Homeland (牡丹大廈) (已搬遷) 新店位置

上次去完大埔的分店，今次來到大角咀分店，有種家的溫暖!下午時段來到有lunch set，也可以散叫!法式鮮蠔忌廉湯，這個好creamy，而且有香濃的鮮蠔味，入面的材料也有生蠔和麵包，因為加入了麵包，很有法式的感覺!香草牛油蒜香焗田螺，薯蓉有好香的蒜味和田螺的油香味，田螺肉都算厚，而薯蓉的份量也不少!冬蔭功海蝦闊條麵，這裡的意粉是手工制的，所以意粉的口感會較煙韌。闊條麵掛上冬蔭功汁，酸酸辣辣，十分刺激味蕾!意粉用上三色椒炒，帶有三色椒的香味!而蝦球肉質爽口彈牙，十分惹味!香烤乳豬配西班牙果酒燒汁，乳豬的皮帶有少少脆口，不會太油，肉質嫩滑!配上西班牙果酒燒汁，能肉質更鬆軟，而且口感不會太油膩，還配有薯蓉，很飽肚!Deadman Bee’s Knees，這款手工啤酒用上本地農場的蜜糖，啤酒口感順滑，味道帶有淡淡的蜜糖甜味，而且還有點焦糖香，不會很苦!火百合花茶，這款花茶的味道很特別，飲落味道很清新，有種令喉嚨很舒服的感覺!

難得就到聖誕節可以放下平日假期, lunch就食呢間平時好旺場既良心餐廳😋個人非常欣賞餐廳既佈置! 仲有一角係寄賣好多黃色精品~ 收益係會捐出幫手足~ 非常好!!食物方面, 我地點左聖誕自由揀抗疫套餐, 好快就有得食, 真係好有效率!是日餐湯 (甘荀濃湯) 質地好creamy, 有少少薑味, 冬天飲一流前菜揀左煙三文魚&八爪魚雜菜沙律, 有拌酸酸甜甜沙律醋, 唔係冇味齋食草~ 八爪魚都唔係咬極唔斷, 亦好厚實彈牙~唔錯!Main course揀左個Fusion菜: 冬蔭功海蝦闊條麵味道真係幾特別, 有冬蔭功酸酸辣辣, 又豐富既香料味, 感覺好惹味開胃~好鍾意佢地麵既質地, 係非常有咬口同煙煙韌韌! 仲好掛汁下~唔錯!香煎澳洲黑毛安格斯西冷我地order左5成熟~ 塊排都幾大塊幾足料啵!厚身得來, 都算腍~ 肉味都幾濃~ 唔錯!拌菜既薯蓉值得一讚! 係有小小薯仔粒粒, 好有咬口! 唔係我最怕果D冇牙人食既薯蓉!咸蛋黃醬酥炸雞翼雞翼炸到金黃色, 好酥脆~ 而且每一隻都有咸蛋黃醬包裹薯, 咸咸香香, 係幾好味!一碟都有6隻 (唔係單骨) 好抵食!餐飲配熱咖啡&熱奶茶總括而言, 餐廳除左有良心

佈置休閒優雅，牆上面有好多好靚嘅掛畫，另外仲有唔少鎖匙扣裝飾等等擺設，記錄咗好多香港人嘅回憶，入到黎記得留意一下！食物選擇可以用多國菜fusion 形容，有多款西式食品。由於飲品都係特色，而且又唔係本地嘅手工啤酒🍻，所以我比較喜歡食一啲可以分享嘅食物。另外肉類、扒、漢堡包等等都唔錯，記得試吓叫咗紅Van大叔嘅啤酒🍻非常可愛設計忌廉蘑菇濃湯，上面有可以食用嘅花、少量麵包、以及香草作為裝飾。蘑菇味濃厚，蘑菇肉切得比較大粒，所以有相當高嘅咀嚼口感。大大碗熱湯，適合冬天飲用☺️粗炸直薯條🍟 配黑松露蛋黃醬個人非常推介嘅食物。薯仔香味新鮮可口，方角狀薯條炸得香脆，粗幼度適中，有卜卜趣嘅口感，入邊軟林林薯仔肉。黑松露蛋黃醬非常濃厚的味道，絕對唔馬虎。配合啤酒食用乃是佳品！Egg Benedict!🍳又係一個經典嘅西方comfort food。黑色嘅魚子，放喺賓納特蛋上面，切開雞蛋細心等蛋流出來。蔬菜新鮮可口，沒有苦味。配上煙肉、三文魚。兩個人大概埋單二百幾蚊，豐儉由人

大角咀真係一個好多美食嘅地方約咗朋友食飯諗咗好耐都唔知食乜好最後行過見到呢間裝修好靚好溫馨所以決定入去坐低試吓餐牌上面有好多選擇不過因為唔想諗食乜所以最後決定食佢嘅套餐其實套餐都幾抵食每人百幾蚊就有湯，沙律，主菜同嘢飲同朋友一人嗌左一款沙律啲菜都幾新鮮食落幾開胃之後就係是日餐湯好似係薯仔湯(?!)然後就係主菜我哋揀咗一個意粉一個飯share個份量都唔細我哋兩個女仔食唔晒卡邦尼意粉個汁煮得唔錯個牛面頰飯嘅肉煮得好淋咬咁唔錯最後仲有兩杯嘢飲總括嚟講係一個非常豐富嘅午餐坐得又舒服有機會可以再食多一次

餐廳裝修色彩繽紛， 十分夢幻， 每個角落都係靚靚打卡位， 座位舒適， 連餐具都是七彩繽紛， 顏色悅目， 賞心樂事 ，令人胃口大開， 聖誕將至， 餐廳推出優惠聖誕自由揀抗疫套餐， 價錢親民、抵食。香辣蕃茄白酒煮藍青口$88青口肥美挺身，浸泡在誘人香辣蕃茄白酒汁中，微微泛辣， 別有一番風味。香草牛油蒜香焗田螺$88 蒜香焗田螺， 鮮味彈牙， 散發著誘人的蒜香， 精華在墊底的薯蓉，吸收了田螺的鮮味，再加上牛油味，既香且滑，津津回味。班尼迪蛋$98班尼迪蛋， 賣相令人垂涎欲滴， 輕輕刺穿雞蛋， 金黃滑溜蛋漿流出，焗得微脆的麵包，吸收了蛋漿，回味無窮。加上煎得香脆的煙肉，帶煙燻的味道，伴碟跟配熟透的牛油果、 新鮮沙律菜及厚實的肉腸， 十分豐富而滋味。爆炸楓糖三文魚柳配薰衣草忌廉汁$138三文魚魚皮煎至焦脆， 魚肉 質感細軟，配上爆炸楓糖，感覺新穎創意， 卻又出奇地搭配，配上甜稠薰衣草忌廉汁，味道清新迷人，滑溜薯蓉墊底， 滿滿的牛油香氣，薯蓉吸嗦了三文魚油香，細膩口感更吸引。浮華墨紅玫瑰花茶$48浮華墨紅玫花茶以蠟燭台座熱， 上枱時， 已經傳來陣陣玫瑰花香，呻一口是芬芳馥郁，令人心曠神怡。玫瑰抹茶

上次食過呢到dinner，今次就同同事黎食lunch。坐低先發覺無平時既lunch menu 😅。佢地推出左個聖誕🎅🏻自由抗疫套餐。自由配搭，我地點左個2人餐+小食拼盤沙律🥗： 煙三文魚/八爪魚雜菜沙律Dressing 係黑醋汁，比較健康，有D酸，開胃😆。是日餐湯🥣： 薯仔湯，飲完個湯已經飽左一半😂香煎西班牙伊比利亞豬肩肉落單個陣佢地推薦9成熟，所以上菜個陣會有少少紅紅地。幾香，有少少Dry，配埋佢d side dish同配菜食就會無咁乾。意式牛肝菌野菌燉飯超級香！D飯煮到入哂味😋，如果佢再落多D落就正喇😍勁眼闊肚窄😅仲叫左個小食拼盤有芝士薯條、炸魚手指、吉列蠔同柚子蜜雞翼我地差唔多成食先上枱，全部都係即炸，咬落去係辣咀！唯一要挑剔既係芝士醬🧀淋左上薯條到好快就變淋，分開比我地點會好D！呢個抗疫餐晚市黎講就好抵食😆，lunch可能有少少貴，不過💛就無輪點都盲撐🤚🏻！BTW最近佢地最近做緊免加一！

今日有朋友過嚟大角咀揾我食飯 當然要帶佢嚟呢邊出色嘅黃店潮聖💛雖然附近有唔少黃店 不過我就覺得呢度環境最舒適 坐得最舒服🥰今次我哋order咗兩款main dish share食◾香煎西班牙伊利比亞豬肩肉店員推介我地要9成熟 豬肩肉面頭煎到帶點焦香 入面肉質比較稔同軟熟 配上店家特制醬汁 令到入囗感覺清新 而伴碟薯蓉亦都好好味😍◽牛油果煙三文魚闊條麵闊條麵口感好有驚喜 比較煙韌 牛油果同煙三文魚嘅份量都唔少 將三文魚卷成花形 可見店家心思 唔好話係街坊小店就hea做 而牛油果如果再熟啲稔啲就更加正🥑◾焦糖奶蓋咖啡奶蓋系列係店家特飲 一送到嚟就覺得好靚啊 賣相有啲似之前大熱嘅400次咖啡 咁當然呢杯係凍飲啦 奶蓋除咗焦糖仲帶點咖啡香 而下面嘅奶泡奶味好香濃好滑 超滿意💛◽Cappuccino之前已經試過呢度嘅咖啡 當然因為沖得好味所以encore啦當日lunch time keep住full house 好繁忙 但係店員都keep住好好態度盡量去做每枱客 值得一讚💪🏻加油

前兩天聽朋友說大角咀利奧坊附近新開了一家西餐店，感覺不錯！今天剛好在家上班不用去單位，利用這個機會和家人一起共進午餐心裏很是開心。中午來到店鋪一看，果真是裝潢有致，彩燈閃爍，環境自然清新，看著餐牌上誘人的介紹，真想一一品嘗！我們點了聖誕🎄二人套餐兩個前菜兩個主菜還配有飲品totalHKD248都算合理價錢。🐟爆炸糖三文魚柳：烤色微黃，皮脆肉厚，配上薰衣草忌廉汁，使整個擺盤別致典雅，尤如幅畫；香草炬田螺：肉質鮮嫩，在金黃色土豆泥的襯托下更是突顯出了它的高貴；冬蔭功海蝦闊面條：色澤金黃，蝦大彈牙，口感細膩；煙三文魚和慢煮雞胸雜菜沙津，味鮮色美，口感不錯👍🏻由於是午餐時間，進店吃飯的人絡繹不絕，且年輕人居多，看來雖然疫情壓縮了堂食時間，但卻阻擋不了人們對美食的向往和對生活的熱愛！

好開心我屋企附近有好幾間黃店 今次就試間早喺大埔已經好出名嘅西餐黃店鋪頭好colourful 有幾多食物選擇 呢排仲有個聖誕抗疫set 今次就叫左個2人餐沙律揀左煙三文魚同八爪魚沙律 蔬菜好新鮮爽脆 配埋沙律醋 清新開胃 特別一讚個八爪魚 有口感 八爪魚味好重是日餐湯係大蒜薯仔湯 口感綿滑 蒜味同薯仔味都唔會互搶 冬天飲完暖笠笠☺️牛肝菌野菌燉飯好香雜菌味 尤其是牛肝菌獨有嘅氣味 飯粒煮得啱啱好 入口creamy蒜香辣椒炒大蜆意粉 大蜆冇沙兼鮮甜 手工意粉彈牙 有啲拉麵嘅口感 加埋蒜頭辣椒好惹味另外叫左2個甜品 焦糖燉蛋啲蛋好嫩滑 焦糖層好厚蘋果雜莓奶油酥皮撻拎辣辣 雜莓嘅微酸中和左酥皮嘅膩 唔錯

🥇大角咀手工意粉🍝.呢間野係大埔就已經好出名，難得開正屋企附近，方便我呢個老人家行幾步就有得食😍就梗係要黎試佢個手工意粉啦😝冬蔭功闊條意粉對我黎講係prefect 🤤🤤首先冬蔭功個味濃得黎又唔會過辣而個手工意粉係煙韌得後又唔會過硬😋好想自己一個食晒一碟🤣🤣但好野梗係要比🐡🐡食多啲架啦🥰.叫左呢間店既限定菜式：香烤乳豬🤩外皮香脆而啲肉就嫩滑多汁😋雖則佢偏細舊，但真係好味程度係可以搭夠👍🏻之後就要講番唔係咁得既澳洲黑毛安格斯西冷😂筋位太多而且咬極都咬唔爛，應該又係一隻運動家牛牛🙈唔好話我老人家咬唔到🤣🤣在座各位都話咬唔到囉😆但係個跟送既薯蓉又幾正😍又係個句🤣下次比配菜我就得架喇😝

呢間餐廳佈置都好有心思，係名符其實嘅黃店大家真係值得入嚟打下卡聖誕自由揀抗疫套餐二人餐價錢相宜，最平$250已經包餐湯、沙律、主菜同餐飲，想食好啲嘅就可以再加錢，豐儉由人今日餐湯係蕃茄忌廉湯雞胸肉比一般的雞肉有彈性，雞肉更滑嫩。煙三文魚魚肉係鮮橙色，帶著點煙燻的風味與鹹味。小食拼盤包括芝士薯條、柚子雞翼、炸吉列廣島蠔、炸魚柳HOMELAND嘅手工意粉粗細均勻，咬落不易爛不粘牙。海蝦味道鮮美，肉質細嫩牛油果肉質滑膩，有股淡淡嘅牛油味，煙三文魚魚肉係鮮橙色，帶著點煙燻的風味與鹹味。

晚市禁堂食，要好好的enjoy美食，唯有趁假期下午食餐好的，選了一間環境一入去就好有開心感覺的homeland，彷彿遊樂園般，充滿趣味。Egg benedict all day breakfast $98豐富的all day breakfast，egg benedict半流心蛋醬配上誘人荷蘭醬，還添上黑魚子粒，有大量沙律菜、煎香的煙肉和香腸、牛油果、煙三文魚，應有盡有，大堆頭。秘製伊比利亞卡火腿卡邦尼意粉$118一個簡單的卡邦尼意粉，除了溫泉蛋和火腿外，沒有其他材料，但吃下去卻有驚喜，非一般意粉，醬料濃稠而不膩，意粉很香咬口剛好，伊比利亞卡火腿薄片味道香醇，一切配合剛好。脆炸粗直薯條配松露蛋黃醬$58新鮮炸起熱辣辣粗薯條，很有薯香，松露蛋黃醬令薯條吸引度增加很多。爆炸糖玫瑰荔枝梳打$36兒時玩意爆炸糖，自行加到飲品內爆炸，飲品基調是荔枝味，感覺清新，還有荔枝果肉吃，大大杯很抵飲。度過了一個好chill的下午。

呢間位於奧運隔離既小餐廳～估唔到西餐整得唔錯～八爪魚🐙雜菜沙律八爪魚係燒過～熟的，味道香啲又安全啲匈牙利牛面頰燉飯今日天氣比較凍，所以想食啲飯，所以嗌左牛面頰燉飯～暖下牛面頰肉質煮得岩岩好，有咬口又唔韌，仲味道好正～飯粒加肉汁芝士燉到岩岩好，軟硬適中～除左一大塊牛面頰肉，仲好多切粒既肉粒拌係飯到～足料！ 清晒一碟！小食拼盤酥炸、炸魚柳、吉列廣島蠔、芝士薯條 雞翼、魚柳&廣島蠔都炸得好靚～廣島蠔咬開外酥脆內Juicy 👍🏻蒜香辣椒炒活蜆蒜香片炒到好香，微辣～活蜆脹卜卜又入味，餸汁咸咸地～ 好正！👍🏻玫瑰抹茶牛奶呢杯野飲好好飲，玫瑰撒面，有玫瑰香，抹茶牛奶比例又溝得岩岩好，微甜～

平日原來有午市套餐，分別有一人、二人及四人餐，我哋兩個人叫咗二人餐。套餐有兩個沙律、湯。兩個主菜及兩杯飲品，我哋揀咗煙三文魚雜菜沙律及八爪魚雜菜沙律。🥗沙律菜幾新鮮，煙三文魚同八爪魚都OK。▶️蒜香辣椒炒大蜆意大利粉有淡淡蒜香味，唔會太辣，大蜆夠甜，意大利粉幾特別，有啲似油麵。▶️西班牙伊比利亞豬肩可以揀九成或全熟，揀咗九成熟肉汁幾林，算唔錯。仲有啲薯蓉，我覺得薯蓉好食。▶️飲品包普通咖啡、奶茶、檸茶、檸水▶️最後叫咗甜品：朱古力蛋糕底層帶脆脆，上面係朱古力mousse，味道唔錯

雖然疫症底下冇得周圍去 但都會周圍去左食又食 支持黃色經濟圈今日去咗試食呢間深黃嘅Cafe 其實一路都好想試因為門面已經好靚入到去已經覺得好舒服 裝修好特別係一個值得同朋友gathering嘅地方我同朋友叫咗抗疫二人餐都係二百幾蚊好抵食首先有前菜分別有沙律同湯 沙律方面比較鍾意食八爪魚好足料蘋果醋都好好味 推介至於個主菜我哋加咗$30轉左個豬肩肉真係超級好味 好滑好Juicy 好少食到啲豬扒係咁好味 要加50至$100我都會叫 至於另一個主菜我哋就叫咗carbonara 如果你同我一樣喜歡Creamy 嘅意粉就一定要叫了而佢唔係就咁落煙肉去炒 反而係用ham絕對好夠誠意最後仲有兩杯餐飲每個人都係$140左右 真係好抵食