HASH CAFE (已結業)

今日黎到呢間西餐，見佢裝修幾特別所以入黎食。叫左澳洲西冷扒配牛油新薯時蔬，日式燒汁鯖魚伴時蔬珍珠米，甜薯條加芝心雞翼同埋芝士蘑菇雞肉夾餅。餐湯叫左蘑菇湯，飲品叫左檸檬蜜糖同凍奶茶。蘑菇湯有粒粒蘑菇，同時有香濃的蘑菇味，不會太水，是濃湯，美味👍鯖魚不錯，不會太燶，d鯖魚汁似鰻魚汁，所以我問佢再拎汁，鯖魚同汁撈飯食，真係好香口。牛扒叫咗七成熟味道濃郁仲好juicy ,。甜薯條脆口，甜得來夠香。芝心雞翼，中間冇骨， 仲有好香嘅芝士味，我第一次食咁嘅雞翼👍。至於個夾餅，入面有拉絲芝士同雞肉，味道香口，皮也很薄，所以芝士味能夠突出👍。小食真係不錯，同想講埋，啲侍應會問客人夠唔夠茄汁，服務不錯。