Marco's Oyster Bar & Grill (彩鴻酒店)

營業中

休息中

今日情人節，朋友訂咗枱請我食西餐，之前都食過幾次呢間，西餐嚟講都算平，而家情人節有優惠一人套餐都係300幾蚊，有五隻生蠔，，生蠔好新鮮，有沙律，龍蝦湯好濃郁嘅龍蝦味，跟住主菜揀咗牛柳同埋海鮮龍蝦意粉，牛柳好腍，龍蝦意粉雖然佢寫原隻龍蝦，但係開邊後兩邊都係唔係同一隻，一大一細，唯一唔好嘅地方我哋冇叫上甜品，我哋仲食緊主菜嘅時候佢不停送個甜品上嚟，同佢講咗三次未食完個主菜，第四次佢堅持要上個甜品，搞到個雪糕溶晒，除咗上菜時間呢個問題之外，其實所有嘢食都係唔差嘅，佢個Tiramisu係好好食，總括嚟講呢間餐廳都好適合情侶去食，因為夜晚有結他手喺度一路自彈自唱，係好有氣氛的。

買咗openrice 200幾蚊套餐優惠諗住有生蠔又有牛扒食下 而家都難搵到價錢咁實惠，本身都唔期望佢五星級咁嘅質素始終羊毛出在羊身上不過見開得係酒店入面都應該正正常常 唔會中伏掛抱住個普通西餐廳既心態去同朋友一齊食一入到舖頭，裝修帶時代感但係啲枱排到好密好逼，快餐店d枱都可能隔得闊過佢地侍應如果肥d應該都埋唔到黎上菜地下行既時候有少少跣成個餐黎講感覺如下（冇按上菜次序列出）1. 生蠔真心好好食，又肥又飽滿，新鮮講真，有時酒店自助餐d蠔都未必隻隻新鮮冇壞同肥嘟嘟十隻都一樣咁飽滿咁靚，係認真抵食2. 忌廉湯、龍蝦湯兩者都中規中矩 龍蝦湯略為偏咸當然唔好期待有好濃龍蝦味3. 煙三文魚沙律、蕃茄水牛芝士沙律先唔講味道，賣相真係誇張煙三文魚得薄薄一片放係堆雜菜之上蕃茄水牛芝士兩片小小可憐咁伴係雜菜側邊不過主角係沙律，咁d菜好食就算啦只可惜唔係囉！超市買包沙律菜即食都多水份過佢友人同我都覺得薩x亞擺盤同埋d菜既水份都好過佢4. 煎牛柳冇咩肉味，好un 要趙好耐先吞到唔知關唔關落order既時候，侍應冇問到我地食幾多成熟事呢本來我同友人都冇發現架係食到臨尾，等緊甜品既時候聽到有侍應同另一枱客落or

還記得起初上班的時候鄰座並沒有特別喜歡我，甚至有點不滿上司怎麼會安排一個黃毛丫頭和她同坐一間房，但有時緣份就是如此奇妙，我和她不屬同一部門，年紀也差一截，但她總是待我如待女兒般親切，即使現在若干年後，我們也時常互相問候，保持聯絡。趁着她生日聚一聚，選來幾年沒光顧的西餐廳，裝潢和忙碌程度十年如一日。野菌忌廉湯忌廉湯姍姍來遲，可幸菇菌味濃郁，一口接一口好美味。附上的餐包有蜜糖香，不過口感實在太乾，即使有牛油也幫不了多少。香煎比目魚意粉 $100比目魚肥美有魚油香，意粉用龍蝦汁拌過，感覺比一般的惹味有誠意。心太軟伴雪糕 +$32記得以前最喜愛加點這個甜點，今天再吃覺得遜色不少；流心是流心，但蛋糕溫度只是和暖，做不到冰火交融的效果，朱古力味也淡。繁忙時間眾人應接不暇，落單沒人手，出餐順暢錯亂，不過各位叔叔姨姨倒是好盡力，值得一讚。

同屋企人慶生，一行10人嚟呢度食晚飯。經OpenRice訂枱主menu有七折, 指定鵝肝dinner set有8折。餐廳職員有善，主動介紹餐牌，亦唔會太hard Sell 。我哋叫咗一打生蠔：coffin bay + Irish rock, 送咗一支意大利白酒。我哋叫咗鵝肝dinner set，有前菜+湯+主菜，而甜品可以加$20揀心太軟、Tiramisu、cheese cake。餐湯係龍蝦湯入邊有一粒粒嘅龍蝦肉幾好味。主菜叫咗牛柳，正常發揮不過不失。當晚有駐場歌手係一個菲律賓籍嘅歌手，好識搞氣氛，每張台會過嚟問你想聽咩歌，屋企人生日亦有過黎唱生日歌，氣氛好好！

餐廳在特定時段，提前於飲食平台優惠訂購平台book位有折扣，我今次趁佢5折優惠食聖誕餐。餐廳等候和出餐時間比較長，可能因為聖誕節比較繁忙，但服務態度好，當天還有駐場表演提高聖誕氣氛。環境衛生有待改善，地下比較黏。1. 三文魚他他好味: 7/10性價比: 9/10 ⭐️推薦: 8/10 ⭐️麵包鬆脆，三文魚好fresh調味很好，折扣後價錢好低食。2. 鵝肝拼牛柳好味: 7/10性價比: 7/10 推薦: 7/10 原本我唔中意食鵝肝，但鵝肝一點也不膩，跟牛柳十分搭配👍🏻 只是稍嫌牛柳不夠嫩3. 法色焗田螺 ⭐️好味: 8/10 ⭐️性價比: 8/10 ⭐️推薦: 8/10 ⭐️田螺新鮮調味也很好，田螺下還有薯蓉配搭，薯蓉雖然沒有調味，但十分軟滑，剛好跟田螺配搭去除油膩感，食完想再食多舊🤤4. 卡邦尼意粉好味: 7/10性價比: 7/10 推薦: 8/10 ⭐️有廚師即場用大芝士煮的，味道比較清淡，不會覺得味精味重，做法上較為傳統。即場的烹煮表演很加分，推薦大家一試👍🏻

上次用網上訂座平台 訂枱已經去過佐敦呢間Marco's Oyster Bar & Grill 餐廳一次，今次星期日晚一行九人，就用OpenRice 再訂多次呢間餐廳，仲有六折優惠，可以叫好多嘢食。餐廳位於酒店裡面上一層，裝修簡約而舒適，氛圍輕鬆，非常適合與家人和朋友慶祝生日。餐廳有註場歌手彈結他唱歌，增添了用餐的氣氛。菜單豐富多樣，叫了頭盤水牛芝士沙律，新鮮蔬菜搭配柔滑的水牛芝士，味道清新且口感豐富的開胃菜。法國蝸牛經過精心烹製，搭配香草和蒜泥，墊底嘅薯蓉口感非常細膩。另外，叫了兩次餐廳既義大利粉，特別由大廚即場係你面前煮，用煙肉和芝士烹製，濃郁芝士風味令人回味無窮，兩位小朋友都食得開心所以先 encore。威靈頓牛，五成熟皮脆肉嫩。豬手也非常值得一提，皮脆肉嫩，香氣撲鼻。最後，12月之星，叫了一磅芝士餅$100，奶香四溢，口感細膩，為整個用餐體驗畫上了完美的句號。特別讓人驚喜的是，當日有歌手在現場為壽星唱生日歌，營造了溫馨而難忘的氛圍。服務人員熱情友好，服務態度良好，幫忙拍生日影片及拍照，職員會WhatsApp 給我，讓我感到非常舒適。他們的服務速度也很快，讓我們不用等待很久就能享受

這間位於佐敦的【Marco's Oyster Bar & Grill】，主打意大利菜，亦有多款每日空運到港的新鮮生蠔，臨近聖誕，可以預訂同朋友一齊開PARTY。我們點了一份鵝肝牛柳餐，包了頭盤、湯及主菜等，十分豐富又抵食。餐廳還有駐場歌手表演，十分有氣氛。店員先送上微暖的餐包。三文魚撻撻多士表面放上三文魚及雞蛋撻撻，配上爽脆沙律菜。法國龍蝦濃湯龍蝦湯味道濃郁，加了忌廉後更濃稠，鮮味十足。鵝肝拼牛柳鵝肝剪至表面香脆，中間剛熟，配上黑醋汁可減輕油膩感；牛柳厚身且味道濃郁，肉質嫩腍多汁。肉醬闊條麵闊條麵每條都沾滿了醬汁，帶點煙韌，酸甜開胃。Tiramisu質感幼滑且有淡淡酒香，甜度適中。

本人於上週三（20/11）到此餐廳罎龍蝦午餐，半邊龍蝦既少肉又不好味，餐後飲latte ，冇人通知要我加錢。訂了三個籃莓芝士蛋糕給友人，本想給人驚喜，又交帶員工（志偉哥）會有一位吳生（或其助手）到取，結果，人家當然領不到蛋糕，餐廳固網電話轉了去老細的手機，她不知內情，又話有周大福人來取貨（吳生和其助手都不是在周大福工作），又話要我whatsapp單據給她，更糟的是不可讓我跟志偉哥搞清楚，折騰一大輪後終才取貨走。事從我有再追電話跟進，說不夠幾句，老細的手機就斷線。現作食評，句句事實，絕無抵毁。

今晚約了朋友在佐敦晚膳，餐廳地方寬敞，溫馨佈置，晚餐時段更有歌手獻唱經典金曲，平添不少歡樂氣氛。除了生蠔之外，餐廳還提供多款西餐菜式，讓顧客品嚐不同口味。精選晚餐包括：沙律、湯、主菜、飲品，還可以特價追加甜品。「香煎挪威三文魚」煎香三文魚，肉質細嫩，配上滋味香草醬，伴三文魚一起吃，味道更佳，我最欣賞。配菜還有新鮮即炸的香脆薯條及新鮮沙律菜。「肉醬闊條麵」惹味的肉醬配合有質感的意大利闊條麵，茄汁味道調校出色，份外滋味。「煙三文魚沙律」煙三文魚又是另一番滋味，略帶甘甜，沙律菜以爽口的火箭菜為主，配上生菜及車厘茄，自行添加檻欖油和黑醋，酸酸甜甜，是開胃的前菜。。「牛肝菌忌廉湯」濃郁的口感和香味，滲透味蕾。「自家製提拉米蘇」上面蓋滿朱古力粉，中間是多層香濃忌廉，朱古力味濃。「咖啡」香濃即磨咖啡，口感也不錯。陶醉在懷舊經典金曲之中，一邊享用美食和細心的服務，渡過了歡樂的一晚。

在Marco's Oyster Bar & Grill 用餐是一場令人難忘的美食之旅。我們一行2人共品嚐了三道菜，每一道都充滿驚喜！首先，我們點了美國及法國細尺寸的生蠔，餐牌內還有很多其他選擇，必一款合適，而且買夠一打送餐酒，很抵呢！四隻生蠔都新鮮鮮美，入口即化，並帶著淡淡的海水咸味，凍得剛剛好，不錯。接著，我們嚐了意大利雲吞配黑松露忌廉汁，這道菜色香味俱全。黑松露的濃郁香氣與濃郁的忌廉汁完美融合，每一口雲吞都散發出黑松露香氣，一試難忘，黑松露愛好者，不能錯過。最後的堂煮卡邦尼意粉是這次用餐的巔峰之作。廚師會在你面前親自烹煮，蒜頭和煙肉的煎炒香氣彌漫開來，在加入巨型芝士內攪伴，食材融為一體，口感與香味相得益彰，每一口都帶來深深的滿足感。餐廳的氛圍更是一絕，現場有樂隊現場演出。一位中年外籍歌手的歌聲優美動聽，更在生日派對上為慶祝者獻唱，為整個用餐體驗增添了溫馨和歡樂。總的來說，Marco's Oyster Bar & Grill 給了我們難以忘懷的用餐體驗，絕對是一個值得再次光顧的餐廳。這裡不僅有美味佳餚，更有令人陶醉的氛圍，是與親友共度美好時光的理想場所。

Marco's Oyster Bar & Grill @佐敦🪡佐敦西貢街23號彩鴻酒店1樓💰$300 -$500估唔到佐敦都有間好有feel西餐廳，平日去食都有駐場live聽，仲會唱歌慶祝客人生日/週年紀念，非常好氣氛，現場仲有廚師即場燒芝士&煮意粉，非常過癮，推薦推薦。🍽️法國鵝肝拼牛柳餐 $298雖然餐廳出名係食生蠔，但見到有鵝肝又好想try try，結果真係令人驚喜！鵝肝滑得來唔油膩，入口即化，仲有一種濃郁嘅香味，配上一啲鹽，味道更加突出。牛柳煎得啱啱好，外面香脆，裡面嫩滑，肉質非常鮮美。鵝肝嘅油脂同牛肉嘅肉汁一齊，口感層次超豐富。🍽️三文魚撻撻呢個撻撻真係好吸引！三文魚新鮮，肉質滑嫩，味道好夠香。底部嘅撻皮酥脆，咬下去有層次感，真係一個好完美嘅搭配！🍽️法國龍蝦濃湯 一開始就可以感受到濃郁嘅海鮮香味，湯底滑順，口感非常細膩。龍蝦肉質鮮甜，撈埋湯底一齊食，味道加分加分。🍽️意大利雲吞配黑松露忌廉汁 $158一上碟就已經被黑松露嘅香味吸引，雲吞皮薄餡靚，內餡濃濃黑松露，口感豐富，黑松露忌廉汁就係整道菜嘅靈魂，醇厚嘅忌廉配上黑松露，濃郁而唔會過於膩，係正宗意大利pasta❤️

這夜我們來到一家有情調的老牌生蠔餐廳，這裏的氛圍令人陶醉。餐廳燈光柔和，裝潢典雅，一進門就感受到濃厚的西式風情。今晚餐廳生意興隆，有七檯客人在慶祝生日，以及4檯慶祝紀念日，餐廳安排現場菲律賓藉表演者，為客人送上不同版本生日歌，更大唱甜蜜蜜和懷舊英文情歌，未到聖誕，但整體氣氛已經很熱鬧愉悅。我們選擇了二人套餐，菜單上精選的幾道菜讓我充滿期待。首先上桌的是 三文魚撻撻。撻撻外皮酥脆，內餡是新鮮完美融合的三文魚與香草，口感鮮美，讓人一口接一口。接下來是法國龍蝦濃湯。湯品顏色金黃誘人，濃郁的香氣撲鼻而來。鮮味的龍蝦與滑順的奶油結合得恰到好處，輕輕一啜，讓人感受到海洋滋味。隨後上桌的是兩道主菜：鵝肝拼牛柳和鵝肝拼美國豬鞍扒。鵝肝的烹調技術令人驚豔，外焦內嫩，搭配牛柳的鮮嫩，形成極致口感。每一口都散發著濃厚的肉汁與鵝肝香氣，讓人陶醉不已。而美國豬鞍扒則是另一種風味。豬肉的質地鮮嫩，外層的烤焦香味與內裡的多汁形成強烈對比，搭配細膩的鵝肝，每一口都是一種享受，彷彿在品嚐大廚的心血。作為老牌生蠔餐廳，生蠔是我們必點的選擇。生蠔的品種甚多，每款都非常新鮮，新鮮的生蠔呈現得十分誘人，清澈的海水味道讓人回味無

昨天同朋友慶生晚飯，帶佢來了這家超有氣氛的餐廳，有駐唱歌手現場演奏經典英文歌，還向壽星女獻唱生日歌，現場充滿歡樂氣氛，食物質素亦不錯。Set dinner $298三文魚撻撻呢個係前菜。兩塊香脆小多士上面分別放了碎蛋沙律及咸香煙三文魚他他，還有沙律菜。法國龍蝦濃湯個龍蝦湯味道濃郁，龍蝦味好出，口感順滑，裏面仲有龍蝦肉。鵝肝拼牛柳主菜我地選了鵝肝拼牛柳，性價比十足。鵝肝煎得好香，完全冇臊味。牛柳我哋要咗五成熟，牛柳煎得好香，帶點炭燒香氣。切開牛柳係粉紅色，好粉嫩，口感軟熟，配埋惹味嘅黑椒汁，呢個牛柳好正。除咗鵝肝牛柳之外仲有薯條同埋沙律菜做配菜，薯條熱辣辣，金黃香脆。夏威夷薄餅 $148我哋鍾意食菠蘿，叫咗意大利人最憎食嘅夏威夷薄餅，呢個夏威夷薄餅餡料豐富，勁多火腿，鮮甜菠蘿，蘑菇，配上茄醬及芝士，真係好好味。凍奶茶（走冰走甜）+$3個set dinner包熱飲，我哋叫咗凍奶茶。

同朋友前排又去浪漫啦🌹環境舒適，好有以前老香港feel，懷舊風情懷！🍽️晚餐的前菜配上煙三文魚沙律，採用的蔬菜新鮮爽脆。餐湯是黑松露蘑菇湯，非常驚喜出色，滿口都是濃郁的菇菌味，質地Creamy。主菜選了德國鹹豬手，豬手的外皮香脆，肉質醃得非常入味，而且份量很多。甜品選了兩款，心太軟配雪糕，質地流心幼滑，口感不會太甜，另外一款是餐廳自製的提拉米蘇。餐廳單點生蠔亦有優惠，蠔肉帶有淡淡的海水味，肉質爽脆鮮甜。有機會再去，佢哋既蘑菇湯真的很好喝！😆哈哈！

今日約咗朋友喺佐敦附近食晚飯，揀咗間非常有情調同格局嘅西餐廳，叫Marco’s Oyster Bar & Grill，入到裏便非常浪漫，好適合情侶嚟食飯。我嗌咗兩個餐，包前菜沙律同忌廉湯，賣相好好，沙律仲有煙三文魚喺上邊，非常開胃，而個忌廉湯配餐包都好濃郁，主食分別嗌咗肉醬闊條麵同西冷牛扒，首先個肉醬闊條麵嘅肉醬完全蓋過晒啲面，非常足料，而且調味非常飽滿， feel到個汁同肉醬係融為一體。另外份西冷牛扒非常大塊，比我手掌更大，而佢嘅熟度剛剛好，肉質嫩，唔會乾身，配埋佢嘅特製醬汁，鹹淡適中，非常一流，我哋食食吓仲有個專業歌手拎住結他自彈自唱，氣氛好好，無論約朋友或伴侶嚟食飯，都係一個非常好嘅選擇。