INN - I’m Not Nothing

INN呢間餐廳已經唔係第一次嚟😍去開荔枝角做嘢，梗係要再食啦！發現餐廳多咗其他款式嘅食物同飲品！餐廳裝飾依然好典雅，坐得舒服！▫️ 慢煮八爪魚香橙西柚茴香沙律八爪魚經低溫慢煮，口感好嫩滑帶點爽口，完全冇咬唔開嘅問題！香橙同西柚帶出果香酸甜，唔單止醒胃，仲巧妙地中和咗海鮮嘅鹹鮮味，沙律整體味道層次分明，唔會單調，好適合作為開胃前菜！▫️ 法式紅酒和牛面肉意大利飯和牛面肉經長時間以紅酒慢煮，肉質極致軟腍，幾乎用叉輕輕一撥就散開，滲透住濃郁酒香與牛脂香氣，入口即化。配搭選用高湯慢慢熬煮嘅意大利飯，吸收咗牛肉醬汁嘅精華，每一啖都好滋味！▫️熱情果芒果酸奶昔飲品酸甜平衡得宜，入口即感受到熱情果嘅果香，緊接而嚟係芒果嘅濃郁甜味，兩者交織出一種熱帶陽光口味。酸奶為整體添上滑順口感與微酸層次，令味道更見清新，唔會過膩。羽衣甘藍牛油果酸奶昔羽衣甘藍帶有微微草本苦香，經攪拌後口感順滑，唔會有纖維感，牛油果則加入綿密質感與天然油脂，酸奶嘅酸度恰到好處，中和咗蔬菜嘅青澀，同時提升咗整體清新感，適合配搭作為餐後解膩之選！▫️ 海鹽開心果美式咖啡美式咖啡本身香濃微苦，係一種純粹嘅咖啡體驗，加入開心果醬後，即時添上堅果香氣與絲滑口感，令整體味道更圓潤，而海鹽嘅點綴唔止係味道上嘅平衡，更係層次上嘅提升，因為微鹹令甜味更突出，同時令咖啡回甘更明顯，好好飲！大推！▫️ 香蕉焦糖法式多士配雪糕法式多士外脆內軟，蛋香濃郁，焦糖香蕉香甜黏口，帶有微微焦香，完美地提升整體層次。配上香草雪糕，冷熱交融，口感豐富，真係令人一啖接一啖停唔到口！為今餐作完美嘅句號🥰！…查看更多

在荔枝角工貿區穿梭，發現這家主打多國菜的「香頌小館」，裝潢雅致帶點歐陸風情，燈光昏黃柔和，營造出相當不錯的用餐氛圍，頗適合朋友小聚或情侶約會，先為環境加分。是晚重點品嚐了幾道招牌。最令人失望的，莫過於招牌之一的「安格斯肉眼扒」。滿懷期待切開，入口卻發現肉質偏「鞋」 (韌)，而且比較乾身，欠缺安格斯牛應有的豐腴油香與軟嫩口感，調味亦屬普通，未能留下深刻印象，實在不值推介。幸好其他菜式挽回分數。一道「香辣大蝦手工意粉」令人喜出望外。蝦隻新鮮彈牙，香辣醬汁惹味得來不會過份嗆喉，最精彩是那手工意粉！質感絕佳，煙韌有咬口，完美掛汁，每一口都充滿麵香與醬汁的融合，證明廚師在澱粉質上下了功夫。然而，全晚最高潮，非「法式多士」莫屬！這道甜品甫上桌已香氣四溢。厚切多士的厚度絕對真材實料，外層煎至金黃微脆，內裡則極度鬆軟濕潤，吸滿了濃郁的蛋漿與奶香。每一口都像在吃著香噴噴的蛋布甸，蛋香豐盈卻不甜膩，口感綿密得令人陶醉。簡單的食材，做出不簡單的美味，絕對是「邪惡」卻又忍不住一口接一口的完美句點！👍🏻總結： 「香頌小館」環境有情調，服務亦算周到。安格斯牛扒水準未如理想，是明顯敗筆。但大蝦手工意粉展現質素，而法式多士更是必食的驚艷之作，足以成為回頭的理由。建議來訪時跳過牛扒，直衝意粉與那令人難忘的厚蛋香法式多士，會是個更完滿的體驗。…查看更多

最近相約咗喺荔枝角返工嘅友人dinner🍽️佢帶路介紹咗呢一間隱藏喺工廈入面嘅歐陸風Cafe西餐🍽️裝修都幾靚好歐風休閑feel❤️而且餐點擺盤都極為精緻📸必需手機先吃😆～個晚餐二人set都好抵食👍🏻overall質素都很可以😋最令我驚喜嘅係最後上嘅法式吐司係好好食🥹‼️厚厚的一片甜甜的軟綿綿☁️很喜歡💕✨SET DINNER MENU / $498 for two✨人均二百幾有咁嘅質素確實很可以👍🏻-🥖脆炸芝士條-🥗STARTER (3選2）挪威煙三文魚沙律是日餐湯-🍝PASTA / RISOTTO (3選1）香煎虎蝦香辣蝦頭油手工幼意粉-🥩MAIN COURSE (3選1）燒美國豬肉眼扒-🍞DESSERT原味忌廉法式多士-🍹DRINKS （兩杯自選）西柚梳打冰茶焦糖脆脆鮮奶咖啡…查看更多

工業中心竟然藏住間靚靚西餐廳，環境少少Vintage有d情調🫶🏻三文魚籽蟹肉牛油果他他好有層次，爆籽口感+牛油果creamy感完美融合。香煎虎蝦意粉出色👍🏻蝦頭油香辣惹味，手工幼意粉掛汁力MAX，虎蝦爽彈🦐 炭燒10oz安格斯牛扒煎得好好既medium，切開粉嫩冇血水，炭香同肉香並重，點少少鹽一流。肉桂蘋果法式多士黎哩度必點甜品😆有好多口味既法式多士～外脆內軟，肉桂味好香😋配冰凍雪糕一流!仲有熱情果芒果同士多啤梨香蕉酸奶昔，水果天然甜味+綿滑乳酪，健康又解膩💕 …查看更多

之前放工選擇咗呢間位於長沙灣工廠大廈入面嘅隱世餐廳用午膳，不過我覺得有啲失望。首先坐得唔算太舒服，第二就係午市食物選擇太少，我冇記錯好似只係得四至五款主食可供選擇，唔係太可以接受。我哋兩個人分別叫咗招牌波士頓龍蝦包以及蕃茄海鮮奄列，至於其中一個餐就升級做套餐，有一份蕃茄湯以及一杯嘢飲，而杯嘢飲我就選擇咗熱嘅 matcha latte。個蕃茄湯同蕃茄海鮮奄列都唔錯，但係個龍蝦包非常差，個龍蝦冇味兼且好韌，非常失望。至於杯 matcha latte 雖然略甜，但整體嚟講味道尚可接受。最後埋單冇記錯接近$400 ， CP值就非常一般般，我個人就唔會再嚟。…查看更多