HASH CAFE (已結業)

近肺炎太可怕，尤其武漢解封後😨都幾乎外賣回家吃今天吃的是HASH cafe井茶的歐陸早餐☀️最值得一讚的是凍啡☕️，咖啡味挺濃的，冰度足但不會太多冰😋👍🏻一款吉列魚柳🐟另一款是雞扒🐓魚柳切開有點散開，配的沙律醬是普通沒酸瓜那種🤷🏻‍♀️至少雞扒有炸過，但略嫌乾身其餘統一都是搭廚師腸➕火腿片➕茄汁豆➕炒滑蛋➕牛油多士滑蛋是不錯的，但可惜調味不夠至於多士就頗為不高興，跟其他食物放在一起，結果不脆了😐

係T-town行完街覺得肚餓, 經過見到井茶，一於入去試下啦！好，坐低睇下有咩食先！炸雞髀伴沙律，雞髀外皮炸得香脆，肉汁豐富，食完好滿足。漢堡扒、炒滑蛋、鮮牛油厚多士，北海道牛乳炒蛋炒得唔錯，夠滑。照燒原條鰻魚拼雞扒，呢個鐵板餐，簡直係重量級，鰻魚係原條上，雞扒大大塊，配埋意粉都咪話唔飽。香草羊架拼牛柳，平時食牛柳最驚韌，但呢度煎得幾好，完全唔會韌。羊架都幾嫩，食落會有微微嘅羊騷味，唔錯！鐵板餐仲有餐湯同飲品。海鹽芝芝芒芒，好大杯，芝士奶蓋鹹鹹地，芒果沙冰飲落好冰涼，爽呀！忌廉華田朱古力，面頭有厚厚嘅忌廉，飲落口軟綿綿，果然忌廉同朱古力係絕配。

好耐冇嚟過呢度食嘢啦，已經係第三次黎hash Cafe了黎親都係食佢嘅漢堡餐，因為我覺得好好食，又平又好味好抵食，係我哋天水圍區內一間性價比高嘅cafe個餐湯我唔知係乜嘢湯黎，望落去正正常常咁，心諗應該味道好普通，但點知有驚喜，飲落去味道又唔錯喎，平時去餐廳飲啲餐湯我多數都係飲一半就唔飲架啦，但係依碗湯我最後全部飲晒，而且碗湯望落去真係好靚，又超大碗，啱晒我哋女仔影相，打卡影相呃like一流哈哈哈跟餐有得配嘢飲，我叫咗熱華田，好香濃嘅朱古力味，飲完湯再飲熱華田真係飽咗一半啦哈哈至於個雞扒漢堡就當然冇令我失望啦，一如以往地好味，水準依然有keep住清新嘅柚子汁配上啱啱煎出嚟好香口嘅雞扒真係好夾呀！而且個滑蛋煎得好靚，蛋汁流落去雞扒度，真係令我食指大動。個漢堡包亦都好香口好脆卜卜，勁多芝麻粒好爽呀，因為我好鍾意食芝麻雞扒煎得啱啱好，夠火喉，好厚好大塊，唔會話太燶太硬，肉質鮮嫩，唯一美中不足嘅就係可能醃得唔夠味，淡左少少，如果再濃味返少少會好啲。薯條就中規中矩，不過好大條而且份量好多有排食呀，啱啱炸出嚟勁脆卜卜夠晒香口，哈哈好熱氣嘅感覺～成個漢堡夾埋佢啲生菜&蕃茄，配上雞扒仲有酸酸甜甜嘅柚子

過往不少人說#Hash,不好了吧！午餐試過，的確十分難食。牛腩凍上，咖啡難飲。。。都算...叫坐得舒服。以前下午茶都算有heart，即叫即整，雞扒大塊，魚柳爽脆，所以都會叫人去支持下，當比機會獨立食店。點知唔知幾時轉左餐牌，完全同茶記無異，咪好聲氣地，比返意見，問會唔會考慮轉返之前餐牌點知長金髮呀姐竟然黑面走比意見你地，都係想你地可以做耐d，已經得三幾枱客而家無心做就早執早著 留返比有心搞食店既人吧！

以為好好味 點知lunch set 超級難食食材差 hea爆 唔好幫襯咖哩牛腩 咖哩未好淡 牛腩好un白汁芝士意粉 啲海鮮勁差 意粉好膩芝士一舊舊 焦糖咖啡都好伏 仲要係加錢特飲真係唔好幫襯

岩岩用$71買左個「黑松露意大利飯」（之前幫襯過，係正常好味嘅）點知返到屋企，打開有1/4個飯用沙律菜遮住撥開下面嘅飯係白色好似煮好唔夠份量夾硬加落去咁因為趕時間，唔理撈埋食冇味嘅！越諗越嬲打電話落去叫佢換過盒俾埋落台階佢：問佢係咪廚師去左休息？聽電話個女職員好好話換俾我仲話差唔多拎得打電話叫我落去拎點知轉頭有個「姓關」嘅聲稱係「嗰個時候」嘅in charge佢第一句問：個飯有咩問題我：冇味囉，仲有啲菜遮住嘅部分係白飯（因為已經撈左所以冇相）佢：盒飯係佢喺廚房拎出嚟，睇唔到有白飯我：啲菜遮住你都睇到？佢：我就見唔到有白飯態度勁串，一直用質疑我嘅態度！話佢要了解！了解用呢啲態度架咩？我已經同你個女職員交代左！請問盒飯我買！我打開！我食！咩人會比我更清楚個飯嘅狀況？最後我問佢係咪唔想換！佢話：我咪處理緊囉然後我唔使佢換，話要直接投訴佢！問極佢姓乜叫乜名死唔肯講！我話你間鋪有幾大？有幾多個員工？以為唔講姓乜就捉唔到你？佢先死死氣講姓關！正垃圾！但我搵唔到佢總公司電話有冇朋友可以幫下？我一定要投訴到佢老闆知為止！因為佢態度真係唔配可以做in cahrge！

今日黎到呢間西餐，見佢裝修幾特別所以入黎食。叫左澳洲西冷扒配牛油新薯時蔬，日式燒汁鯖魚伴時蔬珍珠米，甜薯條加芝心雞翼同埋芝士蘑菇雞肉夾餅。餐湯叫左蘑菇湯，飲品叫左檸檬蜜糖同凍奶茶。蘑菇湯有粒粒蘑菇，同時有香濃的蘑菇味，不會太水，是濃湯，美味👍鯖魚不錯，不會太燶，d鯖魚汁似鰻魚汁，所以我問佢再拎汁，鯖魚同汁撈飯食，真係好香口。牛扒叫咗七成熟味道濃郁仲好juicy ,。甜薯條脆口，甜得來夠香。芝心雞翼，中間冇骨， 仲有好香嘅芝士味，我第一次食咁嘅雞翼👍。至於個夾餅，入面有拉絲芝士同雞肉，味道香口，皮也很薄，所以芝士味能夠突出👍。小食真係不錯，同想講埋，啲侍應會問客人夠唔夠茄汁，服務不錯。

剛剛午餐點了 煎雞胸黑松露野菌意大利飯， 煎雞胸一般， 但是那個黑松露野菌意大利飯為什麼要用洋蔥煮， 仲要係將啲洋蔥切碎連埋啲飯一齊 ，每一口都在食洋蔥意大利飯， 完全食唔到黑松露嘅香菇味， 應該係畀啲洋蔥味蓋過了， 好難食呀

今日屋企人想食西餐，又唔想出咁遠，近近地喺頌富商場搵食，見到井茶都係$100到已經食到牛扒set ，當然要入去試吓啦！先來一個軟殼蟹沙律，新鮮沙律菜，配上炸得鬆脆嘅軟殼蟹，再加少許柚子醬，十分開胃！蜜糖雞翼配炸甜薯，炸得香脆，餐前小食一流！肉眼扒配薯菜，七成熟剛剛好，肉味香濃，薯條熱辣辣炸起，吃過不停，以呢個價錢算很不錯了！咖喱羊架飲配流心蛋白飯用上珍珠米，羊架羊膻味十足，外脆內嫩，愛吃羊的必試！海鹽芝芝芒芒和芒果沙冰，芒果味十足，芝士奶蓋亦很滑，不比飲品專賣店差！人均消費都是百多元算很不錯吧！

小弟住天水圍，天水圍除左連鎖餐廳外，感覺上比較少高質素小店。今日竟然意外地發現了一間質素很好的西式餐廳-井茶 Hash Cafe今次我同媽媽兩人，點了兩個主菜，一份沙拉和一份小依。沙拉是軟殻蟹柚子沙拉$68，柚子很新鮮，蟹原隻奉上。小食是小食拼盤$78，由德國香腸，薯條，春卷和炸雞翼組成，份量足夠，味道也好。主菜分別是五成熟的肉眼扒和西班牙沙鮮燴飯！不得不說，肉的肉質好好，不會說像吃膠那樣；至於海鮮繪飯，完全沒有令人失望。最後我們更點了兩杯飲料。整體而言，吃那麼多東西，價錢也不太昂貴，值得一試！

平時好少落街食早餐，今日得閒坐低同呀媽慢慢食，就去左好耐無食過既呢間西餐廳。選擇都幾多，價錢正常。我叫既雞扒早餐，雞扒勁大塊～煎得又香，醬汁量適中，比我想像中好好多。英式腸正常發揮，叫做比一般腸仔好食～不過煙肉怪怪地，唔係平時見開個種。佢係有煙肉味，但唔係煙肉既口感，有啲唔知點咁。呀媽叫既魚柳，都幾厚肉，似新鮮炸起，雜菌炒蛋入面都有幾多菇類，都幾足料，蛋正常發揮。熱奶茶都係正常發揮。總括黎講，佢重新裝修過，座位多左。價錢其實都係比大家樂貴少少，但係份量同質素都比較好，都幾抵食。

去咗食個晚餐 雖然餐單睇落去好吸引不過沙律啲菜唔夠新鮮沙律醬還好不過都係唔好食例湯也是一般般 罐頭粟米湯完全唔夠凍　　叫咗田螺焗薯西班牙焗飯 焗薯蓉太多水，完全唔好食飯啲飯好硬。海鮮有沙焗飯完全冇味仲衰過大家樂一哥焗豬扒飯 晚餐嘅配菜西蘭花全部都係凍魚唔夠新鮮 連最基本嘅凍檸茶都好難飲完全係苦破壞左食晚餐嘅氣氛hi 真係好失望雖然外觀幾好但食落去真係麻麻裝修唔錯俾佢呃左入嚟服務有啲差係咁催人走希望有所改善🤨🤨🤨🤨🤨

再來到井茶食晚餐 發現菜單有點不同多了菜式店員推介滑蛋鰻魚飯紹看著相片賣相不錯🤤🤤再點多幾款食物吧 與家人來一個豐富的晚餐~·煙三文魚凱撒沙律 HKD$58·蜜糖雞翼 HKD$38·滑蛋鰻魚飯 HKD$88·咖哩羊架配流心蛋 HKD$138·草莓雪糕多士 HKD$28·海鹽朱古力 HKD$17(跟餐價)食物素質依舊不變也是不錯 滑蛋鰻魚飯這個錯合挻好蛋做到很滑身伴飯一流 還有原條鰻魚配著性價比不錯咖哩羊架第一次食 咖哩有點辣挻香 羊架很多肉汁🤤🤤飯後再來多份靜靜喜歡的甜品食 食到很滿足呢haha🥰

井茶是在天水圍的一間，亦是唯一一間我會重複去食的餐廳。原因很簡單，因為他的質素媲美外區的西餐廳。第一次去的原因是因為他的裝潢，這裏的裝潢非常特別，餐廳的中心有一個像鳥籠，我坐在裏面進餐感覺非常特別。煙三文魚凱撒沙律$58沙律的話，我一定會選擇煙三文魚凱撒沙律，原因是因為我非常喜歡煙三文魚，這裏的煙三文魚也超出一般的水平。香濃的芝士再配上煙三文魚，永遠也是最佳的配搭。這個沙律的份量非常多，兩個人也吃不完。燒汁肉眼扒蘆筍珍珠飯$148肉眼扒非常鮮嫩，切開的時候還有絲絲的粉紅色，入口化開。調味也相當不錯燒汁配上肉眼扒，就是最佳的主菜配搭。厚切的肉眼扒，燒起上來，內裏的肉質還非常鮮嫩。蘆筍珍珠飯也配搭得宜，珍珠飯粒粒分明，蘆筍鮮甜美味。肉眼扒薯菜$148肉眼扒配薯菜是西餐的特別指定菜式，基本上吃西餐的人也會點上一個。肉眼扒仍舊是份量非常之大，肉質也非常鮮嫩，薯菜香脆，點上燒汁別有一番風味。牛油香蒜薯蓉焗蘑菇$42薯蓉焗蘑菇本身已經是一個絕配，再加上面頭濃厚的芝士，香氣四溢，令人垂涎欲滴。香草雪糕咖啡45這個非常特別，在冰凍的雪糕上淋上熱騰騰的咖啡，雪糕頓時溶化，咖啡和雪糕的苦與甜互相搭配，出來

再一次來到這家店食東西 這次去食個下午茶去到的時候人流不多 我們選擇了卡位坐比較舒服看到有優惠茶餐所以點一個吧 然後點多一個食品·粒粒金磚西多士配自家製芒果醬 HKD$28 ·蜜汁叉燒濃湯意粉餐 HKD$36 ·烤榛子朱古力 HKD$16(跟餐價)·凍阿華田 HKD$3(跟餐價)西多士的賣相比我上一次食的時候不同 差了一點不過製作需時也等了一陣子 味道沒什麼分別🤔而意粉的湯就沒有味道 濃湯原來是清湯來的🙄🙄飲品味道就中規中矩 朱古力飲品也有心型拉花❤