HASH CAFE (已結業)

行過嘅時候，我俾呢間餐廳吸引住，所以入左去食飯。佢有兩個好似鳥籠裝飾嘅枱，好靚。西冷伴時蔬，西冷幾大塊，煎到五成嘅效果，我一切開仲係粉紅色嘅。牛排都算稔嘅，不過就幾多筋，仲有成塊扒嘅邊邊就係一整塊肥筋，呢度扣左少少分，不過整體黎講都幾好嘅。跟餐加左個胡麻醬沙律，唔錯，幾新鮮。海鹽芝士芒果，芝士唔夠多，可以再多啲，不過芝士味都重。只係芒果汁嘅味有啲假。

之前成日都見到呢間餐廳門面都幾靚，諗住食佢好耐，今次就專誠去試一試佢。咁我就點左前菜係薯蓉焗田螺，估唔到佢薯蓉既份量超多，又有好香既牛油味，真係淨係食呢個都會飽😂主食就點左牛扒配雜菜，5成熟既牛扒都ok但略嫌有根。配菜既薯仔就幾好食。最後點左一杯華田朱古力沙冰，岩哂我朱古力控

如果你地趕時間就唔好食呢間搞到我上次反工遲大到提醒你地唔好搵黑色恤衫男侍應落單幾次都落漏單等成半個鐘以上食物係抵食，$50左右食到個午餐但服務同食物質素一樣好唔掂

下午茶時間2：30叫左個蛋卡邦尼扁意粉黎到唔係扁意粉都算碟野除左鹹味就無其他味係鹹到食左一半已經頂唔順入邊d蒜又勁生另一個叫左西班牙焗飯menu寫話要等20分鐘我地足足等左8個字先黎！途中催左一次味就正正常常不過都無下次

一個星期幾日都過黎食早餐我鐘意呢到早餐好抵又好食👍🏻不過有樣野唔好就係反映好多次冷氣開得好大真係好凍🥶向個黑色恤衫矮啲長頭髮女職員反映只係膚顯既回應，無改善😖其實係咪想趕客？？？唔俾客人坐咁耐？

終於搵到一間日日去食都唔厭😍早餐個薯餅正都痺😋員工態度非常好笑容又夠，好欣賞佢地咁多人點餐，又要上餐又要執枱，都仲咁好態度同笑容，地方環境又靚又寬又乾淨，坐耐d又唔會趕客，值得推介👍👍

呢間野服務態度極差！侍應黑口黑面咁幫客人落單，距離張枱至少30厘米dum低張單(同裝單既軟套，所以個下聲量唔細)比我地。當日大概八成滿座，大部分侍應企埋一齊大聲談笑，過程中甚至夾雜粗口。仲會挨住我隔離張空櫈，無人想係你patpat隔離食野啊！另外，我都幾難接受飲食業員工留長指甲，當日幫手落單個位「靚女」仲gel埋甲，長髮亦無整齊束起。門面都咁唔注重個人衛生同形象，廚房就更加唔洗諗啦！上菜時間極慢，等左25分鐘先有，過程中向一位職員詢問過但佢一去無回頭。最後終於上菜，但啲野食都係不冷不熱既，可以推測係門面員工掛住玩樂唔記得上菜。上菜既時候態度一樣差，唔會擺係我地面前，放低就轉身同其他同事傾計！最後我未食完，並無放出去，就係我下巴位置，侍應問都無問就想收走我個碟，真係幾好笑。有句講句，下午茶價格適中，食物味道尚算正常，單講食性價比係唔錯既。然而瑜不掩瑕！絕對唔會再食，都唔會向任何一個朋友推薦。嬲到我特登驗證account嚟留個差評！！

我去過三次呢間野食早餐，第一次落錯單，想食多士又冇嚟，追問之下原來根本冇幫我+多士炒蛋，同埋等候時間太耐，超過15分鐘⋯⋯我建議如果趕住返工就唔好喺呢度食，第二次去，正正常常，佢哋啲螺絲粉好好食，同埋係幾抵食，D食物全部打孖上，我嗌左豬柳煎蛋通心粉，兩隻雞蛋兩塊豬柳，早餐來講係好抵食不過又係等左好耐，第三次去，入到去完全冇人理我，我喺餐廳入面兜咗一個圈搵位，依然係冇人理我，我好似空氣咁，把鬼火走左

我同朋友去食早餐！甘岩位置上冷氣機滴水。同員工講冷氣機滴水。員工沒有安排其他位置。我和朋友一起離開，點知行出門口員工就話我哋混吉嘅。同經理投訴，經理態度敷衍，我哋同經理講要求員工同我地道歉，經理感覺上不必要。我哋覺得你要鬧我地，可以等我哋離開之後行遠啲樓我哋的話。就話姐！

探完朋友個BB， 又係搵食既時候，梗係要搵坐得舒服，又適合一家大地既地方，見到呢度地方夠闊落，啱晒。好，坐底睇下有咩好食先。煙三文魚凱撒沙律，有四塊三文魚，沙律菜好靚仔，新鮮爽脆。芝士手打肉丸，食落有粒粒口感。滑蛋蒲燒鰻魚飯，一整條鰻魚舖係面，好抵食。採用新鮮湖北靚雞蛋，色澤金黃，食落好滑，挺身又蛋味濃，正！精選澳洲肉眼扒伴薯菜，肉眼扒夠份量，薯條粗身好好味。海鹽芝芝芒果，芝士奶蓋甜甜咸咸，芒果冰冰唔會酸好清涼。宇治抹茶鮮奶，抹茶味夠香濃，唔錯！

美國西冷牛扒伴烤蝦蘆筍$148西冷牛扒整出嚟係符合我哋預期中嘅七成熟，牛扒厚度適中，肉質鮮嫩。不過我個人更喜歡配角烤蝦，蝦肉新鮮彈牙，如果有多一隻更好。香炸薯條配黑松露醬$48薯條份量比想像中多，我地兩個人都食唔晒。我好似係第一次食薯條配黑松露醬？估唔到無遺和感之餘仲覺得幾夾。軟殼蟹配黑松露野菌扁意粉$108軟殼蟹雖然唔算好大隻但係都有唔少蟹膏!!而且炸得好鬆脆，又唔油膩。黑椒蜜糖雞翼本來想食無骨芝心蘑菇雞中翼，但係店員話已經賣晒，所以就推介左呢個黑椒蜜糖雞翼俾我哋。呢個黑椒蜜糖雞翼都好好食，雞皮炸得脆口，蜜糖味比黑椒味重，甜甜地，好啱我胃口。海鮮湯$35海鮮湯裏面有蝦，蜆，青口，and 帶子，都算幾足料，$35對得住街坊。我見餐廳Menu選擇都有好多，價錢定位方面都比到我一種平有平食貴有貴食嘅感覺，平平哋都可以食到靚靚嘅西餐

行過見到好似幾好點知中大㐲極度難食從來未食過咁難食嘅牛扒極度懷疑廚師係唔識煮我要七成熟，但佢煮成極度well done未食過牛扒係咁韌，係切唔開架！隻蝦d肉係梅嘅牛扒上碟嘅時候係凍嘅三文魚同menu圖文不符完全冇檸檬味調味極鹹薯蓉係超級市場最平個種，用粉開出嚟嘅餐湯係非常之稀連最普通嘅咖啡都可以咁難飲未飲過咁難飲嘅咖啡我未食曬已經決定俾錢走人永遠唔會再食！！！亦都一定唔會介紹俾朋友懷疑啲好既食評係假

一聽依個名以為又係賣珍珠奶茶果啲嘢，但原來依間仲有西餐食，一於同老公試下，本來淨係想食扒，但見到仲有好多野揀，有小食，pasta，risotto 就忍唔住樣樣都點啲試下小食叫左香烤甜薯條，真心好味，香港唔係好多地方有得賣，見到一定要叫個食，甜甜地，食完一條又一條仲有煙三文魚沙律，好大份咁兩人食主菜有澳洲肉眼扒配薯條仲有香烤墨西哥單骨雞翼，牛油忌廉野菌意大利飯，無諗過係咁好食，唔會好膩，好creamy, 香，又多菇，雞翼好辣，辣得過癮，推介。仲有飲杯朱古力，今晚就圓滿，老公就叫左杯海鹽芝芝莓果，都好好飲，正。

這種格局, 這種裝橫的西餐廳, 一般係地產商的私人商場才會出現, 現在領展商場也有.........被餐廳外表, 食物的價錢所吸引, 等了十分鐘, 便可入內吃晚餐期間限定的STARWBERRY特飲, 跟外賣珍珠奶茶店價錢差不多晚餐價錢有平有貴, 任君選擇, 適合我這些銀筋時鬆時緊的人除了晚餐, 散叫價錢也跟晚餐差不多所以我地決定散叫, 大網紙蝦春卷, 米紙卷住隻蝦去炸, 外脆內軟, 真棒!香芒燒雞黑醋沙律, 不用沙律醬, 反而用黑醋, 口感清新, 沒有沙律醬那種膩感覺, 且配上香甜的芒果肉, 感覺更加健康燒牛肉,野菌白汁意大利飯, 很喜歡食黏黏地濕濕地的飯, 如栥飯, 糯米飯......當然意大利飯也是這塊牛肉應該是牛柳, 都好腍, 至於意大利飯, 雖然沒有正宗意大利餐廳整得那麼好食, 但呢個價錢, 已算不錯醒胃的STARWBERRY特飲, 不愛太甜的我, 甜度剛好, 有點似洛神花茶的味道, 相當解喝!

不過天水圍的朋友有福了，以後如想在區內吃個靚下午茶，可以到T Town剛開業的Hash Cafe。這裡英文叫「Hash」，中文名為「井茶」，因為餐廳都有頗多台式茶飲選擇，喜歡奶蓋的朋友可以買外賣。有鳥籠在內，好一個打卡點，坐係入面食野真係別有一番風味。凱撒沙拉$48是我最愛的沙拉。它的三元素應是：凱撒醬、蘿蔓與麵包丁，而且，不說你絕對不知道，這道沙拉就算不加燻雞，它也是一道葷料理，不是素沙拉唷！其中的門道就在那吃起來又鹹又有點微辛辣的－凱撒醬！香芒燒雞黑醋沙拉$68 將沙律雜菜鋪上碟，然後排上芒果，再將已調勻的黑醋蜜糖汁淋上，一道美味的沙律就誕生了！燒雞juicy!香辣蘑菇蝦球扁意粉$88蝦球爽口！意粉軟硬適中，蘑菇用上白汁煮過都非常入味。單骨雞翼野菌意大利飯$78雞翼拆左骨，食時方便。飯粒煙韌，蘑菇香入曬飯粒中。雞翼好香口。花茶養生又養顏，女仕大愛。