Kampoeng

營業中

休息中

其實除了營多撈麵，我真的不太認識印尼菜，到底有什麼菜式？之前剛好和朋友去銅鑼灣逛街，找到一間印尼菜餐廳，大開眼界。我們去的時候是中午時段，可以選擇午市套餐，以銅鑼灣來說，價格十分實惠。我點了印尼巴東牛肉雜錦飯($68)，裏面是白飯和很多款色彩繽紛的小菜：巴東牛肉很嫩、微辣；白色的是用椰汁煮過的瓜類；黃色那個頗辣的，裏面有豆卜；有個顏色很紅的菜瓜類，吃不出來是什麼，但超級辣；另外還有蝦餅和青椒炒豆角。好吃，很豐富，但真的很辣。朋友點了印尼特色炒飯($68)，炒飯看似豉油炒飯，顏色很深，但吃下去挺惹味，而且也是有點辣。套餐包含一杯熱飲，朋友加了$12升級為青檸梳打，我則加了$25升級為椰青。原來這裏的特飲和普遍的東南亞餐廳特飲都差不多，都是超解渴的那些飲品。最後，我們還另點了一份甜品，叫香蕉珍多啫喱刨冰($35)，也是色彩斑斕，很美。裏面沒有香蕉，但冰的味道帶香蕉味，挺甜的。總括來說，我挺滿意，因為我和朋友都吃辣，可以好好享受，但如果你不吃辣，我就不太建議你試了。

今日去左銅鑼灣既KAMPOENG食lunch, 地點位於地庫，係糖街一路行就搵到！Lunch set就好很選擇，叫左「海南雞配紅米飯」$60，另一個叫左「燒比目魚拼雞肉串燒配白飯」$68！紅米飯感覺健康些，海南雞就有1/4隻，份量好多！都夠食！雞咪濃，不會好柴，都好正！份量是剛好！另個比目魚很大一塊，配上3條串燒，男仔食都夠飽！ 個人喜愛比目魚，脆白的，澆上醬油，把鮮味都出來了！飲品可以加$25轉椰青，冰冰涼涼的，好解渴！地方都好大好好多位, 不會太逼！

<銅鑼灣風味泰菜>🔥呢間喺 cwb糖街既泰菜 kampoeng . 每次經過附近只會見到 佢有間小食鋪放住泰式小食 m路都唔知原來佢落樓下一層有餐廳😂 今日終於俾我發現到要試試佢 原來樓下都幾大 坐位算舒服 播住泰國歌都幾有風味 👍🏻 餐廳既泰菜好多款 不過我同朋友就點左二人餐😃有前菜 主食 飯麵 仲有菜 都幾抵食 好味 🍴東南亞風味二人晚餐 308 蚊加多加多沙律🥗好耐冇食過加多加多沙律 最鍾意佢嗰 d甜甜辣辣既醬汁 帶 d花生香味 有青瓜 生菜 爽口豆卜 青豆 芋頭 芽菜 材料豐富 🥒🥦 仲有水煮蛋 🥚撈埋一齊係好有風味既沙律 正😍 🍴東南亞風味二人晚餐 308 蚊泰式炒雜菜🥒🥬🥦泰式炒菜 有芽菜 西蘭花 椰菜花 生菜 蘿白絲等等 炒得好夠鑊氣 唔錯 😃 🍴東南亞風味二人晚餐 308 蚊巴東牛肉🐮好正既巴東牛肉 醬汁好香辣 🌶帶 d香蒜調味 😍 牛肉近牛展位 好煙靭彈牙入味 正😀 🍴東南亞風味二人晚餐 308 蚊泰式拼盤😄有蝦餅同春卷 春卷好香脆 入面有粉絲蘿蔔絲 好香甜 唔錯 😍 炸蠔 好欣賞佢 個茨粉炸得好薄身 個蠔好大粒 軟熟 點埋甜酸醬 ok 😍

印尼菜甚少接觸，友人是印尼華僑，今晚帶我去了糖街一間印尼菜館。糖街每到假日就是印尼傭人的小天地，自然正宗的印尼店鋪營運而生，嚟間餐廳也不例外，店員全是印尼人，唔知還以爲去了印尼旅行！醬菜蛋豆腐友人極力推介。將豆腐炸後再混入蛋，加入秘製的醬汁，吃起來帶有甜味，好特別，真係第一次食。沙爹牛和雞沙爹醬汁比一般的色澤深，香之外，還帶有微辣，肉烤得香口，惹味。特色炒麵又幾有特色，煎蛋的蛋漿混入麵內好味美。炒麵顯出甜味但不膩，大量菜蔬口感豐富。

印尼菜甚少接觸，友人是印尼華僑，今晚帶我去了糖街一間印尼菜館。糖街每到假日就是印尼傭人的小天地，自然正宗的印尼店鋪營運而生，嚟間餐廳也不例外，店員全是印尼人，唔知還以爲去了印尼旅行！醬菜蛋豆腐友人極力推介。將豆腐炸後再混入蛋，加入秘製的醬汁，吃起來帶有甜味，好特別，真係第一次食。沙爹牛和雞沙爹醬汁比一般的色澤深，香之外，還帶有微辣，肉烤得香口，惹味。特色炒麵又幾有特色，煎蛋的蛋漿混入麵內好味美。炒麵顯出甜味但不膩，大量菜蔬口感豐富。

今日同媽子去銅鑼灣做body check，所以book左呢間食lunch（一來因為係附近；二來因為可以訂座儲分）先講環境，呢度雖然地方大，但裝潢睇落都有d舊，唔知係咪因為開左好耐呢？同媽子自己搵位坐低（係，你冇睇錯，訂左座都可以㨂位坐，應該係冇咩人先可以咁）我地係12點半去到，以銅鑼灣lunch time黎講呢度真係算好少人。媽子點左海南雞+紅米飯餐，d雞係帶骨既，睇落似白切雞，原本以為應該都麻麻地，我試左舊又幾滑喎，媽子都話好味，清曬成碟添我就叫左印尼雜錦椰汁飯，點果陣問個待應有咩料，佢話有牛肉，結果食左先知係雞肉不過都幾好食，d醬料好香，薯仔都煮得好淋身，配菜都夠fresh，蝦餅夠脆，個飯就食唔出有椰子味兩個飯都有跟餐飲，我地都叫左熱奶茶，茶味淡奶味重，不過我鐘意總體黎講呢間嘢食係好味既，又平，性價比高，如果下次再去銅鑼灣我都會想再食返。

得我同我朋友兩個人食，所以我哋只係叫咗三個菜。首先我哋叫咗個印尼嘅沙律，酸酸甜甜但係實在太辣，我哋食咗少少就冇食啦。然後就叫咗個炸魚，都算炸得幾香幾脆，但係食落去又唔算特別出色，反而佢個汁都幾特別。然後我哋又叫咗個印尼炒飯，份量好多，好足料，炒得幾香。佢個環境都唔錯，雖然佢喺銅鑼灣，但係可能因為係地庫，所以冇乜人來可以坐好耐。

晚上放工後，朋友說要帶我試試印尼菜，於是就來到位於銅鑼灣的Kampoeng。印尼特色醬燒爐魚，烤魚外面焦香，內𥚃的魚肉剛熟，非常嫩滑。再配上餐廳人調製的辣汁來吃，別有一番風味。另外，我們也點了青咖哩軟殼蟹配手抓餅。軟殼蟹肥美多肉，不似其他餐廳炸得太乾，炸粉也沒有太厚，食落有濃濃的蟹肉味。另外，印尼式咖哩，和泰式咖哩很不一樣，配上了大量的雜菜，包括西蘭花、椰菜、椰菜花、四季豆、薯仔粒等，咖哩口味偏辣，搭配上手抓餅就非常適合。海南雞皮滑肉嫩，非常有驚喜，餐廳另外配備三種不同的醬汁，包括黑醬油、酸辣醬、和薑蓉，風味大不相同，但和海南雞一起吃都很配合。印尼炒飯的選項也有很多種，待應也為我們一一介紹，如咸魚炒飯會呈白色，黃薑炒飯會偏黃，而我們則選了的Kampoeng印尼村特色炒飯。上菜時，飯粒呈黑色，我們起初以為一定下了很多鼓油，但原來整體鹹味並不重。炒飯炒得粒粒乾身，裏面有 蝦乾，食落非常有口感，還有那隻荷包蛋，拌著炒飯來吃，十分美味。

Kampoeng-印尼風情今次的餐廳位於地庫樓層，門面的竹牆加上黑底白字餐廳名，配上東南亞的裝飾、擺設，內裡的藤椅子、天花的藤燈、牆上的藤帽子，整個印尼風情呈現了。沙爹雞肉串、羊肉串即叫即燒的串燒，雞肉外焦內嫩滑，肉汁依然；羊肉有咬口伴着淡淡的羊羶味，羊獨有的味道，再夾著惹味的沙爹醬。印尼炒飯炒飯粒粒分明而又不乾身，油分包裹著飯粒，當中加入雞肉、肉絲，還有小辣椒，甜甜的又帶點辣味的刺激。巴東牛肉雜錦飯地道的印度菜，有調味餣制過的巴東牛肉、椰奶雜菜、咖哩豆卜、炒魚乾等多種小菜，每樣皆有特色，非常完整的一款。青咖喱牛肋條配手抓餅份量相當有誠意的一道，海量多的牛肋條，腍身入味，配上雜菜、薯仔，濃濃的青咖哩再配上鬆化的手抓餅，一浸一咬。

食嚟食去都係西餐火鍋燒肉等等等等，今日一於一反傳統，試吓發掘一啲特色小店，食下一啲特色餐，搵吓搵吓，銅鑼灣鬧市之中，原來存在着呢一間印尼餐廳東南亞風味二人餐（$308）呢個餐包羅萬有，前菜主菜同飲品都有好多款，全部都有得揀，價錢又唔貴，除翻開一人先百零蚊冬陰公湯酸酸辣辣嘅冬陰公湯，非常醒胃，湯底仲會配上一啲索到入晒味嘅雜菇，胃口大增雜錦拼盤兩人份量嘅雜錦拼盤，份量一啲都唔細，淨係蝦餅都有四塊，仲配上吉列炸蠔同埋春卷。全部即炸上枱，夠晒熱辣辣，蝦餅彈牙，吉列蠔鮮甜多汁海南雞半隻食海南雞，最緊要雞肉夠雞味同肉質夠嫩滑，而呢一碟，肉質有光澤，入口夠幼滑，即使無點醬汁，都鮮味十足印尼炒飯炒到粒粒分明嘅炒飯，絕對係最高境界，配料以雞肉為主，配上雞蛋絲，有色有味特色炒雜菜最後食返一個清清地嘅炒雜菜，提升呢一餐嘅fresh嘅感覺，鍾意食炒雜菜，因為每種菜都有少少，口感選擇多，唔會食到悶凍檸茶呢杯凍檸茶都幾特別，冇平時茶餐廳嘅檸茶咁澀口，口感較清甜優雅環境暗暗地幾有情調，餐廳位處地庫，人流唔算太多，想靜靜地食一餐晚餐，呢度確係好選擇一人百零蚊，支持小店好選擇侍應都係印尼姐姐，友善親切

今次呢間印尼餐廳個地點相當方便，不過由於位處落地庫所以平時冇咩人會留意到個地方 我地叫左三款串燒，分別係雞肉牛肉同羊肉。羊肉串燒味道一D都唔騷。牛肉串燒口感較靭，味道也是比較重。而雞肉串燒燒到好嫩，表面微微焦香，三款入面最鐘意呢款。串燒食果陣再蘸點濃稠嘅沙爹醬非常惹味。 蝦醬炒通菜嘅通菜係用左平時好少會食到嘅通菜苗，所以食落好嫩，食完都唔會有渣。呢度嘅珍多冰同平時飲開嘅唔同，D珍多唔係好似平時食果種啫喱嘅爽口，而係有D 似椰汁糕果種質地。 椰汁海鮮忌廉湯好重椰汁味，而且海鮮份量都好足料

行過糖街，意外比我發現呢間印尼餐廳，其實度個個地點相當方便，不過由於位處落地庫所以平時冇咩留意，而且地面位置仲有印尼小吃買，可能就係咁平時唔會留意得到呢個地方呢度餐牌上嘅選擇好多，當中更有不少係地道印尼菜我地叫左三款串燒，分別係雞肉牛肉同羊肉。羊肉串燒味道一D都唔騷。牛肉串燒口感較靭，味道也是比較重。而雞肉串燒燒到好嫩，表面微微焦香，三款入面最鐘意呢款。串燒食果陣再蘸點濃稠嘅沙爹醬非常惹味。蝦醬炒通菜通菜好嫩，而且好爽口呢呢度嘅珍多冰同平時飲開嘅唔同，好飲好多，個人極力推薦椰汁飯就普普通通LA椰汁海鮮忌廉湯重椰汁味，而且海鮮份量都足最後食多個甜品就夠晒

第一次試印尼菜， 間鋪係銅鑼灣， 近維園， 落地庫，冇人帶都唔知。串燒好正，燒得好香。我地十幾個人一齊去， 試左好多野，好正。食物都比較濃味， 要飲兩杯野先夠。印尼野一直只知印尼撈面， 今日真係大開眼界。

今日放工相約同事鬆一鬆，搵到哩間印尼餐廳，入到去人唔算多，餐廳位置好易去，但要落地庫所以唔明顯，我地好肚餓，一口氣叫左好多野由於太餓，所以叫左個印尼炒貴刁，唔辣版，味類似泰式炒河，好乾身，唔算油，上面既炸蒜令成道菜生色不少炒通菜好大碟，可惜炒得淋左d,好在味道搭救想食炸野，叫左個粟米餅，果然好炸，偏油偏硬，哩個我地都麻麻我地每人都飲左兩個椰青，超清甜，好正雞牛串，沙嗲醬好惹味，我中意雞多d,友人中意牛多d醬燒爐魚原來無爐，好多肉，無細骨，食得好爽，因為怕辣，只沾左豉油，好好味叫到放題咁先食左唔洗600蚊，都幾抵，下次唔洗叫咁多，有機會再翻兜

午飯時間來到銅鑼灣吃, 真是少有, 因為今天有公事來這裡, 難得來到, 就找一間較特別的餐廳, 吃印尼菜的。個人覺得印尼菜都幾合口味, 未曾去過印尼, 不知是口味遷就了香港人, 還是本來也都這樣的味道呢。午餐有印尼食品和西餐選擇，附送餐湯和飲品, 這個是西餐的湯, 但這似是中湯青紅蘿蔔湯吧, 有趣。加多加多沙律$62: 蝦片是新鮮炸的, 很脆, 要快點吃, 過一會便變淋了。喜歡這個加多加多沙律, 沙律醬有花生味, 很濃很香, 雖然應該幾肥, 沙律材料全部也是我喜歡的, 有豆角、椰菜、芽菜、豆腐等等, 簡單但美味。特色印尼炒飯$68: 見到多人推薦, 果然沒錯, 飯炒得很香, 但味道又不會太濃, 剛剛好, 有不少雞肉和一些炒蛋, 雖然沒有很多不同配料, 但感覺都好吃, 又夠份量, 另外還有一串燒雞肉, 也有一隻煎蛋。椰青(跟餐+$25): 喜歡喝天然飲品, 所以叫了椰青, 非常清甜, 細心附了一隻匙更畢椰肉吃, 但發覺椰肉頗硬還是放棄了。