Mother of Pizzas

營業中

休息中

餐廳主打正宗意式薄餅，由餅底到配料都充滿心思，一試就知同連鎖Pizza店好唔同！ 🔥 必試薄餅推薦🍕 Queen Margherita（瑪格麗特薄餅） 經典款式最考功夫！呢度嘅餅底係正宗拿坡里風格，外脆內軟，邊位帶微微炭香。番茄醬酸甜清新，配上超足料嘅水牛芝士，一拉就見到誇張嘅拉絲效果，芝士控一定滿足！ 🍍 Summer of Love 1967（夏威夷風味薄餅）雖然夏威夷Pizza成日引起爭議，但呢款真係做得好好！新鮮菠蘿清甜多汁，完全唔會有罐頭味，配埋煙燻火腿同濃郁芝士，鹹甜平衡得剛剛好，連平時唔鍾意生果Pizza嘅朋友都大讚！ 🍓 100%真材實料 – 士多啤梨奶昔 呢杯絕對係驚喜之作！用足料新鮮士多啤梨打成，完全冇加冰沖淡味道，成杯都係濃郁雪糕口感。飲落超creamy之餘，仲食到士多啤梨果肉，真係誠意滿分！ ✨ 整體評價- 薄餅即叫即製，上枱熱辣辣 - 餅底正宗，配料高質 - 環境舒適，服務友善 - 士多啤梨奶昔絕對要試！

今次來到位於銅鑼灣號稱香港第一pizza的Mother of Pizzas🍕來前幾天就先以電話預約了座位，不然就要在外排隊！！餐廳裝潢風格以黑色調為主，燈光偏暗，帶有美式街頭文化元素，牆面裝飾李小龍畫像等，增添趣味性。門口設有玻璃窗展示披薩製作過程，巨型烤爐以華氏800度高溫快速烘烤，吸引路人目光。它以傳統拿玻里披薩聞名，主打「雙拼口味」選擇，可一次品嘗兩種不同風味。前菜：皇阿媽沙律 $158沙律菜新鮮脆嫩，車釐茄甜度高，配上特調沙律醬，主打「咸香與清爽並存」。我特別喜歡這個沙律醬，但要挑剔的位置是火腿份量有點少。媽媽香蒜芝士焗麵包 $158以發酵面團製成，蒜香味不算非常濃郁但芝士拉絲，搭配新鮮番茄醬，很邪惡卻難以抗拒。主菜：Pizza餅底使用義大利百年品牌Caputo 00麵粉，面團經過48小時低溫發酵，餅皮薄脆且邊緣帶有「豹紋焦香」，口感煙靭有嚼勁，即使冷掉仍保持彈性。 披薩Summer of Love 1967 $238結合火腿、意大利肉腸與新鮮菠蘿，加入辣椒 Infused 蜜糖，甜咸辣交織，層次豐富，推介大家一試！ My Parma $288帕爾馬火腿搭配火箭菜與水牛芝士，咸

前排同朋友港島一日遊，去完黃泥涌同赤柱再出銅鑼灣食晚飯😂突然好想食pizza就搵咗呢間，好彩去得早，兩個人6:30去到可以即刻入座，隔咗一陣已經見門口排長龍🙈喺門口玻璃見到Pizza房員工製作pizza嘅過程同埋個好壯觀嘅焗爐，已經覺得唔會令我失望！😍👅👅Summer of Love 1967 & Pepperoni Super Saiyan Pizza可以雙併啱晒我呢啲貪心嘅人！😆13‘’兩個人食原來都幾大個🫣Pizza邊好煙靭，就連凍左食個煙韌度都有增無減，出色！！💯可能太足料食到最後啲辣肉腸都幾鹹😂 但都係大推！👍（我見左右兩檯都係兩個人嗌一個Pizza share加嘢飲就算，如果唔大食都可以考慮吓）👅Tumppi Chicken Pasta 意粉彈牙，個汁有少少偏稀，我預期會再濃郁啲～雞肉肉質質有彈性，整體唔差，不過相比pizza係冇驚艷😆呢間Pizza爐可能火力勁，所以Pizza好快就上菜但係又熱辣辣👍👍 會再encore ！😋

本身諗住食pizza、意粉會好油膩所以叫個salad中和下點知！佢topping 個豬腩肉咸到好似食咗一羹鹽caesar sauce同樣好咸本身沙律菜係好新鮮 食到菜嘅甜味但完全比豬腩肉同醬嘅咸味掩蓋咗意粉蛋味好重如果怕蛋味嘅人會唔鐘意醬汁好濃 完全掛住喺意粉上面但意粉本身冇咩調味係靠上面好咸嘅豬腩肉吊味整體唔係好協調成餐入面最好食就係pizza但前面比兩道好咸嘅嘢食攻擊完條脷之後味覺真係遲鈍咗好多已經享受唔到塊pizza整體黎講 非常失望！

The idea of a communal piano is not a bad idea but it should not be placed right against a table. The back of the piano was right against our table so when random people start playing it was so loud we couldn’t speak. I expressed to the server that it was very noisy. The sever basically stared at me, rolled his eyes, turned away and walked off without addressing the problem or even apologizing. Rude and unprofessional. The service was generally unfriendly and very slow. The food was inconsistent

因為媽咪超鍾意食pizza 🍕，見到呢間Mother of Pizzas好出名，好多人都話佢啲pizza好好味，所以就趁媽咪生日特登去左呢度同佢一齊食飯慶祝🍾我哋book咗weekday夜晚19:00，waiter 同我哋講限時75分鐘交枱，但如果當晚冇其他客人等位入座，就坐幾耐都得我哋嗌咗13寸 half n half pizza 🍕 一半要 Summer of Love 1967，另外一半要Canadian，我哋比較鍾意Summer of Love 1967多啲，因為啲菠蘿嘅甜味可以中和翻火腿同意大利肉腸嘅鹹味另外我哋都嗌咗意大利肉丸肉醬意粉🍝，啲肉丸肉質幾鬆軟，味道唔錯，但冇話特別驚艷

好多時經過，永遠都係見佢哋大排長龍，所以約埋朋友去試吓。預先book咗枱，真係有預留唔需要喺門口慢慢等。今日遇到一個好好嘅服務員，佢睇落去係一位外籍人士，但能夠操流利嘅廣東話，仲好主動咁埋嚟問我哋有冇需要幫手，細心去介紹佢哋推介嘅Pizza同埋意粉，客戶體驗好好👍🏻我欣賞呢度叫Pizza可以係MIX of 唔同嘅口味，甚至乎可以每一樣Pizza都嗌一件，令你可以有機會試多幾款唔同嘅口味。意粉我哋試咗carbonara，服務員推介佢哋係以傳統嘅蛋漿煮法，所以口感係比較杰，同埋偏漏嘅。講一講佢哋嘅裝飾，店主可能係一個李小龍迷，周圍都見到李小龍嘅裝飾，記得意😂

外賣客都真心對待落雨天係外賣平台落單等咗60分鐘都未到，打去舖頭搵佢哋幫忙都好熱心相助事後亦一直幫忙與外賣平台處理訂單問題Pizza同其他食物雖然凍咗，但味道依然唔係差係一間有下次既餐廳

又一次同朋友嚟到Mother of Pizzas，之前已經試過佢哋嘅薄餅，印象不錯，所以今次再試吓睇下係咪仍然保持水準。🍕✨今次點咗招牌四款芝士薄餅（Four Cheese Pizza）同帕爾馬火腿薄餅（Parma Ham Pizza）。薄餅嘅餅底仍然係招牌式嘅薄而香脆，邊位帶輕微焦香，口感唔錯。但芝士方面，四款芝士雖然味道濃郁，但感覺同上次無太大分別，唔算有新鮮感。至於火腿薄餅，帕爾馬火腿質素不錯，鹹香味啱啱好，但火腿鋪得比較少，略嫌唔夠大份。🥓🧀配搭方面，薄餅嘅用料仍然係高質，但整體味道就比較穩定，冇話試到有咩特別新意嘅配方或者味道層次。💭飲品點咗一杯凍檸檬茶，清新解膩，搭配芝士薄餅係不錯嘅選擇。但整體價錢對比份量，感覺性價比唔算太高。😕Mother of Pizzas仍然係一間適合聚會或者想食穩定質素薄餅嘅地方，味道唔會失望，但對於已經食過一次嘅人，可能會覺得欠缺少少驚喜。如果你鐘意薄底又重芝士味嘅薄餅，呢度仍然係唔錯嘅選擇，但我可能會再等佢哋推出新口味先再試啦！🍕👍

同一大班朋友去食pizza同行朋友推介蒜蓉包 原來係pizza形狀的好有驚喜 亦都好好食另外叫左兩款pizza 都係薄type 但ham 個隻我覺得有少少太咸 但overall 都ok最驚喜反而係意粉 個白汁係偏杰身 好creamy 配肉丸好夾👍🏻

餐廳內光線比較有情調，睇餐牌d字有少少考視力😅菜單方便只有沙律、意粉同pizza，仲有唯一個頭盤「肉丸」和單一個desert意粉味道唔錯，份量是正常，夠2人share，pizza 有13同18吋選擇，仲可以半半味道，依個真加分，唔洗淨𡁻成個同一款味。飲品方面都有特色，價錢又合理，整體都可以回頭會食嘅餐廳

禮拜五晚要等位，等咗20分鐘左右；排隊位置有個好嘈好大聲嘅喇叭😂嗌咗椰香夏威夷人同帕爾馬火腿雙拼。夏威夷人口味比較細路，係番茄，肉腸加甜菠蘿，菠蘿好甜，好似細個食嘅嗰啲鹽水菠蘿咁。帕爾馬味道唔錯，火腿有風乾醇厚味，火箭菜有激烈啲嘅辛香清新味，番茄底好濃厚，三者加埋意外地融洽。至於餅底本身，我覺得有啲疑惑，感覺麵粉冇乜麥香味，食得出應該的確係長時間發酵（有少少類似酒精、啤酒嘅風味，甚至覺得有啲發酵得太過），不過好塌，邊位冇曬氣泡，雖然的確好湿潤，但覺得更加似係”死麵”的質感，唔知係我理解有錯定係呢次咁啱嘅麵團狀態唔好。餅皮中間似乎因為本身好薄，加上有好多醬料，太過湿潤了，加上佢唔係出爐第一時間就上菜，總覺得有啲可惜冇食到熱騰騰外香內湿的餅底。甜品嗌咗二人份提拉米蘇。好食，甜而不膩，咖啡粉够苦（雖然覺得可以再苦啲），芝士醇厚而清新，咖啡酒雖然甜但甜味唔會似食糖漿咁”癡住喉嚨”。總體而言體驗中等偏上，呢個價錢唔算便宜，但勝在用料紮實。似乎比較多人鐘意愛的夏天同啖啖肉，可能比起今次我嗌嘅嗰兩款口味更大眾化，下次會再嚟試。

Mother of Pizzas 是一間主打披薩嘅餐廳，他們最小尺寸的披薩是13吋，份量比預期大，每片都幾大塊🍕口味方面，你可以選擇兩種口味，這樣既能品嚐不同口味，又不會吃不完兩份披薩，真是一舉兩得。有點可惜的是，兩款披薩都稍微偏鹹，但相對而言，我更偏愛 Summer Of Love 1967，上面滿佈著大塊甜美的菠蘿，醬汁酸甜。而 Meat de Cavemen 則是以意大利肉腸、谷巴火腿等肉類為主，如果你喜歡多肉的口味，可以考慮試吓這一款。至於肉醬意粉，味道屬於中規中矩，沒有什麼特別驚喜，但如果不想只吃披薩的話，這也是一個不錯的選擇🍝。Mother of Pizzas is a restaurant that specializes in pizzas. Their smallest pizza size is 13 inches, and the portions are larger than expected, with each slice being quite substantial🍕 In terms of flavors, you can choose two va

🍽️🍕🍝大件好味Pizza 🔔設加一，水免費🍕13” pizza 雙拼 -$238 （價錢以較高嘅Pizza計算）雙拼唔使加錢，13吋嘅pizza切開咗六片，每款三片，每片都好大塊，亦都好足料，個邊比較厚，但係都幾軟熟，而Pizza中間嘅餅皮唔會好厚。店員會另外比辣椒粉同埋Tabasco 醬俾你加辣。✅Summer Of Love 1967 愛的夏天 1967菠蘿切到四四方方長方形好得意，每粒菠蘿都幾甜，而個醬都好特別，由於加咗蜜糖，所以會甜甜地，好似甜嘅燒汁咁樣。上面嘅辣肉腸同埋火腿都好香口。✅Meat de Cavemen 山洞人啖啖肉而呢款就用上蕃茄醬，上面鋪滿咗洋蔥、辣肉腸、谷巴火腿，啲肉同樣都好香口，味道就比較傳統，但係都好好食🆗意大利雞肉茄醬意粉 -$168意粉嘅份量都OK，而且煮得剛好唔會太腍，雞肉、芝士同茄醬都好多，每一條意粉都可以掛汁，好食但味道都冇話特別出色，性價比唔算好高。

水牛芝士配車厘茄，都好好清新，好適合點埋啲黑醋一齊食，香味都唔錯，都幾大碟，黑醋醬都落得幾多肉丸外層少少煎到乾身，入邊好Juicy，點埋面頭嘅蕃茄醬好好食，一定要趁熱食我哋叫咗雙拼pizza，一邊係有菠蘿肉碎同埋臘腸，一邊係芝士，芝士要食咗先，因為比較拉絲同埋唔會膩，我哋嗌咗最細個size都好夠食，會建議嗌細嗰個size就OK味道有啲似fruit Punch，甜甜地幾容易入口，係Mocktail 黎😄