尋找深水埗有質素燒味店斬料，見金寶有人龍試吓，人龍雖有有8人，但師傅斬料幾快手，點了半斤燒肉，半隻燒鴨，共$140。回家打開，燒肉的脆皮相對肉較少而且皮甩開，無乜肥肉，但食不出肉汁味。燒鴨半隻幾大份，肉瘦啖啖肉，皮比較燶身，五香粉唔夠味。整體來說okay。

深水埗行街肚餓，想起早年yt 介紹大埔道出名三大牛什面，去其中一間官試。這間明興小店，坐位不多。點了牛什河，落單不消三分鐘便到。牛什有肚，肺，腸。牛什和河粉比一般潮洲牛什店款式和份量少一點，而牛什則比較爽口，無靭，新鮮制造感覺。但唔多食到老水味，淡口一點, 見有街坊落單時加腩汁。錢價由今年初$28加到$30，仍有性價比。

見信用咭和酒店有合作優惠，2年前去過ok, 再參考op年初食評，book了下午茶自助餐。這天客人不多，中式點心吾同左，無咗蝦餃和雪山叉燒包，加入粉菓，亦有鮮竹卷，春卷和炸鮮奶，比以前失色。燉湯冇左花膠湯換咗鮑魚椰青湯，相比中式燉雞湯較足料好飲，比較突特出係炒蜆幾大隻惹味。 亞洲和西方食物吸引，有和牛瘦身多肉，星洲炒大蝦啖啖肉，煮青口漲卜卜唔會亁硬身，卡邦尼意粉收汁靚，脆炸雞翼做到脆皮而唔會乾身。魚生三文魚和吞拿魚做到油光，軟身貨質素高。如果肉質多啲鮮味更好。 兩款煙和淹製三文魚好咸香。甜品最好味係芒果卷多果肉，冬甩細細個幾好食。糖水有凍紫米露，開心果露和台式涼粉。員工服務態度好好，改善地方係添加食物比較耐。因為帶長者去，佢主要想食中式點心，期望有落差。食物整體算係唔錯。

有外國朋友到香港旅遊，帶佢食點心。之前知道花墟附近有幾問點心店，在fb見有人post這間食物相看來不錯。假日下午茶時間人不太多，等了幾分鐘有位。點了蝦餃和燒賣，來到點心幾大件，餡肉夠彈牙，叉燒腸粉則一般份量，但店員大力推介的芒果甜糕相對份量細。座位空間夠闊落，食得舒服。

外國朋友到香港想試越南食物，附近只有這間店，見海報4月尾結業。沒人龍排隊，店員卻説入座説只能用餐75分鐘。見餐牌檬選擇不多，基本豬扒檬也沒有。點了豬肉湯檬和牛肉乾檬，豬肉湯檬湯多粉和肉份量小。反而牛肉乾檬份量幾大，而且跟碟肉餅，不過肉餅幾粉吓。質素比其他同級同價錢越南餐廳差些。

這粥店平日收3pm, 今次專登12pm去食。假期人客一般，坐下先落單付款，之後約10min 送到枱面。但觀察不是一鍋粥煮一碗，而是一鍋粥煮好幾碗，少啲風味。碗粥係幾大碗，可以2人分享，粥底甜得來似有味精，但冇乜魚腩嘅鮮味。魚腩肉幾大件，夠滑，冇乜骨。整體不錯，粥再熱啲好啲。

麵店開咗一段時間，趁有優惠試吓。位置較偏僻，6pm仍有不少食客。用QR Code 點麻辣半筋半肉手工麵，約5分鐘送上。牛肉份量不少，肉質夠霖，手工麵有彈性，但份量小。麻辣屬於中度，整體不錯。

出開東九龍，去潘記試吓，大約12:50pm到，座位不少，但人不算多，在收銀隔離有一份份海鮮睇，見今天龍蝦細隻，所以自己只點了自助餐，有十多款餸，豬手，豬腩肉，雞，排骨，茄汁豆腐，菜，南瓜，咖哩豬皮魚蛋。特別菜色有魚，第一輪魚較多骨，第二輪紅衫魚幾好。中湯已沒有剩，粥即涼了，有熱白飯，餸味道一般。衛生環境一般，上手客人的龍蝦殻在地下沒有清理。總結體驗麻麻。

中午怱怱食個自助午餐。凍海鮮有龍蝦鉗長腳蟹，凍蝦大隻幾彈口。熱食燒羊肉串，牛仔骨，燒牛肉，燒元貝，蒸魚塊幾滑，有炸蠔，甜酸炸雞塊不錯，中湯唔夠味。魚生幾大份。有果汁汽水任飲。甜品以焙茶布甸和蜜瓜啫哩好味，另有燒仙草芋圓食。整體okay, 熱食有改善空間，海鮮和甜品唔錯。

同家人慶祝生日，到愛民生買外賣。到場有2位師傅用火水炒小菜，火舌高高，夠鑊氣。點了4個菜，等20分鐘可取，送了二支飲品。回家開箱，茄汁炒虎蝦夠惹味，斑塊炆豆腐幾大份，咕嚕肉肉質較硬，炸筒蠔份量不多，只有6隻半。整體可以一試。比一年前在yt看較少人和只有2位廚師。歡迎人客一同合照。