JW咖啡室

營業中

休息中

已經是第四，五次來吃JW cafe 的buffet今次是staycation，stay 1 night 加早晚buffet.本來package 是包括早餐及午餐自助餐，另外每人加$300(未加一）就可以升級去晚餐自助餐了。晚餐自助餐由六點開始至十點結束，我們六點開始了。因為疫情關係，人數比平時少，而且很禮讓。冷盤沒有生蠔，以龍蝦代替，龍蝦很甜很彈牙，食了四隻都沒有梅肉，其餘是麪包蟹，長腳蟹，青口及螺，沒有凍蝦是有少少失望的。熱盤有花膠，鮑魚，海參。鮑魚及海參不得了，唔係留位置吃甜品，我至少食半打。甜品可能太大期望，反而覺得很普通，蘋果金寶沒肉桂味，面的曲奇也不脆。豆腐花沒糖水，黃糖是現貨沒細磨。柚子啫喱沒柚子味。也很可能只是我吃飽的關係所以覺得普通。

曾經常常吃自助餐，近來想重拾吃自助餐的樂趣。 今次來到了JW Cafe。環境不錯啊，裝潢時尚，座位都幾闊落，我坐的位置，溫度都好舒適。食物有刺身、熟食、沙律、甜品、粥粉麵等。🔸️花膠湯好大舊花膠啊! 仲有鮑魚! 除了食材矜貴，味道都好好，熱辣辣暖入心，飲得好舒服。🔸️燒牛扒高質有濃厚肉味，推介~🔸️海鮮意粉濃郁忌廉汁，正宗西式煮法，並非港式西餐味道。🔸️上湯餃子正常食法係配上湯，但個人認為單食餃子，口感會更好，保持到脆口。🔸️即煮粥自己選擇配料，有蝦、雞、海參絲、鮑魚絲等，揀完等5分鐘左右有得攞。配料同粥非常的夾，而且粥底好綿密，濃淡度適中，又係令人食得好舒服。🔸️甜品甜品不算非常多種類，但都幾精緻。最得我心的鬆餅，外脆內軟，咬下帶著奶香。特別一讚服務，多位經理/侍應都好熱心幫助食客，例如現在很多食物都加了蓋子，攞食物難免有點麻煩，而經理/侍應都就會立即來幫你，很細心。時間方面，由3點15分到 5點，覺得比較趕。一到5點就把餐具收起了。😆

疫情下唯有一星期只出一次街，而限聚令下每枱只可最多坐兩人，我哋三人行就要分開兩張枱坐，亦都係因為這樣個個都食得安心又放心。由於食物夾是公用的,每次拎完食物最好回位後用搓手液先，再除口罩進食。經OpenRice網上訂位，快捷方便，出席後會收到25Miles獎賞。我哋食下午茶自助餐時段由3:15-5:00pm，食物種類不算多也不算少，但感覺好滿足，服務人員專業有禮。HSBC白金卡有七折，包埋10% charge每位大約$270。好抵食啊。

良朋共聚，每一個人也有不同的建議，有人說要吃西餐，有人說要吃中餐，有人說要去吃日本菜。為了照顧每一個人口味，最好的辦法就是去吃自助餐。這次選擇萬豪因為信用卡有優惠，連加一每人只需要$630. 這餐只包兩杯飲品，一杯是welcome drink，可以飲汽啤酒。第二杯係餐茶。如果再飲野，要響餐牌散叫，或者加錢飲all u can drink.  其實，如果放部咖啡機果汁機響度比人任飲，我覺得呢一餐性價比會高一點。所以，這一餐要盡量找回本的東西吃。鮑魚我吃了5顆，開邊龍蝦也吃了6邊。萬豪這裏比其他酒店優勝就是食材高貴，而且，放在這裏任吃的食物跟平日在宴會聽吃的質素也是一樣。並沒有因為是任食而降低質素，這個是要讚的。海鮮大部份也是冷盤，沒有什麼烹調技巧可言。特別在有東風螺，這個不是很多地方有。北京填鴨的皮很脆，負責片皮的服務員很親切。甜品中的日式水信玄餅很精美，很想帶回家呢！萬豪這一餐美中不足是沒有任的果汁和汽水，希望酒店方面可以注意一下。

好彩放寬返堂食 先可以同男朋友一齊過嚟慶祝生日食自助午餐 雖然有疫情影響 大家都要戴口罩出去拎食物 而且必須消毒雙手先可以拎碟 但係可以保障大家嘅安全 食得好安心 食物質素無受到疫情影響 熱盤同冷盤都好出色 唯獨甜品稍為遜色少少 而customer service 絕對係值得稱讚 特別要多謝Nobie and Matthew 幫我夾時間拎預早ready好嘅birthday cake 加上五星嘅服務態度 我哋絕對好快又會再返嚟食 掛住食最尾先影咗少少buffet 枱既相添

JW咖啡室可以講係頗有名氣的自助餐之選，早前慶祝父親節，決定一家人去食餐好既。我地楂車黎，酒店職員會負責幫手泊車，而且餐廳規定食客出去攞食物食必須佩戴口罩，安全意識頗高。講返食物，海鮮方面，有龍蝦、麵包蟹、蝦、青口、海螺等等，肉質同鮮味都還可以，不過Refill食物速度有d慢。中式冷盤有溏心蛋同醉雞。Cold Cut有Parma Ham、辣肉腸、意大利火腿、煙三文魚、刁草煙三文魚等等。反而熱食選擇幾多，當中最受歡迎既一定係燴花膠同蒜蓉蒸蝦，唔少人每次攞2-3件，Refill速度亦都幾快。燴花膠煮得好淋，同時有咬口；蒜蓉蒸蝦係有d重口味，肉質爽彈。另外有片皮鴨、叉燒、炒花枝、炒四季豆、咕嚕肉等等。甜品選擇亦好豐富，服務員會幫手Cut，有綠茶蛋糕、日本Cheesecake、西式Cheesecake、Chocolate Mousse Cake、Fresh Cream Cake等。件裝蛋糕分別有榴蓮蛋糕、Crème Brulee、Tiramisu、Green Tea Cake、Mango Pudding、Banana Walnut Cake，以及Mizu (類似水玄餅)，整體味道唔算出色。生果

疫情關係，超級早起身落去 JW Marriott Hotel Hong Kong 食早餐buefft 😋 訂酒店房就安排咗 JW cafe 位於5/F ,另一方就係The Lounge - JW Marriott Hotel Hong Kong 如另購 🔖大人 $𝟯𝟯𝟴/小朋友 $𝟮𝟯𝟴 （+10%）晨早流流要食d熱嘢先可以食凍嘢😅 總括嚟講 𝗝𝗪 嘅麵包🥐🥯🥖係幾好，𝗿𝗼𝗮𝘀𝘁𝗲𝗱 𝗵𝗮𝗺🍖都👌🏼，但其他就係好普通，對比起 Kerry Hotel Hong Kong 嘅早餐buffet嚟講，的確遜色，有點失望⋯⋯ 但勝在book酒店 +$1 就食到早餐buffet ，都不過不失

疫情底下, 連平時要早兩個星期BOOK先有位既JW都出7折吸客.  去到既時候得4-5枱客. 睇完真係有D心痛. 作為食客, 唯有盡力支持. 講返食物, JW既BUFFET絶對唔係以選擇多取勝. 係佢既貴價中式食材吸引我同媽咪食完一次又一次咁返嚟. 所以呢度既BUFFET 對年青人同埋食肉既男士唔知相對地會唔會無咁吸引呢? 但ANYWAY, 對我呢個中女就相當吸引啦. 只係食花膠都抵啦. 放低袋, 同老公行完一圈, 老公話覺得少咗野食. 我又覺得唔係呀. 平時食開既鮑魚, 花膠, 龍蝦都有供應. 只係可能衛生問題, 佢每樣都放得好少出嚟. 但只要你行埋佢. 員工都會幫你攞出嚟花膠, 鮑魚依然美味, 今日重多咗炸蠔. 人少咗, 服務亦相對提高,  經理嗰晚就每枱都過嚟問下食物OK嗎? 好helpful. 疫情下, 大家都過得不易. 唯有希望早點捱過. 又再出嚟食好野

原來不經不覺八年多冇去JW 食自助餐當年介係名為萬豪咖啡室 云云五星酒店中都有名氣自助餐事過境遷，當年萬豪咖啡室都改名為JW 咖啡室酒店早陣子推出優惠餐飲卷，朋友購買之後邀請出席共享美食🤤本來仲係候補名單中嘅我地，遇著有人取消終於趕上收緊限聚令前最後一晚食到豐富嘅最後晚餐——————————————————————-凍海鮮方面- 有開邊龍蝦🦞龍蝦鉗，麵包蟹，蝦等等新鮮同肉質方面無可否認係高質素可惜酒店補充食物方面太過吝嗇🤔🤔坦白講 同朋友集合後都只係大概六點十五/二十整晚見到凍海鮮都未曾補滿甚至八點後完全冇哂凍龍蝦及龍蝦鉗不過值得一提，酒店提供數款汁醬配凍海鮮有大眾嘅海鮮醬cocktail sauce另外亦提供泰式辣醬，韓式辣醬及玫瑰醬另外cold cut 方面有ham 同salami 見附近有兩三款沙律🥗，心諗都算少後來發現原來有一個自選沙律區響 刺身區旁邊——————————————————————熱葷方面中西式都表現出色Carving 有sirloin, salmon fillet 同lamb chop 配菜有五款響右下角，粟米 ，西蘭花，甘筍等等中式方面有叉燒，片皮鴨，乳鴿，海

自助餐一向是「味」力沒法擋，如果鍾意食海鮮的朋友，金鐘JW咖啡室這個以西貢海鮮為 主題的自助晚餐，真是令人難以按奈得住。單是冰凍海鮮如龍蝦、麵包蟹、長腳蟹....等，已令人 即刻想掃晒落肚，熱盤的花雕雞油蒸蟹伴馬拉河粉﹑龍蝦伊麵﹑避風塘炒蠔﹑酥脆黃金蝦、蒜 蓉粉絲蒸象拔蚌仔或扇貝，以及招牌菜式炆南非鮑魚、花膠及海參等，每樣食一件，已令人半 飽了，還未計特色頭盤及沙律、即製手握壽司和剌身等，最後食埋甜品，加加埋埋條水桶腰更 加水桶，但口感真是很滿足，最多番去跑番4個點圈囉。 這個以「西貢海鮮」為主題的自助晚餐，不用多說都知主角當然是海鮮。首推是推介的有花雕雞油蒸蟹伴馬拉河粉，單是那伴底的河粉，吸收了蟹的鮮甜，好味到無得彈。 那龍蝦伊麵；大大隻的好肉厚，鮮味十足。 避風塘炒蠔，外脆內嫩濃濃的蠔香，啖啖肉，超級的滋味，還有酥脆黃金蝦、蒜蓉粉絲蒸象拔蚌仔或扇貝等，都是令你按奈不住想立刻送進肚內。 女士們要滋補養顔，記住必攻招牌菜式炆南非鮑魚、花膠及海參，斤量十足的花膠，真是要好好的用刀义來品嘗，吃幾片大大件的花膠，已值回票價了。 此外，各個即席烹調專區，就有必吃之選，

幾年前食過萬豪酒店大堂的宵夜自助餐和5樓的JW咖啡室，印象中食物以中菜為主，但水準麻麻。今次因為訂不到某餐廳的晚市小菜放題，不想愛好中菜的男友失望，所以決定另覓餐廳，最後偶然在eatigo看見晚市自助餐7折，所以立即訂座。（後來都沒再看到其他日子晚市有7折）自助餐晚上6時開始，但我們很早到達，還好餐廳彈性處理，可以先讓我們入座等候，不用站著等。其實從進入酒店、登記到安排入座，職員服務態度都非常好，總算對得起五星應有的服務水準。可以更好的是，職員在自助餐時段開始時溫馨提示一下食客，好讓食客知道餐點已準備好，可以取餐。自助餐菜餚偏向中菜系，而萬豪最大的賣點，當然是無限供應的花膠、鮑魚和海參等矜貴食材，除了常規的菜餚外，由於6月1日到7月3日是「西貢海鮮」主題的關係，所以還有中式龍蝦伊麵，椒鹽鮮魷，花雕蒸蟹和豉汁蒸蟶子等供應。喜愛中菜和海鮮的人光看排場定很滿足！男友拿了第一輪食物回來，未食已說：「每款菜餚都很合我心水。」聞言當然開心，因為這個中菜自助餐是為他而設的。今晚焦點自然是鮑魚、花膠、海參和多款海鮮菜餚。上湯龍蝦伊麵伊麵麵質不過軟，但好碎好難夾；龍蝦值得一讚，有別於坊間餐廳把龍蝦肉斬碎

因為疫情已經好耐無同朋友們出街食飯，今次8個人岩岩好max人數去enjoy下JW既dinner buffet就算疫情，呢度既buffet都仲係好多人，要食記得要預早book台食物方面質數好高，雖然比較之下其他酒店會再有多啲食物選擇，但就無呢度有既花膠鮑魚蟶子等呢類食物同埋食物既quality都較好員工們都好親切有禮防疫措施都做得足，好令人安心 總括而言係好滿足又安心既一次dining experience

今日有人生日，去食豪d，訂了萬豪酒店5樓自助餐六點我們准時到達，比起平時無甘擠擁。座位闊落,取碟時有專人拿著酒精搓手液消毒雙手海鮮冷盤有龍蝦，海蝦，加菲蟹,蟹鉗，各樣都超大超新鮮，特別龍蝦，還吃到牠的海水鮮味，入口爽口彈牙。熱葷有大大塊燴花膠，厚身好味道，簡直回本之選，鮑魚海參，這二道菜在自助餐是不會吃到，海參非常肥厚，為增加骨膠原不停地添吃。還有蒜蓉蒸海蝦，清蒸石斑塊,燒味 等等將近飽之際，一定要試試羊架和牛仔肉，粉紅的肉質美味鮮嫩，非常juicy,平常酒店吃一頓西餐不平宜呀……哈。刺身吧枱的刺身我覺得比較失色，只有普通的三文魚，甘蝦之類，不太吸引。最後，在酒店食自助餐當然要吃甜品，杧果cake和芝士撻也很好味道每人可以叫一杯飲品，吃飽之餘可以飲下咖啡，吹吹水這自助餐的質素簡直無得輸。

JW自助午餐食過三四次，每次都非常滿意，最愛食龍蝦鉗、麵包蟹、片皮鴨、仲有一款士多啤梨捲蛋都是我最愛。兩年內不停回頭再食。今日再去，雖然知道在疫情期間，必定有所不同，但俾返同樣價錢，確實都有點失望。呢間酒店嘅自助餐賣點一向都唔係款式特別多，我鍾意食係因為d野啱我食。如果期望有幾十呎長自助餐枱嘅朋友就唔推薦你哋嚟啦。講返今日餐飯先。疫情下仍然有得出去自助拎食物，拎食物時都要戴口罩基本啦。今次最失望係食物選擇少咗好多.....沙律選擇少得可憐，近乎消失了。壽司冇咗卷物、冷麵等。凍海鮮冇咗最王牌嘅龍蝦鉗。有啲冷盤例如醉雞由以前一個大長碟，縮成一小碗放喺壽司嗰邊。Ham又冇哂，得返三款唔太開胃的沙樂尾腸。熱盤就同以前差唔多，好食嘅依然好食。例如燒賣（大大粒蝦肉，似返酒店水準）、叉燒、片皮鴨、龍躉魚。今次加咗款類似風沙炒蟹鉗，都好好食！另外佢既海鮮意粉係好高質素，似高級西餐單點。最後到甜品，今次非常失望。綠豆沙似一pat透明糊狀，大部份甜品都唔好食。只有cream brulee 同新出既榴槤卷蛋係好食。不過我對呢間酒店嘅自助餐都係有情意結，加上之前食過真係好高質素，都唔想比負評佢，希望疫情過後會

以前去過多次都OK的，今次去吃自助午餐，差了很多。食物選擇少，魚生不新鮮，甜品不吸引。片皮鴨都不捨得比一整片皮肉，麵檔長期冇職員，湯類有四款，但都是cheap嘢。沙律選擇更少。以前吃下午茶都有鮑魚，今次乜都冇，但價錢一樣咁貴。總括，酒店級都咁弧寒，不值得去。P.S.我們三個人去，吃完大家都係覺得不夠飽的。