影片
更多
2015-09-29
11108 瀏覽
素知萬豪酒店的buffet頗有名氣，但由以前的萬豪咖啡室到而家改名為JW Cafe我都未試過，都唔知點解。除左名稱改左，聽聞裝修都唔同左，取食物係一邊，用餐區係另一邊，呢個安排冇咁混亂，而枱與枱之間有足夠空間，唔會覺得擠逼。再講價錢，晚市每人近七百，貴嗎？係唔平，不過而家似樣d嘅酒店buffet都係呢個價錢架喇。況且呢度食物種類同質素都算高，遇著喜慶節日偶爾破費一下都無妨。 刺身種類算多，但每次攞只會畀兩至三片，鍾意食就要出多去幾轉。沙律菜櫃幾特別，自取蔬菜然後撈沙律汁，但眼見好少人拎，反而已撈好的沙律菜仲多人攞。熟火腿、醃橄欖、芝士都有好幾款選擇。 凍海鮮從來不是我杯茶，但種類係幾豐富的，有龍蝦、麵包蝦、蟹腳、青口等等，可以係呢度回本。 一般buffet的熱葷都係弱項，但JW的就頗有睇頭，因為大部分係高檔食材：炆鮑魚仔、炆海參、炆花膠，單係呢三樣已夠吸引，而且會不斷refill，唔駛爭。全部都炆得好腍，花膠尤其正，食完都覺皮膚滑左 其他有片皮鴨、乳鴿、海南雞、叉燒⋯叉燒其貌不揚，但出奇地好食，蜜味重又有燶邊，雖然瘦但都好腍。由於食到呢度已經好飽，仲要留肚食甜品，所以 燒牛扒、
除左名稱改左，聽聞裝修都唔同左，取食物係一邊，用餐區係另一邊，呢個安排冇咁混亂，而枱與枱之間有足夠空間，唔會覺得擠逼。再講價錢，晚市每人近七百，貴嗎？係唔平，不過而家似樣d嘅酒店buffet都係呢個價錢架喇。況且呢度食物種類同質素都算高，遇著喜慶節日偶爾破費一下都無妨。
刺身種類算多，但每次攞只會畀兩至三片，鍾意食就要出多去幾轉。
沙律菜櫃幾特別，自取蔬菜然後撈沙律汁，但眼見好少人拎，反而已撈好的沙律菜仲多人攞。熟火腿、醃橄欖、芝士都有好幾款選擇。
凍海鮮從來不是我杯茶，但種類係幾豐富的，有龍蝦、麵包蝦、蟹腳、青口等等，可以係呢度回本。
一般buffet的熱葷都係弱項，但JW的就頗有睇頭，因為大部分係高檔食材：炆鮑魚仔、炆海參、炆花膠，單係呢三樣已夠吸引，而且會不斷refill，唔駛爭。全部都炆得好腍，花膠尤其正，食完都覺皮膚滑左
其他有片皮鴨、乳鴿、海南雞、叉燒⋯叉燒其貌不揚，但出奇地好食，蜜味重又有燶邊，雖然瘦但都好腍。
由於食到呢度已經好飽，仲要留肚食甜品，所以 燒牛扒、印度咖喱、即淥粉麵就冇食了。甜品選擇相對地唔算好多，亦冇咩特別，比較有特色係有款Hong Kong Opera，橙色的，食完都食唔出係咩味，唔係差，但我始終最愛原始opera。另外心太軟都係焦點之一，每晚只會出三輪，要睇準時間食喇。
值得去指數：
張貼
