INN - I’m Not Nothing

營業中

休息中

呢間餐廳位於荔枝角某工廈2樓入口係正長沙灣道，好易搵😎睇門面就知係港女打卡聖地🤣唔知啲野好唔好食呢裡面唔係好大，一眼望哂，少少迫但可接受。最緊要係有個大玻璃窗有充足嘅自然採光，成間餐廳好有氣氛🥰好舒服好中意好好彩店員仲安排到我坐窗口位，呢個光線加背景，成餐飯影相多過食飯🤣🤣🤣價錢唔算平，西餐嚟講算正常價，呢個環境如果好食嘅話就算抵😬一人叫咗一個餐，今日係南瓜忌廉湯，好滑😋👍🏻👍🏻👍🏻叫咗一個All Day Breakfast, 個份量真係好大，一個人食唔哂😵個多士好香脆，個炒滑蛋真係食過番尋味😋好滿足👍🏻👍🏻👍🏻👍🏻另外叫咗個豬眼肉漢堡薯條，又係超巨型，塊豬眼肉有成2cm咁厚，但仲好juicy,男仔食完呢個包都夠哂飽🤗👍🏻👍🏻👍🏻👍🏻最後埋單$300，兩個人抱住個肚走，真係好飽又好食😋咁嘅話呢個價其實算抵食👍🏻

門外環境唔錯，感覺幾浪漫，入到店內雖然不太大，但環境很優雅👍，今次預約了此餐廳試下西餐，為朋友慶祝。🍰🍰可以行埋D2 Place，億利工業大廈就係附近，呢間餐廳主題特別👑👑，環境悠閒，適合和朋友共聚。😊😚😚主菜前有湯，味道不錯。🍽👑👑👑食物賣相幾靚，擺盤有心思。💫❣️👑👑👑食物份量適中😄，價錢合理，適合打卡。🍹🍹🍹🍹👑👑👑👑👑豬牛羊魚也有，食物顏色亮麗，食西餐應有的水準。✨️✨️👑👑👑👑👑👑餐廳經理態度很好，十分配合安排，為朋友送上驚喜，朋友很高興。🧁🧁🍨👑👑👑👑👑主菜甜品味道佳，愉快的一餐。🎂🎂👍👍👍👍😄😄

假日諗住嚟D2 place 行下市集 係附近揾到呢間裝修幾靚嘅cafe同男朋友食👍🏻呢間Inn cafe之前都有聽朋友講過話幾好佢係觀塘,九龍灣,元朗都有分店而呢間位置就係D2place對面嘅工業大廈入面 餐廳裝修都係以白色tone為主 好別緻 好適合係度打卡Menu design都好特別 以廸士尼公主為主題 畫風都好搞笑😂Lunch嘅話佢地有set lunch 價錢都正常 唔會特別貴我地就叫左一個烤焗香草羊架同埋All day breakfastLunch set會每位包埋餐湯同嘢飲今日我哋嘅餐湯係南瓜忌廉湯個南瓜湯好香同埋南瓜味好濃味道同湯嘅濃稠程度啱啱好 👍🏻All day Breakfast 全日早餐 ($128)呢個all day breakfast超級豐富 份量好多😍 有煙肉,牛仔腸,牛油果,忌廉炒蛋,茄汁焗豆,蒜蓉包仲有沙律喺中間性價比好高而且食物質素都幾好 蒜蓉包好香脆 炒蛋都好香滑 食完好滿足烤焗香草羊架,牛仔腸配燒汁 ($148)七成熟嘅羊架剛剛好 唔會太靭 肉質好淋重點係佢好大件 賣相都不錯 羊架下面有紫薯蓉墊底 我都係第一次見用紫薯蓉 平時出面餐廳都係普通薯蓉

結論: 環境舒服，食物唔錯兼抵食！夜晚同兩個朋友食晚飯，其中一位提議食呢間cafe，本身知道係cafe之後都冇乜特別嘅expectation，因為之前去過嘅cafe都比較普通，但上到去見到個menu見到咁多選擇而且價錢都幾抵就開始期待。我地3個人叫左3個主菜share黎食，分別叫左個香烤焗日式味噌澳洲豬鞍架($188)、香煎北海道刺身帶子墨汁意大利飯($148)同埋香辣先蜆義式欖油全蛋闊麵($128)。先講豬鞍，一上枱賣相算唔錯啦，豬鞍幾入味，肥瘦都適中而且好淋，完全唔柴唔乾，豬下面有啲味噌gravy同埋紫薯泥，整體味道都算balanced不過略嫌有少少鹹。另外啲薯菜嘅味道就正常啦。跟住嘅墨汁意大利飯都幾有驚喜，真係食得出有墨魚味，而且risotto 入面有啲reddish同洋蔥令個口感更加豐富味道更加balanced。兩粒北海道帶子雖然係刺身但有稍微煎香兩面，食落香得黎都keep到個鮮味。另外呢個dish嘅份量都好足，同朋友都好滿意。最後嘅就係全蛋闊麵，一上枱就見到啲蜆鋪滿左個面，店員都好細心地俾左個兜我地裝殼。試左一啖個闊麵，食得出係手工意粉口感唔錯算係彈牙，而且辣味都幾刺激過隱！

荔枝角近幾年多咗好多餐廳～今日搵咗一間樓上餐廳同朋友們傾吓計食餐飯☺️裝修都幾精緻幾有格調～可能嗰日日都比較多外賣訂單？🙈叫左野食大約都等左20分鐘～🤍香烤焗日式味噌澳洲豬鞍架 $188豬鞍一黎到真係熱辣辣噴晒煙～肉質唔會太淋肥瘦適中豬鞍架下面配左紫薯蓉😋仲有少量雜菜+焗薯🤎🤍香煎北海道刺身帶子墨汁意大利飯 $148有驚喜！😍食到墨魚味 口感creamy~ 刺身帶子因為煎過更香 但仍然食到刺身口感！入邊仲有唔同嘅菇+飯粒 口感一流～🤍香蒜辣味鮮蜆全蛋寬麵 $128蜆肉份量多 質感都不錯～ 全蛋闊麵好特別💛 厚度啱啱好好耐冇食過真係咁辣嘅Pasta😋！望落唔係好多汁 但味道好夠～🤍梳打水 $28正正常常一杯加咗檸檬嘅梳打水～份量都可以接受～整體評分：💛💛💛💛晚餐選擇都幾多 人流唔多唔使等位 又唔會傾偈傾到好有壓力～野食都睇得出好有心機 並唔係好普通扒或者意粉！

今日放假即刻約朋友去荔枝角行街,荔枝角買衫又靚,款式又多。行咗幾個鐘決定搵啲嘢食下，順便可以休息吓，即刻喺OpenRice望吓附近有咩食，見到一間樓上Cafe都幾吸引即刻去試吓。INN I’m Not Nothing 地址就係荔枝角長沙灣道883號億利工業中心2樓203號舖。餐廳嘅裝修好高貴，而且感覺好舒適，空間感非常足夠，所以坐得都幾舒服。經典法式龍蝦湯 68 元 ，龍蝦湯賣相非常吸引，龍蝦肉份量都好多，入口味道新鮮又爽口，加上香濃嘅龍蝦湯，味道層次好豐富，香濃嘅龍蝦味真係好正。香蒜辣味鮮蜆全蛋寛麵 128 元 香蒜嘅味道連埋醬汁完全融入落寬麵，味道非常香濃，麵質做得好好，好彈牙，鮮蜆份量好多，而且味道新鮮，味道層次好豐富，越食越滋味。法式焗波士頓龍蝦配蘆筍龍蝦汁意大利飯 208 元龍蝦汁非常香濃，每一粒飯都比龍蝦汁包住，好creamy ,飯嘅質感煙煙韌韌，非常好食。半隻龍蝦肉份量都好多，龍蝦肉爽口彈牙,配上意大利飯真係好夾，好好味。士多啤梨藍莓奶昔 48元香濃嘅士多啤梨味，加上藍莓味，味道好清香，仲要係勁多果肉，酸酸甜甜，入口香滑。

早就聽過呢間宮廷式Cafe既大名，今次就去左荔枝角分店，野食打卡幾靚仲要好味😋>南瓜湯：呢款係是日餐湯，面頭既忌廉好似咖啡咁玩拉花😂入口係濃濃既南瓜味，稀稠程度岩岩好。>豬肉眼野菌洋蔥芝士漢堡：漢堡分量十足，好大個，女仔自己一個未必食得哂😵入面個豬肉眼扒好大塊好厚，咬落去鮮嫩多汁，有陣陣油脂香，個包烤到金黃色好靚，個汁甜甜地好惹味，薯條新鮮即炸，外脆內軟👍🏻>烤焗羊架牛仔腸：羊架煎到七成熟岩岩好，肉質嫩滑冇羊膻味，簡單配洋蔥汁就好好味，比較特別係佢個薯蓉用左紫薯整，食落唔甜係正常薯蓉味，但令到碟野望落好colourful 😍>香蕉朱古力Crepe：法式可麗餅係餐廳招牌甜品，朱古力可麗餅食落軟Q，配埋朱古力醬=雙重朱古力味，香蕉、士多啤梨+忌廉擺得幾靚，岩哂女孩子打卡Po 相🥰>蔓越莓玫瑰茶：熱飲個壺影相幾好睇，茶都係真材實料，飲落帶有陣陣清香。>士多啤梨藍莓奶昔：奶味重之餘，仲有飲到有果肉，酸酸甜甜好岩夏天飲！

今日放假約咗朋友去咗d2 個市集,近近地就search吓OpenRice有咩好食,點之我發現呢間工廈餐廳🍴用OpenRice book仲有折扣入面裝修得非常華麗，環境又靚窗邊仲有啲植物，周圍都好多花花草草白色為主題簡單嘅設計就是美好清雅靜靜哋同朋友傾偈就最啱員工態度非常友善，安排我們座位之後更介紹唔同款式嘅晚餐經典法式龍蝦湯$68，味道非常濃郁龍蝦味極重非常creamy ,橙色嘅湯底細膩柔滑，口感非常豐富，鮮味十足味道有層次，令人胃口大增，湯入面仲有好多嘅龍蝦肉法式焗波士頓龍蝦米多配蘆筍龍蝦汁意大利飯$208，每一粒米飯都給滿濃郁嘅龍蝦味，意大利飯軟硬度適中，入口啱啱好一睇就知非常用心去做，有半隻波士頓龍蝦但份量都唔少仲有非常多嘅蟹膏甜甜嘅龍蝦味啖啖肉士多啤梨藍莓奶昔$48，非常香濃嘅奶味，顏色仲鮮美紅嫩肉厚汁多飲落仲有好多士多啤梨嘅粒粒，口感唔錯，真係新一代嘅健康凍飲由乳酪同鮮果攪拌而成香滑口感營養豐富

📍𝕮𝖍𝖊𝖚𝖓𝖌 𝕾𝖍𝖆 𝖂𝖆𝖓 🚂 #cynincsw #eatincsw #teaincsw▪榛子朱古力▪香蕉▪士多啤梨▪忌廉法式班戟 💯ℕ𝕦𝕥𝕖𝕝𝕝𝕒 · 𝔹𝕒𝕟𝕒𝕟𝕒 · 𝕊𝕥𝕣𝕒𝕨𝕓𝕖𝕣𝕣𝕪 · ℂ𝕣𝕖𝕒𝕞 ℂ𝕣𝕖𝕡𝕖𝕤蟹肉南瓜意大利飯 💯ℙ𝕦𝕞𝕡𝕜𝕚𝕟 ℂ𝕣𝕖𝕒𝕞 ℝ𝕚𝕤𝕠𝕥𝕥𝕠 𝕨𝕚𝕥𝕙 ℂ𝕣𝕒𝕓 𝕄𝕖𝕒𝕥煙肉芝士和牛漢堡配薯條 🍔𝕎𝕒𝕘𝕪𝕦 𝔹𝕖𝕖𝕗 · 𝔹𝕒𝕔𝕠𝕟 ℂ𝕙𝕖𝕖𝕤𝕖 𝔹𝕦𝕣𝕘𝕖𝕣 𝕨𝕚𝕥𝕙 𝔽𝕣𝕖𝕟𝕔𝕙 𝔽𝕣𝕚𝕖𝕤蘑菇湯 🍄𝕄𝕦𝕤𝕙𝕣𝕠𝕠𝕞 𝕊𝕠𝕦𝕡▪

今日約咗朋友去荔枝角D2 Place行街，順便去附近餐廳食Lunch☺️Cafe位置方便，荔枝角港鐵站行2分鐘就到Cafe嘅裝修係歐洲宮廷式，場內好多花花草草佈置，加上雲石枱同埋藤椅，成個環境都好啱女仔打卡🥰Lunch set選擇算多，有成10款，價位係正常嘅Range，包餐湯同一杯$28以下嘅飲品，特飲就跟餐半價1. 南瓜忌廉湯南瓜味突出，好creamy2. 全日早餐（$128）超級豐富，賣相精緻😍金黃色香脆嘅蒜蓉多士，有蛋香而且滑溜嘅忌廉炒蛋，新鮮乾淨嘅沙律菜配上黑醋，仲有茄汁豆、牛仔腸、哈密瓜、牛油果，份量好多3. 豬肉眼野菌芝士漢堡（$108）朋友話肉眼質素好好，個麵包似自家製，配埋海量熱辣辣嘅薯條，好滿足4. 特飲我地叫左朱古力味濃郁嘅香蕉朱古力奶昔，同埋靚靚既熱檸檬百香果茶順帶一題，可能我地唔係繁忙時間上去，侍應們全程好有禮貌，比我地慢慢坐低傾下計chill下，Overall既感覺好好，會再黎！

今日母親節去食，啲嘢食賣相正正常常，不過味道。。。😇不予置評了😇🙏🏻希望大家唔好俾啲好評呃咗，竟然可以檸檬茶都咁難飲^_^啲蜆又好似食沙咁，又話預時間上甜品，食完好耐都仲未到，都唔知講咩好了，不過其他嘢飲都正正常常。我連覺得俾個劣評都係嘥緊我時間😇但係竟然要200字先可以俾劣評，所以為咗大家可以避過呢一間，我都要寫夠200字，真定假自己去食下就知，覺得寧願去食啲冰室同茶餐廳，可能我食唔慣好嘢

餐廳裝修靚，適合文青打卡，同朋友叫左個芒果熱情果pancake, 味道唔錯，而且擺盤都好睇，價錢合理，店員服務態度好😌係一間位於荔枝角既優質工廈餐廳，假日經過荔枝角值得一試👍🏻

有朋友生日，上網見到呢間餐廳喺工廈裏面，但環境舒服😌服務態度都好好，職員好細心提示放袋的位置。朋友生日，在open rice 訂位時寫上，職員也配合驚喜安排。朋友叫左薄荷青檸梳打，透心涼。士多啤梨藍莓奶昔，好好味👍濃濃的南瓜🎃湯，好creamy 蟹肉南瓜汁飯，粒粒有口感，值得一試西冷牛扒，好香牛味叫左7成，肉質軟身午市可加$19有pancake ,要左個香蕉士多啤利朱古力pancake 並寫上生日字句好靚呀

上星期約左朋友行D2 place，Shopping完梗係要搵地方醫肚啦😌😌上網睇到附近都有好多嘢食，但係比呢間西餐廳吸引咗，雖然係工廠大廈入面，不過都易搵，所以就上咗嚟試吓😎😎💡餐廳既環境好舒適，枱下面有滕攬比客人放袋；📝餐牌亦都唔好童話式，用公主王子做Background👸。嘢食既選擇算多，可以散叫，亦可以加$轉套餐🧐🧐我地order左以下食物💁‍♀️奶油大蝦嫩菠菜忌廉意粉hk$118好食指數: 🌟🌟🌟🌟🌟巴馬火腿牛肝菌扁意粉hk$128好食指數: 🌟🌟🌟🌟可樂2杯hk$26=1貼心指數: 🌟🌟🌟🌟🌟*餐廳需另收加一服務費*😎😎意粉即叫即做，上枱時熱辣辣❤️，仲好快就有得食😆。奶油大蝦嫩菠菜忌廉意粉好Creamy，🦐蝦大大隻好彈牙，食到停唔到囗🥳🥳。巴馬火腿牛肝菌扁意粉味道適中，唔會太咸🤤🤤。可樂有冰底杯跟埋，唔想食完嘢再飲既時候唔夠凍👍👍。價錢適中，嘢食份量同味道都岩岩好，環境坐得舒服，岩晒同朋友傾下偈食下嘢🥰

INN - I’m Not Nothing位於荔枝角工廠區。感覺不錯，舒服。我哋點了兩份午餐——是日餐湯為南瓜湯入口好順滑，我哋喺屋企久唔久都會整南瓜湯，用攪拌機。但係都好難做到搞到咁滑😊——-感覺惹味，少少辣。意粉有咬口香草嘅羅勒味及轉頭味嘅味道都好濃郁。虎蝦也幾好味，啖啖肉，有彈性。——-一碟有三大件羊架！我完全冇諗過有咁大件。煎得都好有油香，調味適中，加點芥末更好味清新。伴碟的紫薯蓉也好滑及好好味！薯蓉充滿牛油香，加埋菜及其他配菜一齊食更正——-感覺清新，奶味好香，士多啤梨加藍莓味道好夾。——-聞落去好香水果及玫瑰味，飲落去非常濃郁——-整體來說餐廳感覺不錯，食物都OK，亦係同朋友傾偈好地方