Hidden和洋食屋

營業中

休息中

🏮 #九龍灣 #Hidden和洋食屋早前同朋友聚舊，去咗九龍灣嘅「Hidden和洋食屋」🥰 呢度食物選擇都幾多，價獎都唔貴😋 仲有遊戲機、boardgames、飛標任玩😍 枱櫈都好大好舒適，一大班人玩桌上遊戲，坐足一晚都可以☺️🐥🍲 日本元氣雞肉壽喜燒 （$108）🍜 升級套餐 （+$35/飯，+$40/烏冬）呢度嘅壽喜燒好大份好抵食！ 壽喜燒嘅材料有雞肉🐥、幾種蔬菜🥬、菇🍄、豆腐🧈、蘿蔔🥕、大蔥等等，湯底香甜，又唔會太重口味😋 我哋揀咗烏冬，冇得好似飯咁任食，但有兩底都好正😛 用呢個壽喜燒湯底，配埋日本生雞蛋食好好味😆 跟餐仲有味噌蜆湯🍲、和風柚子醋沙律🥗、飲品🍵添！🐣🍗 芝麻雞翼 （追加 +$28）叫壽喜燒或燒肉仲可以用優惠啲嘅價錢追加小食，我哋揀咗芝麻雞翼，好香口🥰🐠🍚 炭烤原條鰻魚蛋包飯 （$128）鰻魚蛋包飯又係超級大份！ 個汁調得幾啱我哋心水，又係調味適中，唔會太鹹太甜😚👍🏻 鰻魚超大條，啖啖肉，滑蛋又夠香，滿意！

🔸石燒牛舌兩食 $128🔸A4黑毛和牛壽喜燒 $148🔸鮮菠蘿熱情果梳打+$20🔸柚子雪葩梳打 +$20-今日約左個中學同學聚舊，於是就佢公司位置係九龍灣揀餐廳，今次又係揀日本野食想念鄉下🤣我地揀左石燒牛舌兩食同我最愛既和牛壽喜燒，兩種牛舌燒到外層幾脆下，但係入裡都係好軟腍😋👍🏻和牛壽喜燒入口後油脂慢慢溶化，加埋生雞蛋一齊食簡直一流😍另外叫左兩杯野飲：鮮菠蘿熱情果梳打& 柚子雪葩梳打，好fresh飲完透心涼～順帶一提：d職員好nice，會同客人打成一片有講有笑，餐廳仲有board game、遊戲機 & 掟標機玩，好正🥰

今晚同朋友去咗九龍灣嘅「Hidden」食晚飯，呢間餐廳環境好舒適，氣氛又好放鬆，服務親切友善，有好多board games可以玩，真係好啱約埋朋友嚟食飯！👍🏻🍽️我哋叫咗三款菜式，首先係北海道千歲豚肉鍋套餐。豚肉好嫩滑，同埋湯底鮮味十足，好正！❤️ 配菜亦好豐富，有各式時令菜、豆腐、金菇等等，食得好健康！👍🏻香煎三文魚茶漬飯，三文魚煎得剛剛好，外脆內嫩，配上香氣四溢嘅茶漬，令味道更加突出！飯粒飽滿有彈性，令人食得好滿足！😋最後就係芝麻雞翼！雞翼炸得好香口，肉質好嫩，芝麻味道亦好香，好味👍🏻總括嚟講，餐廳嘅菜式質素高，價錢亦好實惠！如果你鍾意日式嘅餐廳，呢度絕對係個好去處！🍲🍣🍱🍗🍚👌🏻👍🏻

👭🏻孖妹今日收工到訪九龍灣工厦內和食餐廳，餐廳內部好闊落，有多張卡位，提供街機、Boardgames、飛鏢等等比客人玩，同朋友離坐成晚一邊打街機、飛鏢同各式各樣board game 都唔怕，餐廳提供多款主食、炸物、飲品、串燒比客人選擇餐廳晚市做緊買晚市枝豆送生啤任飲優惠，凡於星期一至六晚市時間（18:00-22:00）幫襯食枝豆（$128）即送生啤任飲優惠！非常之抵！店員服務態度非常友善，主動介紹餐廳菜式，上菜速度算快，👭🏻孖妹非常推介大家到訪，同朋友坐一晚傾計💬都好唔錯👍🏻🔸🔹🔸🔹🔸🔹🔸🔹🔸🔹🔸🔹🔸🔹🥢 Hidden經典和牛芝士漢堡配番薯條 💰128✨漢堡包係餐廳主打之一，由漢堡包、番茄、生菜、煙肉、千島醬汁組成牛肉漢堡，另配車厘茄同沙律菜✨漢堡好大個，比一般牛肉漢堡大成1/3有多🤫漢堡包好鬆軟，千島醬汁多啲每到個包腍左少少✨牛肉漢堡好厚身，重牛味肥瘦均勻，$128有咁嘅份量同質素真心唔錯✨番薯條即叫即炸，唔油膩，香脆可口，番薯味香甜算軟綿🥢明太子蟹肉虎蝦意粉 💰128✨廚師以忌廉、油整成醬汁基底，加入明太子煮成，餸有兩大隻虎蝦，新鮮彈牙，外殼硬身，有啲蝦膏可以撈埋意粉一齊食🫣✨採用

呢隱身工商廈內嘅和洋風餐廳幾得意，有遊戲機丶飛標玩，好適合三五知己一齊嚟chill見到呢個promotion，$128任Sapporo生啤，仲有一碟佐酒枝豆，放工後happy hour就最啱，下次再嚟試。A4黑和牛壽喜燒 $148轉套餐 +$35A4黑毛和牛，油脂分布平均，肉質柔軟，雞蛋另上，鍋內配料有蟹柳丶香菇丶皇帝莱丶白蘿白丶紅蘿白丶豆腐丶娃娃菜丶芋絲丶金菇，份量算好足經典和牛芝士漢堡配番薯條 $128和牛漢堡外，煙肉丶羽衣甘藍丶蕃茄，洋蔥加BBQ Sauce，和牛漢堡仲有少少脆邊，足料惹味，番薯條多到食唔哂柚子雪葩梳打 +$20雪葩清香柚子味，1/3杯係柚子蜜，所以略嫌偏甜咗啲

朋友帶咗我嚟九龍灣呢間Hidden和洋食屋.店如其名，唔講真係唔知環球工商大廈裏面竟然有間咁特別嘅食店😊店舖貼咗好多日式舊poster,滿滿嘅舊式嘅東洋風。除咗食，餐廳仲有好多娛樂設施🤭board game, 擲鏢機和大大部街機😍真係老少咸宜，好適合一班朋友嚟嘅gathering.趁住呢幾日涼返，忍唔住叫咗兩個壽喜燒火鍋🍲加$35仲可以有蜆肉麵豉湯+1份沙律同飲品😌壽喜燒份量十足，有好多材料： 蟹柳，芋絲，豆腐和各樣蔬菜，營養夠晒均衡😙火٩(๑˃̶͈̀ ᗨ ˂̶͈́)۶ 💗 A5和牛壽喜燒💰148和牛份量唔算多，但夠晒大片，雪花分佈都算平均。٩(๑˃̶͈̀ ᗨ ˂̶͈́)۶ 💗北海道千歲豚肉鍋💰108豚肉味濃，沾上生雞蛋🥚有滑嘟嘟口感，個人比較喜歡豚肉餐廳近排仲有個promotion 6-10pm買枝豆💰128 送免費生啤任飲,鍾意飲返杯嘅朋友仔可以一試😌

環境：一入到門口有驚喜，裝修甚有一種日式復古昭和年代裝修，牆壁掛滿懷舊海報，非常打卡。餐桌採木系色，增添溫暖感。.特點：夜晚主要食DINNER SET,$168包前菜、串燒、主食、飲品。同朋友order 咗2個share 食✨.//前菜：胡麻冷蕃茄、田固沙律伴抽子醋//兩者食材新鮮，酸甜開胃、非常清新,//串燒：鹿兒島豬腩肉、日本鹽麴雞腿//豬腩肉入口係彈牙質感，口感幾得意。雞腿經鹽麴醃製，燒完入口都非常滑嫩,//主食：香煎三文魚茶漬飯、•炭烤原條鰻魚蛋包飯//茶漬飯散發清香味道，珍珠米飽滿非常吸汁，配搭油潤三文魚好開胃。而鰻魚蛋包飯係打卡之選，原條鰻魚非常大條，有近10cm 長度，蛋皮散發金黃光澤，入口滑嫩。.//飲品：雪糕红豆冰、鲜菠蘿熱情果梳打//兩杯都係解暑之作。红豆冰上雪糕係紅豆雪糕，非常搭配紅豆冰味道，鲜菠蘿熱情果梳打酸甜甜甜，底下有粒粒有咬口嘅熱情果果肉。

九龍灣除咗幾大商場，都醒唔起有咩好行，但作為工商區，有唔少餐廳神隱當中其中呢間懷舊和風日西cafe，係約人閒聊玩boardgame渡過假期嘅好去處現場有射飛鏢同好多款boardgame玩，地方又闊落有嘢玩之餘，食物質素都好正當中呢個鰻魚蛋包飯，原條巨型伏喺蛋飯山之上，切開係紅飯底，好味又滿足除咗飯，仲有啲西餐選擇，漢堡包都相當唔錯，有厚度有料到，漢堡牛香十足配料醬料都入味，蕃薯條又長又甜雪葩梳打呢個組合，仲要係柚子味，簡直係好夢幻。柚子雪葩採用日本用料，清新香甜，加上梳打嘅刺激，係會飲上癮菠蘿熱情果梳打沖到好似mocktail，一大嚿菠蘿喺上面，打卡值up，攪勻杯梳打飲一啖，再咬一啖菠蘿，梳乎人生

📍Hidden 和洋食屋 (九龍灣)九龍灣常悅道20號環球工商大廈8樓4號舖。。放工緊係要食好西！今次黎到九龍灣，唔想係商場食嘢，就去商業區附近搵食，去到德福大廈附近見到依間餐廳嘅廣告，就諗住上去試吓！依間餐廳真係好有和洋食屋感覺！牆上貼咗好多和風海報非常適合三五知己聚會，座位舒適，而且餐廳更提供boardgame俾大家玩！員工服務態度都非常好！💜🔸炭烤原條鰻魚蛋包飯 $128如果你係鰻魚fans,你一定要試下呢個蛋包飯！因為真係非常大條‼️聽講呢條鰻魚有差唔多10吋長！蛋包飯最重要就係啲蛋要夠滑！依間餐廳做得非常好！而且飯入邊加咗少少茄汁，啱晒我口味！🔸香煎三文魚茶漬飯 $88依個飯真係健康之選！三文魚煎得剛剛好！非常香口！茶漬味道又夠濃！好食！🔸玉子燒 $42熱辣辣嘅玉子燒真係好好食！欣賞個玉子唔會overcook! 🔸日本鹽麴雞腿 $22串燒雞腿肉非常滑！🔸雪糕紅豆冰（日本雪糕使用）$38紅豆冰甜度適中唔會過甜，配上雪糕雙重享受！🔸巨峰乳酸梳打 $20非常解渴的一杯飲品!正！總括嚟講呢間餐廳真係好適合再encore！

今晚男朋友嚟接收工，公司同事介紹附近有間cafe 幾好味，於是我哋就去試吓~喺門口已經feel到好日本，入到去裝修都有啲似居酒屋感覺，仲有好多broadgame同電子飛鏢靶提供，好適合同一大班朋友一齊嚟聚會。我哋叫咗兩個餐，一個壽喜燒、一個燒肉餐廳係用A4黑毛和牛做主打我哋兩個都係牛魔王😂所以全都叫牛壽喜燒鍋材料都幾足！入面有豆腐、蟹柳、芋絲、冬菇、金菇，仲有主角黑毛和牛🤤入口即溶好有牛肉味，老實講有一刻都幾想加$98多120g食😂不過因為要減肥，都係忍下口好了男友就食燒肉，揀咗厚切A4黑毛和牛肩胛肉眼🤤上枱見到啲油花都已經流晒口水，完全兩個口感嚟！一樣係入口即化但多咗份油脂味道，真心不錯！而且價錢咁親民就食到，下次可以帶朋友仔再嚟玩同食都係好地方~不過順帶一提，餐廳有個支豆promotion就係叫$128嘅支豆就免費送啤酒🍻由18:00-22:00任飲但由於我哋第二日要返工，所以無用到呢個優惠~~

🎏【極推】🎐小店位於九龍灣工廈內，但其實好近九龍灣地鐵站（大渣哥十字路口斜對面就到），交通方便🚉裝潢非常懷舊日式風格🎎有各種board game♟街機🕹飛鏢機🎯集文青打卡📸樓上cafe☕餐廳🍽居酒屋🍶酒吧🍻於一身💲1️⃣2️⃣8️⃣🍺4️⃣個鐘🕓任飲北海道SAPPORO生啤🍻（係咪黐咗線😱）仲包埋大大兜吱吱枝豆🌱店家絕對歡迎你慢慢嗒慢慢嘆☺🐂$148 A4黑毛和牛壽喜燒火鍋♨️有4大片雪花靚牛🥩脂肪分佈超靚仔❄加$35配麵豉蜆湯🥣沙律🥗珍珠飯無限添🍚同餐飲🍵真係抵到爛🤑🦀$128 明太子蟹肉虎蝦意粉🦐兩隻大虎蝦走過油，卜卜脆，連殼食都得🍝意粉彈牙🐟明太子超足料，鹹香惹味🤵🏻‍♀️小店人手唔多，但服務親切有善

平時多數去觀塘工廈搵食，今日試下去九龍灣，呢度環境闊落唔會太嘈啱晒同朋友黎傾計， 仲可以掟鏢同埋有部街機免費任玩😛✨北海道千歲豚肉鍋：最愛嘅壽喜燒湯底,入面有豆腐，冬菇，紅蘿蔔，白蘿蔔，金菇，芋絲同埋蔬菜，仲有佢條蟹棒係勁長.✨轉$35套餐其實都幾抵, 有個蜆肉麵豉湯,入面有幾粒蜆肉，食落有鮮味仲有d 菇。另外有和風柚子醋沙律，白飯可以任添，最開心係有久違嘅玻璃樽裝可樂飲。✨豚肉望落靚仔，食落有油香。✨ 跟餐加$28叫咗個芝麻雞翼,個雞翼炸到外脆內軟，仲配咗個辣辣地嘅沙律醬幾好味。✨明太子蟹肉虎蝦意粉：明太子真係勁多，入面仲有洋蔥，車厘茄同埋菇, 個汁都幾惹味，意粉又有咬口，虎蝦大隻肉質爽彈。✨如果鍾意飲啤酒嘅朋友,而家買枝豆仲送任飲啤，啱晒邊吹水邊慢慢玩

我哋今晚去咗九龍灣嘅「Hidden和洋食屋」食晚餐，呢間餐廳充滿和風佈置，環境舒適，氣氛又好，而且好多board games 玩🥳❤️ 加上服務一流👍🏻 非常親切友善，真係好啱一班朋友或家人去食飯聚會㗎！👌我哋叫咗好幾樣嘢，其中最出色嘅一樣就係「香煎三文魚茶漬飯」，三文魚煎得啱啱好，肉質鮮嫩，茶漬味道又香又濃，真係一份好有營養嘅飯！🍚另一樣係「北海道千歲豚肉鍋」，豚肉肉質嫩滑，湯底濃郁，加上啲蔬菜同埋豆腐，真係好暖胃！加咗$35轉套餐，仲有啲小菜同埋飲品，好實惠！🍲 加配的炸餃子都好好味，餡料夠肉汁，皮又酥脆，啖啖都好過癮！🥟 我地再加蔬菜籃，非常新鮮，好健康又好味！🥦最後嘅柚子雪芭梳打，雪芭充滿柚子味道，唔太甜，配上啲柚子梳打水，好清爽又好味！🍹總括嚟講，呢間「Hidden和洋食屋」真係好好味，環境氣氛又好，而且價錢亦都好實惠，下次一定會再去食！🤤

估不到午餐都要等位,但原來好有驚喜,日式吉列豬扒蛋包飯鮮果冰茶,炒飯低亦份量好多炒得極好的飯粒有淡淡的番茄香氣，蛋亦滑溜溜，確是無得輸的組合真的每口都很滿足，給我一個飽腹的午餐

餐廳位處九龍灣工業區一棟商業大廈入面，裝修東洋風十足，場內仲有兩部遊戲機俾顧客玩，重拾童真。今次我地叫左兩款主菜，分別係壽喜燒燒肉（A4 黑毛過牛壽喜燒)，另外加左38蚊轉套餐，有味噌蜆湯，和風柚子沙律，珍珠飯同玄米茶，另外一道係炭燒原條鰻魚蛋包飯。壽喜燒套餐用料上乘，A4和牛份量頗多，入口即溶，其脂肪紋理細緻，肉質細嫩，口感柔軟多汁。而鍋內蔬菜種類繁多，色彩相當鮮豔。味噌蜆湯清甜，蜆隻相當多。沙律新鮮可口。而鰻魚飯賣相相當美觀，喺坊間完全無咁大條嘅鰻魚，認真物超所值!最後加上杯雪糕紅豆冰，為呢次覓食之旅劃上一個完美句號。