Kiuki Sweet Bakery

營業中

休息中

平時食太多連鎖式蛋糕店,食到d款有d悶.今次我就試下小店整嘅蛋糕.斑蘭椰香芒果牛乳麻薯戚風蛋糕蛋糕非常重手,證明好足料👍🏻再睇埋蛋糕面上嘅芒果,大粒又多😍再加上椰絲,食落好香.芒果食落新鮮又甜.cream係海鹽椰子味,食落唔會好甜好漏.切開蛋糕,好靚嘅綠色就係斑蘭味蛋糕.裡面仲有芒果肉,底下係煙煙unun的麻薯. 😋💰4吋$4506吋$5308吋$730店舖持有食品廠牌,大家可以安心食用 🥰

只能說真心不值這個價錢，真的是選擇錯誤，無論價錢、賣相、味道、鬆軟口感甚至購買地點都及不上，賣點一樣是手工蛋糕的連鎖人氣蛋糕店La Famxxx & Twinkxxx 市面上太多聲稱，每一件蛋糕均人手製作，低糖低卡，其中迷你戚風蛋糕十分受歡迎。我們應該如何選擇呢?每年都煩惱去那裡為家人，朋友甚至情人購買生日蛋糕，或是心癮想吃個迷你蛋糕，如果不想浪費金錢，或是購買得精明一點，不想掃興還是相信，光顧比較能看得到受歡迎程度的真實，而且無論是口味及賣相都絕對得到保證

4吋迷你戚風蛋糕賣$450蚊???  話用台灣鐵觀音既戚風蛋糕，要好認真試真d先有少少茶香，鍾意鐵觀音既朋友應該會好失望重有佢好淡既栗子味、當然亦都好少蘋果粒而且味道認真普通，唔值咁貴囉位置亦都唔就腳咁岩今日天氣熱，0係工廈拎完蛋糕既走廊已經勁焗，由觀塘成業街成業工業大廈拎住個蛋糕行番去APM其他有d遠，人多車多，左閃又避，驚個蛋糕會溶都可以加多$20買佢個冰袋，無錯係呀$450個戚風蛋糕係唔包冰袋架，真係勁貴以後都係會買番大牌子感覺抵d

近排見哩間小店幾多人推薦上個月父親大人生日 就食左佢哋嘅栗子蛋糕價錢合理而且可以係觀塘自取 幾方便!______________________________/ 栗子蘋果 • 鐵觀音戚風 / 4’ 栗子內餡配上鐵觀音戚風 蛋糕鬆軟唔算好濕潤淡淡既茶香 如果茶香再出小小 濕潤小小就更好!中間栗子內餡壓得幼滑 而且鍾意佢甜度唔高平時好怕有啲栗子餡會好死甜 哩個幾幼滑天然幾好!另外中間有一層加左煮過既蘋果粒 但我覺得唔係特別夾如果可以改成脆脆layers就好了哈哈 最外層既忌廉奶味都好香 整體黎講好適合唔好甜嘅朋友買比屋企人一齊食都好適合 簡簡單單

朋友grp有人新店開張同生日，諗住訂個蛋糕好好慶祝吓，咁啱上網見到呢間新開嘅蛋糕店，喺觀塘成業工業大廈開咗門市，地點方便又咁多好評，就訂咗佢哋招牌口味嘅4吋蛋糕，價錢好合理，成班朋友都話好好食，當然要介紹埋俾大家啦！草莓百香果x水晶球戚風草莓勁新鮮又香甜，兩款水果味道平衡唔會有隻特別搶，戚風蛋糕鬆軟得嚟忌廉又唔會太甜，食落好清新，加埋增加口感層次嘅水晶球，係好特別嘅口味，想俾個驚喜朋友就一定要試試啦！

近幾年一直鍾意喺ig小店訂購蛋糕 一來款式口味更加多 二來小店大多數都非常用心製作❤️ 今次喺 @kiukisweet 訂購嘅蛋糕 蛋糕全部都係低糖低油配方 更加係超好食又健康🤩 而且仲可以喺觀塘工作室自取 非常方便🥰今次就揀咗招牌海鹽焦糖 ×伯爵茶戚風蛋糕🍰 一打開個盒已經聞到好香嘅伯爵茶味😌 切開section真係心心眼😍 4吋蛋糕分左成7-8層 分別有自家製海鹽焦糖忌廉 伯爵茶戚風 牛奶可可脆米醬 特濃伯爵奶凍🤩 另外蛋糕仲會送一包蜂蜜焦糖脆脆 加埋蛋糕一齊食口感真係一流🤤原來伯爵茶嘅口味咁出眾係因為佢哋嘅烘焙師用左幾種伯爵茶混合而成 調配幾出獨有同特別香濃嘅配方👍🏻 另外我都幾欣賞佢哋嘅牛奶可可脆米醬 因為蛋糕本身係低糖同低油配方 整體感覺唔會好甜 鬆軟嘅戚風蛋糕加埋脆米醬 無論口味定口感 層次都昇華😎 尺寸方面有4/6/8吋 想訂蛋糕嘅你快啲去佢哋網頁睇吓啦🌟

蛋糕店舖好推介👍🏽見到而家IG啲蛋糕好吸引😍 今次就忍唔住黎左幫襯，睇吓有冇大家講到咁高質🤣依間蛋糕店🍰位於觀塘工廠大廈，所以好隱蔽😅.依一個蛋糕隔住個盒都聞到一陣伯爵茶嘅味道😍中間夾住戚風蛋糕，好啱唔鍾意食咁甜既你☺️呢個蛋糕好有層次‼️外層既cream好滑身，帶有少少香草🌿味，中間夾住啲伯爵茶奶凍，加重左伯爵茶嘅香味👍🏽.一個蛋糕又唔同size ，呢個配搭真係好快食得晒，又岩打卡🤫岩晒用黎慶生🥂

朋友三月生日 我之前上網search到呢間ig shop 仲要係觀塘有門市交收 就決定揀佢慶生😆 先係online order 之後自取去拎 另外送埋生日牌同蠟燭👏🏻招牌海鹽焦糖x伯爵茶戚風蛋糕 （6‘)呢個係人氣之選 亦因為朋友鍾意伯爵茶味 所以揀咗佢 又真係幾好味🤓 雖然係6吋蛋糕 但佢高身 for 8個人食都綽綽有餘😛 呢個蛋糕 仲會附送一包蜜糖焦糖脆脆 增加口感我最鍾意伯爵茶戚風蛋糕外面以海鹽焦糖cream包住🥰 cream食落帶鹹鹹哋 又唔會太甜👍🏻 蛋糕有3層伯爵茶戚風蛋糕 除咗食落鬆軟外 仲好香佛手柑香味 食落更香🥹 蛋糕中間有伯爵茶奶凍 濃濃的😆 另外仲有朱古力脆米醬 為蛋糕增添甜味 啲朱古力醬仲好似流心咁 切出嚟效果更正💓Overall, 朋友同我都鍾意呢個蛋糕👍🏻

🍽️kiuki sweet bakery 最近朋友生日想訂蛋糕，之前有朋友訂過kiuki sweet bakery 話好食，所以今次特別訂粟子蘋果。鐵觀音戚風蛋糕😍😍😍👍攞蛋糕既時候，有超靚happy birthday 牌同高貴既金色蠟燭。🥰🥰🥰依個味我係好鐘意😋食落去cream 唔會感覺好甜，一點都唔膩🥰🌈而且又不是好強栗子味，原來係因為店長堅持用高質食材，以低糖低油為主，而未入面仲有蘋果去增添不同口感，內𥚃每一層都不錯，真係清晰每層都有不同口感，確實係推薦依間蛋糕店。仲有仲有一個賣點，就係不含防腐，佢仲送左張卡俾我地知重要事項！整個蛋糕內及外確實不錯！唔算貴，$450👍🍰咁高質既蛋糕係值既！因為全人手製作，記得要提前3-5日預訂👍😛

網上見好多人推薦呢一間位於觀塘嘅樓上蛋糕店，今日就特登試下啦🥳招牌海鹽焦糖x伯爵茶戚風呢款蛋糕嘅口感好柔軟😍，入口即化。焦糖味道同海鹽嘅鹹味好平衡😜，唔會太甜膩。而且伯爵茶嘅香氣都好濃郁，令到整個蛋糕更加有層次感🤩除咗味道上嘅驚喜😆，呢款蛋糕嘅外觀都好漂亮。蛋糕表面鋪滿咗細緻嘅焦糖，上面仲有啲裝飾，好有質感❤️總括而言，呢款海鹽焦糖伯爵茶蛋糕絕對係一個值得試嘅口味🌟，無論係味道定外觀都一流🤤

有時碌ig見到d靚蛋糕, 車車都會買嚟試下, 難得生日, 車車好有分吋咁自己生日自己買蛋糕慶祝, 今次就試左kiuki嘅招牌海鹽焦糖x伯爵茶戚風蛋糕!小店主打戚風蛋糕, 無論造型同口味上都非常特別, 而且少糖配方, 岩哂一眾怕甜嘅朋友仔! 今次揀嘅口味正正全部都係車車最中意食嘅野嚟, 打開蛋糕已經睇到做得相當精緻, 未食已經聞到陣陣伯爵茶嘅茶香, 食之前將蜂蜜焦糖脆脆撒上蛋糕, 外層嘅Cream質感軟滑, 切開內裡一層一層, 每層既內餡都唔同, 夾住一層牛奶可可脆米醬, 一層自家製海鹽焦糖忌廉, 一層特濃伯爵奶凍, 口感豐富得嚟, 甜而不膩!

現在想食蛋糕有好多選擇，除了連鎖餅店外，近年IG蛋糕店也十分流行，每一家的蛋糕都是充滿自家特色！主打低糖低油為主的戚風蛋糕，新西蘭進口的頂級忌廉、日本麵粉及零膽固醇油，每一件蛋糕均純手工製作。小店除了戚風蛋糕外，另有供應盒子蛋糕、戚風三文治等，還可以自訂款蛋糕，製作獨一無二的蛋糕款式。招牌海鹽焦糖 x 伯爵茶戚風(配蜂蜜焦糖脆脆）外表簡約而精美，很適合打卡！伯爵味的戚風蛋糕鬆軟綿綿，自家製海盬焦糖忌廉口感輕柔細緻，毫不油膩，加上牛奶可可脆米醬和口感QQ的伯爵奶涷，一個蛋糕內有多重口感。每款蛋糕均設三個尺寸供選擇，選擇與家人朋友分享也十分適合。

Kiuki Sweet Bakery 係IG 留意左Kiuki 一段時間, 成日都想買過嚟食 心動不如行動，立即上網落左order, 準時嚟到觀塘就可以到取, 非常就近地鐵站👍🏻. Kiuki蛋糕以戚風蛋糕為主, 蛋糕鬆軟濕潤, 忌廉亦非常細滑，店主以低糖制餅, 所以造出嚟嘅蛋糕無坊間咁甜，反而食得更加輕鬆無負擔, 而且唔會太漏, 個胃都比較舒服， . 講翻個蛋糕造型, 小巧精緻, 但都斤量十足，拎上手都幾重吓。.我今次就揀咗茶味蛋糕 「招牌海鹽焦糖x伯爵茶戚風」第一次食當然試佢哋招牌首選啦😍. 蛋糕設計簡潔優雅，外層海鹽焦糖忌廉非常細滑，伯爵茶戚風蛋糕茶味香濃，中間有牛奶可可脆米醬，入口脆卜卜，中間係特濃伯爵茶奶凍，成個蛋糕都有濃濃伯爵茶味。.店主跟蛋糕會多比包蜂蜜焦糖脆脆比你，隨你食果陣再加上蛋糕，仲有生日牌同蠟燭🕯️提供，非常之貼心，下次再試埋其他味先😍😍 . Kiuki Sweet Bakery 地址 : 成業街19-21號成業工業大廈4樓17號

朋友生日訂咗個靚靚蛋糕俾佢🎂店舖主打低糖低油嘅健康蛋糕，食落唔會太甜，同埋係純人手製作😍🎂招牌海鹽焦糖X伯爵茶戚風一切開個蛋糕就見到一層一層，有伯爵戚風、牛奶可可脆米醬、自家製嘅海鹽焦糖忌廉，仲有特濃嘅伯爵奶凍同蜂蜜焦糖脆脆😍好吸引呀😋伯爵茶戚風蛋糕入口輕盈柔軟，帶有空氣感同彈性，再加入海鹽焦糖嘅鹹香味道，層次感非常豐富，另外仲會附送一包蜂蜜焦糖脆脆，可以自己放落蛋糕再增加口感⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

近期發現到一間幾好味嘅蛋糕店🎂，Kiuki Sweet Bakery位於觀塘成業街19-21號成業工業大廈4樓17號舖。 買了一個伯爵茶戚風蛋糕✨～招牌海鹽焦糖 ， 一打開就已經聞到非常濃郁的伯爵茶香味😋，個蛋糕裏面有一層朱古力醬同一層伯爵茶奶凍，一次過有咁多層嘅口感好正👍🏻，而且伯爵味好濃郁，再配上蜂蜜脆脆一齊食，整個味道就會更加昇華，個cream都好好味又香滑。 除了味道，賣相都幾靚， 又有一間靚靚餅店可以選擇了✌🏻。🏷️溫馨提示～ 整個用餐體驗均屬個人分享意見， 只作參考😊。