JW咖啡室

營業中

休息中

由於今日係媽咪嘅新曆生日，我們一家四口去咗金鐘JW萬豪酒店嘅「JW咖啡室」食自助晚餐慶祝！他們今期嘅主題係鮑參翅肚，所以有燜鮑魚、海參同花膠全部都燜得好腍好入味，質感相當軟滑彈牙，而且全部都係任食㗎，真係好抵食，但就唯獨無魚翅！凍龍蝦鉗嘅肉質好鮮甜彈牙，而且他們好貼心咁鉗開咗一半！蜜汁叉燒嘅肉質極之鬆化軟滑，蜜汁嘅味道非常香甜，諗唔到喺酒店自助餐廳，都可以食到咁超水準嘅蜜汁叉燒！炒蝦球嘅肉質超爽甜彈牙同相當大隻！甜品嘅款式種類比凍盤同熱葷嘅選擇仲要多，而且全部嘅造型賣相都超精緻吸引！另外！本人為咗畀個意外驚喜媽咪，所以一早喺訂位嗰陣，預定咗個生日蛋糕寫「Happy Birthday to 媽咪」，媽咪見到之後超級開心！見到媽咪咁開心，就係我們一家人最想見到嘅事！今晚我們一家四口都過得極之開心同難忘！

之前食過JW lunch buffet覺得好精彩 ，今年生日即管試試dinner buffet，但的確有少少失望，因為貴價食物竟然同lunch差不多，只係dinner由始至終都會補貨，lunch就要同人鬥快，但價錢lunch $388, dinner $788，夜晚貴太多啦，而且自己都食唔到太多，下次我相信還是食lunch算啦。唔講佢貴，食物一定有質素，花膠都可以任食，雖然食得出唔係咩靚花膠，但任食喎，正！凍蟹，龍蝦夾，夠彈牙，好鮮味。熱盤一定要試大大隻賴尿蝦，大大隻黃金蝦，好好好精彩，少少辣夠惹味。上湯龍蝦，同蒸籠原隻龍蝦，自助餐有勁多海鮮，好新鮮，啖啖肉，岩曬我，好好味。Pama ham 即切即食，咸香味十足。刺身唔及海膽飯卷吸引，入口軟滑，忘記膽固醇吧。片皮鴨都有，你贏啦，飽到上心口。甜品同lunch差不多，最特別有即焗心太軟，仲有餐廳同老公都好細心地，有一個少少驚喜甜品送上，What s a Happy birthday , thanks hubby^^

好多年前來過這裡食buffet，當年為爸爸慶生還未裝修，當年對食物的感覺都好好，今年決定再來！buffet六點開始，5:50左右到達，要等5分鐘才可以入座，食物種類依然都係選擇不多，冷盤沒有龍蝦，但蒜茸蒸龍蝦不斷供應，refill得相當快，我都食了1隻！是晚主題是避風塘海鮮之夜，熱盤9成是海鮮，除了剌身/壽司，有大蜆、炒蟹鉗、避風塘炒蠔、椒鹽瀨尿蝦、蒸龍躉件、龍蝦天使麵等，避風塘炒蠔同蒸龍躉件都"聲聲"地，比較失望，避風塘海鮮之夜比平時buffet貴，椒鹽瀨尿蝦大隻但無咩肉，其他的都唔錯！肉類有燒味，叉燒都幾好，仲有羊架個d，不過無食了！甜品選擇都係不多，只食了芝士蛋糕同朱古力蛋糕，甜品反映了酒店級數幾好，再幾了很多生果同1杯Haagen-Dazs雪糕，就完結了今晚buffet，2小時已經食到好飽。餐茶唔多選擇，Cafe Hyatt有花茶，但這裡沒有

JW cafe , lunch buffet, 又花膠又飽魚又長蟹實在沒話說的底食，冷、熱、中西、日、意、咖哩、沙律齊晒！而亮點堅係花膠堅有口感個隻，一d 都唔hea，食反佢3/5隻都回反本😂😂😂 。本人最愛甜食，甜品實在好味又多選擇。其實掛住食，是旦影左幾張相算了😁$388 位。

呢晚去到JW Cafe試下Dinner Buffet~~ 食物種類都幾多，其實係多到你唔會試得晒~刺身都有幾款, 我係覺得款甜蝦弱左D...好細隻麵包蟹我一向都覺得肉質無咩味，所以無羅了龍蝦開邊，唔好貪心，一人食半邊就夠啦，食得多反而會好快飽食唔到其他野。龍蝦肉新鮮爽口，我都好耐好無食啖啖肉既龍蝦啦~貴價食物好似鮑魚呢D都有大把俾你食，鮑魚夠淋煮得又入味，食多幾隻都唔怕。大蝦新鮮無沙，爽口之餘調味亦岩岩好，唔好過鹹而掩蓋左蝦既鮮味。甜品有一大個蛋糕切開十幾份，又有呢D一杯杯既奶凍。就咁睇相都相賣相就晒吸引，而最好味就係個焦糖布甸，面頭層糖漿夠脆，下層蛋味濃郁真係無得頂!

這十多年來，平均每月光顧自助餐一次，八成以上不作他求，都會選擇金鐘JW萬豪酒店，原因不外乎是有良好的食物質素，優質的服務及管理水平，有賓至如歸的舒適環境，故別無他選。雖然光顧酒店內多間餐廳多年，但從未寫過有關食評，因為優質及成本較高的食材在這裡是理所當然的了，包括有凍海鮮、級數不俗的燒牛肉、羊架、熱葷有鮑魚、海參、花膠、蒸石斑...等等。今次不提以上的食物，而是難得一吃的藍龍蝦，野生的在香港很難吃得到，因產量稀少，法國很少出口，故今次吃的是在法國及附近海域一帶所養殖，如一般養殖魚類一樣，顏色較深，呈深藍色，雖然外貌與波士頓龍蝦相似，但肉質及鮮甜度折然不同，現在澳洲大龍蝦的價格每隻動輒過千，而養殖的藍龍蝦肉質及味道絕對不下於前者。是晚藍龍蝦的食法分四種： 蒜蓉開邊蒸藍龍蝦：惹味香口，適合重口味食客。咖哩炒開邊藍龍蝦：味道適中，厨師刻意不太重辣 ，則重咖哩香味，能顯肉質鮮甜，不吃辣的亦可嘗試。避風塘炒藍龍蝦鉗：啖啖肉，肉質彈牙，波士頓龍蝦難與匹敵。上湯藍龍蝦伊麵：中式烹調方法，個人認為龍蝦與上湯最為協調，咬口與味道配搭一流。有關推廣期由6/6 - 19/6, 以此食物質素，實在物

第一碟當然來一個冷盤先啦⋯⋯嘩！lobster肉彈牙又鮮甜。蟹腳又超級好味！煙三文魚就一般般啦，都好食的。仲有仲有沙律長通粉味道唔錯我就最鍾意個醬汁，點一下，ichiban 呀花膠，海參，鮑魚⋯⋯但你一定唔食得多因為好膩口。再多都吃不下了。可惜最後來個簡單又係我最愛的焦糖燉蛋。

萬豪酒店的自助餐都知係出名好食，我之前都去過大堂到食sunday brunch,個次都覺好食，咁今次就尼左5樓食下lunch,星期日尼食都有好多人，478蚊一位，去到見到食物選擇唔係話好多，但都唔少，都有好多特別d既食物，呢度d生果好新鮮好甜好好食，海鮮都好鮮甜，有炆花膠，食落好林滑口，有炸南瓜，呢個好好味，仲有煎蟹餅，又唔錯！ 係壽司款較少，而甜品類唔算多，但食落全都唔會太甜，都ok,價錢係雖然貴左d,咁大部分食物都係好食，食得我覺得真係滋味，真係唔錯呀！

Jenna成日都話我食埋啲又貴又唔好食噶野，所以話要介紹我去一間叫JW噶餐廳食buffet啦~~好啦，既然佢都將間鋪頭吹到咁行，我就去試試啦~~蟹肉，仲系刺身嚟嘎，仲要系我最愛噶蟹鉗肉，冰鎮！！夠曬新鮮啦~~肉質鮮甜、夠厚！！正！龍蝦！！系度食自助餐真係性價比超高！！竟然仲可以食龍蝦，仲要系成只！絕對唔會比出面噶差！肉質鮮嫩！海參真係好滑，而且煲得好淋好好食。豆腐花好香好滑，而且甜而不膩。拿嚟做飯後甜品就啱曬啦~~

一位識了超過25年的朋友生日，加上最近JW cafe 又裝修完，所以我們便決定去試試。裝修後的萬豪，地方更井井有條，將食物分䦕不同的區域，看得出他們的心思。那晚我們吃了例牌要吃的花膠，海蔘，鮑魚，蒸龍躉，蟹鉗，龍蝦，片皮鴨，燒乳鴿，刺身，蟹蓋外 ，還有一年一度的大閘蟹。雖然我和朋友都不好大閘蟹，但都湊熱鬧拿了一隻。可能是我們不懂欣賞，所以我覺得還是他們的薑蔥炒蟹好味。朋友説d花膠嘅膠質簡直將佢嘅咀膠住，冇得頂。我見她來回吃了4碟花膠，海蔘，真的大滿足 。冷盤方面，當然不可缺少原隻龍蝦，青口，蟹鉗，煙三文魚等美食。甜品方面，我當然吃我最愛的豆腐花及tiramisu，水準依舊好味。另外，我發覺除了有haggan dazs雪糕外，還多了朱古力味gelato。綜合來說，萬豪自助餐在我的美食排行榜永遠都是第一位。原因好簡單，他們是用心準備每一部份，不論是食物、場地、佈置、工作人員的態度都真是一絲不苟，現在已經愈來愈少這麼有heart的食肆了 。

經過N次都無法book位的慘況.... 所以這次我早在9月份已經訂位!雖然今次沒有特別主題(環球海鮮), 不過食過就知果然名不虛傳。可以說是質高味美, 廚具講究, 出菜毫不含蓄!就連並其他buffet要排隊拎的鵝肝, 大花膠, 大海參都任食任夾!近期十分"囑目"的凍龍蝦都不錯, 十分多膏, 而且肉質爽容易大巴大巴咁"咬"~~其他甜品都充滿心思, 款式齊全, 不過眼闊肚窄, 食得不太多...這餐食完當堂安撫了moody monday的心靈, 亦舒緩了肉赤的感覺~

自助餐有大閘蟹,花膠,鮑魚,海參,龍蝦,凍蟹,炒蟹,西冷,羊架,真係超值！每樣食2件都回本！大閘蟹勁多膏，龍蝦好新鮮肉質彈牙，又有乳鴿同片皮鴨，凱薩沙津仲有人撈埋真好，麵檔既雲吞好好味，每晚有三次焗心太軟加埋雪糕好好食!全部都都係貴價食材真係好抵，食物水準高！

推介菜：1. 花膠2. 燒牛肉3. 凍蟹鉗4. 沙律優點：- 中式巧手菜味道做得很到位，如花膠海南雞柚皮等都有小菜水準- 凍蟹鉗及燒牛肉好好吃- 沙律配料及配醬極齊- 價錢合理：午餐$388。恒生白金咭目前還有八五折，5人以上更有八折缺點：- 甜品好一般- 負責片皮鴨的師傅不專業，切出來的鴨肉大小厚薄不一影響味道

花膠、鮑魚、海參、龍躉，這些名貴海味，一直是中式宴會上的主角，誰能想到這群主角會全部出現在自助餐之中? JW Cafe 重新開張，倘大的空間劃分成11個美食區，中式料理區內，可以找到花膠、鮑魚、海參、龍躉等等珍貴美味，另外還有龍蝦伊麵、片皮鴨、乳鴿，都是我最喜歡吃的，想一下都令人興奮!我們是次於星期三中午到訪，吃的款式跟自助晚餐差不多*，而且每位只要HK$388，CP值極高。*自助晚餐(HK$618起) 加入幾款高級菜式，包括 冬菇燜原隻鮑魚、紅燒蠔油海參、薑葱蟹黃蒸龍躉、格陵蘭紅蝦 等。燒味區亦是我另一心水推介，片皮鴨即叫即切即包，鴨皮鬆脆而且肉質鮮美，味道一流；叉燒和乳鴿同樣十分出色。冰鎮海鮮區有約6款選擇，原隻咖啡蟹、加菲蟹箝、東風螺、青口和煙三文魚等，供應源源不絕。冷盤及沙拉區格局整潔，款式選擇十分多元化。除了即叫即般的凱撒沙律，還可以自製burrata cheese蕃茄沙律，意大利黑醋亦有多款選擇，細節上見貼心。甜品不單止精緻漂亮，酒店細心地加入了不少香港元素。其中最特別的是下圖的 Opera Cake，選用了鴛鴦、蛋撻蛋漿、糖炒栗子等概念製作，充滿香港地道風味。還有用上蛋卷

素知萬豪酒店的buffet頗有名氣，但由以前的萬豪咖啡室到而家改名為JW Cafe我都未試過，都唔知點解。除左名稱改左，聽聞裝修都唔同左，取食物係一邊，用餐區係另一邊，呢個安排冇咁混亂，而枱與枱之間有足夠空間，唔會覺得擠逼。再講價錢，晚市每人近七百，貴嗎？係唔平，不過而家似樣d嘅酒店buffet都係呢個價錢架喇。況且呢度食物種類同質素都算高，遇著喜慶節日偶爾破費一下都無妨。 刺身種類算多，但每次攞只會畀兩至三片，鍾意食就要出多去幾轉。沙律菜櫃幾特別，自取蔬菜然後撈沙律汁，但眼見好少人拎，反而已撈好的沙律菜仲多人攞。熟火腿、醃橄欖、芝士都有好幾款選擇。 凍海鮮從來不是我杯茶，但種類係幾豐富的，有龍蝦、麵包蝦、蟹腳、青口等等，可以係呢度回本。 一般buffet的熱葷都係弱項，但JW的就頗有睇頭，因為大部分係高檔食材：炆鮑魚仔、炆海參、炆花膠，單係呢三樣已夠吸引，而且會不斷refill，唔駛爭。全部都炆得好腍，花膠尤其正，食完都覺皮膚滑左 其他有片皮鴨、乳鴿、海南雞、叉燒⋯叉燒其貌不揚，但出奇地好食，蜜味重又有燶邊，雖然瘦但都好腍。由於食到呢度已經好飽，仲要留肚食甜品，所以 燒牛扒、