Mother of Pizzas

營業中

休息中

Summer Of Love 1967 $238 (13”)Pizza厚薄適中，唔會薄到好似餅乾咁脆咁乾，麵團咬落仲有筋性，有口感，係出色嘅餅皮👍🏻 餡料有水牛芝士、San Mariano 蕃茄、谷巴火腿、意大利肉腸，足料！再配埋香甜嘅新鮮菠蘿，fresh下，唔易覺得膩之餘，pizza味道本身仲帶點微辣，唔錯！〰️〰️〰️〰️〰食物款式單一，主打pizza ，有少量pasta款同埋好多人都推薦嘅garlic cheese bread，對於2個人嚟講，食一個13吋嘅pizza其實都夠，真係食唔落更多嘅澱粉，如果可以叫一款小食完滿餐飯就好啦，可惜呢度冇小食叫😩 落完單先發現可以Half N Half，下次一定會叫2個味，試多啲款，而且唔會食到口寡寡🤣環境比較幽暗，雖然可能想有情調啲，不過未免黑咗啲🤣 員工態度友善，本來仲以為餐廳以英文為主，點知講廣東話都冇問題，唔洗this this and this thank you 😆〰️〰️〰️〰️〰️食物: 4.5/5性價比: 3.5/5 環境: 4/5服務: 4/5Revisit: Maybe〰️〰️〰️〰️〰️

真心未食過咁難食既pizza最主要唔係因為辣度 係因為佢乾得黎個批底剩係得大量好苦既麻辣醬 完全無茄醬味 又乾又苦 真係超級難食。 我未寫過食評 今次真係難食到我忍唔住要寫食評有可能佢其他款無咁難食 但依款真無難食到有d過份 兩舊幾水個pizza最後食左兩塊就被迫成個掉左

今個星期突然之間好想食pizza但又唔想去Pizza Hut所以我哋今日嚟咗銅鑼灣mother of pizza我試吓改良版嘅拿玻里菠蘿pizza。呢間餐廳唔算太難搵就喺銅鑼灣A出口行5分鐘就到，Menu上邊有好多款Pizza,餐廳好貼心，無論大細款都可以比客人揀兩個口味，我哋今次就揀咗一個愛的夏天1967併超級撒亞人肉腸同埋另外一個山洞人啖啖肉配夜香夏威夷。佢哋嘅pizza薄餅底係用窯爐烤製出嚟，非常煙靭唔會太厚合我口味。雖然拿玻里pizza應該有菠蘿，但係佢哋菠蘿Pizza係用新鮮菠蘿唔係平時嘅罐頭，同其他配料非常夾。mother of pizza好啱一家大細或者三五知己一齊試吓唔同口味一個人係唔會食得晒成個13吋嘅Pizza,推薦大家帶埋朋友家人一齊試吓。

聽聞咗呢間嘢好耐，個個講到好好食。咁啱芝士隠起諗住試下佢。星期六6點幾去到好快有位，用餐時間75分鐘。環境較昏暗，有獨特嘅氣氛但唔係個個啱，我覺得ok嘅但隔離枱要用電話電筒照住嚟睇menu咁好似唔太方便。叫咗個triple mushroom pasta 同half & half 13" pizza (Canadian, Hawaiian) 網上有好多讚呢個新鮮菠蘿嘅pizza，首先讚嘅係菠蘿的確仲好juicy, fresh 嘅。食得出係新鮮唔係罐頭，但個底d ham 極咸。有2種ham mix舖底, 咸到一個新境界。就算食返多汁菠蘿都搞唔掂，食咗一塊頂唔順。另一半嘅加拿大人好少少，但依然係勁咸。底嘅ham mix埋面頭嘅巴馬臣芝士片，又係咸到另一個境界，食完2塊有d頂唔順，放棄了。意粉味道同硬度都唔錯，掛汁嘅。汁稀杰度唔錯，缺點係偏咸。本身淨食意粉都ok嘅但中途食完2塊pizza後食意粉都搞唔掂。重括嚟講唔會有意慾有下次，除非係極重口味人士。

Mother of pizza🍕 summer of love1967第一樣要讚嘅係，舖頭唔係用普通焗爐焗pizza，佢係用一個好大嘅火爐去焗pizza，焗出嚟嘅pizza會有少少燶，但還原到係意大利食pizza個種麵粉香味。第二樣讚係雖然係外賣，但返到屋企焗返熱佢都係好食。呢個Pizza底焗出嚟同Pizza Hut唔同，佢食落唔太似麵包。雖然Pizza面用咗意大利人最憎嘅菠蘿，但係菠蘿嘅甜味中和咗肉類嘅鹹香味，成件事無咁漏。不過個意大利肉腸對我嚟講都係鹹咗少少。

講起Pizza，身邊好多朋友都推介呢間位於銅鑼灣的Pizza店,話呢間pizza即焗即製，好味，所以今晚特登過來試一試。的而且確，經過特別的窯爐而焗成的pizza賣相特別不同，薄餅皮會帶意大利原始風味的感覺，焗得又乾又脆身。一個薄餅，兩邊口味可以揀不同配料，好體貼，啱晒多心、咩都想試的客人。配埋杯酒，整個晚餐就完滿啦！

Stopped by here with a friend before making our way up to Rugby 7s on a Friday.I would just like to point out that Holland Spicy is very, very spicy. My friend was making fun of the pizza when ordering and wanted to challenge it - safe to say that it really is spicy. Me not being a fan of spicy cuisine to begin with only had a few bites and stuck to the other side... My friend however ate a few pieces and suffered significantly throughout the day while attending Rugby 7s.Been here a few other ti

每當一話想食Pizza🍕, 其中一間朋友必定推薦嘅一定係Mother of Pizzas。今次同朋友叫左外賣，即叫即做。門口仲有個位可以比你睇到整個製造過程。呢度成日都見到有人係門口排隊，所以堂食嘅話記得要訂位。❈ 愛的夏天1967 Summer of Love 1967 HK$238批上既新鮮菠蘿條非常吸睛，食落非常清甜，但唔好誤會 絕對唔係罐頭菠蘿咁既甜。除菠蘿外，其他材料仲有水牛芝士、San Marzano 蕃茄、谷巴火腿、意大利肉陽、辣椒 Infused 蜜糖。呢個批雖然有少少辣，不過以食唔到辣既我黎講，都可以接受既。另外，呢個批既批底比較柔軟而菠蘿比較重，所以如果用手食既話會比較論盡，建議先拎起菠蘿以免跌晒D菠蘿。❈ 加拿大人Canadian HK$238非常惹味，第一眼已經見到個pizza上面舖滿切片蘑菇，另外仲有其他材料包括水牛芝士、意大利 San Marzano 蕃茄、美式肉腸、帕馬森乾酪芝士。批邊又脆又煙韌。非常好食，必食！

依間餐廳知名度好高，身邊朋友個個食完都大讚，而我自己都食過兩三次，覺得係間高質pizza店，非常適合同一班人聚餐食。同朋友3個人中午嚟食，唔洗等位即刻有得入，我地總共叫左3款野食一齊share，食到超級飽！香蒜芝士焗麵包依個蒜蓉包絕對係每次嚟必點嘅野食，個樣望落十足pizza。一共有12件，食落蒜香味非常突出，而且芝士分量都好多，兩樣夾埋perfect match。另外會附埋茄汁，不過我覺得佢茄汁偏酸，唔點醬反而會好味啲。Half Queen Margherita / Half Summer of Love 1967pizza分左13吋同18吋，款式選擇都多，如果想一次過試唔同款，最適合就係叫half half。佢會用價錢較高嗰個嚟計算。我地3個人叫左13吋，分左6件，但每件都好巨大，見到已經令人食慾大開。Margherita雖然係最基本款，但濃郁芝士配上番茄醬嘅配搭仍然無得輸，而且加入左羅勒嘅香味令pizza味道唔會過於單一。加上pizza係厚底，食落有口感同有麵粉香，好食！另外一款summer of love 1967 都係個好熱門嘅選擇，上面係滿滿嘅菠蘿，而且仲係新鮮菠蘿，唔係罐

我影得唔靚我無食pizza, 只食了香蒜芝士焗麵包和肉丸意粉麵包好味，熱辣辣，鬆軟。要立刻食，凍了少少後，我覺得咸。蕃茄醬好有蕃茄味，可能是自家製。我叫了侍應俾多一碟呢間只是pizza 好味意粉好硬，唔夠醬，我唯有撈茄汁。肉丸的肉無質感，似食緊生竹牛肉場太黑，搞到我好眼訓pizza好件，啱大班人食。不過，音樂太嘈，聽唔到隔離嗰位講咩用餐時間只是75分鐘，唔啱傾計

📍銅鑼灣長龍的薄餅媽媽咁岩睇到有人介紹想試夜晚朋友咁岩提議食～話係香港最yumm既全人手製手工pizza！（同步懷疑朋友在我身上裝了竊聽👂🏻）是個Housewarming聚會朋友不再遊牧有自己的空間很幸福🤝試左：👉🏻Summer of Love 1967🧡可encore 之口味Toppings有爆滿材料：豬肉丸粒，肉腸，水牛芝士，蕃茄，水牛芝士☀️最驚喜1：有新鮮菠蘿juicy mode on🍍菠蘿冇焗過～吾會好似平常pizza 菠蘿既偏乾每啖仍然爆汁！開胃啊最驚喜2：餅皮上有全層Parma Ham🤤會不會太豐富不個今次的pizza邊就有少少over cook燶左🐼但整過還是難忘小食：👉🏻 豬肉丸粒蕃茄醬用左黎撈自家意粉很夾😂Pizza 分6大件/4人食都okie📌聽講可以揀雙拼口味但今次用外賣平台冇得咁揀了下次多人聚會想試埋超載量芝士的Garlic Cheese Bread～

好耐之前食過一次，果陣時個pizza雖然多料但醬汁太多令我一直覺得一般。今次同事話想食就再一戰。咁因為星期五嘅午膳時間食，所以一早book咗位，但因天雨關係而遲咗。打左去話會遲，職員都好耐心幫我地處理，押後咗訂檯。媽媽香蒜芝士焗麵包呢個上次兩個人嚟冇機會食。今次多人就嗌，果然係好正。每一啖都係滿滿嘅蒜蓉粒同芝士，令人食完想再食。同事形容好似食緊蒜泥白肉咁。我唔否認重口味，但我好鍾意。不得不提麵包底真係好鬆軟，唔會覺得好飽滯。Half N Half荷蘭辣都有名你嗌係好辣，咁佢真係辣嘅。同事都食得好過癮。食開辣嘅我仲接受到。佢嘅主要辣味唔係嚟自面頭嘅墨西哥辣椒，而係嚟自天真無邪嘅芝士下嘅自家製辣味料。佢唔係一般嘅辣椒碎，係充滿打碎左好多香濃嘅辣粉同調味，食落好有層次，但又唔係死辣，同個蕃茄醬汁好配合，唔會蓋過大家之間嘅特點。我的帕爾馬風乾火腿配上滿滿帕馬森芝士碎好香濃，加上新鮮火箭菜同橄欖油，成件事好fresh。食完辣pizza再食佢都唔會俾辣味蓋過佢嘅味道。意大利白酒肉丸意粉個忌廉白酒醬好惹味，每一啖都食到陣酒味，完全同忌廉汁融合咗。

🌟瘋狂芝士(half)+山洞人啖啖肉(half) $262 (8/10)瘋狂芝士pizza入邊四種芝士 水牛芝士 芳提娜芝士 意大利牛奶芝士 帕馬森乾酪芝士 幾種芝士加埋真係每啖都係超多芝士 如果係芝士控嘅話一定唔可以錯過 趁熱食仲會有少少拉絲 山洞人啖啖肉pizza 入邊有水牛芝士 San Marzano蕃茄 谷巴火腿 意大利肉腸 美食肉腸 同埋紅洋蔥 食落去都幾正 鹹鹹地嘅肉腸 配埋芝士同洋蔥 都真係冇得輸 🌟整體： 8/10 環境都有feel嘅 不過多啲人食就可以嗌多幾樣唔同嘢試吓 今次得兩個人去食 食完Pizza已經飽曬 仲未食到佢個蒜蓉包同意粉

鐘意pizza嘅一定唔可以錯過Mother of Pizza🍕呢度係真意大利薄餅 拿坡里餅底🙀薄餅加氣泡邊，面頭有light burnt crisp！🥰入口餅底依然柔軟唔會太乾，餅底無得輸！💯🔸最特色係鴛鴦pizza 13‘’一次過滿足曬兩個願望，我自己就最鐘意佢滿滿嘅芝士同醬，濕潤度岩岩好! 傳統食法就係將pizza摺埋擺入口，雖然佢唔係香港No.1 pizza，但味道同size 都好令人滿足🥰呢度環境算大，陰暗格調做主題👍🏻岩夜間黎chill下🥂

位於銅鑼灣既Mother of pizzas, 聽講佢地既pizza係以 800 度的火爐烘烤, 今次試左佢地2款pizza, 香蒜芝士麵包同肉丸意粉, 幾款味道都唔錯, 連奶昔都非常有驚喜, 好好飲, 值得推薦.山洞人啖啖肉 + 雞味濃 $198先講下山洞人啖啖肉, 餡料包括水牛芝士、谷巴火腿、意大利肉腸同美式肉腸等, 啖啖肉之餘, 仲可以食到2款肉腸豐富既咸香. 批邊更加烤到卜卜脆而內裡又足夠鬆軟. 至於雞味濃pizza, 餡料包括水牛芝士、火箭菜、烤雞等, pizza面頭佈滿牧場白汁同紅洋蔥. 有大量水牛芝士做餅底基礎, 配以白汁,入口有濃郁既奶香. 香蒜芝士焗麵包 $158超香蒜味, 每一啖都有濃郁既蒜香係口入面爆發, 雖然話係麵包, 但口感更似pizza, 加埋灑係面頭既芝士, 令到麵包表層脆口但內裡鬆軟.意大利白酒肉丸意粉 $168肉丸份量好多, 咬落去仲有肉汁, 非常juicy, 至於意粉唔會煮到太乾身但個醬又唔會太浠, 剛好均勻地沾滿每條意粉Milkshake 最後推薦試埋佢地個奶昔, 完全真材實料, 雖然凍飲但入面係無冰既, 係一杯札實, 杰身, 水果味濃郁既奶昔,