INN - I’m Not Nothing

營業中

休息中

- 意大利水牛芝士蕃茄沙律配羅勒香醋汁 去食個日因為外出工作左全日 好想食D Fresh D既前菜 蕃茄唔算甜 但食到好鮮同濃濃既蕃茄味 水牛芝士份量都足 沙律配汁個到我都幾喜 一直食到淡淡既羅勒味 唔鐘意食既人都可以食到 唯有一點可惜既話香醋汁唔夠多 - 香辡鮮蜆配意式欖油全蛋闊麵 喱個食落係有驚喜 蜆肉鮮甜厚肉 無沙 蜆肉既量都多 我一開始以為自已只係叫左蜆係無麵既 個日無哂全蛋闊麵轉左做意粉 有咬口唔淋 蜆肉汁掛左上意粉到 所以食落去會食到少少甜同微辡既味 食到最尾涼左都唔會腥 - 芝士煙肉焗大啡菇伴澳洲草飼肉眼牛排8安士 牛排一見到又大又厚 食落好有口感 都juicy 大啡菇平時我當配菜以為無乜特別 但很讚煙肉唔油好香 佢中間加左層沙律醬 令到食落去既層次豐富左好多 - 熱情果薄荷梳打 & 西柚檸檬梳打 係鮮果肉既梳打, 果肉滿滿無糖漿感 另外仲放左乾果肉上去做裝飾 飲得又睇下 - 藍莓紅豆macha班戟 每樣配料都配搭得好好 班戟麵粉同茶味好香 上面仲有D杏仁片 令到成件事中和左少少唔會好甜 - Homemade Tiramisu Tiramis

上個禮拜三，同女朋友一齊食晚餐去荔枝角順便去睇D2 Place。見到呢間餐廳設計好叻，地方都比較寬闊，座位亦都好座。店員都好有禮貌，幫我哋安排晒啲餐具。事不宜遲，肚仔好餓，睇一睇個餐單先！主要有小食，餐湯，主菜有意粉，飯，扒類，Pancake，甜品同埋特飲～我地叫左芝士煙肉焗大啡菇伴澳洲草飼肉眼扒8安士首先賣相都好吸引，特別係焗蘑菇，裏面有好多芝士沙律醬同薯蓉，非常之香濃可口！另外肉眼扒係叫咗五成熟，燒得啱啱好，肉汁非常之鮮嫩，好香嘅油脂味。好味指數：8/10跟住當然唔少得打頭陣嘅班戟啦。香蕉士多啤梨榛子朱古力忌廉班戟賣相一樣非常之吸引，香蕉肉亦都非常之多，亦都唔會好甜，裏面充滿香蕉同榛子醬，同班戟配搭得非常之一流，非常之好食嘅甜品！好味指數：9/10

之前見到依個醜怪嘅白雪公主已經覺得好得意好想去試下，餐廳無論環境定係食物都不錯，價錢又合理.一坐低，店員勁細心，主動拎一個籃比我地，可以放隨身物品粟米忌廉湯濃郁的忌廉味，感覺似用粟米打成茸製成.意式水煮蛋肉醬意粉流心蛋，份量岩岩好，肉醬都多，工廈入面來講，非常高質英式炸魚柳配薯條通常炸魚薯條都係細細份，黎到點知可以有咁大碟，炸魚柳長過手掌，炸粉脆而薄身，薯條係薯條，啖啖都係薯仔榛子朱古力班戟 班戟皮特濃朱古力，上面有忌廉和香蕉片，貝殼勁多朱古力醬同椰子碎，入面配有朱古力醬同香蕉片，甜度適中，口感唔錯，另外再加埋雲尼拿雪糕味道 Taste：🙂🙂🙂🙂/5環境 Ambience：🙂🙂🙂/5服務 Service: 🙂🙂🙂🙂/5消費 Spending： $130/人 Person推介度 Recommendation：4/5

烤雞扒菠菜醬忌廉意大利飯 $108雞排嘅份量好多 而且唔會好乾 肉質好厚身 不過菠菜醬汁唔係好濃烈 只係食到普通嘅忌廉意大利飯嘅味道 同埋比較上有啲乾 如果多啲醬汁會更好 不過成個賣相都唔錯嘅😗手拆蟹肉烤南瓜醬意大利飯 $118賣相唔錯 聞落去都好香 色香味俱全 每一啖都會食到蟹肉 所以呢個價錢都算幾抵 南瓜醬嘅味唔係好突出但成個飯都creamy 醬汁好多所以相對香口比起上一個更好食～另外 跟餐仲會送是日餐湯 係粟米湯不過我覺得略嫌有啲太罐頭唔係太好飲😵‍💫士多啤梨藍莓奶昔味道清新 不過淨係飲到士多啤梨嘅味道 但相對唔會好甜成杯飲晒都唔會好heavy 仲有啲cream係中間增加左個味道！香蕉朱古力奶昔我覺得呢款仲好飲 因為兩個食物嘅味道都食得出而且 雖然係朱古力但都唔會好甜 仲會食到香蕉嘅果肉添！

INN叫左個set lunch頭盤餐湯⭐️⭐️⭐️主菜 意式水煮蛋肉醬意粉$88⭐️⭐️⭐️⭐️煎焗香草鯛魚柳配熱熔芝士忌廉醬$118⭐️⭐️香蕉士多啤梨榛子朱古力忌廉班戟$78⭐️⭐️⭐️⭐️

好味指數：😋😋😋😋😋推薦指數：⭐⭐⭐⭐⭐️之前係觀塘已經試過呢間餐廳，原來荔枝角附近開咗新分店😍雖然呢間餐廳無觀塘個間咁多佈置，但同樣保持餐廳嘅田園宮廷風格🍃✅香辣鮮蜆配意式欖油全蛋闊麵$128全蛋闊麵賣灑轉咗扁意粉😣意粉沾上蜆肉嘅辣香味非常惹味！蜆肉擺盤相當精緻，粒粒都有蜆肉😋✅ 芝士煙肉焗大啡菇伴澳洲草飼肉眼扒8安士$208選咗5成熟，肉眼扒好易切開，又鮮嫩又多汁🥩值得一試😍大啡菇賣灑轉咗番茄，番茄好新鮮配芝士味道好香😋📍INN - I’m Not Nothing (荔枝角)地址：荔枝角長沙灣道883號億利工業中心2樓203號舖

六點半到。未有人。 服務生有求必應❤️食物很好味。份量大。擺碟靚👍之前睇晒食評有點担心。 會嘈或服務麻麻 （可能因為早去未太多人好啲）總括光顧后感覺良好👍會再去👍👍無加一服務費。抵

估唔到星期日嘅荔枝角工廠區都咁多人，證明餐廳質素唔錯。餐廳由門口到店內都好有歐陸風，店內甚至有水晶燈，成個感覺好高雅，職員亦反應好快，服務唔錯。我哋2人各叫左一個set lunch，質素相當唔錯，同行友人都讚好食👍🏻。All day breakfast，相信唔洗點介紹都知係咩嚟，但正正係呢啲簡單嘢未必個個用心做。多士烘得好香脆，而且係蒜蓉多士😋。炒蛋好滑，份量不少。沙律一樣唔求其，沙律菜新鮮之餘，又加上唔少黑醋調味。味道好、份量多。推介！香燒加拿大豬肉眼配金巴利汁，一上菜就俾佢嘅賣相吸引。食落厚肉，肉汁豐富，一啲都唔柴，有油脂香，有少少被驚艷到😂。肉眼底下有一層紅菜頭汁薯蓉，再加埋cranberry sauce一齊食，估唔到都幾夾👍🏻。見評論話香蕉朱古力奶昔好飲，所以叫左杯試下，果然飲落一啲都唔會過甜，2者味道平衡。另外嘅凍Mocha都唔錯，正常水準，相比之下香蕉奶昔比較有特色。

餐廳環境好舒服，裝修有格調。同朋友嚟High Tea傾下偈、打卡都係唔錯嘅選擇。Set Lunch🍔香煎煙肉和牛芝士漢堡配薯條➰$118雖然個漢堡唔夠脆，不過和牛嘅生熟程度恰到好處，唔會太老，又有牛味。薯條炸到金黃色，而且外脆內軟。隔離嘅沙律配菜，加咗啲醋，酸酸地可以去油膩感。🐖香燒加拿大豬肉眼配金巴利汁➰$128平時好少食豬扒，因為怕會柴，但係今次嘅豬肉眼令我刮目相看，咬落去口感一流，好juicy。同埋金巴利汁一齊食非常夾，個汁酸酸甜甜好開胃。🌽餐湯—粟米湯即使係餐湯，但係質素都唔會遜色。香、濃、滑🍹餐飲—熱情果薄荷梳打好適合夏天嘅飲品，飲落感覺好清新，唔會太甜。見到啲甜品好吸引，好想下次嚟試吓。

今日去左荔枝角試新餐廳，餐廳個名叫INN，即係I’m Not Nothing。之前試過裕民坊分店，覺得都唔錯呀。餐牌有午市套餐，一共有11款主菜揀，包是日餐湯同$28或以下飲品。餐飲轉其他飲品半價。亦可以加意粉，薯條或者甜品。餐牌仲有唔少甜品。今日一人叫左一個餐分享。是日餐湯係粟米湯，味道質感都正常，味道似中式粟米羹。上面加左拉花忌廉同香草。份量都唔少。香煎煙肉和牛芝士漢堡配薯條 $118 另加一香煎煙肉和牛芝士漢堡大大個用竹簽固定好。面頭塊包烤得香脆，下面就係一塊煙肉同芝士。和牛扒煎得外皮少脆而入面仲係粉紅色，切落去肉汁漏哂出黎，肉汁好豐富。下底蔬菜有番茄片同生菜。呢個漢堡扒都唔錯，而煙肉唔鹹，我鍾意。漢堡伴有沙律同薯條。薯條叫左走鹽，係幼身，都好脆，仲跟左茄汁俾你。沙律係撈左黑醋嘅雜菜加半粒橙色車厘茄，食落甜甜地又唔膩，可平衡漢堡同薯條既油膩感。香燒加拿大豬肉眼配金巴利汁 $128另加一香燒加拿大豬肉眼配金巴利汁擺盤驚喜哋靚，非常之色彩繽紛。厚切豬肉眼好大塊，食落啖啖肉，食落又嫩又有肉汁，又無乜肥膏。上面有金巴利汁，即係Cranberry sauce，仲配有燒汁同黃色芥末汁。除咗豬

今日又嚟到荔枝角食飯呢間餐廳喺工廈入面啲櫈都坐得幾舒服🌸香煎北海道刺身帶子墨汁意大利飯（$148）見唔係咁多地方有，都想試吓口感都幾豐富，好creamy, 有兩粒帶子刺身，上面有啲蟹籽，帶子刺身整得好好味😋賣相都好吸引🌸香煎虎蝦比目魚配刁草忌廉汁（$208）面頭有隻虎蝦，隻蝦都煎得好熟比目魚都幾滑身，冇骨嘅魚我就最鍾意食😋😋層皮煎得非常香，再點旁邊啲忌廉汁好好食底下面原來仲有啲紅菜頭蓉，好好味呀

朋友去咗荔枝角億利工業大廈搵嘢食，哈哈出咗名多都好嘢食，今次試咗間靚靚Cafe，一入到去，已經比裏面簡約嘅裝修吸引住，裝修主要係白色，再加埋其他裝飾，入到去好舒服香煎加拿大豬肉眼配金巴利汁食物上碟好似藝術品一樣咁靚，豬肉眼扒好大塊好厚身，肉質好淋身，好食既豬扒一樣咁好食😋。上面有啲紅莓醬，酸酸甜甜好開胃，同個肉扒好夾，下面舖左大量咁啲紅菜頭泥，平時我唔鐘意食紅菜頭，但呢個泥好好食，個味調得好好，完全無紅菜頭果種怪味。另外碟上都有芥末醬，同個扒都係好夾，好多層次香煎煙肉和牛芝士漢堡配薯條個漢堡超厚身，特別係塊和牛，嗰熟度啱啱好，唔會太差，都唔會太熟，處理得煎得好香，和牛配漢堡，係食漢堡嘅另一個層次，配碟有好多沙律菜，好新鮮，加埋啲黑醋，好開胃，啲薯條都炸得好好，食得出唔係隔夜攤凍咗好耐嗰種飲品加配咗熱情果薄荷梳打賣相一流，見到有半個熱情喺裏面，一入口就飲到好濃烈嘅熱情果香味，非常足料，配上陣陣既薄荷清香，夏日透心涼，正兩個set lunch都好好食，朋友話係「吃到充滿愛」😆，我哋都好滿足

朋友喺呢度附近做嘢話呢間餐廳幾高質素，呢度冷氣又夠而且都幾有格調✨香煎北海道帶子刺身墨魚汁意大利飯帶子好大隻而且有兩隻，味道都好鮮甜好新鮮👍👍 墨魚汁意大利飯一啲腥味都冇，而且飯嘅質地唔會太淋！成個飯嘅份量超級多兩個人都食唔晒！✨澳洲草飼肉眼扒8安士伴 芝士煙肉焗大啡菇餐廳職員好細心咁問顧客想要幾成熟，餐廳好用心真係做到客人想要的生熟程度！而且牛扒都成塊面咁大！草飼肉眼扒好軟林林好容易切開，而且牛肉味都幾濃郁💕💕 芝士煙肉焗大啡菇完全真係心機菜式，廚師會將額外嘅啡菇同埋煙肉粒切碎同埋撈勻，再放喺大啡菇嘅面頭加上芝士佢焗到啱啱好！

手拆蟹肉烤南瓜醬意大利飯意大利飯加上南瓜溶，兩者混合得非常好，飯粒分明而唔算硬，加上綿綿既南瓜，感覺好健康; 另外手拆蟹肉分離得仔細，食唔到有殼，而且份量都好充足，兩者夾埋令成件事豐富好多，食落幾fresh又無想像中咁膩~香燒加拿大豬肉眼配金巴利汁燒加拿大豬肉肉質好稔，份量有成隻手掌咁大!加上佢有幾款不同既醬汁，分別係芥辣、紅莓醬、類似照燒汁同紅色(覺得似紅菜頭整成既泥)放係旁邊，你想點乜都得!我就比較中意點芥辣同紅莓醬，酸酸地既果醬令肉質鮮味更為突出，而再加小小芥辣就可以豐富味蕾~士多啤梨藍莓smoothie呢幾日真係熱到癲左，呢杯smoothie超級消暑!!!!士多啤梨加藍莓而成，酸酸甜甜，再加埋D冰粒同Cream，既開胃又可以即時幫我降溫，超爽!

話說小編之前去想D2 place既時候search過附近有咩好食 結果就見到d人話呢間餐廳好宮廷式而且好似都唔錯 於是乎就想試一試🤣芝士煙肉焗大啡菇伴澳洲草飼肉眼扒8oz🥩 $208小編其實真係好鍾意食菇👉🏼👈🏼而且又鍾意食牛扒所以一見到呢個主菜就即刻提議叫呢個😊牛扒要左5成熟🥩一嚟到已經急不及待切一舊嚟食 食落塊牛扒又多汁又嫩滑😋而個大啡菇係用煙肉加薯蓉鋪係面 口感層次都昇華左😛香煎北海道刺身帶子墨汁意大利飯 $148呢個主菜有驚喜😝會令人慾罷不能 一試愛上❤️雖然食完成個嘴都會變黑😂但都要叫黎試下 佢有好重既墨魚味但可惜冇墨魚仔🦑係飯入面 不過佢有菇🫣所以口感都好好👍🏼而且成個飯都幾creamy 會不停食不停食🤩有兩粒煎左既帶子同一蟹子鋪係飯面 由於帶子輕輕煎過所以好香而且咬落都有刺身嘅感覺 幾特別😎黑松露醬薯條🍟$68啱啱炸好熱辣辣嘅薯條配上濃郁嘅黑松露醬😍一黎到就聞到強烈黑松露香味🫢分量仲要唔細 小編食到停唔到手 喺主菜未黎之前已經食咗三分之一😋青檸薄荷梳打 $46咁熱嘅天氣就梗係要叫返杯凍嘅嘢飲啦 不過係男朋友飲😂夏天飲呢杯野真係成個人都Fresh哂👍🏼正正常常