Mata Japanese Cuisine

營業中

休息中

同朋友去荔枝角睇戲前食個飯，誤打誤撞發現長沙灣廣場3樓有好多餐廳，平日好少上呢個商場，發現原來都有幾多選擇餐廳有少少開放式，座位闊落，坐得舒服叫咗幾款唔同嘅食物，食物質素好高，超出預期，睇得出製作非常認真特別出色：南蠻雞- 外面炸得香脆，裏面肉質仍然Juicy，調味亦很好，加埋蛋黃醬，配搭非常出色炸番薯薯條- 香脆又有甜甜的番薯味，配埋蛋黃醬，好食明太子翠玉瓜- 經典配搭，清新黑胡麻醬有機沙律- 自家製黑胡麻醬，有黑芝麻嘅甜味，同埋芝麻嘅香味，配埋新鮮沙律，一啲都唔單調咖啡Cocktail - 有volka 同埋Bailey嘅香味, 唔算太重酒味，但有淡淡嘅奶香最後餐廳送咗花生酥，鬆脆有驚喜，而且花生味超級濃，正！

又嚟到令人好難受嘅星期三，梗係要食返啲好嘢啦😆今日嚟到荔枝角，聽聞長沙灣廣場開咗間新嘅日式居酒屋，梗係要嚟試吓啦。入到嚟有啲口渴，所以就叫咗兩杯飲品先第一個係有酒精嘅藍（菠蘿荔枝同埋vodka), 另外仲有一杯蘋果mojito mocktail😙佢係用咗sake杯，見到都覺得好靚😊因為都有啲肚餓，所以叫咗唔同嘅食物，覺得幾經驗嘅就係明太子翠玉瓜，明太子醬放咗喺翠玉瓜上邊味道非常之夾，又唔會太漏，所以幾好食。另外就係三色燒蠔當中包括XO醬明太子同埋鹽燒😁，我哋覺得XO醬最好味，因為可以釣到當中嘅鮮味🫶🏻另外串燒梗係要叫大蔥雞肉🙏🏻雞雞非常之善緣燒得剛剛好，另外就係雞皮薯片，佢都非常之脆同埋送酒一流🥰另外就係好特別嘅叉燒醬和牛串燒，甜甜地味道都好有趣，同埋和牛都非常之腍主菜方面就有芝士夾螺燒蟹肉意粉，都係非常之足料同埋好大個蟹殼入邊有好多蟹膏，都好鮮甜同埋都有唔少嘅蟹肉🦀🦀🦀最後就係個甜品啦，係佢哋自家製嘅花生酥，簡直係今晚嘅重點😙入口即溶

今日去咗長沙灣揾朋友仔食飯，行行下發現原來長沙灣廣場上面開咗好多新食肆，我地揀咗間日式居酒屋「Mata Japanese Cuisine」，店舖雖然唔大，但食物超水準👍🏻非常正宗嘅日式風味，店員（或者係老闆😆）上菜時都會介紹返每一度菜式，抵食又有驚喜🤩刺身沙律今日嘅刺身沙律係醋麵豉鯛魚沙律，鯛魚肉質爽脆鮮甜，配以紅蘿蔔絲同椰菜絲，清爽之餘口感非常豐富，醬汁味道帶甜口再灑上白芝麻更加香口，啱晒夏天食嘅菜式😋味噌煮牛舌必食推介👍🏻牛舌以慢煮形式去烹調，令肉質更加鬆化軟腍，入口已化開嘅感覺，一碟約有6-7片，厚身又大大片份量十足😋每一片都裹滿濃郁嘅味噌醬汁同京蔥絲，最適合送酒🍶燒油甘魚鮫一上枱時已經非常吸引，大件又厚肉，色澤光亮唔乾身，咬落去魚皮香口脆卜卜，入面嘅魚肉依然保持嫩滑鮮味，可見師傅嘅烹調功架十分出色腐乳松阪豬串必點👍🏻👍🏻👍🏻店家嘅串燒亦都十分高質，我地嗌咗較為有特色嘅腐乳松阪豬串燒，以中式嘅腐乳醬配上日式嘅豬肉令肉嘅鮮味更加提升，松阪豬肥瘦適中，咬落去充滿肉汁，咸香嘅味道令人回味無窮蕨餅店員介紹我地試咗佢地自家製嘅甜品-日本蕨餅，一碟有兩款口味，分別灑上抹茶粉同黃豆粉再配上黑糖

今日好開心，嚟咗長沙灣廣場附近搵嘢食，原來長沙灣廣場3樓有一間居酒屋，裏面食日本菜好食到不得了，裏面嘅裝修都好靚，而且環境好舒服，衛生程度非常好，食物水準非常高，真係值得推介俾朋友呀，每次都非常方便，真係好容易搵到，首先佢哋嘅食物錢財都好有心思，我真係好推介佢哋嘅柚子蘿蔔，同埋呢個麻辣之蛋呀，味道非常好，非常夾，都好特別，出面食唔到，而且係超級開胃，另外我都會推介芝士蟹肉意粉，芝士味非常濃郁，蟹膏亦都好多，超級正，分量十足，非常豐富，鮮味足夠，所以我覺得一定要叫呀，而且佢哋嘅炸物都好好食呀，我會推介佢哋嘅吉列豚肉，口感非常好，香脆，外脆外院，非常好味，加大聲嚟食飯啊，而且賣相非常好，睇得出廚師學吓心機，仲有佢哋嘅豬扒都係一流呀，個黑豚肉瞓啦非常大，吉列黑豚肉炸得非常香脆可口，肉質鮮嫩

平日真係好小過海今日去荔枝角做野即刻搵朋友食晏佢帶左我去間質素不錯的日式餐廳叫左2個lunch set ⭐️吉烈黑豚肉配白飯厚切黑豚肉份量好大，炸得酥脆可口，而且啲肉仲好嫩滑，非常juice ! 仲有一大堆椰菜，我至愛！雖然配左白飯，但淨食豬扒都夠曬飽！滿足！⭐️糖心蛋煙鴨胸鴨湯拉麵原隻糖心蛋上，超開心！煙鴨胸配埋鴨湯既湯汁，入口軟滑，口感令人難忘！湯麵煮到啱啱好入口彈牙！⭐️2份套餐配左自家製醃白蘿蔔、中華沙律同埋自家製花生酥蘿蔔醃得好夠味，甜度、酸度都好適中，食到停唔到口！花生酥同樣自家製，食落有驚喜！！花生味極濃加上入口即溶，酥化感滿滿！ 正！🍹Passion Tea、Apple Mojito2杯手調飲品，味道都好清新！整體，食物真係令我意想不到估唔到啲個小小商場到有咁好味既餐廳

今次試這家居酒屋。電話訂座，餐廳留了較靜座位，正員工服務好好， 有禮。⬇️北海道‘’雪解‘’ 生蠔❤️@78 配上鰹魚汁，蠔身肥美😋⬇️糖心旦鴨胸鴨湯拉麵❤️@88 湯頭有淡淡的鴨香，唔肥，香濃好味😋。鴨皮可以再煎香一點更好。⬇️古法製 南蠻雞❤️@128 配有旦沙律及椰菜絲⬇️鹽燒 牛舌心❤️@88 燒得好好， 唔會靱，味道好好😋.⬇️腐乳松板豬串燒两串❤️@88 豬肉好香，厚切，肉質淋滑唔肥😋。⬇️Apple Majito❤️ apple, mint, lemon, soda@48 ⬇️甜品送贈： 自家製 花生酥❤️⬇️最後埋單，兩人消費 $656， 平均每人$328

Mata Japanese Cuisine📍荔枝角長沙灣道833號長沙灣廣場3樓308號舖今日收工同朋友係附近行市集，想搵個地方傾下計飲下嘢🍻，咁岩記得有同事同我推薦過呢間居酒屋，就決定黎食下啦😆😆😆居酒屋入面嘅人都好nice，亦好有禮貌，會主動向客人介紹食物👍 前菜係醃蘿蔔同中華沙律，好開胃👍 炸獅子狗片$68炸得好香脆，仲保留咗獅子狗嘅味又唔會切得太厚太薄，送酒真係一流👍👍推薦指數：9/10 鏗魚 $98🐟有兩大片，外皮燒過，配搭洋蔥做嘅醬汁，酸酸地，唔腥之餘仲非常開胃😍😍😍推薦指數：9/10 大吟釀煮蜆$168蜆非常大隻，仲要冇沙添，餐廳將清酒升級咗做大吟釀，食落既有大吟釀嘅醇厚又有蜆原先嘅鮮味，食落甜甜地，十分推薦🥰🥰🥰推薦指數：9.5/10 牛舌味噌煮$88 🐂有4片好大片同好厚嘅牛舌，餐廳用慢煮方法烹調，所以咬落係非常之淋，店長重要同我地分享話係師傅由清潔到煮牛舌足足用左接近5小時，真係得來不易，加埋味噌醬汁同蔥絲，整碟菜式昇華到另一個層次🐮👍👍推薦指數：10/10 麻婆茄子配飯$68🍆🍚唔似平時食開嘅麻婆汁咁衝擊味蕾，依個係比較似中華料理嘅，味道濃郁之餘唔會搶過茄子本身，

Vivian搵到間好野，令人飲唔停口嘅Cocktail😚😚Btw推薦坐吧枱，餐廳環境氣氛好正，好似日本居酒屋咁，又唔會太嘈☺️☺️仲要係寵物友善餐廳🫶🏻🫶🏻MenuWasabi Cocktail非常特別，wasabi味同果味好夾，冇乜辛辣刺激嘅味道，同時又飲到Wasabi嘅味，強烈推薦燒鱈魚片好香，脆得黎又唔硬雞皮釀墨魚滑未試過其他餐廳食到嘅菜式，外面雞皮炸得好脆，又夠薄，而裏面墨魚滑好彈牙雞頸肉好嫩，食得出用左柚子&胡椒去燒，味道好夾，好香好好食明太子翠肉瓜味道較得啱啱好，明太子唔會過鹹，翠玉瓜燒得爽脆多汁燒鴨胸拉麵極度推薦，鴨胸肉煮得爽嫩，師傅話溏心蛋都係佢地煮，最特別咬開有酒香味&中間心有d甜品，Vivian表示超級鍾意，食多三隻都冇問題😋😋拉麵個湯底係用鴨胸熬煮👍🏻好香番薯焦糖燉蛋第一次食咁得意嘅甜品，最頂層係焦糖燉蛋，番薯燒得夠淋，完全唔硬花生酥👍🏻👍🏻👍🏻好味程度要俾好多thumbs up，只能夠講咬開，外層係脆，中間好綿滑，真係非常特別，食過就明（vivian想問可摸推出個禮盒裝，真係太好食）咖啡酒都好飲，配甜品一流

長沙灣廣場開左好多餐廳，呢間都食過幾次，水準都keep 到，食物款式都好多，好特別！仲有啲好colorful 嘅cocktails! 酒精比例可以同店員傾，可以為你調整，唔飲得嘅女仔都好岩飲，想飲濃啲嘅又得！鱈魚片作為前菜，用黎送酒都唔錯。炸池魚BB一個都幾特別嘅小食，池魚bb炸黎食，唔會腥，幾香口，有少少似多春魚嘅味道。牛舌味噌煮 推介呢個菜式唔係周圍都有得食，因為要慢煮嘅時間都唔少，所以都無乜餐廳會花時間整，呢到嘅牛舌煮到好軟腍，而且味噌咩好入味，連埋啲蔥一齊食，好好食。右口魚邊丼右口魚，又叫鰈魚，出名油香味重，呢到嘅火炙右口魚丼，燒完嘅右口魚好香，個人喜歡配啲wasabi食，帶點辛辣又無咁油膩！甜品 - 蕃薯 Crame Brulee 推介！依家日本好多人都好喜歡食嘅甜品！呢到都食到！仲整得好唔錯！蕃薯好軟糬，唔會太甜，因為本身焦糖已經夠晒租，燉蛋好滑，兩樣食材一齊食，好夾，口感好rich~紫色cocktail (紫の)Ingredients:shocho, ribena, calpis, apple & canberry甜甜地，淡淡嘅蘋果味，仲有啲酸酸地，好似乳酸飲料，幾開胃，

Mata Japanese Cuisine今次要介紹長沙灣廣場入面有一間日式居酒屋，呢間居酒屋位於3樓，一間表面好似平平無奇，其實係一間好高質嘅居酒屋，無論環境同擺盤都好精緻，我最鍾意係佢哋茄子大阪燒、和牛串同Wasabi Cocktail！長沙灣廣場好適合輪椅人士入去行街食野，呢間居酒屋都好方便輪椅人士，空間都算大，想飲返杯都可以嚟呢度嫁！前菜：中華沙律同醋漬蘿蔔（免費）（8/10）1.雜菜關東煮$88（8/10）呢個關東煮好適合素食人士食，有娃娃菜，大蘿蔔，蒟蒻，有年糕餡嘅百福袋，冬菇等！2.茄子大阪燒$78（9/10）呢個大阪燒出面係用米漿，但呢度就用茄子同蛋漿，食落唔會好滯，茄子代替米漿食落茄子味好出，蛋有好濃郁，真係好唔錯！3.叉燒醬和牛串兩串$98（9/10）呢個和牛串真係好食到不得了，肉質淋得嚟，表面搽咗薄薄一層嘅叉燒醬，少少甜又唔會蓋過咗和牛牛味，咬落和牛又好juicy，一申有3舊和牛，簡直超好食！4.味椒鹽玉子豆腐$48（9/10）呢個味椒鹽玉子豆腐炸得好脆，味椒鹽唔會過鹹，入面嘅玉子豆腐好滑，一共有12舊炸玉子豆腐！4.Mata Punch(Orange,pinea

長沙灣廣場雖然比較老化，但擴充之後加入咗唔少新食肆，當堂變得年輕好多，其中一間係日式居酒屋 Mata Japanese Cuisine。👘🎎餐牌發現罕見嘅素關東煮 $88，真漢子問過店員，湯係醬油湯底係冇肉嘅。有年糕福袋，雞蛋，冬菇，蒟蒻，蘿蔔，蜂巢豆腐，紹菜。店員會先問食唔食蔥，食就加入大量嘅洋蔥絲。另外送兩款前菜，一碗小町米飯。午巿同晚巿都有供應，一個人食非常夠飽。不過個湯就比較清淡嘅，可以依自己喜好加啲調味料。😅除咗清酒，cocktail ，啤酒外，佢都有啲靚靚飲品，適合唔飲酒嘅朋友。例如呢杯 Fuji mountain $48，除咗靚都好好味，有嘅似飲緊益力多。🍸🍹有酒飲當然都有好多佐酒小食啦，食素嘅朋友都唔愁冇嘢食：🫛 怪味枝豆 $48怪味其實係來自鋪面嘅呢堆嘢，應該係洋蔥，辣椒之類，用麻辣醬炒過，非常惹味，送酒一流。至於呢堆嘢我問過店員係冇肉嘅，大家可以放心食。☺️⬜ 椒鹽玉子豆腐 $48雖然係椒鹽，但唔重口味亦唔太咸。切到細細塊，一口一件啱啱好。👄🍡 燒年糕一串 $28其貌不揚嘅年糕，竟然好食到定唔到口。表面燒到脆脆哋，咬落去煙煙韌韌，加埋燒汁真係非常好味道。😋素食嘅小食仲

知道荔枝角長沙灣廣場3樓開咗好多唔同嘅餐廳，於是上去一探究竟，經過見到一間居酒屋叫Mata japanese cusine 好多人食裝修精緻，一個人me time,叫咗佢哋嘅Cocktail,爆蔥慢煮牛舌丼，兩串串燒。餐廳特色Cocktail用上唔同顏色做主題，我今次叫咗個藍色，用上荔枝，菠蘿，vodka及Blue Cacao,飲落口唔算非常重酒味，適合女士。京蔥慢煮牛舌丼亦係依間餐廳招牌菜式師傅用上超過五小時時間處理包括3小時慢煮配上麵豉汁京蔥，厚切牛舌唔會韌非常容易咬開配上京蔥，個人非常喜歡。燒年糕及燒雞翼串燒翼10分出色，年糕搽上燒汁煙韌度十足，燒雞翼翼燒得非常香脆簡單加上鹽及檸檬已經非常惹味。最後不得不提餐廳附送的花生酥，係我喺香港食過最酥脆嘅花生酥，可以講係入口化開，包保你有驚喜。

今日響附近做完facial同整指甲順便約咗男朋友響附近食晚飯試吓新嘢，費事來來去去都係食屋企附近嗰幾間~ 上OpenRice見到呢間都幾多好評同埋近地鐵站，一於試下~ 可能因為依頭辦公室多，人流集中響食晏時間，我哋夜晚嚟唔算多人，肚餓嘅我哋好快就坐低咗叫嘢食~ 呢度啲職員都好Nice，介紹咗幾樣必食既野俾我哋，反正我哋都冇乜頭緒要食乜，一於就跟佢推薦~ 其中令我印象最深刻嘅就係右口魚，因為第一次聽，之前淨係食過同埋聽過左口魚，估唔到原來有右口魚依樣野職員話右口魚係肥美過左口魚，食落油香味更加重，佢果然冇介紹錯，d魚一入口，脂肪已經半溶於口，好邪惡不過真係好香好好食嚟到呢度一定要試另外我哋都食咗好多人話唔錯嘅味噌煮牛舌，牛舌炆得好淋所以的確幾好食，不過右口魚已經令我太驚艷所以成餐飯都回味緊佢另外呢度都提供七彩顏色嘅Cocktail，仲會用好得意嘅酒杯裝住，本身都怕飲落似藥水味會好奇怪所以我哋淨係叫咗一杯試吓，點知飲落係好自然清新嘅果味，搞到男朋友忍唔住叫多杯試多個味~ 總括嚟講餐廳非常值得一試， 有下次

長沙灣廣場好多平民美食，而MATA呢間居酒屋質素好高，但價錢只屬於中常，無論環境同擺盤都好精緻餐廳幾年前做omakase起家，儲落唔少熟客，喺度食嘢仲會送每人一份花生酥，係以前omakase set嘅其中一款甜品，入口即溶極鬆化，佢哋禮盒預訂嘅需求非常大，所以開設工場，順便轉型做日式fusion菜，喺長沙灣廣場服務荔枝角居民雖然我哋今日冇飲酒，但都叫咗啲日式送酒小食，蕃薯 Crème Brûlée都係必食推介！！雞皮薯片 $68用咗雞髀嘅雞皮，大大塊咬落去脆卜卜真係好似薯片咁！柚子胡椒雞頸肉 $58/2串雞頸肉爽口多汁，油香爆棚，柚子胡椒酸酸甜甜，冇平時食開咁辣咁啃，夠fresh幾好👍🏻吉列黑豚肉配小町米飯 $98呢間居酒屋唔止得送酒小食，如果想食飽醫肚一樣好多選擇，有拉麵、丼飯、意粉等等，我哋揀咗吉列黑豚肉，肉質超級鮮嫩，吉列皮入口即溶好酥脆，連埋椰菜絲一齊食，完全唔會覺得油膩蕃薯 Crème Brûlée $68竟然係原個番薯做器皿裝燉蛋🤤 番薯本身已經好香甜、燉蛋奶香、焦糖焦甜，三種甜味各有特色但零違和感！味醂魚乾 $88魚乾鹹鹹甜甜，好好咬可以慢慢食住傾偈真係好啱送酒洋甘菊茶

成日都話長沙灣有好野食今日就發堀到一間位於長沙灣廣場既日本居酒屋環境都幾大 餐廳分為兩邊想有情調啲飲下酒 就可以坐入店內燈光較暗 談心一流😳想三五知己傾下計坐得闊落啲 坐店外既位置就岩曬喇 環境寧靜舒適👍🏽坐低後第一個感覺係店員好有禮貌亦會耐心同我地講解每一道菜既特色黎得居酒屋 當然要飲下酒喇食主食前 店員都為我地介紹左幾款清酒 心大心細既我最後揀左一款容易入口 較甜既清酒🍶清酒有好多選擇 岩曬係酒鬼既你!前菜係佢地自己醃製既柚子蘿蔔同中華沙律個柚子蘿蔔味道清爽 酸酸甜甜 好開胃🤤鱈魚片份量好足 唔會食幾塊就無曬🤣脆卜卜加上個蛋黃醬 食唔停口🤭叉燒醬和牛串和牛既肉質淋得黎有彈性 表面搽左一層薄薄既叉燒醬 甜甜地 唔會蓋過本身和牛既肉味亦帶出和牛本身既juicy 將味道提升左一個層次~素菜關東煮E個關東煮用左七種素既配菜每樣都好入味 古法製南蠻雞👍🏽👍🏽E個招牌菜推薦大家一定要試聽聞係店主係外地拜師再自己改良既做法🤭夠曬用心平時食既南蠻雞通常都係炸但佢e個竟然係用煎既方法先用醬汁醃 再拎去煎 最後加入黑醋汁 外皮少少脆得黎又鎖得住d肉汁 仲要無骨 啖啖肉甜甜酸酸 送飯一流😍加埋必配既蛋沙