Marco's Oyster Bar & Grill (彩鴻酒店)

營業中

休息中

每逢8月生日月份都特別多飯局，今次同朋友嚟咗Marco’s Oyster Bar & Grill都係因為朋友介紹呢度嘅威靈頓牛柳好出名，而我咁耐都未試過威靈頓牛柳，終於可以試吓。餐湯選擇了牛肝菌忌廉湯牛肝菌味道香濃，相比一般嘅蘑菇湯更加濃郁。前菜選擇了煙三文魚凱撒沙律大大塊的煙三文魚配上新鮮嘅羅馬生菜及香脆法包，每一啖嘅羅馬生菜都充滿水份，果然新鮮。主角威靈頓牛柳影完相後職員為我哋將威靈頓牛柳切開時聽到切開酥皮時嘅聲音，包住牛柳外嘅酥皮果然酥脆！除咗酥皮外，仲有煙肉包住免治肉，每一層都有不同嘅味道！五成熟嘅牛柳肉質嫩滑，肉汁亦相當豐富，朋友果然無介紹錯。飯後甜品Tiramisu呢度嘅Tiramisu 真係要留肚嚟試吓！平時食開都係得個甜味，但呢度嘅Tiramisu 不單唔會太甜，香醇嘅咖嘛味充滿整個口腔，濕潤嘅口感真係想再食多件，可惜係個肚已經無位。大滿足嘅一餐。

首先，職員姐姐態度是真好，友善得來行動又快捷，美好的一天就這樣開始。咖啡味道可以，不似是用粉沖的。然後，配的牛奶是熱的，是很多餐廳未能做到的，這一點真是很讚。餐廳環境也很舒適寧靜。食物來了，看著就覺得很有誠意，這樣的價錢吃到這麼豐富的套餐，相當收貨啦。牛扒和培根不會很咸，味道剛好。多士也給我驚喜，烤得好香脆呀。整份早餐都很讚賞，連加一47蚊。這裡是用q r code點餐的，十分方便，上菜也很快。餐廳地點又便利，真是忍不住要給他們一個好評。

came with a friend to try their night time 50% openrice discount special, worse experience I've had in my life. we ordered the 32oz tomahawk steak, escargot, lobster bisque and ended with the chocolate lava cake and cheesecake.1. the tiny soup bowl was less than half full (fine, 50% discount so you get half a bowl!)2. escargot was completely tasteless - the 6 poor snails were served to us in proper 6 concaved metallic plate but what's the whole point of the plate if the snails rolled all to one

有駐場菲律賓藉歌手，氣氛相當熱鬧。怪不得好多食客前來慶祝生日，配合環境，音樂，非常愉快。在歡樂氣氛下，當然要飲番杯酒。由於食蠔，所以點了杯白酒。生蠔非常抵食，平均三十多元。店員推介來自南非嘅 catiera，蠔身不太大，口感清爽，海水味濃厚。龍蝦湯濃郁，濃而不膩，飄來海鮮香氣。嚟間餐廳其中一款 signature 係威靈頓牛扒。酥皮鬆化，包裹着牛扒保持到肉汁豐盈，軟熟多汁。甜品 tiramisu，綿滑。有香濃酒香，咖啡香，兩者互相配合，滋味。

7:30入座就order個威靈頓牛柳,意大利飯8:35牛柳上枱,食完個飯都未到！唔知係個老闆還是經理走來問我哋嘢食O唔Ok？我：一個鐘太離譜他：個牛要包,趕時間食其他我：食完個扒飯都未到他：多數人係食完扒先食飯…服務行業唔好意思都冇一句仲好理直氣壯、死雞撐飯蓋做咗幾十年人 第一次留食評

朋友介紹，所以我哋嚟試喇🤤！🦪 即開美國生蠔 $10@生蠔連殼有我手掌大，夠鮮甜🤤假如其他時段嘅優惠，應該係$18@🥂 白酒 $28一杯工作辛苦完想舒服吓，我哋加咗錢飲返杯✨配生蠔唔錯😌🐟 煙三文魚天使麵 $58天使麵又幼又吸味，配煙三文魚唔錯👍🏻🍔 烤豬漢堡配薯條 $52本先我哋想食朋友推薦嘅 🐷 德國咸豬手本薯條 $52，但俾人訂哂😭😭😭😭😭 所以餐廳就問我哋轉哩個好唔好，我哋就照試😢不過個包烤得好香脆，豬扒亦又厚又juicy，好味👍🏻🥘 環境歐陸風情，有個好有型嘅bar枱，適合打卡🍽️ 總結✨ 食物，同環境真係唔錯👍🏻性價比高！我會想再返嚟試其他菜式👍🏻👍🏻👍🏻👫 餐廳有外籍職員，我哋嗰日去咁岩只有外籍同事，所以大家要有需要用英語溝通嘅準備👷‍♀️ 唔知係咪得哩間分店先有下午茶生蠔優惠，因為我有去過荃灣分店，係無哩個優惠。同埋唔知佢幾時會完優惠；所以如果有家想確保一定食到豬手，同係咪有$10生蠔優惠，可以打電話去確認，留菜式先😉

這間位於佐敦的西餐廳，晚市除了有散叫外，還有套餐供應，今晚同老公主要想食威靈頓牛柳，另外現場還有live band，聽住音樂食飯真輕鬆。黑松露忌廉湯濃郁的黑松露香味，裏面有少許蘑菇粒，質感濃稠，另配上香脆法包。煙三文魚凱撒沙律沙律菜新鮮爽脆，還有些香脆麵包粒及番茄仔，加上煙三文魚咸味，十分開胃。威靈頓牛柳以酥皮包裏著的牛柳，切開中間還帶點粉色，有淡淡鵝肝香味，而且不會焗至太乾，牛柳肉質嫩腍及有肉汁。卡邦尼意粉店員在面前即煮，再放入大芝士內沾滿了芝士，入口煙肉香味及濃郁芝士香。食西餐配返杯白酒送菜真是一絕。

環境好嘈，食物一般，伙記唔夠。見到Open rice 套餐主菜有龍蝦，所以買咗OpenRice嘅套餐，每人大約$300 ，龍蝦湯，係罐頭嘅， OpenRice嘅套餐寫住轉焗生蠔加$12 ，原來係每一隻加$12 ，有欺騙嘅成份。本來想叫龍蝦，餐廳話今日冇龍蝦，但係就發覺旁邊枱嘅人，佢哋食餐廳嘅套餐，好似係$298就有龍蝦🥺食完沙律之後，伙記就立即上五成熟嘅牛扒，同埋意大利雲吞，但發覺焗生蠔未到，就將牛扒同埋意大利雲吞攞返去廚房裏面嘅焗爐，等多15分鐘，焗蠔就到，個焗蠔好唔錯👍🏻，食完焗蠔之後，總共30分鐘後，伙記攞返個牛扒同埋意大利雲吞出嚟，牛扒已經變成全熟，好韌好難食，意大利雲吞變成一Pat，好難食， Ts至於甜品，cheese cake ok, 但chocolate volcano 馬莎雪藏貨，用微波爐加熱，所以個皮好韌，不要叫。連埋用原價$488未計+1 ，每人大約$430 ，性價比好抵，唔抵食

一入到餐廳就覺得好有懷舊feel，而且現場仲有自彈自唱嘅表演，歌手仲會主動行到客人附近問下客人想聽咩歌，然後再獻唱侍應們嘅服務態度都好好，個個都好親切有禮 頭盤試咗南非生蠔，味道鮮甜，係我鍾意果款食生蠔又點少得配上白酒呢⁉️呢度嘅白酒易入口得黎，後勁不大，好啱我呢啲唔太飲得嘅人 個湯揀咗法式龍蝦湯，龍蝦味道香濃，又唔會太鹹，好飲❤️ 主菜🈶️好有睇頭嘅火焰牛柳，由侍應推上餐車係你面前煮，吸引了不少食客嘅目光牛柳肉質軟腍，medium剛剛好， 口感香滑 另一個主菜係純正意大利卡邦尼意粉，佢選用意大利煙肉➕️36個月醃製芝士，都係即場係你面前煮意粉軟硬適中，食落有淡淡嘅芝士香味，一啲都唔會覺得膩 最後上埋個自家製意大利芝士餅就perfect 🥰口感軟綿香滑，味道好清新，而且又唔會太甜，必試👍🏻

朋友介紹下去到慶祝結婚週年紀念 好耐之前曾經幫襯過呢度既外賣，價錢非常優惠而且服務好好 餐廳充滿歐陸情懷，感覺頗warm!店員推介下我哋點咗威靈頓牛柳二人套餐 $468,有龍蝦湯、蒜蓉包、煙三文魚凱撒沙律、牛柳一條約10安士、黑松露意粉和甜品tiramisu 套餐包括一瓶意大利葡萄汽酒~cheers! 煙三文魚凱撒沙律上面嗰塊三文魚好厚肥美 蒜蓉包四件，好香口！蒜蓉味濃香令人好開胃 龍蝦濃湯，還未飲已經聞到陣陣龍蝦香氣！龍湯味道濃而不會覺得咸，滿滿盡是鮮甜龍蝦香氣 之後就送上威靈頓牛柳！份量都唔少！店員細心咁我哋先行拍照然後幫我哋分碟！ 送牛柳外表酥脆，入面塗上了一層鵝肝醬，內層就係一嚿厚厚嘅牛柳！食起呢外面酥脆裏面柔軟 而多汁！真心覺得係我食過最好食嘅威靈頓牛柳 另外仲有一碟黑松露意粉！店員亦細心為我哋分咗碟。松露意粉入面玩有大量嘅菇菌，口感極為豐富 味道唔會話好鹹嘅呢度嘅份量都幾足下強烈建議要留肚先好嚟食飯

我當日走咗去換領個Tiramisu食 當時係一個白頭髮嘅叔叔幫我換領嘅 我睇到佢仲check左一下 (原來當時係做個樣）之後行過嚟俾我 本身諗住冇問題所以直接走 搭地鐵離開 點知去到車廂入面坐低 諗住睇吓個蛋糕咩樣 點知俾咗個芝士蛋糕我 好彩當時未閂車廂門 我即刻返返去換返 我覺得喺同一個站入面出閘入閘好浪費時間個Tiramisu入面 食唔到有手指餅 之前問過佢哋話有 可能入面得少少所以食唔出 普通一個蛋糕冇乜可以挑剔嘅地方 …完

有人快將生日，打算同佢去食餐晚飯慶祝。上網 Search 到呢間生蠔專門店，見評價唔錯，加上環境舒適又有氣氛，所以就特意訂檯嚟試下。餐廳位於西貢街彩鴻酒店 1 樓，店內嘅裝潢好有格調，一室歐陸式設計，含蓄優雅又帶點浪漫情調，好適合情侶約會又或者同閨蜜嚟聚餐。餐廳集 Fine Dining、Live Music 及酒吧於一身，店內有駐場歌手現場獻唱，以英語舒情歌為主，所以甚有外國用餐的感覺。先嚟一客煙三文魚沙律，三文魚大大片，富光澤，味道不會過鹹，入口油潤又有魚香。沙律菜新鮮爽脆，配上甜美嘅車厘茄同香口嘅 crouton，非常醒胃。接著是每人一客黑松露牛肝菌忌廉湯，忌廉湯落足料嚟熬製，入口香滑 Creamy，可嘗到牛肝菌香氣及濃郁口感，配熱烘烘餐包吃，啖啖滋味。主菜點咗火焰牛柳同卡邦尼意粉。牛柳由大廚席前炮製，熊熊烈火，充滿視覺效果。燒過嘅牛柳肉質非常嫩滑，入口肉汁豐富，再配以濃香嘅黑椒汁，惹味非常！至於另一客卡邦尼意粉，同樣係由廚師即席烹調，而且選材亦絕不馬虎，用上意大利煙肉和 36 個月醃製芝士入饌。意粉嘅軟硬度啱啱好，煮出 Al dente 口感，每條都掛滿了醬汁，濃稠 Cream

晚市用Eatigo book檯有discount，嗌咗呢啲食物美國牛柳牛柳煎完個皮係脆嘅，唔會話咬唔開吞唔落肚，連埋淋上去gravy食，味道不過不失，如果以原價$288黎講，我會覺得唔值得😂雜錦串燒拼春卷咖喱角 串燒拼盤反而幾好食，無論雞同牛肉串燒都醃得好香，唔會太鹹，食得幾開心。啲咖喱角同春卷對我黎講就普通啦。本身以為個串燒跟嘅係係沙嗲醬，間餐廳咁暗，望落去隻色都幾似，滿心歡喜大大力點啲串燒落去，一入口發現哇！咁酸嘅，竟然係芥末醬，真心唔期望食串燒會配芥末醬，係有啲驚喜，個醬都幾好味but如果用沙爹醬會開心啲😂海鮮意大利飯最恐怖嗰樣嘢嚟咗，就係個海鮮意大利飯，首先佢個味道普通，其次係朋友食第一啖入口，已經係度問到底佢係食到殼，定係點樣，點解食落去沙沙聲… 然後我唔信邪食咗淡飯，即刻明佢講咩，然後仲要比我夾到一隻蜆，心諗點解黑色嘅，打開盞燈望一望發現，有冇搞錯成隻蜆都係沙…間餐廳環境幾好，但係嘢食冇咩wow points，唯有安慰自己有六折，食食下仲要加多個驚嚇點，搞到我對間餐廳嘅印象好差…

同朋友收工之後嚟到呢間好有feel嘅餐廳度食好嘢😍.💎叫咗一個$438 二人套餐💎龍蝦濃湯表面居然有白色拉花好靚個湯都好有龍蝦味 10分香濃😍.💎蒜蓉包好香脆嘅蒜蓉包配埋龍蝦湯入口好夾.💎煙三文魚凱撒沙律煙三文魚配埋蔬菜一齊食好夾蕃茄仔好開胃😎作為頭盤簡直一流.💎威靈頓牛柳侍應會推到餐枱旁邊等客人影完相之後先上台10分貼心嘅安排🥰牛柳外層嘅麵包好鬆脆香口入邊嘅牛柳都好鮮味唔會過熟😇就算食到最尾都有好香嘅牛味.💎黑松露意粉蘑菇嘅份量好多🤣每一啖都好香黑松露味黑松露迷千祈唔好錯過｜.💎 $15 Tiramisu最後都忍唔住叫咗甜品🤣😍好出色甜味啱啱好😻.呢間餐廳無論係食物質素同氣氛都係水準之上絕對會推介俾朋友~~

絕對失望的西餐廳由於不是有太多餐廳能夠供應甜品Baked Alaska火焰雪山，以往我喜歡的/只有Jimmy's Kitchen ，都已經結業了！所以今年2022年慶生宴選了在西貢街的Marco's Oyster Bar & Grill吃午餐，就是因為它的甜品！我一早已經訂了位在1230，大概12時零五分到餐廳門口，當時已有60-70%客滿，比較嘈吵！店內有三四個女侍應正在忙，有一位穿着裇衫的男士，看來是部長或經理；那些女侍應見到我倆在門口，可以看得當作透明，亦不會通知那位男士來招呼我倆，一直等了幾分鐘，才能吸引了那位男士前帶位，安心出行也不暢順。因為我早到，其他家人未到，我又肚餓，所以先散點了份龍蝦湯。不久那位經常在FB出現的肥叔叔大廚，單手拿著一碗湯來，當他放低碗湯，我便用英語問麵包呢？（因為一早在枱面已有一碟子放有五六片獨立包裝的牛油）可是他沒有任何反應，真的不知道他是否聽到或者聽得明白！回頭他才拿着有兩隻麵包的小籃子給我。接住我家人也到了，分別叫了五個午餐，沒有驚喜！最後也叫了火焰雪山，雪山表面蛋白唔夠稠，中間的不知名深色蛋糕片（不是朱古力蛋糕），我預期是雪芳軟身蛋糕，最內它是