Itamama (何文田廣場)

營業中

休息中

今日喺何文田做嘢，咁啱去開何文田廣場，見到有連鎖西餐店Itamama……..加上見到自己有信用卡優惠，買左個外賣自取試一試佢🤤🤤🤤🤤🤤外賣自取百要等得比較耐由落單計都等要接近30分鐘先出到餐，呢點要扣一扣分啊⋯⋯加上餐具無比，行到一半要折返問店員拎😥😥😥😥😥不過整體黎講算ok既，折扣哂60幾蚊有飯有salad，仲有野飲/湯。不過今日流心蛋過熟不流心了😥😥😥而家珍珠飯都偏硬同乾身。

是日lunch 去開何文田，係openuniversity 附近既，何文田廣場一行入去就見到，地點算方便，大概12點左右到，人流唔算多，入去有位揀同朋友一齊點左個pizza，海鮮闊面同雞翼，雞翼超好食！柚子味香Pizza比想像中好吃，是薄批來的！煙三文魚味道香口！對得住個價錢啦！❤️❤️❤️❤️❤️價錢大概$80左右一人，價錢合適！即使到左人多時候，眼見服務都不錯！出餐快！應該不少打工仔及學生之選擇！！

我朋友之前試過呢間午餐，話幾好食專登搭的士入嚟帶我嚟試。佢呢個飯熱辣辣，果汁有幾夜魅，不過啲飯食落去就有小小硬，整體嚟講都算唔錯至於我叫呢個闊條麵係白汁底，不過個面就冇個飯咁熱，熱量一半，因為意粉要熱先好食，我落咗芝士粉落去都唔唔算好用溶到，係呢方便我就比較覺得麻麻地我哋兩個都嗌咗呢個凍嘅即磨咖啡，不過飲落去就唔係好重味，而且仲好甜，不過呢間嘢聽朋友講話成日爆滿，我哋都要喺午餐較早前入座先有位，到我哋食完嘅時候已經有部份人等緊位整體來講都對得到個價錢但係就唔會再特登去食

下午茶之選，係好彩有呢間小型茶餐廳🥹環境企企理理，可以喺平民價錢食到都好唔錯既嘢食😂鴛鴦焗飯蕃茄焗豬+白汁焗雞 ，雖然我好鍾意食焗飯但係有時候都好驚焗飯非常熱🥹 呢個焗飯非常ok,呢個焗飯熱但係唔會係一入口就會辣到果種！一次過滿足又想食豬又想食雞的三心兩意😂韓式豚肉炒烏冬呢個烏冬炒得非常入味，有大量豚肉絕對唔係只有兩三塊，加特飲都係$6！總體而言比50幾蚊嘅茶記價錢已經有個幾舒服的環境+食物！唔錯唔錯～

繼續發掘平民高汁西餐廳。仲記得第一次喺呢度食嘅時候，係樣樣都想試❣️最終揀咗芝士焗法式紅酒香茅牛肉配珍珠飯，熱辣辣嘅牛肉咬落去超淋，仲有濃濃嘅芝士香，好坦白講食到番薯同蘿蔔嘅味道多過紅酒🙈，不過只係$58嚟講，CP值得真好高，呢間我應該會係咁回頭，慢慢試埋佢menu上其他食物😋

上次係一個偶然機會，我幫襯了何文田廣場的 itamama ，發現食物質素很不錯，員工的服務態度很好，最重要係地方寬敞舒適，價錢相當合理。今日再來光顧，沒有令我失望。itamama 的pizza值得一試，好好味，麵類食物也很不錯。飲品有特色，味道好，而且一點也不貴。在疫情下，經濟不好的情況下，有itamama 這樣「平民化」的餐廳，的確為大家帶來歡樂，希望itamama 一直做下去。😁👍🏻👍🏻👍🏻👍🏻👍🏻

叫咗一個三文魚素飯，同三文魚芝士薄餅。三文魚芝士薄餅的餅底都幾鬆脆，賣相幾好睇。而我見到三文魚素飯，想試下係咩味道。素飯其實係切碎的椰菜花粒，加上三文魚粒，蘑菇粒嘅配件，味道比較清淡。所以我將椰菜花粒放上薄餅，一齊食。兩個味道剛剛好中和到😂簡簡單單就咁樣一個午餐。嘢飲叫咗朱古力，同埋檸檬茶。朱古力正正常常，檸檬茶就比較特別，比較重薄荷味，我會鍾意茶餐廳嘅檸檬茶味多啲

係附近諗唔到有咩好食，麻甩專員同朋友走去食左間連鎖西式餐廳，價錢親民，但味道就唔特別意外專員今次叫左《百里香烤雞配珍珠飯》，而朋友叫《香草雞蛋滑蛋蓋飯》《百里香烤雞配珍珠飯》熱辣辣嘅半邊烤雞行上檯仲出緊煙，春雞唔細隻，底下有沙律生菜托底烤雞烤得香口有百里香嘅香味，肉質唔乾咬落仲有部份水份配上一個烤雞醬汁，我覺得似係Nando's嘅烤雞醬黎，唔辣但沾雞食就幾好食唯一奇怪係沙律生菜加芝麻醬托底而唔係分開放側邊因為當想要食生菜嘅時侯，d芝麻醬基本上都比烤雞沾走晒但總括黎講成個餐係唔錯，但唔特別驚喜《香草雞蛋滑蛋蓋飯》外相唔太可以，同餐單張相比較有出入，少左一堆蔥絲放上面另外塊煎雞煎得過晒火，外相變左炭燒雞咁唯獨吸引反而係滑蛋，上檯時有聞到香濃嘅牛油蛋香味專員試左一啖，確實蛋香唔差，口感保持滑嫩黑椒汁夠味唔太嗆口，但塊煎雞排就真係唔掂，肉質已經煎到接近乾身咁濟_________________________麻甩專員評分區店內環境: 9/10食物外觀: 7/10食物味道: 7/10整體分數: 7/10翻食指數: 7/10_________________________

今日同屋企人一行4人去咗食Tea, 第一次食估唔到比想像中好😊。餐廳裝飾得幾靚，食物質素好，最重要係價錢親民！我哋食叫4個tea, 男人叫焗飯，女人叫Bagel 龍蝦汁蕃茄焗豬扒珍珠飯牛肝菌汁烤雞焗珍珠飯呢兩個焗飯個人覺得以Tea set 價錢黎講，份量同質素都係水準以上。豬扒同雞肉一啲都唔乾，口感十足漢堡扒煎焗流心蛋Bagel包芝士炒蛋Bagel 包呢兩個Bagel 包，味道唔够正宗，因為包嘅質地唔似Bagel似普通面包🥯，而流心蛋就熟咗少少唔够流😅，不過薯條脆口補返，同埋食物够熱唔會凍冰冰，整體都可以接受。4個set 都有跟飲品，我哋叫咗兩杯熱朱，1杯熱檸茶，1杯熱咖啡☕️，味道茶餐廳質素。整體而言，咁嘅價錢、食物質素同餐廳環境，我覺得物有所值

去過幾次， 無論早餐，午餐或晚餐， 啲嘢食選擇豐富，價錢又吾貴， 非常之好味。 而且全日免加一， 分量又多，包你食到飽！ 早兩日夜晚食咗個煎三文魚 闊條麵 ， 煎三文魚煎得好香，闊條麵都好淋，幾好味 。今日再食咗佢哋嘅早餐，有兩塊蒜蓉多士， 一個炒蛋連沙律菜及千島汁， 同埋蛋白燕麥片， 再关人埋杯咖啡都係36蚊， 今時今日，你去大家樂大快活都食吾到，咁抵食的早餐，佢嗰度裝修又有特色 ，樓底又高，天花上面有好多把吊扇， 感覺好似去咗外國嘅餐廳，而且餐廳侍應服務都唔差。

一個悠閒舒適的環境，一切都唔錯，空間充足，傾功課、傾保險、傾心事好地方，食野都唔錯。點了個下午茶賣相與相片相若，牛角包有輕輕加熱，沙律是有些雪過舊的感覺，而最敗筆是預計在蕃茄上的水牛芝士….點解變了cream?!其它份量，味道都是對得住價錢的，在都會大學內cantee相比，這個地方更舒適😬😬

唔貴 但性價比好高嘅餐廳❗️🤤🤤🤤🤤60幾蚊就可以食到大大隻嘅焗雞配飯 呢個餐根本可以算係兩個人嘅份量細食嘅朋友會完全覺得好多好大份🥺🥺🥺🥺🥺但上餐速度係真係建議改善一下

今日用外賣平台外賣自取, 訂左4個餐拎到返去先發現有一個餐俾錯咗。當然我地冇check我地都有唔啱, 但都提醒各位拎到餐最好都check下。另外, 我碗意粉有膠係入面(類似食物包裝), 我唔知有冇吞左其他細d嘅膠, 亦唔知d膠溶左幾多係我豌意粉到... 即刻成碗都食唔落... 大家自己食嘅時候都小心點。

早兩日好懶唔想煮飯，所以叫咗呢間外賣西餐廳😌😌Pizza有幾款選擇，其他嗰啲我之前都食過，覺得其實都冇咩分別😆😆，不過就好食過Pizza Hut嘅；芝士雞肉焗飯，我每一次都會食，佢用咗雙重芝士，而且啲雞肉好淋😎特別要讚下個柚子雞翼，我本身好鍾意食雞翼，襯埋柚子簡直係絕配🤩🤩，甜甜地，好好味😋

Foodpanda 外賣左個焗飯，午市時間自取。去到餐廳好忙，員工一個人兼顧收銀及安排外賣，等咗十幾分鐘先有得拿。松露野菌白汁雞扒焗珍珠，味道麻麻。黑松露味太搶，雞扒可以，食咗兩啖見到有啲奇怪，點解咁大粒黑芝麻？但係估唔到咁大隻曱甴送埋俾我加餐！！！真係多謝曬啦！頂你！