影片
更多
2022-05-31
1595 瀏覽
有人快將生日，打算同佢去食餐晚飯慶祝。上網 Search 到呢間生蠔專門店，見評價唔錯，加上環境舒適又有氣氛，所以就特意訂檯嚟試下。餐廳位於西貢街彩鴻酒店 1 樓，店內嘅裝潢好有格調，一室歐陸式設計，含蓄優雅又帶點浪漫情調，好適合情侶約會又或者同閨蜜嚟聚餐。餐廳集 Fine Dining、Live Music 及酒吧於一身，店內有駐場歌手現場獻唱，以英語舒情歌為主，所以甚有外國用餐的感覺。先嚟一客煙三文魚沙律，三文魚大大片，富光澤，味道不會過鹹，入口油潤又有魚香。沙律菜新鮮爽脆，配上甜美嘅車厘茄同香口嘅 crouton，非常醒胃。接著是每人一客黑松露牛肝菌忌廉湯，忌廉湯落足料嚟熬製，入口香滑 Creamy，可嘗到牛肝菌香氣及濃郁口感，配熱烘烘餐包吃，啖啖滋味。主菜點咗火焰牛柳同卡邦尼意粉。牛柳由大廚席前炮製，熊熊烈火，充滿視覺效果。燒過嘅牛柳肉質非常嫩滑，入口肉汁豐富，再配以濃香嘅黑椒汁，惹味非常！至於另一客卡邦尼意粉，同樣係由廚師即席烹調，而且選材亦絕不馬虎，用上意大利煙肉和 36 個月醃製芝士入饌。意粉嘅軟硬度啱啱好，煮出 Al dente 口感，每條都掛滿了醬汁，濃稠 Cream
有人快將生日，打算同佢去食餐晚飯慶祝。上網 Search 到呢間生蠔專門店，見評價唔錯，加上環境舒適又有氣氛，所以就特意訂檯嚟試下。
餐廳位於西貢街彩鴻酒店 1 樓，店內嘅裝潢好有格調，一室歐陸式設計，含蓄優雅又帶點浪漫情調，好適合情侶約會又或者同閨蜜嚟聚餐。
餐廳集 Fine Dining、Live Music 及酒吧於一身，店內有駐場歌手現場獻唱，以英語舒情歌為主，所以甚有外國用餐的感覺。
先嚟一客煙三文魚沙律，三文魚大大片，富光澤，味道不會過鹹，入口油潤又有魚香。沙律菜新鮮爽脆，配上甜美嘅車厘茄同香口嘅 crouton，非常醒胃。
接著是每人一客黑松露牛肝菌忌廉湯，忌廉湯落足料嚟熬製，入口香滑 Creamy，可嘗到牛肝菌香氣及濃郁口感，配熱烘烘餐包吃，啖啖滋味。
主菜點咗火焰牛柳同卡邦尼意粉。牛柳由大廚席前炮製，熊熊烈火，充滿視覺效果。燒過嘅牛柳肉質非常嫩滑，入口肉汁豐富，再配以濃香嘅黑椒汁，惹味非常！
至於另一客卡邦尼意粉，同樣係由廚師即席烹調，而且選材亦絕不馬虎，用上意大利煙肉和 36 個月醃製芝士入饌。意粉嘅軟硬度啱啱好，煮出 Al dente 口感，每條都掛滿了醬汁，濃稠 Creamy 但又毫不膩口，水準一流！
飲品每人點咗杯 Fruit Punch， 真材實料，味道酸甜清香。
一場嚟到，冇理由唔食埋甜品先走，揀咗自家製意大利芝士餅，質感好軟滑，綿密又夠濕潤，入口還帶濃郁咖啡酒香，為這頓晚餐完美作結。
張貼
