Mini Friday (The Wave)

營業中

休息中

今日同咗一個好耐冇見嘅同學去觀塘傾偈食飯，去咗食西餐🍽️除咗APM之外, the wave 嗰度嘅Mini Friday都好啱朋友聚會同埋傾偈坐得舒服💫一坐低就送上脆片俾我哋食，口感類似Doritos咁，我覺得送啤酒啱啲🤣我地叫左喇沙帆立貝意粉餐連飲品，有三大粒帆立貝喺上面，意粉唔會太過淋有咬口，味道重喇沙味少少辣，唔食辣嘅人都食到🙆🏻‍♀️跟住叫咗一個皇牌威靈頓牛扒，好大份食完之後都飽咗，一切開就見到牛扒係5-7成熟，肉質食落去唔會太過靭亦都唔會太過淋，不過我覺得中間嘅菇菌可以再重調味少少🤏酥皮好脆，我係好鍾意食酥皮嗰啲人🙈佢都有幾間分店，我記得之前都有去過銅鑼灣，朋友傾偈食西餐最啱🌸

Friday night 去Mini Friday for a happy birthday dinner with my buddy。地方非常寛敞，坐得舒服就當然吃得開心 😋點了Black Truffle mushroom cheese pizza & 韓式芝士炸雞來送啤酒，就是要飽醉星期五。芝士炸雞為starter，但份量已夠我們做主菜了。一叉下去來個拉絲打卡，吃下去不太咸又口感豐富，喝了一口啤酒。Pizza比crackers還要薄，也是不太咸，趁熱吃了多塊，又喝了數口啤酒。Tonight's 壓軸，美女服務員清理了枱面後送上了火焰雪山，內裡是refreshing的椰子雪糕。我唱完生日歌，朋友沒許願，火焰就沒了，只來得及拍片拍照。服務員態度很友善，每個都有禮，熟女服務員還跟我們拍照及說笑，大家開心😄！忘了說，他們有live singer，沒留意唱什麼，可不太吵，食客仍可chit chat不受騷擾。

長輩想吃西餐，近近地就去食mini Friday啦。呢度都食過好多次，個餐牌好似次次都有啲唔同咁。勝在食物種類多元化，係味道穩陣之選。🔸和風大阪雞肉薄餅(💰158)(8/10)味道唔錯，不過個薄餅邊焗得有啲燶。個和風醬好味道。🔸芝士沙嗲牛肉炒蛋漢堡配薯條(💰158)(7.5/10)沙嗲牛肉味好濃！成個漢堡口感唔錯，少少辣幾開胃！🔸喇沙帆立貝意粉(💰178)(6.5/10)呢個意粉有啲油，喇沙味偏淡。而且個賣相唔太好。味道尚可，不過價錢有點略貴。Overall評分: 7/10

今次係我第一次去食呢間嘢，因食評唔錯，食完真係好有驚喜，2個人食，叫咗2個餐加一個雞翼，包及意粉餐，個樣普普通通，但味道好正，好好味，除咗意粉上嘅帶子比較淡味之外，其他都係滿分，因為係禮拜一去，無咩人，地方好闊落，坐得好舒服，令到我好想下次再去試埋佢其他嘢，仲有仲有佢嘅前菜非常之好味🤤，食完一碟想再叫佢俾多碟，但因為唔好意思😅，再加上我哋都夠食，所以就算….

去過觀塘食飯的人，應該都會聽過the wave，上次同朋友去食飯，上咗呢間餐廳，都會比佢嘅環境格局吸引，因為餐廳非常大，而且會有一股工業風，如果晚飯去食飯，基本上可以同三五知己坐好耐傾偈食飯，係一個非常好嘅環境！食物方面，基本上都是西餐廳能夠提供嘅美食，而且食物嘅份量大份，算是非常抵食，令我最印象深刻的，就是水牛城雞翼，辣辣的雞翼配上醬汁，喜歡吃雞翼的人必須要點囉！另外餐廳都能夠提供酒類飲品，而且選擇都很多❤️❤️❤️

早幾日試了觀塘區的「Mini Friday」，整層一半是「Mini Friday」，另一半是「米走雞」。首先，是免費的前菜炸粟米片配芝士醬，芝士醬不夠濃，加上粟米片也是沒調味，所以除了感覺油膩就不太吸引。然後點了是日沙律，日式麻醬分開上，這個我比較喜歡，因為落幾多自己決定，蔬菜也新鮮，不錯。然後，是黑松露啡菇什菌薄餅。餅底不厚也不薄，有點兩邊不討好的感覺，也吃不出黑松露的味道。最後，是檸檬牛油忌廉汁煎比目魚，清新的檸檬味配上香濃的牛油忌廉汁，魚皮煎得香脆，再加上配菜和薯蓉，這個是整晚最好的一道菜。不過看很多人會點火焰豬手那些，可能會更好吧。另外因為和米走雞是open plan，所以又會有點雞煲的味道，對我個人來說也是扣分的地方。整體而言，只有沙律和檸檬牛油忌廉汁煎比目魚較值得推介，而份量對我們2個算食量普通的人是有餘的。另外服務也算是不錯👍🏼#MiniFriday #觀塘搵食 #炸粟米片 #黑松露 #比目魚 #沙律 #薄餅

本來對呢餐都充滿期望，以為呢間會同銅鑼灣嘅分店質素差不多。但係食完之後，簡直非常失望，性價比極低，本來仲想點一個心太軟，但因為食物質素太差，都唔想再嘥錢幫襯呢間餐廳。首先，韓式炸雞極度厚粉，咬完之後多粉到清晰可見，完全唔入味，又冇口感。其次，再點咗個龍蝦蝦肉包，感覺就好似食緊龍蝦濃湯包，完全冇咩蝦肉可言最後勉強食晒。又唔能夠話佢唔好食，但真係唔值呢個價錢！可能其他分店嘅味道會好啲，唔敢咁快判定佢唔好！但觀塘分店我諗都唔會再去！

店名: Mini Friday 地址: 觀塘興業街4號The Wave 3樓觀塘站B2出口，行5分鐘環境: 3/5價錢:3.5/5味道: 3.5/5呢間西餐係旺角同銅鑼灣都有分店，但觀塘店環境就無話特別好，而且仲同隔離舖share一半地方🙈大蝦配香草牛柳$248牛柳食落好淋好有牛味，而蝦嘅肉質都算彈牙，唔會話好霉不過份量唔算多，呢個價錢有更好嘅選擇🥲😶🤫蜜糖蒜片炸雞🍗$98呢個比想像中好食，食落口仲係好熱上面啲蜜糖淋上啲炸雞，甜甜地，而且外脆內軟，份量都算多，都有成十舊左右😚🤩黑松靈薯條🍟$68薯條食落仲係好熱好脆，同炸雞一樣但就無咩黑松露味，如果68蚊就咁係普通薯條就有啲貴了🤥#stitchfoodie觀塘#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

平時去觀塘諗唔到食咩，突然想食西餐見已經好耐冇食過，就入咗呢間去試吓一入到去， 9:00嘅時間真係人山人海旁邊連接一間中菜，有live band 嗰邊嘅氣氛就真係好好但係西餐呢邊，唔知點解明明係室內都好大陣煙味嘢食9:00落單，等到9:30都未有已經肚餓到不得了，上咗菜就食咗，所以影唔到佢完整😅買單三百幾蚊 牛柳配大蝦唔知呢間鋪那來的自信定呢個價錢😅總結嚟講，如果想食得舒服唔建議去呢間但係如果鍾意食煙同埋熱鬧嘅話就可以一試

我係樓上the wave個度D租客，有時候工作到餓就會直接落黎食呢間。呢間有樣野好好，就係有好多款國家的食物，唔係只係fix死一款，所以每次我去都可以叫同野食。加上呢度唔係話成日會好full，就算排隊都唔洗話需要好耐，都未嘗唔係一個好選擇！👍🏻👍🏻👍🏻

去食西餐叫左 牛排 魚 沙拉 疏乎厘牛排和魚都是冷的 醬汁沒有煮好，裡面有塊狀。配菜係凍嘅！！牛排無解凍好，無煎到梅勒反應。出品時，牛排的脂肪已經有點凍結。煎前和後都沒有調味！魚就正常，但好細好細塊。醬汁和水分離！最離譜係疏乎里 真係好難好難食。。。真係好差好差。。。好過分！！！！麵粉蛋比例好差，有生粉味，上面嘅醬汁都係未攪拌好，有好多塊狀，味道很奇怪。食左7百幾蚊，剩係食完salad… 其他都係食左一啖就無食。

同朋友係the wave行完市集，見到同一棟有餐廳，就入黎試試。我地兩個人叫左個卡邦尼意粉同埋個梳乎厘pancake。個意粉分量都唔少，我地兩個女仔share覺得岩岩好，之後個pancake我覺得水準都不錯，感覺上比某D甜品店整得仲好！🤣🤣

Happy Friday 約左朋友食晚飯chill下，餐廳環境幾有氣氛，食到咁上下仲有live band 好正。食物款式都幾多，而且都好吸引一坐低，店員會先提供一籃薄脆，係免費既，食落香脆，點千島醬幾開胃。芥末千島醬番薯條($68)番薯條份量都幾多，而且炸得香脆，番薯味道幾香。配酸酸甜甜嘅芥末千島醬，食落冇咁漏。黑松露啡菇雜菌薄餅($138)薄餅好大塊，係比較薄身嗰隻，有d似墨西哥薄餅個塊皮，好脆口。雜菌份量都幾多，差唔多鋪滿成個Pizza，而且都幾新鮮，配埋芝士味道幾香。喇沙帆立貝意粉($178)帆立貝一共有3粒，大大粒。意粉有咬口，配喇沙醬幾夾幾特別，味道鹹香惹味。心太軟配雪糕($68)心太軟係即製，要預返30分鐘等待時間，一上枱新鮮熱辣，中間嘅朱古力漿幾流心，唔會好甜，配埋抹茶雪糕同埋生果一齊食冇咁漏。

嚟咗呢度食午市半自助餐所謂嘅自助餐其實得好少選擇得南瓜湯,燒賣,炸雞塊,菜等等食物味道都普通南瓜湯仲有勁多麵粉味主菜叫咗個carbonara 味道正正常常唔算太突出

新年前約人食餐靚飯，搵個坐得舒服又可以傾偈嘅地方，呢度燈光柔和，又有梳化坐，都算幾舒服一坐低侍應就攞咗薄脆脆過嚟， 原來係送嘅， 等緊晚餐有肚餓就啱晒我哋叫咗大蝦配香草牛柳，份量又估唔到幾多，三隻大蝦 剝晒殼， 牛柳份量都幾多， 即是叫咗七成熟，都估唔到又幾淋，啱啱好另外呢個喇沙飯立貝意粉夠晒特色，喇沙味配意粉 估唔到出奇地好味，意粉丸顏色做，帆立貝都大大粒飲品方面最滿意就係呢個蜜糖檸檬玉桂茶，大大條肉桂喺入面，啱啱開始飲探探地，都食晒成餐飯，玉桂味就出晒嚟， 更加有層次另外咖啡都幾靚，大大杯，飲完一杯精神晒