Itamama (何文田廣場)

營業中

休息中

今日用外賣平台外賣自取, 訂左4個餐拎到返去先發現有一個餐俾錯咗。當然我地冇check我地都有唔啱, 但都提醒各位拎到餐最好都check下。另外, 我碗意粉有膠係入面(類似食物包裝), 我唔知有冇吞左其他細d嘅膠, 亦唔知d膠溶左幾多係我豌意粉到... 即刻成碗都食唔落... 大家自己食嘅時候都小心點。

早兩日好懶唔想煮飯，所以叫咗呢間外賣西餐廳😌😌Pizza有幾款選擇，其他嗰啲我之前都食過，覺得其實都冇咩分別😆😆，不過就好食過Pizza Hut嘅；芝士雞肉焗飯，我每一次都會食，佢用咗雙重芝士，而且啲雞肉好淋😎特別要讚下個柚子雞翼，我本身好鍾意食雞翼，襯埋柚子簡直係絕配🤩🤩，甜甜地，好好味😋

Foodpanda 外賣左個焗飯，午市時間自取。去到餐廳好忙，員工一個人兼顧收銀及安排外賣，等咗十幾分鐘先有得拿。松露野菌白汁雞扒焗珍珠，味道麻麻。黑松露味太搶，雞扒可以，食咗兩啖見到有啲奇怪，點解咁大粒黑芝麻？但係估唔到咁大隻曱甴送埋俾我加餐！！！真係多謝曬啦！頂你！

ITAMAMA午市套餐都幾豐富，有意粉，披薩，牛扒同啲特色飯。今次揀咗最抵食啲法國燒春雞套餐同滑蛋魚柳套餐。燒春雞喺好大一份，足足有半隻，皮喺燒得好香口，內裡仲好嫩，搭配左一份酸辣醬汁，類似啲泰國醬汁，好惹味。啲沙律菜好fresh，落左塔塔醬，食雞肉好膩的時候，可以食返兩啖沙律菜。滑蛋魚柳套餐揀咗茄汁，魚柳大大塊，送上來仲好脆，炸得好高質。茄汁酸酸甜甜，搭配啲滑蛋同飯，全部食完。套餐仲包埋一杯熱飲，埋單70HKD一個套餐，難怪午市更多人啦，整間餐廳全部坐滿，仲好多人等更位，真喺抵食！

之前屋企人買過，已發覺佢一早整定，今日我set 咗11:30 取，特登11:20 去睇吓係真，果然已包好哂，最大件事係要凍飲，竟然俾咗杯熱嘅我，好彩我有望吓，雖然佢哋好忙，但連最基本嘅嘢，都做錯，返屋企只需5分鐘路程，打開睇通粉已有倒汗水，另外好明顯整咗一段時間，已被通粉朔晒啲水，另一盒炒蛋竟然連個盒都冇冚實，唔使講已經凍哂啦，雖然食物味道好好，但處理外賣非常失敗，如果我11:30先到，情況一定咁差，極之失望

呢間其實係何廣開左好耐 一直都冇入來食 終於今次入來試下味道極好而且非常抵菜式很多 諗左好耐 最後嗌佐龍蝦湯飯加一杯我最愛的凍奶茶一個字正唔怪得疫情之下仍然可以堅持到✊🏻

次次經過都勁多人排隊，所以冇試到。咁岩loop openrice 見到佢有外賣自取，即刻試試佢今次試香草豬排雞蛋蓋飯難得滑蛋一d 都唔老，仲好香奶味至於豬排大大舊，味道正常特別想提一提，佢既檸檬茶係冇檸檬片，接唔接受到就見仁見智la

廣場依家真係無乜野食，想食下午茶，所以黎左呢間試試。叫左漢堡扒流心蛋Begal ，hkd 40蚊唔升貴。好快就到啦，沙律太多醫醬了，下次要講少醬，個begal還好，但係太多油，好肥下.可以再黎，但要少油囉。

一直以來都沒有好的態度，重記憶猶新是新年年初二我問職員攞多幾張紙巾放口罩，職員在餐具桶內立即抽出紙巾掉在枱面並說呢度米有紙巾囉第二次坐下我們看餐牌中，結果在後面突然出現個職員拎起隔離枱既餐具桶放係我面前並講你地係唔係唔洗要餐具，果下嚇到我們，事後我再找店長原來佢就係果個人店長從來都沒有好態度過，所以大家可以試下邊受氣邊吃飯

星期日晚叫左個外賣難食程度簡直嘆為觀止！唔個店係咪無諗過呢個餐係要送去第二區，個意粉overcook再焗一焗，碎濕濕淋到盡的口感認真嚇人。想食都唔係容易⋯難食度100分，直頭畀屋企人試左啖評為7-11叮叮意好食過佢⋯個buffalo wings又不禁令人懷疑到底個廚食過buffalo wings未呢？ 搶喉式酸再加d話梅味⋯好唔掂其實呢個價位絕對唔係貴，可惜如果連7-11食物都比唔上，絕對可以話係性價比低選擇。無下次了。

這間連鎖餐廳真是近期最愛。價錢合理質素又不錯。今次到這一家食晚餐廳。點了每日精選嘅西冷。98蚊。唔係唔叫呀嘛。諗住咁嘅價應該唔會太大塊。一上枱。又估佢唔到喎。完全唔孤寒。我嗰塊又大又厚。朋友嗰塊就長啲但簿啲。真係睇你好唔好彩。五成熟啱啱好。除咗少少筋位都好易切同好焾。好有肉味。好香口又juicy。唔點汁都夠味。薯條脆。翠玉瓜燒烤到很焾多汁。不錯。蘿蔔好似無煮過咁勁fresh。好硬。牛點鹽食仲好味。湯加15蚊。普通啦。加錢嘅柚子雞翼。次次食都會叫。好多柚子蜜好味。叫埋半價飲品。食飽飽。唔使加一。總結抵食。好味。窮人恩物。

去開何文田工作，食飯時間去何文田廣場搵嘢食，見到呢間舖頭好似都幾吸引就入咗去試吓點左個安格斯牛扒餐牛扒餐賣相唔錯，整體份量尚可，但牛扒份量就略嫌細，如果可以多啲就好喇😋

懶洋洋嘅下午我哋又嚟到一間環境比較舒適🎋🎋嘅西餐廳食一個下午茶先☕呢度嘅下午茶選擇都比較多價錢💰比較相宜今次我點咗呢個👉龍蝦汁焗豬扒飯👉整個飯嘅龍蝦醬汁加埋豬扒真係好似好好食唔酸😝👉溫泉蛋pizza👉今次pizza款嘅皮底唔厚唔薄啱啱好加埋溫泉蛋簡直係一流嘅傑作不過個pizza都比較多洋蔥味😝檸檬茶🍋☕仲好好飲因為佢用咗冷萃嘅檸檬變咗係唔需要再篤篤🍋🍋檸檬只係加糖就可以飲方便👏👏

由細到大，都是居住在何文田的我們，已經習慣了這個被稱為美食的沙漠的地區，基本上，這區沒有什麼玩意，也沒有什麼美食。放假的一個下午，跟朋友隨意的逛逛何文田廣場，一搭上電梯，見到有一間意大利裝修的餐廳，抱着試一試嘅心態，入去食個下午茶。看看餐牌，隨意的挑選了兩個下午茶套餐，分別是漢堡Bagel和Pizza，配兩杯凍檸檬茶。Pizza上碟時，驚喜看到中間的流心蛋，切開時，還要小心翼翼，避免把蛋弄穿呢，可能是剛出爐的關係，Pizza邊脆脆的；煙肉香口，配上留心蛋，是個不錯的配搭；再看看Bagels漢堡，心想已經吃飽Pizza了，尚且吃一些吧，點知食下食下又整個的吃掉了，還很美味呀！每人各吃了一套下午茶後，因為太美味了，居然要追加，各自再點了一件西餅，分別是雜莓忌廉蛋糕和Tiramisu，忌廉蛋糕香滑鬆化， Tiramisu味濃，兩個真係要抱住個肚走呢！

上次食過的龍蝦湯大蝦鮮蜆意粉keep唔到以前的水準。今日就叫個鮮蜆白酒煙肉蒜香天使麵，蜆和煙肉都唔算少，但蜆食唔到咩鮮味，煙肉冇味，更加完全冇酒味😱朋友叫個米蘭肉醬溫泉蛋焗長通粉，食剩圖片中咁多已經食唔落去，佢話下面好多水😰這樣的食物可以改善嗎😲