Itamama (何文田廣場)

營業中

休息中

今天中午去咗何文田廣場嘅itamama，餐廳氛圍十分休閒，裝潢簡約而且帶溫馨感覺，一入門口就感受到悠閒。呢度菜單選擇豐富，無論是咖啡還是食物都有好多選擇。我點咗熱即磨咖啡，咖啡香氣濃郁且層次豐富。咖啡表面浮著一層細膩的奶泡，入口後那份醇厚，一啖一啖停唔到，感受到咖啡豆新鮮磨製的香氣，真係提神又滿足。跟住食嘅係黑蒜煙鴨胸車厘茄扁意粉。這道菜色嘅賣點在於煙燻鴨胸嘅香氣，厚實而多汁，帶有淡淡的煙燻味，同車厘茄的微酸相互呼應，增添層次感。扁意粉的麵條煮得恰到好處，既不過於軟爛，又能充分吸收醬汁的風味。醬汁略帶黑蒜的香味，微微的蒜香融合在整體中，讓整道菜品顯得更加豐富而具層次。跟餐加配水牛城雞翼，酸酸辣辣醒胃又剌激🤩整體來說，itamama的餐點不僅味道精緻，食品設計也很用心，讓人用餐不僅是味蕾的享受，亦都係一場視覺體驗。這次的用餐經驗滿意度很高，尤其適合想要在繁忙之中找個放鬆的好去處。下次還會再來

母親節一早起身，出邊食應該好多人！所以叫咗兩份早餐！蕃茄牛肉通粉，同埋炸魚柳炒蛋！(又唔記得影相🥹)蕃茄湯超濃郁！唔會稀到番茄水咁！炸魚皮薄，炒蛋熟度剛剛好！一次會再叫🤭

🫶🏻百香里烤雞配珍珠飯半隻烤雞，烤到香脆雞肉juicy🤤🤤 整體來講都可以值得一試🫶🏻香煎豬扒滑蛋蓋飯可以自選西西里/胡椒汁滑蛋一般，完全唔滑🙈豬扒OK 唔會太dry🙈

我叫檸檬水冇檸檬，店長話係用檸汁沟水，話全線都係咁！但在其他分店係有檸檬片的。店長唔肯换其他飲品，我一滴都唔飲呢啲化學野。個Pizza好迷理，有只隻蛋在上面。叫佢叮一吓隻蛋，店長唔肯，話你可以叫走蛋，但不能變熟蛋。呢啲服務態度真係趕客！

到學校做義工，中午食lunch經常來itamama，尼度简直就系妈妈们的聚会圣地。意式简餐好睇又好味，之前食意粉，甘次食紐西蘭谷飼牛排🥩，還有腸仔同埋沙律，搭配好豐富。一邊食一邊傾計，鋸完扒飲杯冷壓🍋檸檬茶，茶味調配得幾好👍，下次继续食。其他朋友點意粉，點炒飯，味道都幾好。環境夠大，座落好舒適，大聲講野都唔覺得吵。服務員服務都好好，上菜快，有求必應，其她媽媽都話體驗唔錯。平時人多，週末唔使排隊。

✨黑椒汁香草雞扒滑蛋蓋飯雞扒煎得好香口，肉質鮮嫩多汁，size望落正常 但都有啲厚度🐓滑蛋好有蛋香+奶香(?)，再加有少少蛋汁 又幾滑身💛。而黑椒汁好夠黑椒👌🏻珍珠飯實實地、好有咬感、粒粒分明～.✨惹味牛柳粒配珍珠飯呢個配汁巧合都係黑椒汁🖤🖤我偷食咗一粒牛柳粒，完全唔韌 煮得夠淋👍🏻話就話「粒」，其實唔細粒喎🐮.+$18✨芝士黑松露汁煙肉焗西蘭花冇truffle味的❌❌佢似係「芝士煙肉焗西蘭花🥦」，芝士好快凝固，所以西蘭花同芝士之間冇咩融合，煙肉得幾粒仔🥓😂但係以$18嚟講 份量算少🤔🤔.餐配✨意大利菜湯 【/指定飲品】🆓飲落酸酸辣辣咁🌶️🍅食啲菜帶有清甜.好彩我12.放飯，12:30開始要排隊入去😂

過開嚟呢邊食野，知道lunch 時間何文田廣場係超多人食飯，於是拿拿臨嚟左呢間餐廳等位，等左15分鐘左右就入得。我叫左個龍蝦湯海鮮天使麵。海鮮嘅份量都不少，有蜆，帶子，蝦，魷魚，青口，以快餐店質素嚟講，啲海鮮都算好食，蝦都算彈牙。龍蝦湯味濃，天使麵係比較幼身，麵質煮到少少淋，但我鍾意硬少少嘅...幼身麵比較難掛湯，但係整體都係好食。另外套餐仲配有餐飲，叫左杯齋啡，咖啡味算香濃但唔會太苦，都過得去啦。

我叫咗黑蒜黑胸意粉鴨胸煎得幾香。蒜味唔會好濃，啲菇都幾juicy 唔會炒到好乾調味唔錯，以快餐價錢嚟講係收貨。佢可以用手機落單，偏食嘅人可以逐樣配料剔要唔要，我自己就走咗豆同埋車厘茄。套餐包熱飲，奶茶比一般茶記大杯少少。間餐廳好大，我大概12點去到一個人都可以坐四個位，啲員工都唔會見你一個人就迫你搭枱。

還記得對上一次幫襯Itamama ，是在東港城同婆婆一齊食晚餐，當晚啲菜式味道不太差🤭而今次因為出差工作💼來到何文田，附近餐廳唔多，譚仔又超多人排隊、元氣壽司前一天也吃過，咁只好嚟到呢間位於一樓的西式茶餐廳—Itamama!午餐餐牌有兩款，今次係午餐A，小妹與兩位同事共order了以下餐點：▫️帕瑪森乾酪肉醬闊條麵份量比想像中大碟，味道亦唔錯👍🏻，抵食喎！▪️紐西蘭優穀飼牛扒拼芝士腸配珍珠飯・田園沙律話說order呢份嘅原因是「工作地方的保安姨姨推介過呢間的牛扒本身唔錯，但換了穀飼牛就差少少🤏🏻🤣」，於是抱住好奇的心落單，發現又無保安姨姨講到咁差啫🤤▫️ - 加配水牛城辣味烤雞翼（3隻）▪️ - 加配柚子蜜味芝麻雞翼（3隻）兩款的雞翼大大隻，味道唔錯👍🏻，小妹推薦柚子蜜味，果然柚子係萬能醬汁🙌🏻▫️ - 加配芝士黑松露汁煙肉焗西蘭花純粹營養均衡，點份菜食，不過好似鹹咗少少🤔整體來講，Itamama 都ok的，平日午餐都幾抵食，全港亦有6間分店，不過開頭講的東港城分店已經執笠嚕！

唔洗加一四十幾蚊熱辣辣早餐連鎖店算有交代🙌🙌😻🥰🥰由落單到有餐 個人坐左5分鐘🥳🥳🥳🥳😎脆脆炸魚脆配香草豬肉腸.鮮奶炒滑蛋.蒜香牛油多士.田園沙律🥗蛋滑溜 中間夾薯蓉😸熱烘烘蒜蓉多士魚柳炸得鬆脆仲記得配上沙律醬😋😋😋沙律🥗又再夾上千島醬😋😋😋😋😋😋😋😋😋💁‍♀️開開心心Happy Friday Morning 🕺🏼🕺🏼🕺🏼🕺🏼🧜‍♂️熱檸茶

我哋兩位係2024年1月7日7:00pm 左右係呢度用餐。進食中途驚見一隻灰色老鼠高速係餐廳內自由遊走，有另外一台食客都見到。跟住老鼠向住我哋嗰台衝過來，喺臨尾關頭轉向衝入去廚房。同嗰日當值同事都有即時反映，位同事嘅回應係「都冇計，我哋有定期做滅鼠工作，但係一直都清唔走啲老鼠」。跟住當晚我哋兩位都病咗，有肚痛同埋發燒，到到今日都未好返，唔知關唔關啲嘢食唔乾淨事，因為成日都有老鼠喺廚房餐廳遊走，可能掂到啲嘢食。食物價錢同埋質素都唔錯，抵食嘅。不過對呢間分店啲衛生有啲懷疑。希望可以認真改善衛生狀況！

今日係入面見到老鼠… 服務員態度是好的,食物也不錯。食嘢中途見到老鼠急速跑咗半個餐廳，然後匿埋咗喺唔知邊一處，對餐廳衛生嚴重質疑。I saw a mouse while eating today…. the service of the staffs are okay, the food are decent. But then in the mid of eatting, we saw a mouse running half way across the restaurant, we are worried about the hygiene of the restaurant.

中午用網上外賣平台order外賣，黑椒牛柳粒飯配蘑菇湯，12:40分落單，等到依家1個鐘都未出到黎，堂食就不停入去。以後唔會再叫，幾好食都無用，可能去義大利食都唔洗等一個鐘。

同朋友在何文田交收完筆記之後，在何文田想食個快飯，就選擇了這間餐廳，不用等位就可以坐低。午市套餐跟餐湯，當日是野菌忌廉湯，味道普通正常。百里香烤雞配珍珠飯 $65烤雞調味不錯，有香草的香氣，不過近雞胸位置比較乾，有點鞋口。底下的芝麻醬沙律菜令到雞肉鞋口感有少少減輕的感覺，令味道更清爽。龍蝦汁焗豬扒珍珠飯 $65焗飯沒有龍蝦汁的味道，蕃茄汁味比較明顯，味道同普遍焗豬扒飯差不多。豬扒大大塊，肥瘦剛好，肉比烤雞更出色，不會鞋口。調味適合喜歡重口味的人，蕃茄汁加上融化的芝士，味道濃。香草雞扒滑蛋蓋飯 $61用香草醃製的煎雞扒出色，加上帶牛油香味的滑蛋，味道不錯，雞扒同滑蛋都保持到嫩滑口感，黑椒汁同樣夠味，很下飯。整體水準一般，不太差，記憶點一般，但以份量取勝，是男士也會飽肚的份量。

✨龍蝦汁蕃茄焗豬扒珍珠飯本身以為焗飯會好耐先上，不過又幾快上菜，可能咁啱唔係繁忙時間😂😂呢個係冇龍蝦汁嘅味，淨係得芝士蕃茄汁🥫齋食啲芝士勁鬼正，蕃茄汁甜甜地，食食下忍唔住加下pepper 換下口味🐽豬扒係半肥瘦嚟，煎得好香口。呢個菜式我會鍾意普通飯多啲，多汁嗰啲會想配上痴痴地嘅白飯食。✨凍朱古力又係「豬」😂😂呢個朱古力唔會好甜，好濃郁朱古力味，奶唔會搶味。✨烤西班牙豬鞍扒配：烤野菜、香脆薯條、自家製黑醋薑汁哇！超級大塊！唔知點解廚房比2大塊豬扒😳😳我地以為係1塊😂呢塊扒勁juicy，好肥，脂肪部分好正，肉個樣又幾似雞胸肉質地嘅😂😂香脆薯條係幾惹味，鹹鹹地，食唔停口🙈跟餐: 野菌忌廉湯呢個有啲surprise，正常飲菇忌廉湯都係忌廉搶味，呢個正正相反 係勁有菇味！