INN - I’m Not Nothing

營業中

休息中

是日餐湯：忌廉粟米湯在粟米湯表面有漂亮的拉花圖案和香草作為裝飾。有一陣淡淡的粟米香味，質感粗鞋有些一片片的東西，跟一般的西湯有點不一樣，但感覺新穎。加拿大豬肉眼野菌洋蔥芝士漢堡配薯條 $ 108.00這一個套餐有漢堡包、薯條和黑醋沙律。加拿大豬肉眼扒非常有厚度，口感軟熟，咬下去毫不費力。薯條每條都外脆內軟，熱辣辣上桌，十分好評。香蕉朱古力奶昔（跟餐價$24.00）香蕉味太假了！還有朱古力味不夠突出，身為朱古力的愛好者，完全大感失望。

又係All day breakfast😊 返工去開荔枝角呢頭，周圍搵下有咩好食先，之前元朗已食過INN，可以encore☺️一於試埋荔枝角。餐牌寫到all day breakfast 好多野食咁🍳🥓🥖試下先。午餐每個餐都有餐湯~All day breakfast 賣相好好~擺盤好吸引，成個早餐有咸有甜，有層次😊食完好飽，本身想減肥，少食碳水化合物野。呢間就算食好少包，都仲有大大片炒蛋、牛油果、煙肉等等，唔會變左無乜野食，好豐富☺️☺️🤭 仲有兩件大大件哈密瓜，所以成個全日早餐都唔覺得好肥!加拿大豬肉眼野菌洋蔥芝士漢堡配薯條分量係好驚人🤣豬扒真係非常厚，入面有蕃茄生菜芝士，配上牛肝菌汁，都幾香口。漢堡感覺唔錯，烘到脆脆地，感覺幾正。薯條比較粗身，炸得通透，好滋味。我同朋友仔最後都要flat white~ 拉花靚

大家出左地鐵站向後面行，見到斑馬綫就啱，斜對面就係億利工業中心，INN嘅地點。1)香煎北海道刺身帶子墨汁意大利飯$148送上的第一眼，見到食用花做裝飾已覺得好靚，嗅到好香，原來墨魚汁做出嚟嘅飯係好香，食落口每一啖飯都好好食(帶子真係配角)平時我第一時間就食帶子，呢次就唔係，食飯先😂。2)香煎虎蝦比目魚配刁草忌廉汁$208比目魚好大件，煎到魚皮好脆，但魚肉唔會乾，虎蝦大大隻，牛油蒜蓉香草溶入蝦中，正👍，底部有薯蓉。3)朱古力布朗尼、馬卡龍配雪糕🍦 $68朱古力蛋糕好軟，有幾粒莓做襯托，雪糕球上就係馬卡龍(好甜)，咁就唔諗減肥住。。。

呢間cafe最近人氣相當高，相繼開左好幾間分店，今次就同朋友嚟試佢位於荔枝角嘅分店。店鋪嘅裝修優雅別緻，打卡位亦唔少。英式炸魚柳配薯條 ($68)見到炸魚薯條呢個價錢諗住都係細細份，就先叫嚟做前菜，點知$68可以有咁大碟，炸魚柳長過手掌，炸粉脆而薄身，薯條亦粗切食到啖啖薯蓉，非常超值！青檸蜜糖雞翼($78)呢款炸雞翼蜜糖味濃郁，甜脆嘅外皮輕輕帶點青檸酸，做法新穎而好味香蒜辣味鮮蜆全蛋寬麵 ($128)平時蜆肉意粉就食得多，呢款叫全蛋寬麵果然食到係有分別，麵條比一般闊，所以更能夠鎖住蜆肉鮮味，而且食落有咬口香烤焗日式味噌澳洲豬鞍架 ($188)呢碟豬鞍架都製作得別具心思，底下嘅薯蓉係混合紅菜頭造成，除左變成紅色之外，食落亦比普通薯蓉多了一份清新甜味，配搭意外不錯。另外豬鞍架上鋪了味噌醬及木魚片，比西式醬汁少了一份油膩

工廈入面嘅餐廳，歐陸風格，有唔少花草植物，打卡啱哂！一坐低，店員話主動拎一個籃比我地，可以放隨身物品，都幾細心！點左2個set lunch👉🏻粟米湯不會太稀，拉花靚！👉🏻加拿大豬肉眼野菌洋蔥芝士漢堡配薯條 $108真係好厚切，唔乾唔鞋，而且好多料，兩個人食都好夠！薯條炸得金黃，熱辣辣好香脆！👉🏻烤焗香草羊架·牛仔腸配燒汁 $148叫左7成熟，肉質嫩！想讚下個伴碟幾靚，都幾有心思，個配菜好colorful！👉🏻士多啤梨藍莓奶昔 $24賣相靚，酸酸甜甜，夏天飲一流！👉🏻香蕉朱古力奶昔 $24香蕉味重，朱古力不會太甜！Menu係崩壞公主系列，好搞笑！

記得上年生日嘅時候，跟朋友在這裡慶祝，精緻、法式的裝修，令我再一次回頭😻今次點的食物比上次更加有驚喜～荔枝角分店打卡位多多！(發現Menu跟 漫畫家hungjeruncle 合作，相當有心思同埋有趣😻是我喜歡的風格！）🌫🌫🌫🌫🌫🌫🌫🌫🌫🌫🌫🌫🌫🌫🌫◻️香烤焗日式味噌澳洲豬鞍架 ＄188豬鞍熱辣辣！即叫即做，分量不算少，肥瘦適中，肉質軟硬剛好！稱得上是「靚豬」。豬鞍架下配有紅菜頭蓉，好特別！亦有焗薯仔增加飽腹感，味道佳！難怪很多人推介。◻️ 法式低溫慢煮鴨脾配香橙黑醋汁 $178最滿意的item‼️賣相令人垂涎欲滴，這道經典法式料理以低温慢煮而成，肉比較嫩滑，配搭香橙黑醋汁簡直是絕配，完全不油膩。而橙汁亦都滲進鴨脾，充滿果香。◻️士多啤梨藍莓奶昔- ＄48士多啤梨味道幾出，加上藍莓肉點綴，果味滿滿。奶昔入口順溜，甜度適中，味道天然。◻️ 朱古力香蕉奶昔$48如果喜歡喝濃味的奶昔，這一款就最適合不過。香蕉朱古力簡直是絕配，朱古力頗濃，配上熟成的香蕉，整杯散發出天然的果糖味！滿足～

法式焗波士頓龍蝦米多配露筍龍蝦汁意大利飯🦞半隻龍蝦🤩啖啖肉好大隻呀⋯⋯連個蟹鉗都多肉可以食埋，仲有芝士係面，超滿足，意大利飯大大粒軟硬適中口感好好，用左龍蝦汁煮好好味😋加埋露筍超正👍🏻香烤焗日式味噌澳洲豬鞍架🍖厚切豬鞍架連骨，煮到好林身之餘仲好有肉汁，一d都唔乾身，啖啖肉大大塊，一d都唔油膩，最正表面加上木魚絲更加帶出到味噌嘅味道出黎，薯蓉粉紅色望見靚之餘原來加左紅菜頭去煮，健康又好味😋

此間餐廳交通便利，一出地鐵站就係，啱晒路痴的我，餐廳裝修有少少歐式風格食物價錢中等，但份量超多，啱女仔胃餐廳有一位男侍應生唔知係咪老闆，親力親為，服務超級好，素質比得上五星級酒店的服務抹茶藍莓pancake 可以用超值優惠三文魚菠菜扁意粉清淡健康忌廉粟米湯好濃味All day breakfast 份量足，腸仔大，炒蛋有水準，不會干柴，蜜瓜好甜，煙肉好味，係牛油角應該唔係進口，唔夠creamy 我最驚見到爛菜，呢間沙律菜都好新鮮，一句講晒，價錢又合理，值得再去

📍 📍 INN - I’m Not Nothing (荔枝角)荔枝角長沙灣道883號億利工業中心2樓203號舖荔枝角工廠區內有唔少餐廳，今次去既I’m not nothing 係其他區都有分店，餐廳鋪面寬敞，裝修精美，呈歐陸復古風，座位寬敞舒適，而且過左食飯時間包埋場😆😆有精美復古吊燈點綴！店員親切有禮，店細心為客人下單及不時收拾碗碟。用OpenRice book仲要有折扣，可享九折或者加18蚊換班戟😆😆。Lunch menu 跟餐湯及28以下飲品或飲品半價👉餐湯粟米忌廉湯😋😋😋😋/5呢個粟米忌廉湯好濃郁，仲有啲粟米粒😆👉豬肉眼野菌洋蔥芝士漢堡💰108+1😋😋😋😋/5個漢堡分量十足，好大個，入面個豬肉眼扒好大塊好厚，豬肉眼雖然勁厚但一D都唔鞋口，咬落去鮮嫩多汁，有陣陣油脂香，個包烤到金黃色，薯條仲要新鮮即炸，外脆內軟😋👉澳洲草飼西冷扒8安士配薯菜,燒汁💰158+1😋😋😋.5/5我叫左5成熟，黎到似7成🤣🤣不過牛扒嘅肉質本身都優質，好少餐廳會俾草飼牛，而且食得出係有心機煎，配埋紫紅菜頭泥同埋其他side dish，份量真係好多，非常滿足。👉香蕉朱古力Crepe💰18經open rice

荔枝角億利 有不少餐廳，而這間INN的甜品朋友推介不錯就去試吓，價錢抵食之餘，地方都坐得幾舒服，這裡除了甜品外仲有不少西餐食物，選擇都不少。 榛子朱古力班戟 朱古力皮勁濃郁，一切入仲有朱古力醬同香蕉片，因感似用黑朱古力所以甜度合我口味，上面仲有忌簾和香蕉片，上面勁多朱古力醬和椰子碎片增加口感。另外再雲尼拿雪糕，配上薄身班戟一齊食整體好味而且價錢$78+$10抵食價錢。 另外叫了主食: 巴馬火腿 牛肝菌扁意粉 ，牛肝菌好香而且份量不少，偏意粉一人份一定夠食而且味道幾濃不太咸，口感幾彈牙，巴馬火腿有少少醋剛好。 今日因早收工18:00已來到，食到一半時都已經開始不少人來到，以平日來講都幾好生意，都有興趣下次和朋友一齊來吃飯，訂座會更好。

之前喺其他地方都食過INN，感覺不錯，環境裝修得幾靚，好適合同朋友傾吓計食吓飯。餐湯粟米忌廉湯味道正常水準。加拿大豬肉眼野菌洋蔥芝士漢堡配薯條呢個漢堡幾特別，出邊平時比較少有豬扒漢堡，佢仲要好厚身，醬汁嘅味道比較出，所以漢堡嘅味道都幾豐富。烤焗香草羊架.牛仔腸配燒汁羊架都幾厚肉，肉質粉嫩多汁，以紅菜頭薯蓉同埋雜菜伴碟，仲好貼心係碟加上芥末。士多啤梨藍莓奶昔奶昔好fruity ，仲要好靚好啱打卡，少女心爆發。香蕉朱古力奶昔呢款奶昔就夠rich ， 濃郁嘅味道，鍾意朱古力嘅朋友仔就啱晒。

之前同朋友食過荔枝角嘅工廈Cafe，覺得唔錯，今日又約咗朋友去再食dinner, 地點都幾近地鐵站，同埋荔枝角又方便我返屋企餐廳都算寬敞，可能平日嘅關係，餐廳又唔算多人裏面嘅裝潢幾華麗，仲有壁畫增添文藝氣息我同朋友叫咗兩個主食，我鍾意食海鮮,尤其龍蝦，叫咗個波士頓龍蝦米多配龍蝦汁意大利飯龍蝦賣相幾吸引，擺設幾靚，上面仲鋪滿芝士，幾新鮮，意大利飯好有龍蝦味第二個主食係芝士煙肉焗大啡菇伴澳洲肉眼扒八安士，肉眼扒幾大塊同厚身，叫咗五成熟，啱啱好唔會韌，好咬口，薯菜亦炸得好脆口，大啡菇鋪滿香濃芝士嘢飲就叫咗個水果茶，補充維他命C埋單total $510，每人大概$250，價錢唔算太貴，同埋兩個人都夠飽，環境都適合同朋友傾計，係唔錯嘅一個地方

📌呢間西餐cafe 👧🏻之前係元朗已經試過～質素唔錯，今次咁啱見到openrice 訂座有優惠，所以就去試下呢間分店啦💁🏻‍♀️📌相比元朗，呢到位置闊落好多，坐得好舒服，店員服務都唔錯❣️紅酒燴牛肋條意大利飯牛肋條煮得好冧，冇乜筋，可以好輕易就咬得開，有牛味不過唔算話好重。醬汁都幾濃郁，試到少少紅酒味剛剛好👌飯粒唔會煮到太濕，粒粒分明。成個配搭都唔錯👍👍❣️全日早餐好豐富🤤🤤 有豬肉腸、牛油多士、牛油果、沙律、炒蛋、哈蜜瓜沙律🤰炒蛋炒得好滑，牛油多士外層都脆口，但係底層偏冧同濕咗少少。但整體都幾好👌👌❣️肉桂蘋果杏仁片焦糖忌廉班戟Openrice 訂座加$18 (原價$78)就可以享用🤤夠晒抵。肉桂蘋果啱晒我呢d唔係幾中意太甜嘅人，呢個甜度就剛剛好，整體唔會太膩🤤❣️是日餐湯❣️Flat White❣️青檸薄荷梳打

近期大熱嘅樓上cafe十多張枱，都幾人多，最好預約，拎埋個discount 😂Lunch set算好多選擇，有輕食d嘅亦有成個晚餐咁多嘅，如果想食扒，可自由揀配唔配飯面薯菜，咁就彈性好多。我同朋友都餓，各自叫左一個set魚柳set：條魚煎得好香，又唔係去到脆邊，但咁仲好，因為多數影完相脆邊會凍左變硬，但呢個係煎香，保持到入面魚肉嫩滑，亦唔油膩。個汁好creamy，配菜足夠，感覺很均衡。朋友叫左羊扒，見到都開心呀，估唔到有3大支，都好厚肉架，同超市買嘅好唔同，睇個肉位就知，而且一d都唔鞋。同碟有條大腸😂😂雖然好似好抵食，味道都幾好，但就影響左視覺😂😂

Ooo宮殿風格工廈CafeooO荔枝角工廈經常有好多特色餐廳🍴，今次試左呢間宮殿風既餐廳，門口既典形皇宮式主柱加上粉色花花！餐廳入面都係簡單吊燈吊扇英式feel 😊想提提大家欣賞下佢餐牌入面既插畫創作😝白雪公主👑👗巫婆🧙‍♀️幾得意😝OooooO香烤焗日式味噌澳洲豬鞍架 $188賣相非常有心思👀有花花擺盤, 豬鞍幾爽唔乾肥廋岩岩好， 豬鞍兩邊分別有醋汁及芥辣自己選😄豬鞍底既南瓜溶都幾好。OooooO英式炸魚柳配薯條 $68熱辣辣上枱，即炸幾脆，配有沙律伴碟中和熱氣。OooooO香煎北海道刺身帶子墨汁意大利飯 $148帶子大大粒唔錯，墨魚飯份量都幾多，女孩子2人食都好飽。