Itamama (何文田廣場)

營業中

休息中

以前好鍾意食依間餐廳嘅龍蝦湯大蝦鮮蜆天使麵，濃濃嘅海鮮湯又香又好味，仲係勁多料。今晚又再order,但味道好似唔同以前，冇乜海鮮味，清的嚟又咸咗啲。黑松露白汁焗薯條，本身味道唔錯，可惜越食越淋。三文魚火箭菜比薩🍕冇乜特別，個餅底唔夠脆。煙三文魚蟹籽蛋炒飯還可以，都算足料。總體係冇以前咁好食，希望可以改善下，keep番以前啲水準。

呢間巴之閉的餐廳真的不願意去幫襯！事源系看到有只咸豬手做外賣，寫明晚上6點半有出爐。結果怕人多，問了他們一般什麼時候要等，他們說6點25來一定有。已經跑了一趟。結果我準時到，他們突然說5點半的都沒有賣完，說6點半不做了。叫我賣剩貨！5點半放到6點半都沒有得賣算是脆皮嗎？結果我問他怎樣才能買到剛出爐脆皮的豬手，他建議我當天先問清楚。今天跑了個空。事隔一個禮拜，我5點21分打電話去問他們今天6點半會不會出爐豬手。服務員說忙，要我5分鐘後再打去問。5點33分再問時，他們說6點半會有新鮮出爐的豬手。結果我6點28分到的時候，他們又說沒有做6點半的，賣剩2只，叫我賣剩下的。如果是你們會怎樣？買只豬手啫，都要跑幾次落空！你們不想做生意，那就乾脆說6點半不出，把好報改改啦！本來2次全家都打算吃豬手餸飯，沒有預備多少餸。兩次都這樣玩野！他們只會說問了廚房，廚房說有的，但突然沒有做。叫個廚房的出來澄清和道個歉都不會！還問我想怎樣？請問你們怎樣做生意的？知道什麼叫承諾嗎？這樣的店，點樣幫襯呀！差！差！差！

早上和老公外出吃早餐，itamama是連鎖餐廳，跟以往傳統茶記比較，這裏無論裝修和食物都有別於茶餐廳，走新派時尚風格，價錢大眾化。我們點了兩個早餐套餐，我點了野菌牛肉沙嗲通粉　　　　　和熱檸水，老公點了濃湯火腿通粉和凍奶茶，味道比我們以前試過跟進步了。通粉不會煮得太淋，咬落有口感，兩款湯底也做得不錯👍🏻，最抵讚的是杯熱檸水，一般茶餐廳就是熱滾水加幾片檸檬，但這裏的做法，是把檸檬渣好再用滾水沖，所以整杯檸檬水都是濃濃的檸檬🍋，有心！另外忘記影跟餐的多士，整塊脆脆的不薄不厚，好味！總括而言，地方坐得舒服，又有空間，食品製作尚算用心，三十幾蚊有這種質素，還是會幫襯的

之前介紹過呢間早餐，其實午餐同下午茶我哋都係常客未入門口之前都係要先量體溫，最近枱與枱之間加咗塊板隔住，教你防疫三部曲，食得安心今日介紹下午餐先其實好多款都好味，不過我仔最鍾意就係呢個香脆魚柳野菌滑蛋蓋飯，大大件吉列魚柳炸得又香又脆唔會太油，野菌滑蛋炒得好滑鋪滿整個飯面，再加埋茄汁好開胃肉醬溫泉蛋焗長通粉，焗法式紅酒牛肉珍珠飯都好好味凍檸茶而家轉左唔係用新鮮檸檬而係用檸檬汁代替每日都見到好多人排隊買脆皮鹹豬手$38，如果想買記得跟返出爐時間

何文田呢個地方對我黎講好像既熟悉又陌生，因為其實離我家不遠，不過好似又無咩吸引到要專登去搵食，今日經朋友介紹黎到何文田廣場入面呢間Itamama餐廳食high tea.餐廳比我感覺好舒服，裝修好有特式，坐位也不少，餐牌除左下午茶餐還有不少選擇，一行3人點了3份下午茶餐龍蝦湯底蜆肉意粉公司三文治 + 炸薯條塊麵包超厚，一份4件再加炸薯條，對女仔黎講要食晒成份都幾困難煙三文魚牛角包 + 炸薯條煙三文魚好厚身，不過略為覺得牛角包吾夠脆身餐飲也有水準，大大杯，凍咖啡好味道價錢吾貴，環境又舒服，下次一定要再黎試其他食品

今日放假，又可以黎呢度食呢間平民餐廳，自從第一次食過佢之後，我一諗唔倒食咩就會黎度食，一路覺得呢度個廚司好有心機，幾十蚊既貨仔整到有色香味俱全。所以的又再一次幫佢寫食評喇。今日12點黎食，唔使點等，即刻有位，入面裝修好好，好有feel, 想像唔倒呢個裝修會係呢個價錢。叫左一個香草鮮野菌忌廉螺絲粉，一般出面既忌廉螺絲粉，都係就咁白汁林上去就算，呢間唔係，佢有賣相啦，個忌廉汁係煮過，唔會太稀，食上去啖啖都係忌廉汁香，配埋香草，食上去同出面既好唔同。個煮法做得好好，廚司的確有心機。Mocha 加10蚊就得，但都落足料，抵飲。總言之，呢間係一間性價比好高既西餐廳。

之前去何文田探朋友剛是下午茶時間朋友就介紹我去itamama食佢嘅下午茶,炸魚薯條同三文魚牛角包我覺得地方好大坐得好舒適又好好食,所以我成日都想同老公嚟試下,今天假日早上就帶老公去試下佢嘅早餐,佢啲早餐比一般嘅餐廳較特別,我就order 咗個有香草豬肉腸,餐肉,煎蛋,蒜香牛油厚多士同一份火腿貝殼粉,老公就order龍蝦湯三文魚滑蛋扁意粉,龍蝦湯超香濃嘅龍蝦味三文魚有好幾片滑蛋又好美味老公超:連杯即磨咖啡都好好:,老公話下次一定要再試埋佢啲lunch and dinne:

老老實實，我覺得何文田廣場真係無咩好野食，選擇又唔多。不過，ＩＴＡＭＯＭＯ呢間唔錯，佢有好多款式揀～～可能我都係比較喜歡西餐，特別係午餐唔想食白飯～～但呢間野好多人排隊，如果要食記得早Ｄ黎拎飛！我叫左個芝士焗意粉，超正，一黎到個賣相已經流晒口水，滿滿既芝士ＣＯＶＥＲ喺上面，而且熱辣辣，新鮮喺焗爐拎出黎架！料都好足，唔會孤寒，而成個意粉都唔會太鹹，好好食！我又無理佢係咪意式餐廳，單純以我食到呢碟黎評下好唔好食～～又唔算貴＄５０—＄６０左右一餐，有埋野飲！絕對會再幫襯～

每逢weekend 都會早d起身同屋企人去嘆個早餐。我地成日都黎食，呢間環境幾好，坐位舒適，服務都好好而家好多早餐都要$5,60，呢度都係$3,40，下午茶大大份都好抵食而且鐘意佢款式多，總有一款岩你心意平日仔仔最愛濃湯火腿通粉，今日佢試下新既歐陸早餐，有蛋，餐肉，腸仔，沙律🥗蒜香牛油厚多士加輕量濃湯火腿貝殻粉而我就鐘意香濃蕃茄湯底，再自選兩款食物。佢仲有好多飲品選擇，熱飲都大大杯架何文田廣場既好選擇👍🏻

在附近交收網上的購物，發覺何文田廣場都發展得很好，地下有A-1 Bakery，上一層就有間西餐廳。見裝修好特別望落去好舒服，所以就入去睇吓。非常時期，客人不太多，但侍應都很好，每枱都格得好疏坐。點了這個特色公司三文治，原來很大碟，吃了¼已經飽，還要花一蚊用個盒打包。朋友點了個輕量龍蝦湯天使麵，她說很好味。

作為呢間餐廳既支持者，我係情人節前一日都已經問餐廳職員，呢度情人節會唔會加價。我地兩人都好慳家，本身情人節都想係屋企自己煮飯仔算，但見佢都唔加價，我地就決定黎喇。環境其實佢真係唔錯，好有意式feel。 佢今日仲有好多優惠既dish同飲品，我地就叫左三樣野兩杯飲品，都係260左右，認真抵。佢抵還抵，野食真係係唔錯。烤雞做到外脆，肉汁juicy ， 薯條有薯味，pizza 都性價比高，個意大利飯比平時既意大利餐廳大1/3，味道都好好。值得推介

今日下午放假，在家hea左成日，teatime想去食d 野，得知何文田廣場有間itamama開左，就想試試呢間既野食。食店位置在1樓，不難找到，在門口外望入面已覺得裝修不錯，落左唔少功夫，tea set 望去價錢大約 40-50蚊左右，感覺還可以。入到去樓面，有禮貌，有笑容，唔錯。點了個野菌芝士炒滑蛋牛角酥配薯條，同埋一杯ice mocha。野食有驚喜，冇想像中細碟，女士食可以當dinner 食既份糧，薯條食得出係即炸，外脆內軟，好食，牛角酥配蛋呢個配合唔錯，如果牛角酥可以更脆就更好，但都可以接受。mocha 甜度適中，咖啡同朱古力比例岩岩好。食左50蚊，呢個價黎講性價比算高。 值得推薦👍👍👍

今日下午放假，在家hea左成日，teatime想去食d 野，得知何文田廣場有間itamama開左，就想試試呢間既野食。食店位置在1樓，不難找到，在門口外望入面已覺得裝修不錯，落左唔少功夫，tea set 望去價錢大約 40-50蚊左右，感覺還可以。入到去樓面，有禮貌，有笑容，唔錯。點了個野菌芝士炒滑蛋牛角酥配薯條，同埋一杯ice mocha。野食有驚喜，冇想像中細碟，女士食可以當dinner 食既份糧，薯條食得出係即炸，外脆內軟，好食，牛角酥配蛋呢個配合唔錯，如果牛角酥可以更脆就更好，但都可以接受。mocha 甜度適中，咖啡同朱古力比例岩岩好。食左50蚊，呢個價黎講性價比算高。 值得推薦👍👍👍

香港人不嬲對義式既美食特別鍾情,包括我.今日同朋友一齊黎食飯.一入黎個感覺一點都唔義式,但佢地既美食係義式.我地叫左幾個美食.我地以為好貴.到賣單都係2xx.所以都好抵食.同埋真係好港義感覺...我諗連外國人都鍾意黎食!

依間由開業食到依家，一開始對佢好高評價，食物質素同價錢成正比，幾乎個個星期都必黎食，生意都keep住好好！但愈食愈衰，食物質素下降，同埋個餐牌冇換過，食黎食去都係個幾樣，一成不變，又冇新意