗華廣場嘅新派泰國餐廳Mue Mue搵食，餐廳裝修優雅高貴，打卡一流📸 唔怪之得開業大半年都仍然咁受歡迎，仲係人氣滿滿～✨紅磚豆腐原來餐廳係參考咗泰國紅磚場嘅風格去設計呢道菜，所以外層特意用咗有機紅菜頭汁去上色！外層酥脆，內裡嘅豆腐依然保持嫩滑～✨炭燒沙嗲（雞肉）雞肉柔嫩多汁，而且帶有一種淡淡嘅煙熏香氣，配搭埋充滿花生香味嘅沙嗲醬汁，味道一流～✨摩登海鮮冬陰功(半例)呢個冬陰功湯聽講係用咗成個蕃茄同蝦湯去熬製，酸酸辣辣好開胃！湯料有蝦、魷魚同青口等等，真材實料～✨金沙麥皮蝦每一隻蝦都好大隻，肉質爽口彈牙，充滿住鹹蛋黃同牛油嘅香氣！表面佈滿麥皮同粟米片碎碎，口感亦非常之多元化～✨菠蘿炒飯菠蘿炒飯與別不同！除咗菠蘿、臘腸、蝦、魷魚之外，仲加入咗腰果、肉鬆同提子乾，口感豐富，係名副其實嘅色香味俱全～✨芒果糯米飯芒果肉好甜，仲有粟米片同埋芒果雪糕配搭口感軟糯嘅糯米飯，味道有驚喜～✨原個椰青連椰青嘅賣相餐廳都非常講究，椰青上面仲印有餐廳嘅名，好有特式～✨芒果椰子沙冰以酸酸甜甜嘅芒果味為主，帶有淡淡嘅椰子香味，味道清爽，仲有啖啖芒果肉～

上星期同閏蜜食飯，佢哋極力推介位於美麗華廣場嘅一間泰國菜 – Mue Mue。話食物質素好之餘，環境又好，啱晒約會或同閏蜜聚會…講到咁，梗係叫埋老公一齊去探店啦…餐廳以清雅象牙白色為主調，結合柔和舒適嘅光線，仲擺放咗啲翠綠植物作點綴，呈現出摩登氣派！坐喺度，感覺真係好chill，好舒服！炭燒沙嗲雞串雞串除咗醃得入味之外，肉質鮮嫩，又多汁，再配上沙嗲醬，夠晒香口惹味，讚…摩登海鮮冬陰功作為泰國經典菜，用料點可以馬虎呢！除咗蝦之外，仲加入青口、蜆、魷魚等，湯頭鮮甜無比，十分清爽惹味。金沙麥皮蝦呢道菜簡直係必食之選！餐廳以去殼嘅巨型新鮮大蝦球，配上鹹蛋黃、麥皮快炒，鹹蛋黃包裹住每一嚿蝦球，鹹香惹味，令人無法抵抗！菠蘿炒飯味道遍甜，而且配料都幾特別；喺菠蘿炒飯嘅基礎上加入臘味、肉鬆、海鮮等，估唔到臘味同菠蘿炒飯都夾到，真係估佢唔到！Songkran飲品方面，我就揀咗呢杯“Songkran”，酸酸甜甜，清新之餘，仲帶有淡淡百香果同荔枝香氣…原來呢間餐廳仲設有戶外酒吧區，等天氣無咁熱，約埋班friend再嚟happy hour先！

餐廳環境優雅又華麗，有別於一般泰國餐廳。餐廳地方寬敞舒適，空間感十足，配合綠色植物嘅襯托佈置，營造出綠色之美。配襯柔和嘅燈光同泰國音樂，讓人瞬間彷彿置身於充滿悠閒舒適嘅氛圍當中。每一道食物都充滿心思。紅磚豆腐賣相甚有心思，以紅菜頭汁製作而成炸漿皮，靈感取自曼谷翟道翟市場嘅紅磚屋，豆腐入口外脆內軟滑，酥香可口。金沙麥皮蝦由鹹蛋黃、牛油、麥皮同粟米片製作而成。蝦肉十分新鮮彈牙，每一啖都能品嚐到蝦肉嘅咸香滋味。泰式菠蘿炒飯材料豐富；菠蘿、菜芯、腰果、魷魚、潤腸、蝦仁、提子乾及豬肉鬆等。看似普通嘅炒飯但係加入咗膶腸，令整個炒飯昇華，好創新嘅配搭，味道好有層次感。芒果糯米飯香甜嘅芒果同軟糯嘅糯米飯形成絕配，加上芒果雪糕及粟米片，味道額外多咗一份層次感。Red Bean Ice Fleecy用上自家製椰漿搭配新鮮椰子肉、珍多、椰子雪糕加上幼滑而且香甜嘅紅豆，整杯飲品唔太甜，充滿椰子嘅味道。服務態度好、食物味道唔錯加上環境舒適，值得推薦！

咖喱香蕉雞竟然真有香蕉肉，咖哩香蕉整個感覺非常奇怪，與咖喱根本不融合，串燒的肉非常老，冬陰功好像放了很久，湯的味道非常奇怪，飲了一啖湯根本飲不落去，最正常是金邊粉，不過也不會再來了

尖沙咀一直都有好多泰國菜餐廳🇨🇷依間比較特別，除左環境舒適裝潢花心思之外，菜式上都有增添新既原素👍🏻今日7點多少少去到已經坐滿哂人，Menu款式都好多🤤揀左好耐先決定好食咩！✨紅磚豆腐 $98外層係用紅菜頭整成既皮拿去炸，雖然味道唔算好明顯，但勝在顏色鮮豔🤣而且仲有避風塘炸蒜做點綴，蒜香味重，而且辣辣地勁開胃，做前菜非常合適😎✨炭燒雞肉串 $108依款雞肉串係我食過咁多間泰式菜入面最好味既串燒(雞)🤤嫩滑得黎有肉汁，丁點孩口感覺都無🤔而且外面果層係脆脆地，而且沙嗲醬+花生依個組合好夾，我最後係用盡哂款醬汁哈哈✨摩登海鮮冬陰公(半例) $168海鮮種類分別有青口、魷魚、鮮蝦、蜆，蝦同蜆都甜，而青口同魷魚比我感覺係非常之新鮮，彈牙爽口😆至於冬陰公湯辣中帶酸，食慾大增，辣得來係接受到唔係死辣，亦有好濃香料味，飲哂超正🤪✨金沙麥皮蝦 $268依款菜絕對係今日MVP，直頭係用驚艷來形容🤩金沙係指鹹蛋黃、牛油、麥皮既組合，外層先試到麥皮既脆皮口感，跟住就食到咸蛋黃既同牛油既香味，咸度適中，最後就係大大隻蝦，咬落去每啖都係享受😋份量都唔少，超滿足！✨泰式菠蘿炒飯 $248平時我好少食菠蘿炒飯，但我朋

位於美麗華商場入面一間泰國菜，餐廳裝潢設計風格華麗，有別於一般泰國餐廳，環境舒適好岩慶祝生日，而且我地去嗰陣都滿座，想食既朋友記得Book 位！紅磚豆腐感覺上好有喜慶既一道菜，係由紅菜頭汁製作成炸漿皮，紅菜頭味道唔突出，反而香辣惹味既感覺更突出，所以對於好似我咁本身唔食紅菜頭的人嚟講🤣尼個菜式我都可以！炭燒雞肉串🐥炭燒雞肉串外層焦香美味，內嫩多汁口感好食🤤配搭埋有花生粒既沙嗲醬 一流🤪海鮮冬陰公湯海鮮份量好足料有鮮蝦、魷魚、蜆、青口等材料，當中魷魚🦑最為印象深刻 非彈牙好食而且超鮮甜😍湯底方面 整體酸辣適中幾開胃，不過我本身嗰食得太辣 愈飲愈辣🥵金沙麥皮蝦🦐一睇就知係偏向中式既菜式，由鹹蛋黃、牛油、麥皮和粟米片碎製作成，味道咸香十足好惹味，口感好豐富因為麥皮和粟米片痴哂鹹蛋黃既香氣，每一啖都好邪惡🤡泰式菠蘿炒飯🍍看似普通既炒飯但配料方面非常之多，有菠蘿、腰果、提子乾，魷魚，臘腸，蔬菜等令到炒飯不論味道還是外觀上都更出色芒果糯米飯🥭比起平時見到既芒果糯米飯更為特別，多左2球芒果雪糕同cereal作陪襯，糯米飯暖笠笠夾埋有芒果粒既雪糕同新鮮芒果食，真係好夾🤤Red Bean Ice Fle

今日來到尖沙咀，和友人齊齊去試新餐廳😍 先點了一個主菜 ✨菠蘿炒飯 材料豐富，將甜酸可口的菠蘿與香噴噴的炒飯完美結合，飯粒粒粒分明，帶有適度的鑊氣。有驚喜！菠蘿的清甜與各種配料的鹹香形成絕妙平衡，食到豐富的層次感。點了一個邪惡主菜 ✨金沙麥皮蝦 😂 黃金蝦，金黃酥脆的麥皮包裹著鮮嫩多汁的蝦肉，每一口都能感受到外酥內嫩的完美口感。鹹香的金沙調味恰到好處，既不搶味，又能突出蝦的鮮甜。邪惡但好食！最後點了一個甜品 - 滿足了✨芒果糯米飯Classic dessert 😛 來到泰國餐廳不能不吃吃吧。芒果新鮮香甜多汁，與軟糯的糯米飯形成絕佳搭配，這款甜品還加上早餐吃的脆脆粟米片，口感層次豐富。芒果雪糕每口都是濃郁的芒果味，好食。餐廳環境舒服，款式多，下次再encore~

一直以嚟覺得泰國嘢應該就係抵食夾大件嘅代表隊，如果要同精緻扯上關係，我唔排除都好食，但係應該會變成唔夠飽。最近我重新反思咗呢個想法，人嘅飽感系發生喺進食之後嘅一段時間，所以有陣時太肚餓，食得太多，最後會撐住好辛苦。適當嘅咀嚼，就會令人比較容易產生飽感，又唔會進食過量，最緊要係可以有充份時間品嚐美食。 🍖呢間泰菜真係好精緻。由第一味嘅紅磚豆腐開始已經有呢個感覺。好多鋪頭都可以做到豆腐外脆內嫩，但係之後俾個醬你去點，搞到個皮濕潤翻，呢個厲害之處就係外皮都做埋調色同調味，變成有辣味嘅紅菜頭外皮，清新得嚟帶點刺激。放喺一大堆香料上邊，擺盤更加一流。 🍖冬陰功湯叫做摩登冬陰功，同傳統一樣，都係以辣湯底為主，配合各種海鮮。不過坊間好多時候湯底會因為師傅要平衡辣同咸，變到兩樣都越加越多，最後就覆蓋咗海鮮嘅味道。而呢度用嚟平衡辣味，反而係用咗蕃茄湯，咁樣顏色不但唔會有太大影響，而且透過鮮甜嘅蕃茄湯引出辣同埋鹹嘅特點。所以呢個湯，辣辣地，但又鮮甜十足。 🍖串燒我揀咗牛肉，細細盤但其實份量適中，佢個沙爹醬系俾你自己點，份量比坊間相對杰身同濃郁，而且入邊有花生碎，加添沙嗲嘅風味。牛肉就算系厚切，但係肉質都非

位於尖沙咀美麗華泰國菜 「Mue Mue 」 x 泰式雞尾酒酒吧「Mue Bar」開業短時間已經非常多好評，廚藝總監周師傅擁有逾25年入廚經驗，曾於多間知名中菜食府，將以中式精湛烹調手法重新演繹經典泰國菜，選用時令食材、多款中泰特色香料，令菜式耳目一新，「Mue Bar」供應多款特色雞尾酒和特飲品等，保證你視覺和味質都有驚喜👍▪️紅磚豆腐用上菜頭汁製作炸漿，香酥的外皮包裹著嫩滑豆 腐，伴上惹味炸蒜及辣椒絲，呈現多重口感之餘，賣相非常吸引▪️炭燒沙嗲（豬3串）超級驚喜之作，豬肉是切方塊，炭燒外層焦香，肉質更加不得了，爽口彈牙之餘仲好多肉汁，是我食過豬肉當中串燒最好的 ，伴上靈魂醬汁充滿花生香的沙嗲醬，真係超級好食▪️摩登海鮮冬陰功泰國傳統湯品，湯頭採用南薑、香茅、檸檬葉、魚露、檸檬汁 及辣椒膏等十多種香料及調味料製 作，清酸辛辣，除了常 見的大蝦，亦加入其他海鮮如原隻 魷魚、青口等，令湯頭更豐盛鮮味▪️金沙麥皮蝦金沙就是鹹蛋黃，麥皮蝦之前食過多數是帶殼，這裏是用上已經去殼的巨型蝦球，多肉之餘仲非常彈牙，鹹蛋黃和麥皮包住每一粒蝦球，鹹香之餘仲好惹味▪️菠蘿炒飯這裏的菠蘿炒飯材料特別，有泰國香米、菠蘿

星期日中午12:00去到叫了3位$358套餐🥹，食物每款都不夠熱😔，主菜等左個半鐘都未到🥹，1:40分才送上主菜😂，食品看上用心製造，但整體全部食物都不夠熱，湯只係溫暖，更好味的湯如不熱有什麼好飲？炒椰菜有點鹹,其餘都是炸物,但都不熱，唯一可取是生蝦味道可以，椰子雪糕甜品好味，經理要注重食物做好要馬上送給顧客,冷氣開得太凍，看到咁多食評都講到好好，可能我是星期日去人多坐滿廚師做不切，去過一次唔會再去😔

嚟呢間開咗一輪嘅餐廳試吓，朋友推薦 看過究竟午市嘅海南雞飯好快已經做晒啦午市套餐抵過散叫好多好多，份量又一樣，因為我見散叫八八折嗌咗少少，但係發現份量唔多，而且質素一樣，以後都係食午餐Menu的 不過午餐選擇唔多，因為我唔係咁食炒粉麵怕肥好油 變咗海南雞飯賣晒嘅話就會乜嘢揀，就嗌咗個 就咁青咖喱雜菜，不過原來佢啲茄子同菇都係走過油炸過 雖然幾好味但驚驚今餐嗌咗牡丹蝦刺身同埋冬陰功湯試吓，冬陰功酸酸辣辣幾特別，但係海鮮唔多同埋海鮮質素普通呢個蝦我就覺得好好味，有少少辣因為嗰啲青辣醬！隱藏咗喺蒜頭下面，底下嘅柚子沙律好好味好甜一人份量嘅酸辣湯材料如圖睇晒串燒咁抵， $188但係又覺得唔算多 而且其實好細小和牛面肉都幾好味，但係啱啱食完青咖喱又係青咖喱就有啲厭哈哈環境非常好，店員亦非常親切，而且有禮貌本身成日覺得美麗華食嘢嘅話搵廁所好難，因為出到去又未必同一層，之前食未味就係咁，原來呢間有獨立廁所

朋友早已bookmarked了這餐廳，今日逛完街齊齊來試試。裝潢很不錯，連餐具也落足心思，適合打卡，適合情侶來慶祝的餐廳。•紅磚豆腐 $98 賣相有新鮮感紅菜頭為豆腐染上誘人的紅橘子色，外層酥脆，內裡卻保持了豆腐的嫩滑口感。係超嫩滑，一口咬下和外層絕然不同的口感。避風塘式的炒蒜增添了濃郁的香氣和層次，將傳統泰式風味與創新烹調手法完美結合。味道帶少少辣，不會太辣太刺激🤣 •摩登海鮮冬陰功 (半例) $168半例的份量已很足夠，湯中都是滿滿的材料，大蝦魷魚青口各樣的海鮮，海鮮新鮮飽滿，完美吸收了湯汁的精華，蕃茄湯底酸甜中帶冬陰功的味道，與傳統冬陰功的辛辣完全不一樣。帶點少辣，吃不了辣的朋友也可挑戰這”摩登”冬陰功。•炭燒沙嗲雞串 $108炭燒的香氣撲鼻而來，不誇張，一上枱即聞到濃郁的香氣！炭燒過的肉類真的遠遠都聞到。雞肉經過精心醃製，吸收了沙嗲醬的香濃味道。外層微微焦香，內裡卻依然多汁鮮嫩搭配的花生味醬汁香濃可口，更增添了豐富的層次感。推介！•雪糕紅豆珍多冰 $78 Signature whiskey 雪糕紅豆珍多冰 $128和朋友都點了雪糕紅豆珍多冰，我是酒鬼of coz點了帶烈酒的版本

超正嘅泰式fusion餐廳，美食好食之餘，佢嘅裝修都好華麗，好適合打卡慶祝！我哋都特意揀咗呢個打卡嘅位置，慶祝生日🎂🌴森式青醬牡丹蝦（6件）$188牡丹蝦鮮甜爽口，肉質紮實醬汁鮮香、酸辣、爽口，喺一道絕佳開胃菜。🌴摩登海鮮冬陰功 $168冬陰功湯頭濃郁，香料香氣撲鼻酸辣度適中，海鮮鮮甜新鮮🌴黃咖喱金菇粉絲牛頸脊 $268非常出色嘅泰式x中式fusion菜口感層次豐富，調味出色，菜式嘅顏色都好吸晴！對於喜愛嘗試異國美食的朋友嚟講，值得一試！調味惹味，融合了多種經典香料如薑黃、香茅等，散發出濃郁的熱帶氣息。咖喱醬汁恰到好處，唔會好膩。加上適量的魚露，增添了菜餚的鮮香同風味。🌴炭燒沙嗲拼盤（6串 ）$188將牛肉、雞肉、豬肉串燒烤制，伴以特製的沙嗲醬料，簡直係絕佳嘅泰式組合。沙嗲醬料正到飛起！將花生、香料、香油等元素融合，恰到好處，帶有濃郁味道，提升了肉類嘅口感，非常惹味！🌴椰青 $68椰青水清爽可口，甜度恰到好處。

尖沙咀搵食，來到美麗華一期3樓嘅Mue Mue，就係為咗佢呢個“THAI夏狂歡週末早午餐”，餐廳一開門即迎來唔少客人，好犀利吖，有時見到啲食肆冇乜人都戥佢心噏，但呢間嘅情況完全唔同，人都開心埋，希望度度都咁旺吖。前菜有“爽脆酸辣鱼皮”、“魚子醬红磚豆腐 “、“泰式青醬鮑魚”，最初以為只可揀一様，但原來唔係，於是乎你就見到好靚一碟前菜上你來，鮑魚係切片，有2片，好清新；紅磚豆腐够精緻，面頭有魚子醬，入面白雪雪豆腐好嫩滑。至於湯羹就棄平時的冬蔭功而揀咗“蟹肉海鲜羹”，有個好靚嘅玻璃芡下邊有青口，魷魚粒等海鮮，美味。跟住嘅精彩點来啦“泰式青醬生蝦”、“ 炭燒豬頸肉沙律“、” 即烤沙嗲串”、“盔甲脆魚皇”、 “香茅雞翼”、“ 馬拉盏炒椰菜“和“ 脆炸魷魚鬚”都係佢點的，其實乜都食啲已好飽，想知我encore最多嘅係咩呢？到時話你知。主菜就嗌咗“金沙原隻蝦球”，好滋味，而甜品“芒果糯米飯”都有一球雪糕，好滿足；跟餐的mocktail 有西瓜，提子.......清爽好飲。

呢間店內既裝潢搭配精緻的泰式風格營造出溫馨而不失典雅的用餐環境。柔和的燈光與泰國音樂，讓人瞬間彷彿置身於曼谷街頭。紅磚豆腐外酥內嫩的豆腐，炸至金黃，口感豐富。炭燒沙嗲經香料醃製後炭火燒烤，肉串焦香四溢，蘸上花生醬更是美味。摩登海鮮冬陰功傳統冬陰功湯結合新鮮海鮮，酸辣濃郁兼具。金沙麥皮蝦酥炸蝦仁裹上金沙蛋黃與脆麥皮，鹹香適中，口感層次豐富。菠蘿炒飯香米飯與菠蘿同炒，搭配蝦仁和腰果，清甜爽口。芒果糯米飯糯米飯浸透椰奶香氣，配上酸甜芒果和椰漿，甜而不膩。威士忌紅豆冰將冰涼的紅豆冰沙與微醺的酒香結合，口感清新又層次豐富。椰青內含清甜的椰汁，味道清爽解渴。嫩滑的椰肉香甜可口，椰香四溢