JW咖啡室

營業中

休息中

最喜歡七彩繽紛的食物，在這裡食早餐就可以滿足我。😋紅色有番茄，紅椒，蓮霧，橙色有橙，煙三文魚，黃色有庵列，檸檬，韭王，綠色有西芹，羅馬生菜，芝麻葉，芭樂，紫色洋蔥，布冧，黑色冬菇，白色杏鮑菇，除了蔬果，肉類蛋白質豐富，也是必須的營養，燒原只火腿，蝦肉餃子，碳水化合物有薯仔，河粉，腸粉，烤麥包，當然少不了一杯熱咖啡☕，坐在寬敞的樓上卡位，面對廣闊的金鐘海景，心情舒暢，無限感恩，在疫情期間依然平安喜樂，夫復何求！

早已聽聞JW的buffet非常難book，特別是星期日及公眾假期，所以早在兩個月前，已經book定。酒店非常近地鐵站，金鐘站一出就是， 十分方便。準時12點去到，餐廳已經非常多人，接近滿座。座位與座位之間不是很闊落，但可以接受，侍應服務非常殷勤，換碟加水的速度很快。凍海鮮有六款，凍蝦🦐青口、螺都很新鮮，沒有什麼特別。蟹🦀️是主打，有麵包蟹，凍蟹。而且有專人refill，蟹鉗蟹肉結實，蟹蓋充滿蟹膏，新鮮，甜。刺身選擇不多，象拔蚌爽口，但赤貝、甜蝦、八爪魚感覺一般，三文魚也是普普通通。牛肉 羊架嫩滑，非常之好食，熱盤選擇雖然不多，但係質素很高，有又大又厚的龍躉片、花膠、鴨掌、海南雞、即叫即包的片皮鴨 ………每一樣無論係味道，新鮮度，質素都很高。甜品比較失色，沒有想像中的高質素，感覺真的是普普通通，比較一般。餐廳只有凍水或者熱水提供，並沒有橙汁等其他飲品，每一位包一杯熱飲或者凍飲🥤。另外雪糕和生果也是選擇很少，星期日中午每位$558，再+1服務費，這個價錢就真的是見仁見智，下次會試吓其他不同地方的buffet, 未必會再來JW。

JW cafe 的 lunch buffet 已經有很多人寫過食評，也被無數 YouTuber 追捧。所以我在這裏只會表達我個人膚淺觀點。如果你真係非常非常非常~之喜歡食花膠，凍蟹和蒜蓉蝦，而你又只攻食依三樣食物，咁你係可以選擇來JW食的。不過對我來講，就算我鍾意食花膠，我都只會食少少，因為花膠始終不宜多食。JW 食材的選擇不是很多，這點對我來說完全不是問題，因為我是重質不重量的一個人。不過，如果你要我以正價來食依個Buffet，我肯定不會再來JW食。攞食物的地方其實好局限，所以出去攞食物時很容易同人碰撞。我經常在我的食評裡面提到，我發覺香港長者好鍾意食Buffet。他們攞食物的純熟度真的比年輕人還要高。而且他們的食量也非常大，這是對一個身為外國人的我來說，真的十分驚訝！因此，如果給我遇到一間Buffet餐廳係無長者來食的，我都會非常高興，因為當用餐時就會好安靜，也不會遇到搶食物的情況。我不是歧視長者，我只不過將我在香港觀察到的Buffet文化寫出來。JW的服務是非常的好，這點值得稱讚！

呢間自助餐出名難book，我都要成個幾月前book，咁佢啲水準不嬲都OK，有龍蝦，有鮑魚，有花膠，有蟹。其實你都煮嘢食海鮮/魚生，只要你食得到就值回票價，雖然唔係特別靚花膠，但花膠同鮑魚嗰啲味道煮得好入味，我比like,但嫌佢汁多咗啲及結咗啲，但一開始要食海鮮先，因為花膠好頂胃，食咗兩件你都投降，至於扁皮鴨，我覺得好乾，唔係話上網YouTube d人寫咁吸引，食了一件我收了手，白切雞唔滑一般入得口啦，反而鹵水豉油王乳鴿有驚喜，食完啲滷水好香，口裏面一種回香，蒜蓉蒸蝦，可能啲冰鮮，所以蒸出嚟有點實，反而黃金蝦球好啲，夠嘢味，甜品少了一點，但整體來講都好好味，算係香港五大酒店內的推介之一

JW cafe must be the best buffet restaurant in the town. You can enjoy various international and local cuisines with high quality and good taste. What impressed me most are the braised fish maw with supreme sauce and crab claws, seafood lovers must go back for seconds.

每逢10月都係JW 自助餐的蟹宴，早一個月前已經book 定左去JW cafe 食蟹宴，最正係佢嗰個花雕雞油蒸鱈場蟹同焗釀蟹蓋，蟹味好鮮甜同埋個蟹蓋真係啖啖都係蟹肉冷盤最吸引就係龍蝦同埋毛蟹，龍蝦好鮮甜，唔會因為係雪藏龍蝦就冇龍蝦味，毛蟹啖啖肉之餘仲有好多蟹膏😍熱葷方面最吸引就係海參、花膠同埋鮑魚，好少酒店會有原隻花膠，仲要係膠質非常之豐富由於今日係萬聖節嘅關係，酒店都推出左萬聖節主題嘅甜品，有南瓜造型嘅南瓜Tart🎃、鬼眼造型嘅啫喱

N年無黎JW咖啡室食自助餐，難得今日lunch有人請，正呀！今日無太多時間周圍影相，所以簡單講講野食。野食全部係門口範圍，自成一國。刺身已經切好，唔洗排隊等切，而且有平時少見既刺身，例如赤貝，馬刀貝，甜蝦，質素都好新鮮爽脆同鮮甜，另外都有三文魚，吞拿魚，墨魚同八爪魚。吞拿魚質素都唔錯，而且係厚切。凍海鮮我就無食啦，我見有麵包蟹，鮮蝦，螺等等。呢度熱食既賣點肯定係大大塊花膠同大大件龍躉球。花膠算唔薄，我食左3塊。龍躉球非常大件，而且皮有彈性而肉質非常彈牙，我食左好幾舊！另外有北京烤鴨，專人幫你包埋皮同配料，唔知可唔可以只要皮。仲有乳鴿同鷄。燒牛扒好正，又淋又嫩，肉質好好，加埋蘑菇汁一齊食仲正，我食左兩塊。另外都有其他醬汁。配有少見既煙肉椰菜仔，車厘茄，薯角同薯餅自己攞。燒牛扒隔離有少少西式野食，牛面頰非常嫩口！另外我見到有腸，魚柳同意粉，就普普通通唔吸引。其他熱食就唔太特別，有西芹蝦仁，鵝掌，蒜蓉蒸蝦，菜心，肉碎四季豆，燒賣，炒麵。蝦仁非常爽脆。另外有一個小小既咖喱角落。仲有粉麵檔。湯至少見到有兩款，有中有西。沙律選擇唔多，有燈籠椒，西芹，紅蘿蔔，沙律菜，紅菜頭，薯仔沙律，番茄配水牛芝士

呢餐已經係半年前食，當日係享用元旦午餐自助餐，同埋兩位食友去食。我哋12點半到，當時已經差唔多滿晒客人，好彩枱與枱有一定距離，坐得舒服。擺放食物嘅地方比較細，所以人多排隧時有啲亂，最估唔到係呢度不少客人打尖，或者係睇唔到條隧啦。凍海鮮有龍蝦，蟹，蝦，蟹最新鮮，肉一梳梳的，龍蝦就一般般啦。沒有生蠔，刺身有帶子，三文魚，甜蝦，螺片等，只吃了帶子，好大隻夠鮮甜。中式熱食款式多而高級，有花膠，蒸海蝦，片皮鴨，香燒乳鴿，海南雞等，蒸海蝦好正，已經開邊，蝦肉彈牙，配蒜蓉，我食咗5隻以上。有切牛肉，甜品種類唔算多，朋友話質素可以。呢餐好似7百幾已經連咗加一，有咁多海鮮菜，其實CP值高。

jw咖啡廊其實來過幾次吃lunch buffet，食物種類冇乜特別變化，食物選擇種類唔多，最貴價就是花膠和片皮鴨，花膠質地煮得軟滑淋，湯類有三款我最喜愛蘑菇湯，味道夠濃滑，刺身有五款都算新鮮，麵包蟹蟹殼不是每個都有很多膏，反而花蟹肉質鮮甜品好味，其他熟食都不過不失，甜品種類選擇多，Haagen dazs雪糕也不錯。

今次嚟呢度食buffet，早兩個星期book都已經要入waiting，令我對佢嘅期望好高😂Lunch buffet時段係12點至2點半～凍海鮮好特別，有好多種唔同嘅蟹，開正我嗰瓣🤣花蟹就略鹹，我自己鍾意食實肉多少少，所以比較鍾意另外嗰兩款，食咗好多🤣另外都仲有蝦、青口同螺，質素都唔錯～不過可惜就冇生蠔，爭少少🤣刺身方面有好多選擇，係有好多我鍾意嘅貝類😍師傅亦都比得好重手，一啲都唔孤寒～我自己就覺得三文魚同馬刀貝都好好食😌中式菜式都偏多，佢最主打係炆花膠，好入味，亦都好有膠質，食多幾件都幾抵🤣仲有蒸龍躉、蒜蓉粉絲開邊蝦同即片片皮鴨，呢三樣味道都好好，值得一讚係雖然好多人食，呢三樣嘢都消耗得好快，但佢哋亦都refill得好快，都唔覺得有吉碟出現～當然燒牛肉、cold cut、沙律嗰啲都唔少得，但我都冇咁多空間試喇🤣甜品選擇都唔算少，會有一個師傅喺度切蛋糕，唔會比人切到爛哂～我覺得最好食係個朱古力cupcake同埋芝士蛋糕😆雪糕就係一杯杯嘅haggen dazs🤣佢哋仲安排咗件生日蛋糕比我☺️呢件超好食！係西瓜蛋糕，但係西瓜好清香，加埋勁creamy嘅忌廉，開心又好食🥰整體嚟講，呢個buffe

JW萬豪零房價staycation既第一日送番二千零二十二蚊可以係酒店餐廳使用由於二月武肺又開始爆發原本我都係排後補十幾個位但到最後都可以食得到而且成個場係坐唔滿應該係好難得見到既情況門口排左左右一排酒櫃無麗思卡爾頓咁打卡feel但都幾唔錯JW個場算係咁未夠鐘佢會放人入去坐低先唔洗係門口排隊咁難睇真二人檯唔算話好大不過坐梳化叫做可以放到野而且同格離檯個屏風仲係座地既勁大塊不過都成日撞到檯面架餐叫做齊整既正常無咩特別其實個場望落去就唔算大樓底矮位同位距離細同下面the lounge比就根本兩個世界準時十二點職員就話可以拎野食對上一次去alva house既經驗都幾差個個都搶屎咁撞黎撞去咁我以為係平價問題啦以為黎到jw cafe呢d頂級價錢既自助餐會好d但結果依舊因為個場唔大而且廢老好多一樣係有d煩厭我自己其實唔算對自助餐有特別喜好本身我就偏向去食魚吧一黎唔洗食到咁濟二黎咁樣應該唔洗洗突dining credit三黎其實聽朝都會過黎食自助早餐一樣可以影到相只不過女朋友喜好而且上次個自助晚餐被迫取消所以今次先叫做過黎補番數係估唔到後補都真係食得到場地唔大不過地方分配得幾清晰cold cut個

剛剛去咗金鐘太古廣場萬豪酒店JW 咖啡廳。疫情後 隔了幾個月再去 味道都可以，但有少少覺得不同了，海參炆鮑魚 鮑魚有少許硬 不容易咬碎，冇當時 容易咀嚼，龍躉肉 可能蒸得太耐 少許乾和硬，魚生就不過不失，因為魚生已經切定片只係放在雪櫃， 口感程度已經變了，酒店自助餐我個人覺得不需要切定 給客人 ，因為不是便當和超市，因在酒店食自助餐是享受，希望不會這樣做，醉雞和薑蔥雞仍然好好味，凍龍蝦可以，乳鴿冇當年肥潤好薄片沒有肉即係好瘦，乳鴿湯好飲，叉燒有少許乾，其餘冇乜變 ，好彩不斷加食品，收碟好快, 當然個人口味不同 最好自己試吓

太耐無嚟里度食buffet ，滿心歡喜。入到去，行左個圈，已經覺得整體食物唔算多。6點開始食，行左幾個圈，先諗到開始食咩好。平時一定會食下沙津，但唔吸引，放棄左。甘就食冷盤啦。龍蝦，蟹鉗，花螺都好食，其他野都麻麻。無長腳蟹，無生蠔熱食，最好味係羊架，好多人期望既花膠同海參都唔好味，湯都好普通。牛扒好硬。而且點解會無鵝肝。刺身，唔好食。全部都唔好食。甜品可接受，但唔算吸引。不過所有食物都refill 得好快，好快就有服務員收碟，服務係好好。

「蟹」逅自助餐，小人旨在可以品嚐鮮味十足的蟹貨！一入餐廳，最吸睛的自然是那一座蟹山，拿多少次都沒問題，長拿長有，性價比相當高。每張枱上都擺放有蟹夾和剪刀，可見蟹在這裡的而且確乃不可或缺的主角！蟹肉清鮮甜美，絕對是高級美饌！凍盤另一搵推介為煙三文魚，煙燻味濃，配洋蔥同吃是絕品！沙律是凱撒沙律，魚生、凍肉皆為上品。一字排開的熟食熱葷由蒸龍躉、咕嚕肉、蒜蓉蒸蝦、片皮鴨、紅燒乳鴿、燒牛肉、羊架、炒麵、燉湯、烚烚下魚蛋牛丸以至咖哩羊均在水準之上。重頭戲自然落在花膠扒身上，扒身炆煮得腍滑入味，怪不得每逢推出優惠均被迅速掃光！除花膠扒外，另一不可不試的是配意粉的牛頰肉，肉質差不多入口即溶，應該的是紅酒汁是非常非常的一級棒！甜品款式不算多，但每項單品均精緻擺盤，有水果、蛋糕、西餅、啫喱等選擇，更可任食多種類Haagen-Dazs雪糕杯，十分的美滿，最妙之處是食完後都不會覺得太膩滯。食材算得上奢華，絕對是一頓豐盛繽紛的自助餐料理。

JW係我最常去食嘅自助餐，由大閘蟹、lunch buffet 同dinner buffet ，一直都保持水準對上一次食係2年前疫情開始，果陣可能少左客，果次係唯一一次食完覺得唔ok，可能客量少，海鮮質素保持唔到今次滿懷期待再去食，9百幾人頭，匯豐白金咭85折，恒生白金咭9折係貴，但係值去之前打去確定咗有麵包蟹，因為嗰晚真係特別想食麵包蟹，但係忘記咗問有冇生蠔但係唔緊要，雖然冇生蠔同長腳蟹，但係滿足左我食麵包蟹嘅心，另外仲有花膠同埋海參，鵝肝都係任食