HASH CAFE (已結業)

見到靚靚裝修，即刻諗住入去打吓卡，點知店員態度極其惡劣，明明入邊有位，都要客人喺出邊等，而入到去點餐，店員態度極不耐煩，好似我打擾到佢咁，食物質素一般，但整體感覺系無下次

今次用餐係外賣自取，但係扒餐全部都有問題order左個羊扒伴牛柳，直接俾漏左件羊扒，件牛柳order5成熟變左全熟，我明白外賣盒焗住拎番屋企會影響成數，最多都係熟多兩成變7成熟，但係都未至於變做全熟咁離譜屋企人另外叫左份三成熟嘅牛柳，拎到番屋企又係全熟，血水都無，完全唔見任何粉紅色，真係好失望之後番鋪頭補番件羊扒，雖然店員已經補多杯飲品以示歉意，但係到左鋪頭之後再檢查番張補單，又係無放杯飲品入去。要自己親自再問先識得補番杯飲品。等杯飲品果時又有問題出現。明明一杯熱可立克沖嘅時間唔洗兩分鐘，我就企係門口等左十分鐘先至有，真係嬲到識笑扒餐個汁又錯，張單明明都寫黑椒汁，就又又又俾錯做洋蔥汁。一個扒餐錯汁，錯成數，俾漏嘢食，補救嘅時候都仲要錯，錯完仲要再等十分鐘先有杯補救嘅飲品。非常差嘅用餐體驗，可以錯嘅方式，一張單完全體驗哂，如果唔係最低都要俾1分，真係一分都唔x想俾

羊架好食，但係牛柳熟到燶左差啲切唔入。食過幾次實測所有牛羊叫五成熟會出全熟或者燒焦既比你。所以佢地問你就除便講個數就得唔妳當真。睇黎廚房人工幾低下。接受到全熟羊架既呢間呢間值得試一次，但牛絕對唔可以試。唔好預侍應佢地有服務，尤其係旺場個時會同你起槓。但係旺場完左個時就會好好服務。推薦八點後入座。重有平均四十分鐘起貨，趕時間唔好黎。黎左自求多褔。如果想訓練EQ既人呢到會幫到你。。。。。。。。。。。。

見得4枱客就入去下午茶，叫左個焗菠菜魚柳飯經理同我講要等半個鐘好啦轉左雞脾粒粒西多餐經理同我講呢啲快啲，後尾有兩枱客入嚟同樣叫焗飯都係講半個鐘都正常，有時間咪等囉，雞脾西多我都足足等8個字，我問經理個餐未到杯熱咖啡都凍晒，佢話呢啲係耐啲，已經好嬲你甘同我講算啦至多無下次，點知後面枱客又係吹個飯未到，個經理話焗野係耐啦你要唔要而家有你要唔？個客已經話你唔好比啲生同唔熱既我，點知個經理即刻拎左個焗飯出嚟，個客食左一啖同經理講面就熱啲飯凍既，個經理又問甘你要唔要？個客已經話你叮又好焗又好整熱佢算啦！其實你餐廳食物質素一般連基本服務態度都無好難有下次幫襯！

叫外賣，員工態度極為惡劣，交收時因看不清手機 number，揚言要將我手機掉走。信相是把我當成只送外賣，但已可見員工之不友善。相比澳牛也可能更有禮貌。永不光顧。

星期六屋企冇煮飯，就20:02:28落左單打算外賣自取，張單話20:25可以提取，我都知未必可以咁準時拎到，所以20:30先去到，到左之後就問樓面個人得未，佢話仲爭個公司三文治，見佢態度都ok就算啦。到我20:40再問，佢都係話仲爭個公司三文治，我就走去出餐個位再問，點知個人同我講：唔係淨係做外賣，我地仲要做堂食。但問題係得幾枱堂食，我都係幾樣野食，我就叫佢睇下我幾點幾分落單，而家已經20:43，突然有個廚房既人行去門口，仲要拉低口罩，好大聲咁話：整好就會比你嫁啦催催催！最後我要20:48先拎到啲野食，足足46分鐘，究竟係foodpanada出20:25呢個時間既錯，定係呢間餐廳高估左出餐既能力？拉低哂個口罩整野食，呢個情況我係咪應該要搵食環檢查下佢既環境呢？出餐慢仲鬧客人，堂食又唔見你46分鐘先出餐比客？

睇裝修算靚以為係間正常 Cafe估唔到仲差過茶餐廳。明明一直有位都等咗十分鐘先入得侍應無禮貌唔應人，望都唔望環境污糟，餐具仲有漬嗌咗個好普通嘅公仔麵餐係難食到食唔晒連杯檸茶都好難飲

因為個仔話想試 所以中午去到 見到其他人都係自己攞飛 咁我咪照襟飛囉 點知等咗一陣 見到D人沖入去自己攞位 我即刻問D員工 個員工話 有好多位 自己入去就得 講明 呢條友就係睇住我哋幾個人襟飛嘅好員工 睇住我哋搵位 都唔理 嬲啊再入到去 叫咗3個餐 個個都好難食 我碟雞飯仲要全部係雞骨 我問D員工 我話小朋友食 係咪俾D肉好D 佢話 有好多雞翼啊 都啱 雞翼尖都係雞翼嘅一種 我強烈投訴呢間垃圾

叫左餐，等左半個鐘都未到仲要叫服務員黎先有人同我催餐隔離枱嘅餐都到咗我依台得個飲品到咗嗰個酸辣雞髀米線完全無酸辣味同食清湯一樣仲有嗰服務員攞飲品黎嘅時候嗰手歪嘅，嗰飲品滴到周圍都係

餐廳位於天水圍，鄰近鐵路站，還算方便快捷，這間餐廳是一間茶餐廳，當然主打的食物也就是港式食品，我們選了迷你蕃茄通粉，當然還有其他小食。配搭雞髀，點選了西多士和雞翼。我們向餐廳希望那個小碗子來分享食物，但這個小碗子絕對令我萬分驚心，全因為我十分擔心這一家餐廳的情況，充滿暖意的小碗子到了我手，一打開居然還剩下一手的蕃茄湯，真是不得了。味道方面，雞髀和雞翼炸得不錯，香脆可口，但比較乾身，肉汁欠奉，西多士方面，份量也不錯。

一直看到你在旁邊，完全不理你。很禮貌地詢問餐點需時多久，完全擺出一款不想理會你的感覺，回答你 眼尾也不看一眼。很垃圾！已經第二次來這裡，以為態度可能會好啲，完全沒有改變。

裝修得幾靚,而且仲另外間左個吧枱仔專做珍珠奶茶等等既特色飲品,但其實餐廳既食物同茶記冇咩分別,都係一般客飯同常餐,如果想食D特別既食物,就唔建議黎呢度,而我覺得呢間餐廳最大既優點,就係近我!!!

經常漏單，雞扒又唔熟，啲午餐肉咸到嘔，意粉又唔好食，啲職員仲要極級串嘴，追單就喺隔離串你話廚房好忙，正一垃圾。以前唔係咁，自從換咗新老闆之後就變成垃圾餐廳。以後都唔去

order左頌富Hash Cafe外賣雞扒腸仔飯做晚餐，黎到一開個盒見到d飯即刻嚇親..d飯爛到似糊咁，真好野，咁樣既飯都可以照上盒，好難想像咁到可以出到街俾客人..個廚房係咪有d過份仲有奶茶唔夠熱..都算了非常失望，唔會有下次。事後打番去同餐廳反映，店員只係講唔好意思..唉..冇乜期望，只係希望唔會有其他人中伏。真係未試過d白飯既質地會可以會係咁，好誇張，估唔到今時今日餐廳既質素會下降到一個咁既地步..

好耐冇飲喜茶，心血來潮想買杯，諗住幫襯試下，點知中計。杯芝士芒果好難飲，完全無芒果肉，剩係用粉沖，芝士奶蓋味道好怪，價錢同人地用真芒果肉調製的一樣都要$38，唔會再幫襯