Kampoeng

營業中

休息中

銅鑼灣大部分餐廳都唔平，又唔想食連鎖店，係open rice 發現呢間食印尼菜嘅餐廳，超多好評，又唔貴，就決定試下食印尼菜本來係想試他嘅2人餐，但係我們好有自知自明，知道以我們嘅食量一定食唔矖，所以叫左一個炸軟殼蟹炒冬陰公金邊粉( 個名大約係咁啦)仲叫左半隻海南雞好彩姐，碟粉真係好鬼大碟，而且好好食，d姑有冬陰公嘅酸味，好特別，而且辣道係小到幾乎食唔出，真係好啱我呢d唔食得辣嘅人半隻海南雞就冇乜特別，不過都幾好食如果下次有個人去就好啦，好想試佢嗰個二人餐！真係好抵食，我諗以我哋嘅食量，三個人可能都食唔完佢個二人餐😂😂😂

行完工展會搵間近近地嘅舖頭食，睇相片食物好似幾吸引就試試3個人係工展會食飽左一半肚，所以叫左個2人餐加多加多沙律-沙爹醬超多，有青瓜，雞蛋半隻，椰菜，青豆，同幾粒薯仔惹味開胃，不過之前試過其他舖頭材料種類多好多口感比較豐富沙爹雞牛拼春卷-雞肉串燒肉林入味重香料，牛肉串燒牛味比較淡有小小根所以有小小韌但都ok,春卷估唔到好好食，炸得唔油膩又脆，餡料全菜加粉絲但好林而且有蔬菜甜味海南雞-雞肉係滑皮薄爽唔肥嘅，可惜香港食雞好難有雞味同肉質彈牙，薑蓉唔夠香，黑豉油吸夠杰雜菌炒金邊粉-好多菜份量十足，炒得唔油，但味道偏淡可以重手返小小炒雜菜-完全無味菜好硬，雖然有鑊氣同乾身，但可以加多小小特別味道或調味料令佢有特色真係太飽而且份量俾想像中大，所以雞只食左3舊就停手總結：如果計係銅鑼灣咁嘅價錢份量超值，但 略嚴冇特色，味道又唔印尼又唔泰國又唔中國，2頭唔到岸感覺希望會改進，食物安排開頭超濃一下子變得太淡，此店一試無妨

今晚陪朋友去銅鑼灣睇租盤，估不到好快就睇完，經過糖街發現有間印尼菜餐廳，朋友話好耐冇食印尼菜就決定一齊入去試下。我地七點左右去到，較少人，不過之後開始多人。餐牌上都有好多選擇，不過我同朋友都睇中左個二人套餐，因為吾洗煩點菜，而且有我最愛食的加多加多沙律！😋好好味！熱辣辣嘅金邊粉甜味剛剛好，春卷都好脆，特色炒雜菜幾惹味，但就有啲辣，巴東牛肉都幾林。成個餐真係太多嘢食啦，我地食到好飽😅所以呢餐超抵食。

嗰日約咗朋友銅鑼灣食飯，朋友話帶我去食印尼菜。餐廳位於銅鑼灣糖街，鄰近維多利亞公園。餐廳設計讓您猶如置身鬧市中的寧靜綠洲。餐廳提供多種菜餚，包括傳統印尼美食和新派印尼美食。最後我哋選擇咗一個二人套餐。冬蔭功湯，湯集合了酸、辣、甜、鮮和香的味道。沙嗲肉串及春卷生菜包，沙嗲肉串肉嫩多汁，加上秘製醬汁味道十分配合，春卷香脆餡料十足。巴東牛肉，味道層次豐富，肉汁相當濃稠。蝦醬通菜，通菜鮮嫩翠綠，加上野味蝦醬，味道一流。鮮野菌炒金邊粉，一啖入口，甜味強勁，隨之酸味一點一點滲出，再散發出鮮鹹。最後加上一杯香濃咖啡完美嘅一餐。

第一次食比較正宗既印尼菜，佢地有d員工係印尼人，牆上d poster都係印尼文架！食印尼野點少得串燒，叫左雞牛羊各三串，個人最鍾意雞，因為燒完都好嫩滑，點埋d秘製花生醬好惹味!醬燒鱸魚都好出色，魚皮烤到香脆，帶點醬油味又甜甜地，條魚都幾多肉，D肉一D都唔霉，重點係唔多骨!炒芥蘭好入味，帶有咸香味，另一款惹味菜色！印尼炒飯好足料，每一啖都有雞粒，不經不覺清曬！青咖哩軟殼蟹手抓餅都非常特別，青咖哩個顏色係青BB果隻青，香料味重帶有少辣，比較少見，要黎點手抓餅都幾滋味！

今晚約同事去糖街睇戲，就在附近的Kampoeng給大家吃飯歇腳。Kampoeng位於商場地庫，平日極少留意到，但只要一提門口是賣印尼飯盒、蝦餅等小食的話，大家一定能鎖定餐廳位置串燒和椰香黃薑飯是必食的，分別叫了牛肉和羊肉各三串，配備兩款醬汁沾食的~!!肉類質地燒得好嫩，可以分別沾上沙嗲醬和甜辣醬，甜辣醬即黑甜豉油加入辣椒碎，甜甜辣辣好開胃，是愈食愈想食的感覺，令沙嗲醬相對之下變得較為遜色普通Gado Gado是以前照顧我的工人姐姐成日食的沙律，入面有椰菜、豆芽、薯仔、豆卜、花生等，加入自製的花生沙嗲醬，小小香辣口味，如果食量不大的朋友足夠當一餐~!!飲品亞答子冰是印尼特飲代表作，入面是玫瑰水，對於這糖水味道偶爾一次即可!!還有以前工人姐姐經常自製的雜菜餅，雖則不是出自同一人手所製，但食落都幾番滋味在心頭😚

星期五約了朋友一齊看電影，在公司附近找間餐廳吃飯。這間餐廳我平時常常光顧它的午餐，午餐好抵食又好味，今次第一次試晚餐，無令我失望，都係又抵食又好味。呢間係印尼餐廳，服務員大部分是印尼人，都懂得說流利廣東話。呢間印尼餐廳既野食口味係好岩香港人，除地道印尼菜外，仲包括泰國菜、新加坡菜、馬來西亞等菜。我地點了個2人餐，選擇好多，有海南雞、印尼炒飯、雜菌炒金邊粉、蝦醬通菜、冬蔭公湯、沙爹串燒、炸春卷等。冬蔭公湯以餐湯形式上，口味非常正宗，呢個冬蔭公就冇海鮮，但有好多菇類，一樣甘好味。沙爹牛串和雞串整得非常惹味，雞肉嫩滑。另外炸春卷是卜卜脆，食得出係新鮮炸起，春卷大大條，裡面是滿滿的菜絲，可以沾酸辣醬吃。蝦醬通菜無得彈，爆香既蒜蓉同蝦醬炒到通菜入晒味，正呀！雜菌金邊粉是我的最愛，平時午餐也會點的。它味道偏台式，味道帶甜。金邊粉炒得入味，每條金邊粉都嫩滑薄身，炒得好有鑊氣，而且份量仲要好多。印尼的海南雞都有配有3種汁醬，偏向傳統泰式做法，半隻份量已經好多，雞肉脆滑嫩口。再飲埋椰青同珍多冰，非常爽。二人餐只需$308，另收加一，又抵食又好味。餐廳環境舒適，座位闊落，與朋友聚會非常不錯。

今晚又去行sogo，血拼完都要搵下野食醫醫肚估唔到係銅鑼灣鬧市之中都有間咁有特色同地道既印度菜門面仲有好多傳統印尼小食賣門面跟餐廳內的設計都充滿印尼風情，好多特色擺設座位仲以竹為主，環境令人好舒服，而且位置都寬敞睇睇menu有咩食，好多唔同選擇都有由於太花多眼亂所以決定點set menu價錢合理又多野食唔錯加了轉了鮮椰青椰青清甜可口，唔錯呀，岩曬食呢類菜時飲用又解渴又清甜冬陰公湯都十分出色，濃濃的味道，而且十分足料，好惹味入面仲有好多菇菌架海南雞半隻賣相好吸引，仲配了三色醬，好滋味海南雞又啖啖肉夠嫩滑蝦醬味好香濃，好惹味而且份量都不少小食拼盤有兩串雞肉及兩串牛肉串燒仲有兩條熱辣辣香脆春卷餐廳仲驚你未飽，仲有個飯或粉我點了印尼粉飯，味道不錯，夠乾身好開心，整桌子都係美食，又坐得舒服nice

聽同事介紹話銅鑼灣有間上樓食既東南亞菜味道幾正宗，好似唔錯，今日lunch time 就決定黎試一試菜餐廳樓下已經有晒招牌同精選套餐，非常顯眼。餐廳都幾闊落，位同位之間空間夠大，坐得舒服！Lunch menu 選擇很多，而且價錢親民，係銅鑼灣區搵食黎講算係非常抵食！左揀右揀之下，我最後決定試呢個廚師推介的巴東牛肉雜錦飯～餐湯係雜菜湯，好足料！巴東牛肉超惹味，同埋都幾辣！不過肉質很嫩，味道很好！適合喜歡重口味食物的人士～另外仲叫左個沙爹羊肉串，肉質同樣嫩滑，配上自家制的沙爹汁，非常惹味！跟餐+$12可轉特飲，我揀左青擰梳打～

家母愛吃印尼菜，想起上次去Kampoeng環境寬敞安靜，就帶她去吃是次點了二人餐青檸梳打加多加多沙律有豆角、芽菜、豆卜等，加上花生醬做的醬汁，灑上蝦片，味道偏甜，個人覺得醬汁可以另上由客人決定下多少。馬拉盞通菜鑊氣夠，味道剛好，熱一點更好串燒拼盤串燒包括雞肉和牛肉，春卷的內餡是蔬菜和粉絲，味道微辣，不錯。海南雞印尼炒飯大概是全晚我最喜愛的菜式，夠熱，飯粒粒分明甜醬油平均上色在每粒飯上，有鑊氣，不錯!

近期食西餐, 芝士,牛扒, 食得太多. 女友話想吃印尼菜,  記起朋友話在銅鑼灣近皇室堡有間印尼餐廳, KAMPOENG, 拍拖食飯不錯, 所以決定去試試.餐廳在糖街近軒尼詩道行人天橋, 乘地鐵, 巴士, 電車都好方便.  門外有餐牌, 食物彩圖好吸引.餐廳位於地庫, 我們乘電梯直達.  入口分成兩區,  左邊是自助小商店, 有如 Supermarket, 賣印尼食品及飲品.  方便印尼人仕及街坊.右邊是餐廳, 新派裝修,  天花燈及牆畫設計不錯.座位用皮制梳化, 椅背用天然嘅草即出嚟, 好特別,  坐得舒服.  女友喜歡坐方檯位.餐廳面積很大, 往後行, 見到另一用餐區, 有水吧,及卡座, 店員話銅鑼灣區, 寫字樓多, 中午座位很爆滿.店員先送來飲品牌, 富東南亞色彩.  我們偏愛椰青, 因為有椰子水也有椰肉, 大家慢慢飲, 慢慢把椰肉挖出來細嚐  .巴東牛肉正宗印尼菜式, 我們最愛那多種香料加椰漿烹煮成的牛肉, 椰香味濃, 夠稔及鬆化, 味道豐富, 肉汁亦香味濃稠.  特色海南雞點了半隻, 份量足, 夠大碟.  海南雞肉質鮮嫩. 配有三種不同的醬汁,  有像中式的薑蓉,  印尼式的

中西日韓呢啲菜式成日都四圍有得食，今次起銅鑼灣發現左呢間印尼餐廳！印尼菜起香港唔算普遍，今次難得發現到就試下！其實地點都好方便，起皇室堡後面！我地都叫左好多野食，仲有個炒貴刁！顏色色彩繽紛，好靚，望見都開胃！沙爹雞肉串（3串） $44雞肉燒到好香，雞肉好滑，加上沙爹汁更好味煎粟米餅（3件）$32粟米餅好大塊，煎到好脆卜卜，味道幾好炒貴刁$62呢個好有獲氣，好好味，蝦片脆卜卜，成碟食灑蝦醬炒通菜$62 蝦醬味道足夠，加上蝦米一齊食好夾雜錦巴東牛肉飯$72呢個好似大雜燴，咩都有啲，配菜好多有少少辣，美中不足係巴東牛肉較少喺銅鑼灣來講，價錢好合理！每人大概100元，食物味道唔錯，幾特別！

今日趁賓姐放假, 我和妹妹去了銅鑼灣崇光百貨公司購物, 因為感恩節期間有特惠貨品. 之後妹妹話去糖街吃飯.    她 說 Kampoeng  午餐做得好好, 抵食又好坐, 今晚要帶我去試試晚餐. 地面入口好似個小賣部,  我常常行經也沒留意這餐廳,  原來餐廳設在地庫, 有獨立電梯及樓梯可到.  入口裝璜有濃厚印尼風味.餐廳面積大, 環境幽雅, 座位整齊舒適, 也有寬闊大型卡座.特式果汁卡車.餐牌有多頁, 食品種類多,  主要印尼菜及東南亞菜.價錢大眾化, 看來吸引.    妹妹提議叫個二人套餐 $308,  樣樣齊.   套餐加 $25 可以把餐茶轉椰青, 我立即叫了一個.  椰青, 椰汁豐富, 口感清甜, 果肉厚而軟. 妹妹餐飲是 熱檸檬茶,  她說檸檬味好清香.前菜是二選一, 我們要 加多加多沙律, ( 不要冬蔭公湯)花生醬加沙爹醬汁,  伴上熟食蔬菜, 有青豆, 椰菜, 芽菜,  另有雞蛋, 豆腐乾,  食材多,  惹味, 好開胃.   面上鋪了彩色印尼蝦片, 炸得鬆脆.   口感有層次. 雜錦拼盤炸春卷每人一件, 炸得香脆, 內餡料多.  點些酸甜汁, 好滋味.我們又喜歡吃串

今次跟朋友們到銅鑼灣糖街的Kampoeng吃印尼菜，平時跟朋友多數會選擇吃日本菜、韓國、上海、泰國菜或者西餐等為主，印尼菜相對少機會食，難得跟朋友仔聚一聚，大家也想來試試印尼菜比較新口味😃去到門口指示，需要再落地庫就到達Kampoeng, 環境帶點寧靜，座位稍多，而且也很寬敞，感到舒適沒有侷促感， 大家急不及待看餐牌，選擇真多呢！🥗 芒果沙律-$62餐前先來吃個沙律，分外開胃健康！🍡 沙爹雞、牛、羊串燒肉質鮮嫩，配合沙爹醬，吃得更加惹味🐟 蕉葉烤魚-$60魚味香口，烤得剛好不會過火位🥢蝦醬炒通菜-$65蝦醬味道適中，通莱也很爽口🥢軟殼蟹金邊粉-$68碟頭稍大，軟殼蟹很脆，口感甚好，唯獨金邊粉味道較為清淡🍛 巴東雜錦牛肉飯-$75牛肉嫩滑，味道香濃，是我喜歡吃的，其他配料如薯仔粒，可以來送飯，還有印尼蝦片伴碟，好快巳把它吃光了🍋最後點了涼粉雜錦冰-$29第一次嘗過這兒的印尼菜，印象甚好 環境及食物也是有質素，有機會再跟朋友們再來吃個痛快！

kampoeng朋友聚會，想不到吃什麼。剛好大家都在港島區上班。便試下這間位於銅鑼灣的印尼餐廳試試。平日時間，不算太多人。餐廳寬敞，坐得頗舒服。先點了串燒，沙嗲牛肉串和沙嗲雞肉串。上菜濃濃的燒烤味，加上兩款不同的汁，蠻好吃。點了半隻特色海南雞。上碟好大份，啡色位多白色位小，雞皮簿身少脂肪。海南雞肉質鮮嫩和很滑。最正是雞比位和雞翼。附上三種不同的醬汁，食完已半飽。我們又點了一碗辛辣牛尾湯。牛尾湯味道濃有油脂，辛辣的湯伴飯好味。牛尾有四件，肉質肥美，有脂肪。第一次食咁大件的牛尾。食晒d 肉好滿足。仲有個特色魚，魚肉炸過，外脆而內里可以鎖住水份，點漿醠濃味。最後點了一份蝦醬炒通菜。同其他越南餐廳差不多，特別在於，蝦醬炒通菜十分大碟，好掋食。值得一提是椰青。椰青大隻又清甜，仲要肉面的肉是軟身的。好清甜好味飽飽的一餐。